المجلس الاعلى للاتصالات والنسب الجديده للتقييم والبونس

[20 دي]

السلام عليكم ورحمه الله وبركاته

بدخل في الموضوع على طول لاني احس بالقهر المجلس الاعلى للاتصالات يتفنن في تعذيب الموظف القطري وخصوصا ان احنا قله في هيئه كلها اجانب للي ما يعرف وضعنا احنا تابعين لقانون الموارد البشريه لكن جهتنا تلزمنا بدوام 8 ساعات في اليوم بعمل اضافي يعتمد على الاساسي في حالتي قريب الالفين طبعا الموضوع ابدا ما يستاهل هالزياده لان دوامي يبدا من 7 لين 3 واذا تاخرت نص ساعه لازم اعوضها المهم اكمل المده المطلوبه نخلي هذا على جنب نجي للتقييم اللي كل سنه ننقهر فيه هالسنه قررو يحددون نسبه للممتاز والجيد جدا عشان البونس وخل اصدمكم شوي 10 % للامتياز و 20% جيد جدا هم اللي ياخذون بونس محترم الامتياز دبل الاساسي والجيد جدا اساسي وربع يعني احنا نتبع قانون الموارد البشريه وقانون النسب للتقيم تكنسل حد ممكن يفسر لي التلاعب اللي يصير عشان يظلمونا طبعا هالقرار طلع عشان اشخاص معينه تستفيد من البونس اللي الحين صاير ان انت ممكن تستحق ممتاز او جيد جدا وفي ورقه التقييم تاخذها لكن تاخذ بونس جيد عشان في ناس تستاهل بونس ممتاز فلازم يكونون من 10 ٪ وانت لا واظن تعرفون من اللي كل سنه يستحقها هذا غير ان الموظف مسؤوله المباشر يعطيه تقييم ممتاز او جيد جدا وبقدره قادر مدير الاداره يغيره بكيفه لان بس مب عاجبه يعني احنا ما نشوف ويهك الا مرتين في السنه على اي اساس تغير تقييمي والبلا الموارد البشريه توافق على تقييمه بدون ما يرجعون للموظف ويبلغونه عشان يرفض التقييم او يرفع تظلم ما اعرف لين متى بنتم في هالعذاب وللاسف اغلب القطريين ساكتين او يطلعون لان الراتب ما يستاهل هالدوام الطويل طبعا هذا مب كل شي لكن حبيت افضفض شوي ويمكن ويمكن حد يبتدي يدقق باللي يصير عندنا واسمحو لي على الاطاله

[محمد سعيد]

خبراء قانون الموارد البشرية يفيدونج بأذن الله


وتواصلي مع الامانة العامة عشان تعرفين طريقة التقييم والضوابط المتبعه والحوافز

بالتوفيق

[20 دي]

خبراء قانون الموارد البشرية يفيدونج بأذن الله


وتواصلي مع الامانة العامة عشان تعرفين طريقة التقييم والضوابط المتبعه والحوافز

بالتوفيق

انا واحد اخوي .. واشكرك على الرد وهذا اللي بيصير اذا ما تغير الوضع قبل نهايه اربعه

[الكاسر99]

السلام عليكم ورحمة الله وبركاته

الصراحة الله يعينك أخوي على المجلس الأعلى للاتصالات أنا كنت أشتغل معاهم لمدة

أربع سنين والحمد لله ثم الحمد لله أن الله يسر لي وطلعت من عندهم اللهم لك الحمد

تابعين لقانون الموارد البشرية بالأسم فقط

التقيم عندهم حسب المزاج

الله يرحم الأيام اللي مضت كنت أحضر للدوام الساعه 7 وما أتأخر وماعندي غياب

والوظيفه اللي أشغلها أنا الوحيد اللي كنت ماسكها يعني مافي بديل ومافي أي تأخير في أنجاز المعاملات والطلبات يعني تعطيني

الطلب اليوم أخلصك في نفس الوقت واليوم

والله على ما أقول شهيد وكنت احب وظيفتي بس الظلم القهر كرهني في المكان حتى كنت من كثر الظلم


اكلم نفسي اقول ليش يصير كذا


تخيل من الساعد 7 الى الساعه 3 قاعد على الكرسي حتى افطر على الكرسي في المكتب

واذا رحت الحمام الله يعزكم والله أن الموظفين يتصلون فيني يقولون لي تعال في مراجع ينتظرك

وعلى كل هذا تاخذ في التقييم 3 قهر وظلم وغيرك ما يداوم ياخذ نفس تقييمك يعني ساووك أنت


