الحمام ونتو بكرامه ايسرب على الحمام الثاني وعلمت له صيانه !!

[حمد 2002]

السلام عليكم ورحمه الله وبركاته

كان عندي حمام فوق ايسرب ماي على الحمام الي تحت ، وعلمت له صيانه وغيرت بيبات المجاري وعملت عازل لاكن رجعت مشكله التسريب من يومين !! على تبليط الحمام :anger1: ،،،،

هل انادي شركه جديده اتجوف المشكله غير العامل الي سوالي هالشيء كله مع العلم بأنه خذ علي 4500 ريال قطري ،، مع العلم بان مابيني وبينه اوراق لانه عامل من برع (( مدينه خليفه ))

شالحل من وجهه نظركم ؟!!! مع العلم بأن الفله جديده

[MAZEN37]

يمكن من البيبات الي بالطوفه

[حمد 2002]

يمكن من البيبات الي بالطوفه

يعطيك العافيه اخوي مازن ، بس هل اقدر اكنسل البيبات الي في الحمام الفوقي الي بالطوفه والبيبات الي تحت بدون ماكسر ؟ واخليهم طالعين ؟

[العولقي]

السلام عليكم اخوي حمد 2002
>< كان المفروض انك تبدأ في بيبات الماي وتخليهم تمديد خارجي في الاول ><
عموما تقدر تبداء فيها الحين ولاكن للتأكيد جرب عدم استخدام الحمام وانت والقارئين بكرامه لمدة يومين فأن خف التهريب فأعتقد أن المشكله مازالت في المجاري ملاحظة هامه خل البرشر شغال في البيت كامل اثناء الفحص.
وعندك التمديد الخارجي تقدر تخليه كروم بيطلع شكله مقبول >< ونصيحه اذا كان هناك بانيو في الحمام فألغائه هو افضل حل لان مشاكله واااجد ؟؟؟,,,

وسلامتك*

[حمد 2002]

السلام عليكم اخوي حمد 2002
>< كان المفروض انك تبدأ في بيبات الماي وتخليهم تمديد خارجي في الاول ><
عموما تقدر تبداء فيها الحين ولاكن للتأكيد جرب عدم استخدام الحمام وانت والقارئين بكرامه لمدة يومين فأن خف التهريب فأعتقد أن المشكله مازالت في المجاري ملاحظة هامه خل البرشر شغال في البيت كامل اثناء الفحص.
وعندك التمديد الخارجي تقدر تخليه كروم بيطلع شكله مقبول >< ونصيحه اذا كان هناك بانيو في الحمام فألغائه هو افضل حل لان مشاكله واااجد ؟؟؟,,,

وسلامتك*

مشكور على النصيحه اخوي ، وهاي شكلي الي بسويه بناءا على نصيحتك ، بس اخوي الغاء البانيو صعب والله

تحياتي لك

[بن غيث]

الاول تحدد مكان التسريب .. وتحدد المشكلة وبعدين تعالجها
شوف لك شركة محترفة في مجال التمديدات .. لانك راح تتعب عقب من نفس المشكلة

[حمد 2002]

الاول تحدد مكان التسريب .. وتحدد المشكلة وبعدين تعالجها
شوف لك شركة محترفة في مجال التمديدات .. لانك راح تتعب عقب من نفس المشكلة

المشكله اغلب الشركات اول مايجونك ايقولون مشكله بالواتر ابروف وعلى طول تكسير :rolleyes2: ،،،
طيب حولك شركه شاطره في مجال التمديدات لكي اتعاقد معاها ، وهل لي حق بأن اخذ المبلغ الي دفعته للفيتري الاولي 4500 مع العلم بأن مابيني وبينه اوراق

تحياتي لك

[بن غيث]

أقدر أرسلك فني يحدد المشكلة فقط مجاناً .. ويفهمك شتسوي ..

أختيار الشركة عليك .. وطالب بضمان على شغلهم ..

