كيف ينطق أجدادنا الكلمات ؟

[نور الحور]

السلام عليكم ..
موضوعي عن نطق أجدادنا وجداتنا - الله يرحم من مات منهم ويطول بعمر الأحياء - لبعض الكلمات المتداولة بنطق خاص بهم ..

أحس هالنطق له نكهة خاصة حلوة تعبر عن تلقائيتهم ..

انا أسمع جدتي (الله يطول بعمرها) تنطق بعض الكلمات جذي :

بترول << بتروه :discuss:
نايلون << نايلوه :omen2:
فلبينية << لبينية :secret:
آيس كريم << عسكريم :telephone:

هذا اللي اتذكره .. عاد يالله همتكم عصروا مخكم أو أسألوهم الله يطول بأعمارهم :nice:

[بونووف]

عنبلوص << سيارة اسعاف او ambulance

[بونووف]

عناناس << اناناس

[نور الحور]

هههههه اي والله ..
اممممم تذكرت بعد ..
بيبسي << بيمسي :omen2:

[الحياة الخالدة]

بيلتــو أو بينتــــو يعني فيمتو

[قطريه22]

ههههههههههههههههههههههههههههههههههههه

عيل خذي هالكلمات

شوره ،، مناكير
دورمه،، روج
حموره،، روج
بووووووك ،، هذي اذا الواحد مستغرب والا قال شي قوي انا لين الحين اقولها هههههه

[نور الحور]

شنطة << شمطة :secret:

[نور الحور]

ههههههههههههههههههههههههههههههههههههه

عيل خذي هالكلمات

شوره ،، مناكير
دورمه،، روج
حموره،، روج
بووووووك ،، هذي اذا الواحد مستغرب والا قال شي قوي انا لين الحين اقولها هههههه


هههههههههههههههههههههههههه
بس أنا قصدي عن نطق الكلمة نفسها مو كلمات ثانية ولها معنى :waiting:

[قطريه22]

بيلتــو أو بينتــــو يعني فيمتو


حيالله الحلوه
وينج مختفيه
وحشتيني مووووووووووووووووووووووت

[نور الحور]

حيالله الحلوه
وينج مختفيه
وحشتيني مووووووووووووووووووووووت

قطرية .. بدينا :anger1:
ترى العلم للحين زعلان :tease:

[بونووف]

فلاجه << ثلاجه

[بونووف]

فلج << ثلج

[GENIUS]

عرنجوش
طماط جوش
اسبيتار
ادختر
شنتوره
برنده
ليوان
روشنه
دروازه
روزنامه

[بوخالد2]

ههههههههههههههههههههههههههههههههههههه

عيل خذي هالكلمات

شوره ،، مناكير
دورمه،، روج
حموره،، روج
بووووووك ،، هذي اذا الواحد مستغرب والا قال شي قوي انا لين الحين اقولها هههههه

هههههههههههههههههههههههههه

[نور الحور]

عرنجوش
طماط جوش
اسبيتار
ادختر
شنتوره
برنده
ليوان
روشنه
دروازه
روزنامه


موقصدي كلمات قديمة ومعناها :anger1:
قصدي النطق اللفظي للكلمات العادية :anger1:

[قطريه22]

قطرية .. بدينا :anger1:
ترى العلم للحين زعلان :tease:


هههههههههههههههههههههههههههه:shy:

[بونووف]

مكرونيه << معكرونه

[Dana’1]

بسكتان = باكستان

[الحياة الخالدة]

قطريــــــة22 .. و انتي أكثر :nice:

احم احم نرجع للموضوع
بردقال يعني برتقال

[نور الحور]

قطريــــــة22 .. و انتي أكثر :nice:

احم احم نرجع للموضوع
بردقال يعني برتقال


اي اشوه :nice:

[بونووف]

بستك << فستق

[نور الحور]

مكرونيه << معكرونه


كنت بقولها :shy:.. دايما يدتي تقولها لي فديتها تبين حبيبة مكرونية ؟

[بونووف]

