اوريدو وشبكه ال g4 والايفون 5

[الدوحه 2006]

السلام عليكم ورحمه الله وبركاته


ياجماعه الخير ابي اسال الحين خدمه g4 من اوريدو راح تشتغل على الايفون 5 ؟؟

ياليت الي يعرف يساعدني

[M.K.H]

اذا ماخذ تلفونك من الدوحه او لندن بيشتغل
اذا من امريكا لا

[monatee]

مابيشتغل 4 g لو ماخذه من المريخ

وحده من الثنتين ،،، يا كيوتل تغير تردداتها واتخليها مثل الناس

او ابل تنزل تحديث تخلي ترددات كيوتل تشتغل ،، عشان سواد عيونا

[monatee]

للتأكد :

ترددات الايفون والدول الي شغال عليها :

http://www.apple.com/iphone/LTE/


ترددات كيوتل :


ما هي الترددات التي سيتم استخدامها في شبكة 4G؟
ستوفر Ooredoo خدمة 4G على النطاقات الترددية 800 و2.600 ميغاهرتز

إذا اشتريت جهاز 4G من خارج قطر، هل سيعمل عبر شبكة 4G LTE؟

خلال المرحلة التجريبية، ستعمل الأجهزة وشرائح SIM التي توزعها Ooredoo عبر شبكة 4G في قطر.

ولن يتمكن أي جهاز يعمل بتقنية LTE لدى عملائنا من استخدام شبكة LTE، وذلك لكي لا تؤثر على خدمة المرحلة التجريبية.

وفي المستقبل، عند إطلاق شبكة 4G LTE كخدمة عامة، يمكن للأجهزة التي تدعم ترددات شبكة Ooredoo (800 و 2.600 ميغاهرتز) من العمل ضمن الشبكة.

ويجب أن يدرك العملاء بأن أجهزة 4G التي لا تدعم الترددات 800 و 2600 ميغاهرتز والتي تباع حالياً في قطر لن تعمل ضمن شبكة 4G LTE من Ooredoo (على سبيل المثال أي باد 3 وغيره من الأجهزة).



http://www.ooredoo.qa/ar/DP_4G_LTE_FAQS_EN

[fhd4]

مافي أي أيفون إلى الآن ينباع في أي مكان في العالم يشتغل على ترددات الـ 4g في قطر ..

وللعلم اللي اختار الترددات هو المجلس الأعلى للاتصالات وليس اوريدوو او فودافون ..

[ضوى]

سؤال

شنهي الفايدة من تشغيل الثري جي او الفور جي في الهواتف الذكية ؟؟؟


اقصد شنهي الاستفادة من توفر هالميزيتن في هالتلفونات ؟

[Aaziz]

سؤال

شنهي الفايدة من تشغيل الثري جي او الفور جي في الهواتف الذكية ؟؟؟


اقصد شنهي الاستفادة من توفر هالميزيتن في هالتلفونات ؟

سرعة الانتر نت في الجوال
انا عندي 4g اذا ادخل موقع لقياس سرعه النت يعطيني سرعه اعلى من سرعه انتر نت برق في البيوت في قطر مع اني مش شابك جهازي على انت نت البيت ،، بس على شبكه الجوال .
و طبعا النتر نت اذا سريع في الجوال هذا يعني اشياء كثيره .
و كيوتل فيها مشكلتين فيما يخص انتر نت الجوال .. سرعه بطيئة + سعر مبالغ فيه .
و اتوقع شبكه 4g فيها تحسينات اخرى غير سرعه النت مثل وضوح الصوت او قوه الارسال .

[ضوى]

سرعة الانتر نت في الجوال
انا عندي 4g اذا ادخل موقع لقياس سرعه النت يعطيني سرعه اعلى من سرعه انتر نت برق في البيوت في قطر مع اني مش شابك جهازي على انت نت البيت ،، بس على شبكه الجوال .
و طبعا النتر نت اذا سريع في الجوال هذا يعني اشياء كثيره .
و كيوتل فيها مشكلتين فيما يخص انتر نت الجوال .. سرعه بطيئة + سعر مبالغ فيه .
و اتوقع شبكه 4g فيها تحسينات اخرى غير سرعه النت مثل وضوح الصوت او قوه الارسال .

شكرا اخوي عزيز

هل يعني هذا اذا شغلت الانترنت الجوال من غير الثري جي بيكون التصفح ابطأ من الثري جي ؟؟

لانه احيانا يعطيني انه شابك عالثري جي ومرات على e ماعرف شسالفة وفي الحالتين استخدم بس الواتس اب من انترنت الجوال ماستخدمه لتصفح اي صفحات الا لضررورة قصوى

[Aaziz]

شكرا اخوي عزيز

هل يعني هذا اذا شغلت الانترنت الجوال من غير الثري جي بيكون التصفح ابطأ من الثري جي ؟؟

لانه احيانا يعطيني انه شابك عالثري جي ومرات على e ماعرف شسالفة وفي الحالتين استخدم بس الواتس اب من انترنت الجوال ماستخدمه لتصفح اي صفحات الا لضررورة قصوى

صحيح e هي ابطاء من 3g و 4g هي الاسرع فيهم .

