ابحث عن مكتب هندسي زين وامين لتصميم بيت العمر

[الـخـور]

السلام عليكم ورحمة الله وبركاته

الاخوة الاعضاء .. انا ناوي ابني فالخور ان شاء الله

ودي اسال عن مكتب هندسي امين وزين وخدماته زينه

واهم شي السعر العادل والامانة في السعر

استغرب من بعض المكاتب .. اذا قتلهم ابي قصر ظ،ظ*ظ* الف واذا فلا ظ¢ظ* الف
مع ان الارض ومساحة البناء نفس الشي

[بو دانه 1979]

هلا اخوي تواصل وياي لا هنت وادلك على مكتب زين وان شاء الله يراعوك بالاسعار

[بو دانه 1979]

المكتب اسمه الشركة القطرية الالمانية للتصميم والديكور

[kka]

عنك في الخور مطوع اسم المكتب المعراض

[ابو جمال]

المركز العالمي للتصميم شارع السد العمارة الي بعد تيك أوي عند المهندس مبارك

[ابو جمال]

واذا بغيت في الامارات ( أبو ظبي ) في مكتب صديق وشغله ولا اروع وكل من شاف خرايطي قال التصميم هذا مب في قطر والمركز العالمي هو الي عدل في التصميم تعديل طفيف بحسب متطلبات البلديه فقط لا غير

[شموخ دائم]

,

,


مرحبا

اخوي الكريم

لا بالله لا تروح المعراض الخور هذا له مشاكل مع الزبائن

تبي في الخور المهندس ( وجيه ) الخور للاستشارات

او خلك في الدوحه مكاتب متنوعه وكثيره


:)


,

,


اخوك

شموخ دائم

[captin]

في الخور عندك

فرع مكتب الأقصى للاستشارات الهندسية
مكتب مصنف درجة أولى
المهندس أحمد

ومكتب الخور للاستشارات الهندسية
المهندس وجيه .


وإذا تبي تسوي خرايطك في الدوحة
المكاتب كثيرة ومتنوعة

بالتوفيق إن شاء الله .

[مصنع المبارك]

الله يوفقك ويتمم لك بيتك بكل خير إن شاء الله

[تحداني]

المهندسون العرب .. شي كذا
شغلهم ولا اروع


جملك الله برضاه

[معماري قطري]

المهندسون العرب .. شي كذا
شغلهم ولا اروع


جملك الله برضاه


فيه فرعين للمهندسون العرب .. فرع محرم باخوم وثاني نسيت شسمه بس الإثنين يسون أغلب شغلهم في مصر أو دول ثانية .. المكتب عالمي وعنده فرع في ايطاليا وقبرص والكويت والسعوديه .. والمؤسس مسيحي توفى والحين عياله كل واحد مستقل بإسم تجاري له.

محرم باخوم مقرهم في العمارة اللي جنب شركة البنتلي.