دختور << دكتور
اوسبيتال << hospital

[بونووف]

كنت بقولها :shy:.. دايما يدتي تقولها لي فديتها تبين حبيبة مكرونية ؟

راحت عليج عاد ...الله يطول في عمرها ان شاء الله

[نور الحور]

واجف << واقف :omen2:

[نور الحور]

دختور << دكتور
اوسبيتال << hospital


قصدك سبيتار :tease:

[بونووف]

بيذيان << باذنجان
يالبيذيانه

[نور الحور]

راحت عليج عاد ...الله يطول في عمرها ان شاء الله


آمين ويطول في عمر أحبابك :shy:

[بونووف]

قصدك سبيتار :tease:

ههه لا المثقفين يوقلونها اسبيتال

[بونووف]

عبعزيز << عبدالعزيز ......... صح ولا هههه
ميود << ماجد

[نور الحور]

بيذيان << باذنجان
يالبيذيانه

أخبر بيديان :anger1:
ولا بعد المثقفين غير :anger1:

[نور الحور]

عبعزيز << عبدالعزيز ......... صح ولا هههه
ميود << ماجد


شدعوة مصري :tease:

[بونووف]

أخبر بيديان :anger1:
ولا بعد المثقفين غير :anger1:

يالييل بالغلط خبرج حرف الدال احذا الذال ههههه

[نور الحور]

يالييل بالغلط خبرج حرف الدال احذا الذال ههههه

اي صح اخوان احذا بعض في الكيبورد :tease:

[غير البشر]

نينتو = فيمتو

جكاره = زكاره

[بونووف]

شدعوة مصري :tease:

ههههه مادري قعدت اتخيل انه شيبه ضروسه مكسره قاعد عالدجه وينادي عبعزيز تعال يا اسود الويه هههه

[نور الحور]

نينتو = فيمتو

جكاره = زكاره


:nice:

[نور الحور]

ههههه مادري قعدت اتخيل انه شيبه ضروسه مكسره قاعد عالدجه وينادي عبعزيز تعال يا اسود الويه هههه


عجبني الجو اللي عشته :secret:

[بونووف]

نينتو = فيمتو

جكاره = زكاره

خلووووووود اتجكر يالتعبااان صادوووهescape ماتسمع الا صوت الثوب وغبره

[نور الحور]

شكر << سكر

[نور الحور]

خلووووووود اتجكر يالتعبااان صادوووهescape ماتسمع الا صوت الثوب وغبره


أكيد هذا أنت عيل .. عرفنا اسمك وانك تدخن :tease:

[غير البشر]

ههههه مادري قعدت اتخيل انه شيبه ضروسه مكسره قاعد عالدجه وينادي عبعزيز تعال يا اسود الويه هههه



انا اسود الويه :anger1::omg:

خربت الاسم هههههههههه

[نور الحور]

انا اسود الويه :anger1::omg:

خربت الاسم هههههههههه


امبيه :secret: يبي يكحلها عماها مسكين :tease:

[نوار قطر]

حلووووو الموضوع حق الفضايح :funny:

يدتي الله يعطيها العافيه تسمي السلطه زرطه والبرتقال تسميه بردقان :secret:

[بوخالد2]

خلووووووود اتجكر يالتعبااان صادوووهescape ماتسمع الا صوت الثوب وغبره
اول مره اسمعها

[نور الحور]

حلووووو الموضوع حق الفضايح :funny:

يدتي الله يعطيها العافيه تسمي السلطه زرطه والبرتقال تسميه بردقان :secret:


حلوت دنياج نوار .. اي صح أكلي لج زرطة وحبيبة مكرونية :tease:

[بونووف]

أكيد هذا أنت عيل .. عرفنا اسمك وانك تدخن :tease:

:secret: شششش

[نور الحور]

:secret: شششش

صج عيل ؟:eek5:

[بونووف]

