انصحوني على احسن دكتور لازالة الكرش :(

[شموخ-qtr]

السلام عليكم

انصحوني على احسن دكتور لازالة الكرش ومجرب


وشكرا

[قطرية مثقفة]

طارق السعيد في البحرين

[mE mYself & i]

رياضة المشي

[مسمس12]

الرياااااااااااااااااااااااااااااااااااااضة وتخفيف الاكل

[الزعفراني]

تمارين بطن 60 مره يوميا ( على 4 مراحل كل مرحلة 15 مره ) .. + ممارسة رياضة المشي 30 دقيقة يوميا .. كفيله بالموضوع ..

[R 7 A L]

المشي وتقليل الاكل
خلال 3 شهور راح يظهر الاختلاف

[بومحمد المطاوعه]

يقولون مستشفى العمادي


ب 40 الف العمليه

الربع مسويين

[السحابة]

الكورنيش ببلاش

[روح الاطلس]

مافهمت شلون ازالة الكرش؟!!

وهل المشكلة بس كرش؟ ام سمنة عامة ؟


تعتمد المشكلة على طبيعة هالكرش
واسبابه
في اسباب للكرش الدهني اي تراكم الدهون في منطقة البطن فوق الاعضاء الداخلية بسبب السمنة وضعف عضلات البطن
وبعض الاسباب المرضية
وفي كرش عبارة عن انتفاخات " غازات محبوسة " تكون البطن " طبلة " ومنفوخة وهذي بسبب اعتلالات الجهاز الهضمي

[شموخ-qtr]

كرش بعد الولاده يعني كرش حمل :)

سويت رياضه مافي فايده اضعف بس الكرشه ماتروح ... وانا ضعيفه مب متينه

[miss.qa]

فديت الاكل والله

[سارآ]

د: حبيب البسطي

[q1989]

روحي تايلند

[استقرار]

روحي تايلند

ممكن تفيدنا عزيزي عن تايلند وفي أي مكان وهل هو مصح صحي مثل اللي في الشيك وكم المدة وتكلفتهم تقريبا لا هنت

[حقيقه]

إذا ناويه تجيبين عيال بعد مانصح تشدين البطن

[ورد الدوحه]

جربي هالجهاز وبتدعين لي

http://www.mstaml.com/section/item.php?i=1577692

[فريج النجادة]

أعرف صديق سو لة الدكتور حبيب البسطي في مستشفى الرميلة

عملية شفط الدهون

وكانت النتيجة جدآ رائعة ومذهلة

:nice: :nice: :nice:

[الأصيلة]

يقولون مستشفى العمادي


ب 40 الف العمليه

الربع مسويين

بـ 60 ألف

[روح الاطلس]

بما انه كرش ولادة او بالاصح ترهلات ولادة وهذا شي طبيعي فلا تستعجلين على روحج اقل شي يبي لها ثلاث الى اربع شهور
لا تفكرين بعمليات ولا شد
عليج بالتمارين الرياضية ومافي تمارين سحرية خلال اسبوع او اثنين تبين النتيجة تبان!! التمارين يبي لها صبر ولازم تقوين فيها عضلات البطن
وخطأ فادح يسوونها بعض البنات للبطن انها تتعلم كم تمرين خاص بعضلات البطن وتسويه كل يوم
ممكن تنقلب الى نتيجة عكسية وبدال لا تقوي العضلة تزيد من ضعفها وتكبر الكرش!
التمارين لازم تكون للبطن والظهر والساقين
فالافضل تعتمدين على مدربة وماتسوين التمارين بنفسج عشان لو سويتيها غلط بتدمرين كل شي
اشتركي بنادي ممتاز وداومي فيه بانتظام
مع استخدام وسائل مساعدة لشد الجسم وطرد الغازات
افضل مشروب وبتلقين نتيجة سريعه معاه هو الشمر
اشربي الشمر بانتظام قبل التمرين وبعد التمرين نتيجته خيالية في شد الجسم

وتعودي على شفط البطن طول الوقت كل ماتذكرتي والجلسة الصحيحة بظهر مفرود عشان عضلات البطن ماتكون مرتخية

والف مبروك البيبي

[بوراشد82]

الدكتور خالد الحمداني( عراقي) في مركز تداوي،، فناااااااااااااااان ،، يسويها بظ£ظ¥ظ*ظ*ظ*،، ومن تجربة شخصية

[بوراشد82]

بخمسة وثلاثين الف

[الرويـس]

اذا متزوج حلك بيد ام عيالك الله يحفظها

[بومحمد المطاوعه]

بـ 60 ألف


ابشرج 55 الف

[آنا غيــر]

ابشرج 55 الف

وشهي عاد هالعمليه اللي قاعدين تسوون عليها مزاد !

