ضروري بارك الله فيكم .. وين أسوي الليزر ؟ المغربي أو الشريف

[خليدان]

السلام عليكم ورحمة الله وبركاته

شحالكم

بغيت أستشيركم بخصوص عملية الليزر للعين

ناوي أسويها خلال هالأسبوع

وقريت وايد عن دكتور خالد الشريف والكل يمدح فيه
تواصلت مع عيادته في قطر والإمارات
في قطر قالوا احتمال يكون فنص الشهر موجود
أما الإمارات كلموني البارحه قالوا لي بيكون موجود السبت والأحد
وقالوا الأجهزة فالإمارات متطوره أكثرر

ألحين أنا محتار وماودي اسافر في مكان بديل ويكون دكتور شاطر أروح له

وشرايكم فالمغربي ؟؟

أتمنى اللي له تجربه مايبخل علي :shy:

[سيناتورنايف]

سو عند خالد الجبير في الرياض دقيق ومتطور اكثر وارخص

[غاردينيا]

توكل على الله وسوها عند الشريف

انا بعد قالوا لي نفس الكلام ان اجهزة دبي مطوره اكثر
بس فضلت اسويها في قطر اريح لي

[خليدان]

الله يجزاكم خيرر

[تاج المراجل]

والله انا سمعت عن الشريف لكن افضل الريفي ف البحرين

[تحداني]

لا تستعجل يا اخوي

" الشريف تبارك الرحمن شاطر "
فأنصحك فيه


الله يشفيك يارب

[قطري !]

ابعدوا عن الررررررررررررررريفي

[للصبر اخر]

انا وخواتي واخواني وكم شخص من اهلي سويناها عند الشريف
في مركز الجبر اعتقد

[بونووف]

اخوي وكذا واحد من الربع سووها فالعمادي ممتاز لكن كلهم صادهم نفس الضباب فالعين بعد شهرين واصرفوا لهم قطور ثانيه غير القطور اللي اصرفوها لهم فالبدايه

وخواتي سووها فالبحرين عند ابن النفيس عند الدكتور عبدالله او حسن العريض مايحضرني اسمه حاليا بس من سنة 2002 والحمدالله ماشتكوا من شي

[ضوى]

فيه المركز الاسباني دكتور ثامر ، تقنية اكثر تطورا واكثر راحة وبمبلغ 15 الف ، هذا اللي تجيبه جويل في برنامجها اكثر من واحد اعرفه سواها وفوق الاربعين وطلعوا مفتحين من عنده بعد نص ساعة من العملية ، اسمها غير عن الليزك والليزيك اتصلوا اسالوا ، موقعها جنب محطة بترول الوعب وانتوا جاين من قطر للديكور على يدكم اليمين

[الأصيلة]

الشريف وبس...
الكل يشكر عليه وشغله ممتاز..
أو عيادة الكحال في الدمام...
الدكتور عادل الرشود

[البحار00]

حسن العريض في مجمع ابن النفيس الطبي في البحرين

والعمليه ما تكلف وايد

[لامار]

سو عند خالد الجبير في الرياض دقيق ومتطور اكثر وارخص

‘

اللـي أعـرفـهـ إن الـدكـتـور خـالـد الـجـبـيــر . .

إسـتـشـاري أمـراض قـلــب . . ولـيـس عـيــون . . !!


‘

[لامار]

‘

أعــرف كـذا وحــدهـ سـوتـهـا عـنـد زائـر مـصــري . .

فـي عـيـادة الـدكـــتـور يـوســف بـوألـفـين . .

وهـو البـروفـيــســور أســامــهـ إبــراهـيــم . .

وفـي نـاس سـوتـهـا عـنـد نـفـس الـبـروفـيســور لــكن فـي مـصـر . .

أخـتـي سـوتـهـا عـنـد الـدكـتـور خـالـد الـشريـف . .

بـس للآســف الـعـمـلـيـهـ مـا كـانت مـنـاسـبـهـ لـهـا . .

والـغـريـب إنـهـ مـا إنـتـبـهـ لـ هـ الأمـر . . وسـوالـهـا الـعـمـلـيـهـ ( اللـيـزكـ ) . .

والـحـين هـي تـعــانـي من هـ الـمـشـكـلـهـ . .

الله يـعـيـن الـجـمـيــع . .

‘