انا اسود الويه :anger1::omg:

خربت الاسم هههههههههه

ههههههههه محشووم قااعد اتخيل بس

[بونووف]

اول مره اسمعها

محد حولكم يجقر جقاير:tease:

[بونووف]

صج عيل ؟:eek5:

شكلج تبين تسولفين عشان الموضوع ينقفل صح

[نور الحور]

شكلج تبين تسولفين عشان الموضوع ينقفل صح

غلط .. لأني صاحبة الموضوع ومستحيل اتمنى يتسكر :tease:
المهم تأكدت ظنوني :tease:
انزين .. فيه كلمة ثانية ...

تلفزيون << تفزيون

زين جذي ؟

[نور الحور]

شامبو << شانبو :omen2:

[بونووف]

غلط .. لأني صاحبة الموضوع ومستحيل اتمنى يتسكر :tease:
المهم تأكدت ظنوني :tease:
انزين .. فيه كلمة ثانية ...

تلفزيون << تفزيون

زين جذي ؟

لا

رادوو << راديو

[بونووف]

السنطره فيها شي بس ماذكر

[qatarshark]

امي تسمي الريموت كنترول رموز:nice:

[نور الحور]

امي تسمي الريموت كنترول رموز:nice:


شنقايله بعد ذي ؟ << ماذا يقال له هذا بعد ؟:tease:

[نور الحور]

السنطره فيها شي بس ماذكر

قول قول لا تخاف :tease:

[بونووف]

قول قول لا تخاف :tease:

لا والله ماذكر ههههه

دويحه << ]دويره

[نور الحور]

منتاز << ممتاز :nice:

[بصمة قطرية]

عيوزي تسمي الفودافون = هدافون :nice:

[نور الحور]

لبلوب << البليب أو الجوال أظن :tease:

[نوار قطر]

حلوت دنياج نوار .. اي صح أكلي لج زرطة وحبيبة مكرونية :tease:


ودنياااج يالذيبه :shy:
اااااخ ياااعشقي للمكرووونيه :shy:

الديتول تسميه يدتي ديتور :secret:
ممممم لي تذكرت شي برجع لج

[نور الحور]

عيوزي تسمي الفودافون = هدافون :nice:

الله يحفظها .. أوريدو أسهل :nice:

[بصمة قطرية]

الله يحفظها .. أوريدو أسهل :nice:

ما دخل مزاجها أوريدو :tease:
للحين تقول كيوتل :victory:

[نور الحور]

ودنياااج يالذيبه :shy:
اااااخ ياااعشقي للمكرووونيه :shy:

الديتول تسميه يدتي ديتور :secret:
ممممم لي تذكرت شي برجع لج


هههههه .. وأنتي أذيب << شدخل :shy:

يحليلهم والله ..أحيانا يسمون التلفزيون من باب النكتة (تلف عيون ) :tease:

[الحياة الخالدة]

فرم يعني فرن
شروبة يعني شوربــــة
ثلم يعني فلم ( فيلم )
السيلما يعني السينمـــا

[نور الحور]

فرم يعني فرن
شروبة يعني شوربــــة
ثلم يعني فلم ( فيلم )
السيلما يعني السينمـــا


صح .. أحلى شي الفرم :nice:

[بونووف]

تمببببه تااايم بالتوفيق للمنتخب ضد كوريا

[نوار قطر]

فرم يعني فرن
شروبة يعني شوربــــة
ثلم يعني فلم ( فيلم )
السيلما يعني السينمـــا


صااااجه الفرن يسموونه فرم :eek5:
والسينما سيلما :nice:
ههههههههههه

وتسمي اللحم المفروم تسميه اللحم المثروم

[نور الحور]

تمببببه تااايم بالتوفيق للمنتخب ضد كوريا



ذكرتني يقولون التيم << يعني تايم (الوقت) :tease:

[نوار قطر]

شوربة كويكر ،،، تسميها شوربة الريال عشان صوورة الريال الي على العلبه خخخخخ

[نور الحور]

