ابي مطعم راقي

[طموحي عالي]

السلام عليكم

انا بيجوني ضيوف ومحتاره اي مطعم اوديهم
ابي شي راقي ويكون مافي شيشه

وياريت تقولون لي شنو الافضل نظام طلبات او بوفيه
انا اشوف بوفيه عشان مايستحون يطلبون
وبنفس الوقت احس بالطلب اذرب

للعلم بيكون عشاء ويوم الجمعة


فيدوني

[بصمة قطرية]

و عليكم السلام والرحمة ،،

بوفيه ..
نجمة الهند
أو أشيانا
للأكل الهندي ..

أحب بوفيه باندروزا
متنوع و حلو
و في طلبات بعد
الستيكات حلوة
لو طلبت يحق لك تاخذ من البوفيه اللي تبيه ،،

[بصمة قطرية]

باندروزا
له فرعين
في العزيزية والدفنه
أنصحك تروح اللي في الدفنه
متنوع أكثر ..:victory:

[برشلوني قطر]

ذى فيلج

قعدته حلوه وطلباته حلوه بس بدون بوفيه

وإذا يوم الجمعة انصح تحجز طاوله

[آنــه]

والله لو تقولين لي يا طموحي عالي نوع الأكل اللي تحبونه ممكن أفيدج
و انتي ميزانيتج كم للعشاء ؟!!
يعني في وايد مطاعم بس يعتمد ع اللي تحبونه

[طموحي عالي]

بندروزا ماحبه
وانا ابي شي راقي وكشخه الناس اول مره بجوني

والنوع اي شي غير الاسيوي عادي الهندي

[الزعفراني]

مطاعم الفنادق اشوفها مناسبه ..

[بصمة قطرية]

بندروزا ماحبه
وانا ابي شي راقي وكشخه الناس اول مره بجوني

والنوع اي شي غير الاسيوي عادي الهندي

المشكلة البوفيهات مب كثيرة عندنا
و أنا قلت الأماكن اللي فيها بوفيهات ،،

[blueZircon]

مطعم بيريزيا . مطعم ايراني راقي جدا جدا في فندق شرق
بس مشكلته الواحد لازم يكون وايد اتيكيت وهو ياكل . يعني اللي متعود يضرب بالخمس ماينفع له خخخ

بالتوفيق

[مزيون الدوحه]

بوفية فندق الماريوت يوم الجمعة شي عجيب بصراحه
ومنوع ولكل الاذواق جربيه وبتدعين لي ان شاء الله
واذا متردده مري عليهم الظهر واخذي طله سريعه
وانا متاكد بيعجبح الاكل والمكان
وبالتوفيق ان شاء الله

[بن غيث]

مطعم الحباري بشيراتون او مطعم الانتر او مطعم جراند
من ارقى المطاعم .. من ناحية المكان والطعم والخدمة

[لمعة الالماس]

ذا فيلج
سكر باشا كتارا بس فيه شيشة
مطعم لبناني ماميك في كتارا والشيشة بس في الدور الاول وتحت للعوائل
زعفران مطعم هندي في كتارا
شكسبير كافيه القعده هناك تجنن

[القلم الصريح]

مطعم اللبناني السلطان البراهيم في فندق سانت ريجيس عندهم بوفيه اعتقد للشخص 185 ريال
مطعم برج الحمام في اللؤلؤة مكان راقي وهالايام الجو حلو

[airbus]

نصيحة خارج الفنادق ماتروحي لانه مافيه مطعم يستاهل

[q1989]

الفورسيزون

[الزعفراني]

بوفية فندق الماريوت يوم الجمعة شي عجيب بصراحه
ومنوع ولكل الاذواق جربيه وبتدعين لي ان شاء الله
واذا متردده مري عليهم الظهر واخذي طله سريعه
وانا متاكد بيعجبح الاكل والمكان
وبالتوفيق ان شاء الله

اتفق وياك ازيد على كلامك لازم تحجز قبلها بيوم لان المكان فلللللل للغدا يوم الجمعه ..

