معقولة قطر فيها شارع واحد فقط

[فريج النجادة]

معقولة قطر فيها شارع واحد فقط

للشمال شارع واحد فقط

للجنوب شارع واحد فقط

للشرق شارع واحد فقط

هل أنا غلطان إذا فية شارع ثاني

يوديك للمناطق المذكورة يعلمني وشكرآ

[باراكودا]

في الجنوب في شارع ثاني هو شارع الموت شارع الخرارة
والشمال شارع الخور الساحلي يوصلك للخور وينتهى .

[زقرتي ومزاجي]

الحمد لله يكفي ويزيد ... ومافيه زحمه

عمرك شفت زحمه على طريق الشمال (( بعد الدوحة ))
عمرك شفت زحمهعلى طريق الجنوب (( بوسمرا ))
عمرك شفت زحمه على الطريق الغربي (( دخان ))

يكفي انتقاد واستنكار ... احنا محتاجين توسعه وتنظيم الشوارع الداخلية (( الدوحة فقط ))
وطويل العمر مب مقصر

[فرهود]

ماله داعي زيادة الشوارع الخارجيه لان مافيها زحمه اصلا .

[الخزرجي قطر]

الشوارع الي ذكرتها شوارع ماعليها كلام وتكفي حاليا
لكن المشكله في الشوارع الداخليه وخاصة وسط الدوحه

[فراغ]

من كلامك حسيت ان الشوارع في قطر عبارة عن علامة (+)

[khalid Qtr]

فعلا هناك حاجة للطرق الخارجية ، ليس شرطاً أن يكون الطريق الخارجي من وإلى الدوحة فقط ، ممكن يكون في طريق مباشر من الخور إلى دخان مثلاً ..

[فريج النجادة]

اذا تسكر الشارع الناس وين تروح !!!!! ؟

[qtr qtr]

في شوارع كثيره .. ولله الحمد تودي الاماكن اللي قلتها

اذا تبي تروح من الشحانيه لين الشمالطريق الخريب والمزروعه. .. اذل تبي تروح الوكره او الوكير طريق الصناعيه طريق بو هامور وسكن بروه .. عندك طريق الكورنيش يوديك جنوب وشمال .. عندك طريق الرفاع يوديك الشمال يوديك الشحانيه ودخان .. طريق سلوى .. طريق الفروسيه طريق السيليه الجديد .. وطرق وطرق ..

[كبير المتداولين]

اذا تسكر الشارع الناس وين تروح !!!!! ؟

عادي يستعملون طياره:nice:

[boamir]

الجنوب تقدر تروح له من الخراره
والشمال عندك خط الخور وخط سمسمه تقدر تروح لين راس لفان
والغرب من بوسمره تقدر تروح من صوب خط روضة راشد وخط أم باب

وثانيا هالطريق لما يشتغلون عليها او شي مايسكرونها كامل لازم في جزء او يفتحون شارع يخلي الناس يمرون

يعني مافيها أي مشاكل والحمد لله المشكله كلها في الدوحه بس

[حسن]

اذا تسكر الشارع الناس وين تروح !!!!! ؟


اذا عنده فورويل اموره طيبه اما اذا صالون
الله يعينه

[تحداني]

عادي يستعملون طياره:nice:



:):)




اذا عنده فورويل اموره طيبه اما اذا صالون
الله يعينه




اي نوع من الفورويل تقصده يا اخوي حسن ؟
ذاك الفورويل الي كأنك راكب دبابه الجيش الأمريكي
ولا جمس الفريج الي ما ترك لنا لا رصيف ولا اعصاب .. ويود تجاوزات


الله يفكني من الي انا فيه
:(


جملكم الله برضاه

[مساهم عادي]

اذا تسكر الشارع الناس وين تروح !!!!! ؟

ترى صار هالشي ... مره جانا غبار وصار حادث على طريق الشمال عند ام اصلال وبنفس الوقت صار حادث ثاني بالخط الموازي صوب الوسيل .... وسكروا الشارع لمدة ثلاث ساعات ... انقطعت الدوحة عن المناطق الشمالية...

واللي يقول انه مايحتاي نسوي طرق اخرى لانه مب زحمة .... واحنا ليش ننتظر الزحمة لين تصير وتتفاقم بعدين نفكر بحل .... مثل ماهو صاير بالشوارع الداخلية...

لازم يكون في اكثر من طريق يربط بين المناطق .. اتكلم عن طرق رئيسية مب طرق صغيرة تمر على بيوت ودواعيس وقرى .... حتى هاذي من الناحية الامنية شي مهم ..انه مايكون موجود الا شريان رئيسي واحد يربط منطقة بالثانية اللي اذا انقطع انفصلت المنطقتين..

[فريج النجادة]

ترى صار هالشي ... مره جانا غبار وصار حادث على طريق الشمال عند ام اصلال وبنفس الوقت صار حادث ثاني بالخط الموازي صوب الوسيل .... وسكروا الشارع لمدة ثلاث ساعات ... انقطعت الدوحة عن المناطق الشمالية...

واللي يقول انه مايحتاي نسوي طرق اخرى لانه مب زحمة .... واحنا ليش ننتظر الزحمة لين تصير وتتفاقم بعدين نفكر بحل .... مثل ماهو صاير بالشوارع الداخلية...

لازم يكون في اكثر من طريق يربط بين المناطق .. اتكلم عن طرق رئيسية مب طرق صغيرة تمر على بيوت ودواعيس وقرى .... حتى هاذي من الناحية الامنية شي مهم ..انه مايكون موجود الا شريان رئيسي واحد يربط منطقة بالثانية اللي اذا انقطع انفصلت المنطقتين..

:nice: :nice: :nice:

[عزووز قطر]

اللي اشوفه ان الطرق الخارجية تطورت كثيرا عن قبل
خصوصا خط الشمال وخط بوسمرة
ويييين كاااان ووووين صااار
وهذا مجهود يشكرون عليه الاخوان في اشغال والبلديات المختصة

بس محتاجين حل حق شارع فبراير وبعدها كل الامور بتكون بسيطة

[R 7 A L]

اذا زادت الشوارع الخارجية
راح تستغل للسباق والاستعراض

[العلم]

اتوقع تكفي .. إلا شارع مسيعيد والخراره تعبان ..


بس شلون شارع يروح شرق ..:rolleyes2:

[جفى الجوارح]

شوارعنا اغلبها مسارين او ثلاث

وبسبب هالزحمه الثلاث مسارات ماتكفي اذا الدائري كل يوم على الساعه 7 الصبح والساعه 1 ونص الظهر يوقف من الزحمه وهو طريق سريع يعني المفترض ماتوقف كلش, لكن الدخلات والطلعات الي فيه غلط وتسبب الزحمه بالاضافه إلى انه ثلاث مسارات كان من المفترض يكون اربع مسارات او خمس ع الاقل

وشارع الكورنيش ثلاث مسارات من سنة جدي وفي النص رصيف اشكبره وع الجنب رصيف اشكبره حق شنو مادري المفروض يتم ازالة الرصيف المزروع واضافة مسار رابع

بس من يفكر عاد