صااااجه الفرن يسموونه فرم :eek5:
والسينما سيلما :nice:
ههههههههههه

وتسمي اللحم المفروم تسميه اللحم المثروم


هههههه .. اي ويقولون (نثرم ) البصل ههههههههههه

[نور الحور]

شوربة كويكر ،،، تسميها شوربة الريال عشان صوورة الريال الي على العلبه خخخخخ


والكورن فليكس يسمونه .. (بوديج) :nice: هههههههههههههههههههههههههههه

[نور الحور]

بسكويت << بستوك :tease:

[نوار قطر]

بستوووك صاااجه هههههااااااااي وين طلعتيهااا :eek5:

[نور الحور]

بستوووك صاااجه هههههااااااااي وين طلعتيهااا :eek5:


ههههههههههههههههههههه الله يخلي لي يدتي :shy:

[نور الحور]

اممممم .. انزين
شوكولاته << شاكليت :nice:

[نوار قطر]

ههههههههههههههههههههه الله يخلي لي يدتي :shy:

امين يارب

[بنت مريخ]

الله يرحم يدتي
الفيمتو=مينتو
بسكوت=بستوك
التيم يعني الوقت
وازرين= فازلين

[بصمة قطرية]

بسكويت << بستوك :tease:

أنا أقولها بستوك :shy:

[نور الحور]

أنا أقولها بستوك :shy:


معليه معليه سامحناج .. :nice:
بناااااااااااااات لا حد يقطعها بليز :secret:

[الحياة الخالدة]

معليه معليه سامحناج .. :nice:
بناااااااااااااات لا حد يقطعها بليز :secret:


مب مقطعينها .. لأننا مثلها :shy:

[بصمة قطرية]

معليه معليه سامحناج .. :nice:
بناااااااااااااات لا حد يقطعها بليز :secret:





مب مقطعينها .. لأننا مثلها :shy:


:nice:
أصلاً عادي
اللي حولي قطعوني و خلصوا :secret:
كل ما أقولها يقولون لي شنو :anger1:

[R 7 A L]

الله يسامحكم تضحكون على كلام شيبانا وعجايزنا :weeping:

[الحياة الخالدة]

الله يسامحكم تضحكون على كلام شيبانا وعجايزنا :weeping:


ما نضحك عليهم يالطيب البريء :anger1:
بالعكس نتذكرهــــم بالخير و نترحم عليهــــــم

[alnoida]

ما دخل مزاجها أوريدو :tease:
للحين تقول كيوتل :victory:

فيه ناس ما يعرفون كيوتل او استعلامات 180

يقول اتصل حق الـ "الكيبل ويلس" وخذ الرقم

[ahmed_n]

جدتى الله يرحمه كانت تقول سجره>> شجره وسمس>> شمس

[R 7 A L]

ما نضحك عليهم يالطيب البريء :anger1:
بالعكس نتذكرهــــم بالخير و نترحم عليهــــــم


ايه ترحموا عليهم بس اياني واياكم احد يضحك

[نوار قطر]

فيه ناس ما يعرفون كيوتل او استعلامات 180

يقول اتصل حق الـ "الكيبل ويلس" وخذ الرقم

يدي الله يرحمه يقول الويلس

رحمة الله عليه :weeping:

[لابأس]

( شيره )

( بلاليط )

ناقص بيض وتصير فطور !

[نوار قطر]

( شيره )

( بلاليط )

ناقص بيض وتصير فطور !


شيره = شيره
بلاليط هو نفسه البلاليط ماتغير اسمه :secret:

[لابأس]

شيره = شيره
بلاليط هو نفسه البلاليط ماتغير اسمه :secret:

اللي اعرفه ان محد يقول شيره الحين الا نادر جدا
البلاليط قلبوها شعريه !!