الوتس اب قراءة و ارسال كلام ماراح يفرق شابكه على ايش ،، اما مثلا لو حد طرش فلم او صوره هنا بتفرق سرعه تحميل الصوره اذا كنتي شابكه على 3g راح يكون التحميل اسرع .
اذا كان الجهاز ايفون الواحد يحرص انه يسكر البرامج المفتوحه لان بعضها يكون شابك على النت و واحنا ماندري .
تضغط الدويره مرتين (زر الهوم) و راح تبين تحت البرامج المفتوحه ،، اضغطي على اي واحد منهم لين يهتزون و عقب سكريهم

[ضوى]

شكرا اخوي الصغير

[Aaziz]

شكرا اخوي الصغير

ههههههههههه عفوا :nice:

[تلفزيون قطر]

يعطيكم العافية على المعلومات المفيدة ..




فالكم التوفيق




تلفزيون قطر

[قطرية برستيج]

الصراحه معاناه مع ال3g ارسال بطيء وتصفح ابطئ،،



يعطيك العافيه اخوي،،

[monatee]

الصراحه معاناه مع ال3g ارسال بطيء وتصفح ابطئ،،



يعطيك العافيه اخوي،،

ال 3g بشكل عام سريع مش بطيئ ،، المشكلة عندنا تغطيه الشبكة ضعيفه لاغلب المناطق

فرق السما والارض بين تصفح ال 3g عندنا وفي اوروبا ،،

وشغله ثانيه بعد انا ملاحظه ان اجهزه ابل بطيئه في التصفح والتحميل مقابل اجهزه السامسونج جالكسي ،، اتصفح المنتدى بالايفون و بجالكسي نوت وبنفس المكان سواء بشبكة الجوال او الوايرلس ،، دايما الجالكسي اسرع

و الايباد والايبود ينطبق عليهم نفس الكلام ،،

[عبد الحميد]

انا من واقع تجربتي في خدمة ال 3 جي من اوريدو، بصراحة الخدمة ممتازة جدا في الاماكن اللي اكون متواجد فيها (البيت او العمل)
وفعلا مثل ما قال monatee ال 3 جي اسرع من الوايرلس بكثير حتى مع وجود الفايبر...
اما ال3 جي من فودافون فهو سئ جدا...

اما بالنسبة لخدمة ال 4 جي من اوريدو...للاسف اطلاق فاشل للخدمة بكل معنى الكلمة، كعادتهم يستخدمون كلمات رنانة في اعلاناتهم لكن لما نجي للواقع، يكون صدمة...
ايش فايدة ال 4 جي اذا هم بس مسوينها لجماعة البرودباند اللامحدود...كم نسبة عدد سكان قطر اللي يستخدمون البرودباند؟!!!
اذا فعلا المجلس الاعلى للاتصالات هم اللي حطوا الترددات اللي ما تنفع لاي جهاز من اجهزة ابل (ايفون، ايباد...) فهذا كله عشان فودافون اللي حسب ما سمعت انهم قاعدين يجهزوا لها الخطوة هذي...لكن متى وشلون اذا اصلا ارسال ال 3 جي في فودافون ما غطى كل مناطق قطر!!!
واذا اوريدو هي اللي حطت الترددات لحاجة في نفس يعقوب، فللاسف هي تثبت كل يوم انها ما تسمع لاراء زبائنها!!!

[النــادر]

انا استخدمت الان الفور جي واشتريت الجهاز الخاص فيه

حقيقه خدمه فاشله في الوقت الحالي والجهاز يرتفع حرارته بشكل رهيب لو تبي تضبط لك قهوه يمشي معك ماعندك مشكله

والسرعه نهائيا غير ثابته ممكن تتحسن وممكن توصل لمستوى اقل من 3 جي

بالعربي للمستدخدمين العاديين لا انصح بها حقيقه في الوقت الحالي خلكم على ثري جي حتى تتحسن الامور


وفقكم الله لكل خير

[محمد]

انا عكس الاخ الي يمدح الثري جي عند اوريدو :)

فودافون احسن بمراحل اللهم في المناطق الخارجية تنزل السرعة شوي .. داخل الدوحة دايماً يعطيني 6-7 ميجا بالاوضاع الطبيعية و يصل للـ 10 وبنفس هالاماكن اوريدو ما تعدي الـ 2 ميجا

تعتمد عموما على الضغط على الابراج و قربها في كل منطقة .. لكن النت في فودافون بالنسبة لي افضل مليون مرة و على هالاساس حولت رقمي من كيوتل لفودافون .. خاصة ان صاروا مفعلين الهوت سبوت للايفون واخيراً ..