[Qatar Angel]

مطاعم الفنادق ارقى

[حمد 2002]

مطعم كولارادو بالمرخيه :shy:

[تحداني]

صباح الخير على الجميع


مشكلتي ما احفظ اسماء المطاعم وايد بس بحاول اوصل لج المعلومه الصحيحيه

ماريوت " المطعم الهندي وايد حلو .. وفي بعد الايطالي جدا جدا لذيذ
ورمادا " رائدين في المطاعم المميزه " خاصه الصينيه
الانتر " عندهم بوفيه لكن ما حبيته كلش مع العلم زحمه وايد عليه وما ادري ليش "
في مطعم في الاجونا " برجر " على الشارع وايد لذيذ
زعفران مطعم جميل وانيق وعائلي نوعا ما
نودلز هاوس مطعم جميل
شبستان " مطعم انيق في اكله "
الشيرتون " الحبارى "
هيلتون " عندهم مطعم بعد حلو والسي فود نوعا ما مقبول




هني وعافيه يارب

[للصبر اخر]

بوفيه الماريوت يوم السبت انترناشونال
من كل قطر اغنييه
شي خيااااااااااااال صراحه عن تجربه بس مادري عن يوم الجمعه

[Rider]

ماشي غير المفطح في البيت وانتهى الموضوع ضيف واديه المطاعم

[سارآ]

مطعم بخارة فألفروسيه حلو للعوائل

[هجمة مرتدة]

في مطعم برازيلي في فندق الكورت يارد - ماريوت المï»»صق للستي سنتر . .
رائع وطريقتة جميلة جداً في تقديم الاكل . .
يحطون لك كرت اخضر ومن الجهة الثانية احمر . .
طول ما الكرت اخضر يجيبون لك كل ما لذ وطاب من الاكل لين طاولتك . .
ولين قلبت الكرت وقفوا عنك الاكل . .
وفوق هذا كله بوفيه متنوع من السلطات . .
والأكل عن تجربة ممتاز جداً . !

[وطن]

سنت ريجس مطاعمه حلوة
والدبليو هذول اكلهم غربي و خفيف



بوفيه الانتر حلو
و بوفيه اوريكس روتانا حلو في البرانش ما جربت بالليل شلون بس اكيد حلو بعد

[تحداني]

سنت ريجس مطاعمه حلوة


انا جربت السلطان ابراهيم .. حيلووووو


والدبليو هذول اكلهم غربي و خفيف


كلت من عندهم كاب كيك بعد حيلوووو



بوفيه الانتر حلو
و بوفيه اوريكس روتانا حلو في البرانش ما جربت بالليل شلون بس اكيد حلو بعد


روتانا بعد جربته حيلووووو




شكرا بحجم السماء

[تحداني]

في مطعم برازيلي في فندق الكورت يارد - ماريوت المï»»صق للستي سنتر . .
رائع وطريقتة جميلة جداً في تقديم الاكل . .
يحطون لك كرت اخضر ومن الجهة الثانية احمر . .
طول ما الكرت اخضر يجيبون لك كل ما لذ وطاب من الاكل لين طاولتك . .
ولين قلبت الكرت وقفوا عنك الاكل . .
وفوق هذا كله بوفيه متنوع من السلطات . .
والأكل عن تجربة ممتاز جداً . !




كلامك صحيح ووايد حلو ومبتكر الشي
وعندهم بعد على الطاري قاعه للمباريات شي جي
ان الشباب يطالعون المباراه وحركات وكوفي حلوه وايد

[الأصيلة]

ذى فيلج

قعدته حلوه وطلباته حلوه بس بدون بوفيه

وإذا يوم الجمعة انصح تحجز طاوله

فعلا مطعم ذرب وشيئ راقي ويبيض الوجه..
وعندج فندق الأنتر كونتينتال
البوفيه مالهم حلو ومشكل وفيه قعدات في الخارج...
ومطعم ماميج وزعفران في كتارا
يصلحون للعزايم وتطلبين تخصيص طاولة...