:)

[نور الحور]

مب مقطعينها .. لأننا مثلها :shy:



:secret::eek5::secret:

[نور الحور]

:nice:
أصلاً عادي
اللي حولي قطعوني و خلصوا :secret:
كل ما أقولها يقولون لي شنو :anger1:


ههههههههههههه .. ترجميها فوري :tease:

[نور الحور]

الله يسامحكم تضحكون على كلام شيبانا وعجايزنا :weeping:



لأ لأ يا زلمة .. وش هاظ ؟ بنضحك ؟ يا عيب الشوم علينا .. هلأ هذا اللي طلع معك يا رحال ؟:tease:

لاااااااااااااا نوووو وي ..هالموضوع لتذكر أجدادنا وكلامهم العفوي البسيط .. والله يازينه ..أستانس لما اسمع هالكلام منهم الله يطول بعمرهم يارب ويرحم من مات منهم

[نور الحور]

فيه ناس ما يعرفون كيوتل او استعلامات 180

يقول اتصل حق الـ "الكيبل ويلس" وخذ الرقم


صح .. بس صراحة ما أعرف معناها الحرفي .. من يقول .. بالدور بالدور :tease:

[نور الحور]

جدتى الله يرحمه كانت تقول سجره>> شجره وسمس>> شمس




يدي الله يرحمه يقول الويلس

رحمة الله عليه :weeping:


الله يرحمهم ويغفر لهم يارب

[نور الحور]

( شيره )

( بلاليط )

ناقص بيض وتصير فطور !


لا باس لا باس عليك !
عادي أحب البلاليط سادة :tease:

[نور الحور]

اللي اعرفه ان محد يقول شيره الحين الا نادر جدا
البلاليط قلبوها شعريه !!

:)



ما عندي خبر .. خلني أتأكد من أمهات البستوك بصمة والحياة :telephone:

[الأصيلة]

ثلاجه / فلاجه
ثريد / فريد
ثلج / فلج ( فلج بوصالح )
حمص / حمبص
تبولة / تمبوله

[مستر بن]

ههههههههههههههههههههههههههههههههههههه

عيل خذي هالكلمات

شوره ،، مناكير
دورمه،، روج
حموره،، روج
بووووووك ،، هذي اذا الواحد مستغرب والا قال شي قوي انا لين الحين اقولها هههههه

هذي بأي لهجججه:shy:

[سيناتورنايف]

تمبة -كورة

[سيناتورنايف]

الوارش-السطح

[نوار قطر]

اللي اعرفه ان محد يقول شيره الحين الا نادر جدا
البلاليط قلبوها شعريه !!

:)

صبااح الخير مممم للحين واايد يقولون شيره ويمكن البعض يسميها قطر..

اما سالفة الشعريه الصرااحه مالهم حل عشتووووو يعني اذا حد سألني شبتسوين لنا اليوم اقول لهم شعريه:omg: لا لا مااتخيل نفسي.. ماعليك منهم كله دلع وتصنع:victory:

[نوار قطر]

الوارش-السطح

الوارش كلمة قديمه :shy:

[نور الحور]

ثلاجه / فلاجه
ثريد / فريد
ثلج / فلج ( فلج بوصالح )
حمص / حمبص
تبولة / تمبوله


تمبولة ذي تميت أفكر فيها فترة لين فهمتها أول ما سمعتها :shy:

[نور الحور]

تمبة -كورة


الوارش-السطح




:waiting::waiting:
المقصد ألفاظ للكلمات .. مو مصطلحات
يعني نفس الكلمة بس ينطقونها نطق خاص :omen2:

[نور الحور]

صبااح الخير مممم للحين واايد يقولون شيره ويمكن البعض يسميها قطر..

اما سالفة الشعريه الصرااحه مالهم حل عشتووووو يعني اذا حد سألني شبتسوين لنا اليوم اقول لهم شعريه:omg: لا لا مااتخيل نفسي.. ماعليك منهم كله دلع وتصنع:victory:


نوار حبيبتي لو سمحتي مكن تسوين لي شعيرية بليز :shy:





:tease: أحس كأني مصرية :secret:

أخبر وحدة زميلتنا مصرية في المدرسة تسمي البلاليط .. (بلابيط ) :secret:

[عاشق الشهادة]

حلو الموضوع ذكرني بجدتي الله يرحمها ويرحم جميع المسلمين .

