نداء من منفذ سلوى

[أبولوتس]

السلام عليكم ورحمة الله

أخواني أنا أن شالله جاي لقطر اليوم. عندي بس بعض الإستفسارات وياليت لاحرمت منكم تعينوني

هل فيه مواقف سيارات في منفذ سلوى؟ واذا مافيه وين أفضل مكان اركن فيه السيارة قبل المنفذ؟ لأني جاي بسيارة شخص ثاني.

هل فيه تكاسي تدخلني المنفذ الين الدوحة؟ وكم أسعارهم تقريبا؟

وين أماكن سكن في الدوحة أسعارهم معقولة؟

هل أسعار التاكسي غالية في الدوحة؟


الله يرضى عليكم جميعا.

[بصمة قطرية]

إن شاء الله يفيدونك الأعضاء
حياك الله أخوي ..


ينقل للإستفسارات :telephone:

[امـ حمد]

حياك الله اخوي
ان شاء الله الأعضاء يفيدونك

[ولي العهد]

الخوات يشتغلون في العلاقات العامة مثلاً ؟ وش استفاد من ردودكم ؟ هههههههههههه ماعلينا ،،، أبو لوتس وش الحكمة من انك بتخلي السيارة عند المنفذ ؟ ادخل فيها ووفر على نفسك كل هالاسئله وبخصوص السكن في الغالي وفي الرخيص وموضوع أسعار التكاسي ترى مالها أسعار لانها تشتغل على العداد ،،،، وفي الأخير تحياتي لمن دمر حياتي

[أبولوتس]

بصمة قطرية وأم محمد شكرا على الترحيب

ولي العهد ودي ادخل بالسيارة وأريح عمري لكن ماهي باسمي ولا اقدر ادخل فيها.

[أسد الجزيرة]

ما انصحك توقف سيارتك في المركز ممكن تنسرق او يسحبونها الي اعرفه انه ممنوع الوقوف اكثر من كذا ساعة الافضل لك انه تجي في باص النقل الجماعي سابتكو

[جارح]

الخوات يشتغلون في العلاقات العامة مثلاً ؟ وش استفاد من ردودكم ؟ هههههههههههه ماعلينا ،،، أبو لوتس وش الحكمة من انك بتخلي السيارة عند المنفذ ؟ ادخل فيها ووفر على نفسك كل هالاسئله وبخصوص السكن في الغالي وفي الرخيص وموضوع أسعار التكاسي ترى مالها أسعار لانها تشتغل على العداد ،،،، وفي الأخير تحياتي لمن دمر حياتي

حبيت اعلق على مداخلتك اخوي لانها ومن وجهة نظري ماكانت في محلها
اولا الاخ استفاد انه تم الترحيب به في بلدة الثاني
ثانيا استغرب سرعة ردك مع العلم انه كان قايل في موضوعه انا جاي بسيارة شخص ثاني يعني واضح كلامه ماهي بأسمه ولا يقدر يطلع فيها من السعودية لاكن مشكلتنا مانقرى المواضيع كاملة ولو حصل وقرينا يمكن بعد مانركز او مانفهم المضمون
ثالثا واهو الاهم وشدني اكثر شي في ردك ممكن تفسرلي جملتك الاخيره
(تحياتي لمن دمر حياتي)
هالجملة تنقال واجد وتنكتب واجد بكل مكان لاكن للامانه اشوفها كلمة ساقطه ومالها اي لزوم لاهنا ولا في اي مكان تنكتب عليه لانها ببساطة ماتوحي الا بأن الشخص قد دمر نفسيا
اسمحلي اخوي لو ثقلت عليك بالرد لاكن تقبل مني النصح وان رأيت انني قد تدخلت بشي لايعنيني فتقبل اسفي واعتذاري

[لابأس]

وعليكم السلام ورحمة الله وبركاتة

حياك الله

عزيزي ,
في مواقف قبل المنفذ السعودي ( سلوى ) على يمينك ,
اعتقد تقدر توقف سيارتك فيه واذا لم تستطع شف محطة بترول وصفها فيها وخل احد يحط البال عليها,

ودخل عبري مع الطيبين القادمين لقطر,

اما عن التكاسي في قطر اعتقد راح تعاني في تواجدها,

[ولي العهد]

بصمة قطرية وأم محمد شكرا على الترحيب

ولي العهد ودي ادخل بالسيارة وأريح عمري لكن ماهي باسمي ولا اقدر ادخل فيها.


تقدر أتوقف السياره قبل لا تدخل مركز السعودية وإذا دخلت مركز السعودية وطلعت فمركز قطر في الدخول ماله شغل باسم من السياره

[ولي العهد]

حبيت اعلق على مداخلتك اخوي لانها ومن وجهة نظري ماكانت في محلها
اولا الاخ استفاد انه تم الترحيب به في بلدة الثاني
ثانيا استغرب سرعة ردك مع العلم انه كان قايل في موضوعه انا جاي بسيارة شخص ثاني يعني واضح كلامه ماهي بأسمه ولا يقدر يطلع فيها من السعودية لاكن مشكلتنا مانقرى المواضيع كاملة ولو حصل وقرينا يمكن بعد مانركز او مانفهم المضمون
ثالثا واهو الاهم وشدني اكثر شي في ردك ممكن تفسرلي جملتك الاخيره
(تحياتي لمن دمر حياتي)
هالجملة تنقال واجد وتنكتب واجد بكل مكان لاكن للامانه اشوفها كلمة ساقطه ومالها اي لزوم لاهنا ولا في اي مكان تنكتب عليه لانها ببساطة ماتوحي الا بأن الشخص قد دمر نفسيا
اسمحلي اخوي لو ثقلت عليك بالرد لاكن تقبل مني النصح وان رأيت انني قد تدخلت بشي لايعنيني فتقبل اسفي واعتذاري


يعطيك العافية

[التميمي 3]

صفط سيارتك قبل منفذ سلوى عند بنك الراجحي ، وفي محطه بترول أسمها القحطاني قبل الدوار

وأنت متجه للمنفذ على اليمين أدخل المحطه وفي محل مقهى شيشه شباب جالسين يوصلونك قطر 300 ريال

وبالتوفيق