واللي يتأخر وكله غيابات بنفس التقييم ( قهر أو لا .........؟؟؟ )

ولين جيت أطلع من عندهم المفروض على حسب قانون الموارد البشرية يجوز

للموظف القطري الأنتقال من وظيفته الحالية إلى جهه حكومية أخرى بنفس الدرجة ونفس

المميزات قالوا لي لا ما يصير تنقل لازم تقدم أستقالتك قلت لهم أحنا على قانون الموارد

البشرية ولازم يتطبق القانون , وكتبت الموضوع في موقع الأسهم القطرية ورد علي أحد ألاخون

جزاه الله كل خير وجاب لي نص الماده وعلمت لها نسخ و لصق في أيميل

المدير اللي رفض الأنتقال وأنتقلت الحمد لله من غير أستقاله

طبعاً في المجلس الأعلى للاتصالات ما يعطونك تقيم ممتاز الا اذا كنت شخص خارق فوق العادة

ويكون تفكيرك تفكير عبقري لا يوجد في الدنيا ( يعني الممتاز لا تحلم فيه لو نمت في مكتبك )

الصراحة أخوي الله يعينك على اللي أنت فيه

ولازم تراجع الأمانه العامه وما تسكت عن حقك

تحصل كل مدير على مكتبة كتاب ( قانون الموارد البشرية ) للزينة فقط

ما يدري وش مكتوب فيه

بس أخوي للأمانه في مدير طلع من عندهم جعل ربي يوفقه وين ماراح والنعم فيه يفتح

لك الكتاب ويطلع لك نص القانون ويعطي كل ذي حق حقه

ومثل ما قلت مافي قطرين كثير قله قليله وأنت في بلادك ماتشوف قطرين ألا قليل

والقليل كل يوم يطلع واحد منهم


الحمد الله ان الله وفقني وطلعت من عندهم يارب لك الحمد

[الكاسر99]

اخوي راجع الأمانه العامه اذا ما عطوك حقك وماراح يقصرون معاك


والله أخوي كانت تمر علي ايام من كثر القهر والظلم كان ودي أبكي

لو ما أشتغل كان عادي عندي لكن تشتغل ويظلمونك


اهني تحس بالقهر

[Gmail]

:nop:

[رهج السنابك]

اتوقع " حرمة " هي الرأس الاعلى لهالمكان من جذي معتفس :)

[نسايم قطر]

صراحة قمة القهر انا من الموظفين الي وقع عليهم الظلم في المجلس التقييم والنسب الي حطوها المجلس راعو فيها الاجانب على حساب القطرين دون وضع في الاعتبار العلاوه الدوريه الي تنزل للموظف القطري وفرصته في الترقيه والحصول على فرصه افضل مع العلم بان نسبة القطريين ماتوصل اكثر من 20% من العدد الكلي للموظفي
وتم وضع النسب لان البجت كان لايكفي لتوزيعه على الموطفين فختارو النسب لان الاجنبي ماراح يستفيد من التقييم غير المكافئه الي بتنصرف له فتم تفضيل الاجنبي على مستقبل القطري وكل مسؤل ايقول والله هذا قرار من الاداره العليا للمجلس واحنا علينا التنفيذ يعني كل واحد يمارس القمع والاحباط عشان مايزعل الاداره العليا
وكل مانشتكي ونقول بنستقيل عشان الظلم وعدم الاعتراف والتقدير للمجهود الي نكرف فيه طول السنه عشان ايكون المجلس باحسن صوره ايكون الرد اذا بتستقيل عشان التقييم استقيل بس علمنا متى عشان انجيب موظف غيرك يعني ماعندهم اي مشكله بس اهم شي اينفذون الاوامر بدون اي ضمير ومراعاة للمناصب الي بيتحاسبون عليها عند رب العالمين
واذا بغيت تمشي على حسب القانون وتكتب تظلم للاسف مافي لجنة تظلم يعني الي بيرد على كتابك هو الي ظالمك واذا تناقشت في الموضوع مره ثانيه بتكون بلاك لست يعني وين انروح ؟
حتى نموذح التقييم غير عن كل الهيئات والمؤسسات الحكوميه الثانيه وللاسف الي حاطينه اجانب يعني 3 انت سويت الي عليك و5 سويت شي خارق زين شنو الشي الخارق الي سووه ابي افهم بس.؟!
انا ابي افهم بس ليش ما يطبقون القانون صح ولا على ناس وناس لازم اتنافق وتمثل وتقدم الطاعه والولاء عشان تحصل الي تبيه وهذا الي واضح ونشوفه في المجلس لكن بتمشي سيده وبتشتغل وبشكل قانوني انت متمرد وتبي مشاكل او انك تبي تاخذ مكان مديرك خاصه اذا كان مش قطري وبيحاربك بكل الوسايل لين ايطفشك زين شنو الحل؟
الامانه العامه الغت النسب من زمان اتطبق علينا ليش؟ مانبي مكافئات ماليه خل يعطونها الاجانب بس لايظلمونا ويضيعون مستقبلنا عشان ناس جايه فتره وبتروح ترى احنااااا اعيال قطر واحنا الي بنتم وبننفع بلدنا
وشغلنا بيكون من حبنا حق الارض الي عشنا وتربينا وحملنا اسمها مش الاجانب
مافيه الانرفع كتاب للامانه العامه لمجلس الوزراء الموقر بنصفنا وياخذ حقنا