[زمان]

بن غيث لاهنت ارسل لي رقم الفني

نفس المشكلة عندي في البيت

[حمد 2002]

يعطيك العافيه اخووي ماقصرت ، وافي أنتظار الرقم ولا تهون

[naklan]

يعطيك العافيه اخوي مازن ، بس هل اقدر اكنسل البيبات الي في الحمام الفوقي الي بالطوفه والبيبات الي تحت بدون ماكسر ؟ واخليهم طالعين ؟


اخوي حمد 2002 تقدر تعمل تمديد ثاني وتكنسل الي بالطوفه
بس هل انت متاكد من ان الي في الطوفه فيهم تسريب ؟؟؟؟ لذالك الاصح انك تجيب
بايب فيتر فاهم يفتح البايب الي واصل للحمام من الخارج ويركب ساعة برشر للكشف
ويضغط الحمام على 7 بار لمدة 3 ايام وبيبين اذا نزل الضغط في بيبات الحمام فمعناته
فيه تسريب واذا ماتغير الضغط معناتها الامور طيبة في البيبات وما تحتاج تغيرها
وتكون المشكلة في بيبات المجاري اوالعازل

المشكلة اخي الكريم
لابد في الباية من التاكد واختبار العازل بتعبئته ماي وتركه لمدة 5 ايام
وبعدها تتركب بيبات المجاري الداخلية وبالصمغ الامريكي قيمة العلبة 18 ريال تقريباً
بعظ لهنود يلزق لك المجاري بصمغ رخيص اصلا ليس لبيبات المجاري قيمته 5 ريالات
مخصص للزق بيبات الكهرباء وبعد ما يروح ترجع تفتح جميع الشغل وتعيد التركيب لذالك
يجب الانتباه لكل شي وصرف الحمام يجب ان يعمل من شركة متخصصه وتعطي ضمان
وليس شخص من الي يقعدون عند بيبان المحلات بدون خبرة ويمكن
يكون اصلا ليس بايب ر :(


تحياتي واتمنى تنحل المشكلة وباقل الاضرار :)

[البحار00]

البانيو ذيه أكبر مصيبه

كانت عندي نفس مشكلتك في بيتي الي انا ساكنه حاليا

وبعد ما فتحت فتحه صغيرة تحت البانيو اكتشفت بركه ماي تحت البانيو

بدلت وغيرت الحمام كامل وكنسلت شئ اسمه بانيو والأمور الحين تمام

[معماري قطري]

الله يعينك يا اخوي

المشكلة البيت جديد، وعندك البايبات تكون في الحايط ولو فيه تسريب منها بينزل قرب الحائط أو حوله وبيبين على الحائط السفلي، وهذي مؤكد يكشفها فحص البرشر اللي قالوا عنه الإخوان، وأفضل حل لها عمل بايبات خارجية وتكنسيل القديمة اللي في الحائط.

وبما إنه فيه تسريب معناها إن أرضية الحمام المعزولة والمتوقع إن العازل ما فيه مشكلة، تشبعت بالماي وصار يفيض من الجوانب، وإذا الماي نظيف فلا مجال للشك بأن الماي من بايبات التوريد، لكن لو فحص الضغط كان أوكي الماي بيكون ماي صرف صحي وممكن ينزل من تحت البانيو من خلال فتحة الصرف أو من وصلات بايبات الصرف .. أو يمكن من موقع بالوعة الصرف في أرضية الحمام، لأن بعضهم يسوي فتحات بمعدات مب مخصصة وتكون الفتحة كبيرة لبايب تصريف مياه التكييف مثلاً وهذي لو سربت ماي وزاد الماي عن ارتفاع العازل فمن الطبيعي بيطلع من الأطراف وبيتسرب تحت.

لو الضغط كان أوكي في البايبات ما لك الا تبدل البلاط وتشوف حد يرتب بايبات الصرف كاملة تحت ويعرف وين المشكلة قبل ويراويك اياها بعدين يحلها حل صح، ويسوي الإختبارات اللازمة وبعدها يرجع يركب كل شيء.

المشكلة انت ساكن وما تبي عمال يدخلون البيت وأذية وتكسير، ولهذي خلهم يسون درج خشب خارجي وتوسيع الدريشة للدخول والخروج .. والله يعينك تحصل ناس فيهم خير ويسوون الشغل صح قبل الصيف والحر.

[ولي العهد]

من وجهة نظري الأفضل يكون تركيب البانيو بعد تركيب البلاط ويادار مادخلك شر

[محاسب]

شاهدة مشكلة تسريب توهت راعيها:::
والأخير ,,,,طلع السبب من فتحت البانيو الأولى (الي تركب عليها السداده )ماكانت موصله القطعه بلبايب عدل .