هل هي عملية قص معده ولا تحوير مسار ولا ربط معده ولا شفط وشد البطن ولا ايش بالضبط

[الأصيلة]

كرش بعد الولاده يعني كرش حمل :)

سويت رياضه مافي فايده اضعف بس الكرشه ماتروح ... وانا ضعيفه مب متينه

لازم عملية جراحية
دكاترة مستشفى رميلة ممتازين والخور
لكن المواعيد بعيده...
في جده عند دكتور محمد عيد ديب
في عيد كلينك...ممتاز للشفط والشد بالعملية وماأظن تكلف أكثر من 35 ألف...

[طبيب قطري]

بما انه كرش ولادة او بالاصح ترهلات ولادة وهذا شي طبيعي فلا تستعجلين على روحج اقل شي يبي لها ثلاث الى اربع شهور
لا تفكرين بعمليات ولا شد
عليج بالتمارين الرياضية ومافي تمارين سحرية خلال اسبوع او اثنين تبين النتيجة تبان!! التمارين يبي لها صبر ولازم تقوين فيها عضلات البطن
وخطأ فادح يسوونها بعض البنات للبطن انها تتعلم كم تمرين خاص بعضلات البطن وتسويه كل يوم
ممكن تنقلب الى نتيجة عكسية وبدال لا تقوي العضلة تزيد من ضعفها وتكبر الكرش!
التمارين لازم تكون للبطن والظهر والساقين
فالافضل تعتمدين على مدربة وماتسوين التمارين بنفسج عشان لو سويتيها غلط بتدمرين كل شي
اشتركي بنادي ممتاز وداومي فيه بانتظام
مع استخدام وسائل مساعدة لشد الجسم وطرد الغازات
افضل مشروب وبتلقين نتيجة سريعه معاه هو الشمر
اشربي الشمر بانتظام قبل التمرين وبعد التمرين نتيجته خيالية في شد الجسم

وتعودي على شفط البطن طول الوقت كل ماتذكرتي والجلسة الصحيحة بظهر مفرود عشان عضلات البطن ماتكون مرتخية

والف مبروك البيبي

اختي عفوا غير صحيح ابدا ان الشمر ينحف ، الشمر يمتن وبتحصلي على نتائج وهميه تشوفين جسمك مشدود وهو في الحقيقه امتلاء .. الشمر معروف انه يرفع هرمون الحليب لدى المراه وطبعا هرمون الحليب يمنع الانجاب وهذي نتيجه جدا خطيره تجهلها العديد من السيدات الي ممكن يعانوا من تاخر في الانجاب والسبب سوء استخدام الاعشاب او استخدامها بدون استشارة طبيب.

[pink dream]

تقصد عمليه شد البطن وهي عمليه تجميليه يسويها الدكتور كمال حسين صالح في العمادي ب 35 الف

[دايموند]

وشهي عاد هالعمليه اللي قاعدين تسوون عليها مزاد !

هل هي عملية قص معده ولا تحوير مسار ولا ربط معده ولا شفط وشد البطن ولا ايش بالضبط

ههههههههههه،،، سؤال حبيب البسطي كم يسويها؟

[كازانوفا]

عملية شد وشفط بالرميله وريحي نفسك ما في شي يشيل الكرش او بالاصح الترهل اللى من الحمل

[كازانوفا]

ههههههههههه،،، سؤال حبيب البسطي كم يسويها؟

على حسب ما سمعت اخر مره وصلت 30 الف

[قطريه22]

الاجنبيات يحملون ويولدون وجسمهم مشدود من الرياضه الافضل تسوين رياضه وتبتعدين عن العمليه

نصيحه

[H H]

اول شي حددي وش مشكلتك بالضبط , الكرش والا الترهل !!
اذا الكرش فيروح واقدر افيدك فيه لكن الترهلات للاسف في اغلب الحالات يحتاج عملية!!