تقبلوو تحياتي وأسفي على الي يصير لنا
حسبي الله ونعم الوكيل

[الكاسر99]

صراحة قمة القهر انا من الموظفين الي وقع عليهم الظلم في المجلس التقييم والنسب الي حطوها المجلس راعو فيها الاجانب على حساب القطرين دون وضع في الاعتبار العلاوه الدوريه الي تنزل للموظف القطري وفرصته في الترقيه والحصول على فرصه افضل مع العلم بان نسبة القطريين ماتوصل اكثر من 20% من العدد الكلي للموظفي
وتم وضع النسب لان البجت كان لايكفي لتوزيعه على الموطفين فختارو النسب لان الاجنبي ماراح يستفيد من التقييم غير المكافئه الي بتنصرف له فتم تفضيل الاجنبي على مستقبل القطري وكل مسؤل ايقول والله هذا قرار من الاداره العليا للمجلس واحنا علينا التنفيذ يعني كل واحد يمارس القمع والاحباط عشان مايزعل الاداره العليا
وكل مانشتكي ونقول بنستقيل عشان الظلم وعدم الاعتراف والتقدير للمجهود الي نكرف فيه طول السنه عشان ايكون المجلس باحسن صوره ايكون الرد اذا بتستقيل عشان التقييم استقيل بس علمنا متى عشان انجيب موظف غيرك يعني ماعندهم اي مشكله بس اهم شي اينفذون الاوامر بدون اي ضمير ومراعاة للمناصب الي بيتحاسبون عليها عند رب العالمين
واذا بغيت تمشي على حسب القانون وتكتب تظلم للاسف مافي لجنة تظلم يعني الي بيرد على كتابك هو الي ظالمك واذا تناقشت في الموضوع مره ثانيه بتكون بلاك لست يعني وين انروح ؟
حتى نموذح التقييم غير عن كل الهيئات والمؤسسات الحكوميه الثانيه وللاسف الي حاطينه اجانب يعني 3 انت سويت الي عليك و5 سويت شي خارق زين شنو الشي الخارق الي سووه ابي افهم بس.؟!
انا ابي افهم بس ليش ما يطبقون القانون صح ولا على ناس وناس لازم اتنافق وتمثل وتقدم الطاعه والولاء عشان تحصل الي تبيه وهذا الي واضح ونشوفه في المجلس لكن بتمشي سيده وبتشتغل وبشكل قانوني انت متمرد وتبي مشاكل او انك تبي تاخذ مكان مديرك خاصه اذا كان مش قطري وبيحاربك بكل الوسايل لين ايطفشك زين شنو الحل؟
الامانه العامه الغت النسب من زمان اتطبق علينا ليش؟ مانبي مكافئات ماليه خل يعطونها الاجانب بس لايظلمونا ويضيعون مستقبلنا عشان ناس جايه فتره وبتروح ترى احنااااا اعيال قطر واحنا الي بنتم وبننفع بلدنا
وشغلنا بيكون من حبنا حق الارض الي عشنا وتربينا وحملنا اسمها مش الاجانب
مافيه الانرفع كتاب للامانه العامه لمجلس الوزراء الموقر بنصفنا وياخذ حقنا

تقبلوو تحياتي وأسفي على الي يصير لنا
حسبي الله ونعم الوكيل



السلام عليكم ورحمة الله وبركاته


أخوي الغالي نسايم قطر

الساكت عن الحق شيطان أخرس

السموحه في الكلمه

اذا تشوف نفسك صاحب حق لا تسكت

أطلب مقابلت الدكتوره حصه الجابر أعتقد ما ترفض تقابل أحد وقول لها اللي في خاطرك

وما يقص الارقبه الا اللي ركبها جل في علاه

الا إله إلا الله

اخوي أنا كنت في المجلس الأعلى للأتصالات أول سنة حددت النسب من الامانه العامه وأنظلمنا في التقييم وفي أخر السنة الأمانه العامه ألغت النسب في كل الوزارات واعادوا التقاييم عشان الموظفين ما ينظلمون