نقطة اخرى هامة .. النت في خدمة هلا الخطط سيئة جدا لو خلصت الميجا بايت في اقل من اسبوع ماتقدر تجدد لازم يمر 7 ايام ويتجدد تماتيك او تختار خطة اخرى .. يعني صج نصب عيني عينك .. بينما فودافون مقابل 100 ريال تعطيك 2.5 جيجا لمدة شهر .. يعني عيش حياتك يوتيوب و تصفح وكل شي وتزيد :) انا صرت اشغل الهوت سبوت حق الشباب في الميلس والله عشان اخلص الـ 2 جيجا ونص قبل الشهر :)

[محمد]

في نقطة هامة لازم الكل يفهمها .. فودافون كشبكة تدعم الجيل الرابع في الايفون 5 .. في دول كثيرة
بالتالي راح تدعمها في قطر .. For sure

[ولـ الذيب ـد]

حسب علمي ما في جوال يشبك ع ال4 جي لحد الان مع ان في جواويل فيها ال4 جي ..
بس ليحن الشبكه يبيلها فترة لين ما تغطي قطر بكبرها بعدين تقدر تفعلها من الجوال ..
الحل الثاني مالك الا الماي فاي 4 جي :-) .. واللي يشمل بعض مناطق قطر ×_×

[بوعلي2]

انا عكس الاخ الي يمدح الثري جي عند اوريدو :)

فودافون احسن بمراحل اللهم في المناطق الخارجية تنزل السرعة شوي .. داخل الدوحة دايماً يعطيني 6-7 ميجا بالاوضاع الطبيعية و يصل للـ 10 وبنفس هالاماكن اوريدو ما تعدي الـ 2 ميجا

تعتمد عموما على الضغط على الابراج و قربها في كل منطقة .. لكن النت في فودافون بالنسبة لي افضل مليون مرة و على هالاساس حولت رقمي من كيوتل لفودافون .. خاصة ان صاروا مفعلين الهوت سبوت للايفون واخيراً ..

نقطة اخرى هامة .. النت في خدمة هلا الخطط سيئة جدا لو خلصت الميجا بايت في اقل من اسبوع ماتقدر تجدد لازم يمر 7 ايام ويتجدد تماتيك او تختار خطة اخرى .. يعني صج نصب عيني عينك .. بينما فودافون مقابل 100 ريال تعطيك 2.5 جيجا لمدة شهر .. يعني عيش حياتك يوتيوب و تصفح وكل شي وتزيد :) انا صرت اشغل الهوت سبوت حق الشباب في الميلس والله عشان اخلص الـ 2 جيجا ونص قبل الشهر :)

كلام جميل :nice:

[ولـ الذيب ـد]

انا عكس الاخ الي يمدح الثري جي عند اوريدو :)

فودافون احسن بمراحل اللهم في المناطق الخارجية تنزل السرعة شوي .. داخل الدوحة دايماً يعطيني 6-7 ميجا بالاوضاع الطبيعية و يصل للـ 10 وبنفس هالاماكن اوريدو ما تعدي الـ 2 ميجا

تعتمد عموما على الضغط على الابراج و قربها في كل منطقة .. لكن النت في فودافون بالنسبة لي افضل مليون مرة و على هالاساس حولت رقمي من كيوتل لفودافون .. خاصة ان صاروا مفعلين الهوت سبوت للايفون واخيراً ..

نقطة اخرى هامة .. النت في خدمة هلا الخطط سيئة جدا لو خلصت الميجا بايت في اقل من اسبوع ماتقدر تجدد لازم يمر 7 ايام ويتجدد تماتيك او تختار خطة اخرى .. يعني صج نصب عيني عينك .. بينما فودافون مقابل 100 ريال تعطيك 2.5 جيجا لمدة شهر .. يعني عيش حياتك يوتيوب و تصفح وكل شي وتزيد :) انا صرت اشغل الهوت سبوت حق الشباب في الميلس والله عشان اخلص الـ 2 جيجا ونص قبل الشهر :)

بخصوص ال 3 جي انا معاك الصراحه خذت لي واحد اجربه بمكن ناطر 3 اسابيع و السرعه حدها 2 ميجا بس هالايام اشوفها تطق 5 و 6 ..

بس بخصوص انترنت الجوال انا عندي راي ثاني .. اذا خلصت الميجا تقدر توقف الخدمه وترد تشغلها ع نفس الباقه .. ترسل ايقاف تتوقف الخدمه تلقائي .. وعن الشهر انا اشوف الصراحه اوريدو احسن بشوي خخخخخ جربت الاثنين ادفع 60 او 160 واحصل 3 جيجا وشبكه ممتازه ولا ادفع وادفع فواتير وانا ولا اقدر احمل شي بسبب الشبكه .. ونفس ما قلت الوضع يعتمد ع قرب الابراج وبعدها .. :-) ..

[مشـــــاعر]

يعلهم مايربحون كيوتل :anger1:

صايرين عظم في البلعوم
عيل متى نقدر نصير نفس الدول اللي مرتاحين مع النت ؟؟

النت في اللاب بطيء في الجوال أبطأ في الدوام معدوم ( ياربآآآآآآآآآآآآه)

والله يكرهون الواحد في شي إسمه نت وتصفح
شكلي بشل أرقامي كلهم وبحوّل فودافون أبرررك :anger1::anger1::anger1:

[شبيه الريح]

يوجد في ظهر الجهاز رقم 1429

وهذا الجهاز يدعم الفور جي

ولكن ننتظر شركات الاتصالات تعطينا الشبكة