[الأصيلة]

مطعم اللبناني السلطان البراهيم في فندق سانت ريجيس عندهم بوفيه اعتقد للشخص 185 ريال
مطعم برج الحمام في اللؤلؤة مكان راقي وهالايام الجو حلو

معقول فندق والبوفيه الشخص بهذا السعر...
إذا الفورسيزن الشخص ب500

[ولد العلي]

ذى فيلج



وين موقعهم؟

[الأصيلة]

وين موقعهم؟

مكان شركة الدرويش سابقا
بجانب دوار مدماك..

[dm styal]

اذا انتي من محبين الاكلات الهندية روحي مطعم مهراجا في شارع الاصمخ جو هندي عجيب وحلو التغيير

[الفا برافو]

يمكن ملاحظتي متاخره
بس مطم النبلاء جدا راقي
اكلاته سوريه لبنانيه
مافيه لا شيشه ولا خرابيط

[ولد العلي]

مكان شركة الدرويش سابقا
بجانب دوار مدماك..

جزاك الله خير

[هجمة مرتدة]

اذا انتي من محبين الاكلات الهندية روحي مطعم مهراجا في شارع الاصمخ جو هندي عجيب وحلو التغيير

ههههههههههههههههههه . .
مهراجا مره وحدة . .
وشارع الأصمخ !
الأخت قالت تبي مكان راقي . .
وجايينها ضيوف . .
يعني المطعم اللي ذكرته مو مناسب . .

[وطن]

معقول فندق والبوفيه الشخص بهذا السعر...
إذا الفورسيزن الشخص ب500

متى صار الشخص بـ 500 !!!!

:omg:

[الزعفراني]

امس كنت بتعشى في المطعم البرازيلي بس اللي معاي مطوّع رفض ندخل :anger1:

[محمد]

ياخي هالموضوع حسسني اني صج راعي بلعه .. كل المطاعم المذكورة جربتها ما عدا بوفيه الماريوت هههههههههههههه


عموما .. اقترح مطعم الليوان في شرق بعد بوفيهم لا باس فيه ..
الانتر كان احسن بوفيه قبل ما يسكرونه وينقلون قدام المسبح !

باريسيا ما انصح فيه .. مطعم مبالغ بالسعر و الاكل ما يشبع صراحة شوووووي :secret:
وفيه مكان ماشوف حد اذكره مع انه ممتاز وزين كخيار بوفيه وهو بوفيه الريتز :victory:

[الزعفراني]

ياخي هالموضوع حسسني اني صج راعي بلعه .. كل المطاعم المذكورة جربتها ما عدا بوفيه الماريوت هههههههههههههه


عموما .. اقترح مطعم الليوان في شرق بعد بوفيهم لا باس فيه ..
الانتر كان احسن بوفيه قبل ما يسكرونه وينقلون قدام المسبح !

باريسيا ما انصح فيه .. مطعم مبالغ بالسعر و الاكل ما يشبع صراحة شوووووي :secret:
وفيه مكان ماشوف حد اذكره مع انه ممتاز وزين كخيار بوفيه وهو بوفيه الريتز :victory:

جرب الماريوت غدا يوم الجمعه .. وبتدعي لي .. بس اتصلهم قبلها بيوم عشان تحجز لان المكان فلللللللللللل

[محمد]

جرب الماريوت غدا يوم الجمعه .. وبتدعي لي .. بس اتصلهم قبلها بيوم عشان تحجز لان المكان فلللللللللللل

عندهم بوفيه يومي غدا و عشا ؟ ولا بس في الويكند ؟

انا الويكند ماحب اروح صراحة "عجأه" و حاله

[الزلزال]

انا عجبني مطعم مغربي داخل فندق الجسره سوق واقف

[السحابة]

في مطعم نادي الدانه وفي مطعم في فندق سنشري علي الكورنيش شارع المتحف

[pink pearl]

مطعم المجلس اللي بالسد، أكل منوع ومغلق وتآخذون راحتكم،،

بالعافية مقدماً