الا المجلس الأعلى للاتصالات ماعادوا التقييم وخلوه على القديم

وأذكر انا وواحد من ربعي ما رضينا بالتقيم وقلنا بنقدم أحتجاج وقالت لنا مديرة شؤون الموظفين قدموا الأحتجاج وبنسوي لكم

أجتماع مع المدير اللي قيمكم وبنستفسر منه

أقول لك وش صار والله ولا أفتكروا فينا ولا اعملوا لا أجتماع ولا شي مشو التقييم القديم غصب عنا

أنا أنصحك أخوي أنك تقابل الدكتوره حصه الجابر ولو تعرف أكثر من شخص قطري تجتمعون وترحون للدكتوه ك

وتشرحون لها الوضع واذا ما أنحلت مشكلتكم تروحون الامانه العامه

[نسايم قطر]

أخوي الكاسر تتوقع ما رحت ؟ رحت حق كل المسؤلين واحد واحد وقلت لهم حرام التعب الي تعبته احصل عليه هذا التقييم (جيد) محد نفعني وكلهم عندهم نفس الكلمه كأنهم حافضينها عن ظهر قلب (والله احنا انشوف التقيم فير ) يعني انه عادل من وجهة نظرهم ووصلت حق الدكتوره حصه وشرحت لها! ! تدري شنو صار عقبها ؟ كل الكلام الي قلته مسؤلي قاله لي وقال لاتحاول مافي شي راح يتغير
حسبي الله ونعم الوكيل
أخر طريق لي الامانه العامه والله سبحانه بينصف المظلوم اذا لي حق باخذه ان شاء الله

[الكاسر99]

أخوي الكاسر تتوقع ما رحت ؟ رحت حق كل المسؤلين واحد واحد وقلت لهم حرام التعب الي تعبته احصل عليه هذا التقييم (جيد) محد نفعني وكلهم عندهم نفس الكلمه كأنهم حافضينها عن ظهر قلب (والله احنا انشوف التقيم فير ) يعني انه عادل من وجهة نظرهم ووصلت حق الدكتوره حصه وشرحت لها! ! تدري شنو صار عقبها ؟ كل الكلام الي قلته مسؤلي قاله لي وقال لاتحاول مافي شي راح يتغير
حسبي الله ونعم الوكيل
أخر طريق لي الامانه العامه والله سبحانه بينصف المظلوم اذا لي حق باخذه ان شاء الله

أخوي الله يساعدك الصراحه أنا بالذات حاس فيك

ومثل ما قلت أخوي روح للأمانه العامه وقول لهم أن قانون الموارد البشرية غير

مطبق في المجلس الأعلى للاتصالات مع أنهم من ضمن الوزارات الحكومية الخاضعه

للقانون

وبأذن الله راح تاخذ حقك

[ابوحشر]

أخوي الله يساعدك الصراحه أنا بالذات حاس فيك

ومثل ما قلت أخوي روح للأمانه العامه وقول لهم أن قانون الموارد البشرية غير

مطبق في المجلس الأعلى للاتصالات مع أنهم من ضمن الوزارات الحكومية الخاضعه

للقانون

وبأذن الله راح تاخذ حقك

وانت ع بالك الامانه ماتعرف !!!!!!

[نسايم قطر]

ما أعتقد ان الأمانه اتعرف بالموضوع وتسكت عن الي يصير من ظلم الامين العام عيسى النعيمي ما شاء الله عليه مانسمع عنه الا كل خير وماراح ايقصر ان شاء الله ما صار في هالمكان ألا وهو كفو وقد الامانه
الله ايوفق وياخذ الحق من كل ظالم ان شاء الله

[بوخالد911]

بكل جهة فيه ناس مظلومة

وناس تاخذ حقها وزيادة

والله يعيينا بس

[التيما]

طيب هذا إحنا في المجلس العله للتعليم !!! ونتبع الموارد البشرية !!! ورغم كذا في التقييم نتقيم من خمسين بند في ثلاث أوراق .. ناقشناهم ان إحنا عالموارد البشرية !! قالوا مايخصنا بنقيمكم على هالبنود !!! والسبب ؟؟ عشان ما يعطون الناس امتياز !!! خمسين بند ويقعدون لك عالوحدة بند بند !!! خلها على ربك بس

[نسايم قطر]

حسبي الله ونعم الوكيل