معرض قطر المهني ...!!!

[بن غيث]

لماذا تم تخصيص فترة واحدة فقط في يوم واحد فقط من أيام المعرض المهني للنساء ...!!
وهي الفترة الصباحية من الساعة 9 صباحاً الى 4 عصراً يوم الخميس الموافق 4 / 4 / 2013 م
رغم أن معظم الذين يتقدمون للوظائف في هذا المعرض من النساء ...!!!

لقد حضرت جميع المعارض السابقة .. ولاحظت ذلك بنفسي ..

وأتمنى التوفيق للجميع أن شاء الله ..

[R 7 A L]

الظاهر عدد الموظفات اكثر من الموظفين

[غايه الطواش]

انا استغرب من الموظفين الي رايحين يغيرون وظايفهم!!!
هذا معرض موجه للطلاب وحديثي التخرج من الجامعه والثانويه العامه!!

اتمنى المواضيع السنويه ماتتكرر
بنات وشباب المعرض ....
حد ردو عليه ....
شفت بالمعرض ....
صابنا تشبع :)

[الهتان]

إذا في فايده من هذا المعرض الله يوفقهم بس يقولون كل اللي يتقدمون ما ينضرون في اوراقهم بس كذا

شكل إن إحنا ساهمنا في المعرض وبالنسبه للموظفين اللي يقدمون أوراقهم بسبب التفاووت في الأمتيازات

بين كل وظيفه وظيفه الزيادات فيها اكثر وامتيازات اكثر وفوق هذا مايقدرونهم في عملهم ولا فيه حمد ولاشكر

من المسؤولين وحابين يتقدمون في اماكن افضل.

سواء كان المعرض يوم او يومين اتوقع مراح يجيب

نتيجه

[للصبر اخر]

انا لي سنتين اقدم حق اخوي اللي يدرس على حسابنا
ابي شركه ترد عليه مافي فايده
والكل يقول نطرونا بنتصل ولانشوف شي

[عزووز قطر]

انا استغرب من الموظفين الي رايحين يغيرون وظايفهم!!!
هذا معرض موجه للطلاب وحديثي التخرج من الجامعه والثانويه العامه!!

اتمنى المواضيع السنويه ماتتكرر
بنات وشباب المعرض ....
حد ردو عليه ....
شفت بالمعرض ....
صابنا تشبع :)

بالعكس ،،، هناك الكثير من الشركات تبحث عن بعض الكوادر التي لديها خبرة سابقة

اتمنى اللي يروح المعرض يكون محدد هدفه ووين يبي يتوظف ،، مهب على عماها ...

[حمد 2002]

(( جناح شركه م كلفهم التصميم والتنفيذ300 الف ريال ، وجناح شركه ص كلفهم التصميم والتنفيذ200 الف وجناح شركه خ كلفهم التصميم والتنفيذ مليون )) ليشششششششششش المبالغه بتصميم الأجنحه من قبل الشركات !!!!!!!!!!!!!!!!!!!!!

المفروض ايكون هدف المعرض هو البساطه بتسويق الوظائف الموجوده لديهم وليس لأستعراض عضلاتهم من خلال الاجنحه المكلفه والبالغه بها بنفس الوقت

[حمد 2002]

المفروض ايحطون لافته عند الباب ممنوع دخول النساء المتبرجات للمعرض وممنوع المغازل والتحرش ، والمفروض ايكثرون من الشرطه بالمعرض لان سعات اتحصلك اربعه شباب ايدورون بالمعرض ومافي يدهم ولا ورقه ولا شيء وايبين بوضوح الشمس ان هدفهم لدخولهم المعرض هو المغازل

[eXpert*]

أقسم بالله العظيم ..

الفلوس اللي تُصرف في المعرض لو يطورون فيها الشباب القطري ويبتعثون من يبتعثون للخارج أجدى وأفضل .

[Khaber]

المفروض ايحطون لافته عند الباب ممنوع دخول النساء المتبرجات للمعرض وممنوع المغازل والتحرش ، والمفروض ايكثرون من الشرطه بالمعرض لان سعات اتحصلك اربعه شباب ايدورون بالمعرض ومافي يدهم ولا ورقه ولا شيء وايبين بوضوح الشمس ان هدفهم لدخولهم المعرض هو المغازل

اخوي حمد مب شرط الواحد يشيل أوراق معاه عشان التقديم.. أغلب الشركات يخلونك تقدر على الكمبيوتر أو بالفلاش ميموري،، وبعضهم يعطونك ايميل وانت تطرش عليه نسخه إلكترونيه من أوراقك.

[تحداني]

أقسم بالله العظيم ..

الفلوس اللي تُصرف في المعرض لو يطورون فيها الشباب القطري ويبتعثون من يبتعثون للخارج أجدى وأفضل .




ولو يتبنونهم لكان افضل وافضل واقضل
لا حول ولا قوه الا الله .. يبون يسون كل شي .. لكن مب عارفين اشلون يسون ابطريقه اتعود بالنفع وفيها صفه الابداع والجذب للجمهور


جملك الله برضاه

[بصمة قطرية]

نبي بس شخص توظف عن طريقهم ..!!!!

[تحداني]

نبي بس شخص توظف عن طريقهم ..!!!!



اختي كانت اخر سنه جامعه " هندسه صناعيه وفي قطاع الطاقه والصناعه "
واختي من اول كورس " هندسه بترول هم في قطاع الطاقه والصناعه "
واخوي من ثاني كورس خذوه " هندسه ميكانيكيه وفي قطاع الطاقه والصناعه



الله يرضى عليج