[نوار قطر]

نوار حبيبتي لو سمحتي مكن تسوين لي شعيرية بليز :shy:





:tease: أحس كأني مصرية :secret:

أخبر وحدة زميلتنا مصرية في المدرسة تسمي البلاليط .. (بلابيط ) :secret:

من عيوووني اسوي لج بس بدون بيض:secret: لانها شعريه:rolleyes2: اذا تبينها بالبيض اهني يتغير الكلام ويصير الاسم بلاليط:shy: عاد انتي طبي وتنقي شتبين:nice:

[بوخالد2]

ثلاجه / فلاجه
ثريد / فريد
ثلج / فلج ( فلج بوصالح )
حمص / حمبص
تبولة / تمبوله


فيه ناس ما يعرفون كيوتل او استعلامات 180

يقول اتصل حق الـ "الكيبل ويلس" وخذ الرقم



فرم يعني فرن
شروبة يعني شوربــــة
ثلم يعني فلم ( فيلم )
السيلما يعني السينمـــا

:nice::nice::nice:

شكلكم من جيل السبعينات هههه مثلي :shy:

الله يرحمها و يغمد روحها الجنه جدتي راحت و راح كل شي معاها

[نوفة قطر]

قريت يقولون تجقر يعني ادخن .. انا يدي الله يرحمه يقول " اتتن " نسبة الى التتن

وبعد يقولون عن النظاره كشمه

عن الكامير عكاسه .. والصوره يسمونها عكس

[Right]

الله يرحم من مات منهم



ويمد بعمر البقية منهم على طاعته وعبادته



وأن يمتعهم بالصحة والعافية



آمين

[البارع]

السلام عليكم ..
موضوعي عن نطق أجدادنا وجداتنا - الله يرحم من مات منهم ويطول بعمر الأحياء - لبعض الكلمات المتداولة بنطق خاص بهم ..

أحس هالنطق له نكهة خاصة حلوة تعبر عن تلقائيتهم ..

انا أسمع جدتي (الله يطول بعمرها) تنطق بعض الكلمات جذي :

بترول << بتروه :discuss:
نايلون << نايلوه :omen2:
فلبينية << لبينية :secret:
آيس كريم << عسكريم :telephone:

هذا اللي اتذكره .. عاد يالله همتكم عصروا مخكم أو أسألوهم الله يطول بأعمارهم :nice:

شدعوه نور الله يهداج هاي كلام بلوش

[حياة]

عنصنص : اناناس
طماط يوش: عصير الطماط
الله يرحمك يايبه ويغمد روحك الجنه

[نور الحور]

قريت يقولون تجقر يعني ادخن .. انا يدي الله يرحمه يقول " اتتن " نسبة الى التتن

وبعد يقولون عن النظاره كشمه

عن الكامير عكاسه .. والصوره يسمونها عكس


اي صح بعد يتتن :nice:.. بس قصدي في الموضوع نفس الكلمة بس اللفظ غير:victory:





الله يرحم من مات منهم



ويمد بعمر البقية منهم على طاعته وعبادته



وأن يمتعهم بالصحة والعافية



آمين






آمين




شدعوه نور الله يهداج هاي كلام بلوش

:eek5: بلوووش مرة وحدة ؟
أنا سامعتها مرات ومرات من يدتي وربعها .. وهذا نطقهم يحليلهم .. إذا ما سمعت فهذي مشكلتك :tease:


عنصنص : اناناس
طماط يوش: عصير الطماط
الله يرحمك يايبه ويغمد روحك الجنه

آمين ويرحم جميع موتانا .. كان يدلع العناناص :nice: