برنامج لشهر العسل بفينا من اصحاب الخبره [الأرشيف]

مشاهدة النسخة كاملة : برنامج لشهر العسل بفينا من اصحاب الخبره

المهاجر

29-03-2013, 12:35 PM

السلام عليكم ورحمة الله وبركاته

باذن الله ولدي بيتزوج بعد شهرين وهو حاب يروح شهر العسل بفينا

فياريت من اصحاب الخبره ومن سبق لهم وراحوا شهر عسل بفينا

يفيدوني بتزوزيع الايام والمناطق والفنادق والمواصلات هناك

ابي ارتب له شهر عسل مميز ويكون هديه مني لهم

عسى الله يتمم له على خير ويسعده بحياته

المده تقرياً اسبوعين او عشرين يوم

وهل يفضل يقضيها كلها بفينا ولا يروح دوله ثانيه

والفال لعيالكم واحبابكم

وجزاكم الله خير

بونووف

29-03-2013, 01:16 PM

blueZircon

29-03-2013, 01:23 PM

المهاجر

29-03-2013, 01:26 PM

الافضل يتنقل الى مناطق ثانيه
فينا وايد فنادق مميزه منها الماريوت قدام حديقه و اوستريا ترند على شارع المشاه ثلاث ايام
سالزبورغ مارحتها من قبل لكن يمدحونها ثلاث ايام
زلامسي ـفندق قراندـ خمس ايام
ميونخ ثلاث ايام

كل التنقل بالقطار مايتعدى ثلاث ساعات اطول رحله واذا يبي يستانس يؤجر موتر مع الجارمن

وبالمباارك ان شاءالله

الله يبارك فيك اخوي ويجزاك خير

انا ما اقصد مناطق انا اقصد دول ثانيه

وبعدين الارقام طالع حروف اكيد تكتب من الايباد او ايفون فياريت تكتبها بالانجليزي لانها بالعربي تكلع حروف

ومشكور اخوي وما قصرت

المهاجر

29-03-2013, 01:30 PM

الله يوفقه وييارك لهم ويجمعهم على خير ان شاءلله

فيينا حدها اربع ليالي
ومن فيينا يقدر يروح سالزبورغ يقعد فيها ثلاث ليالي وسالزبورغ تبعد عن فيينا مسافه اربع ساعات بالقطار
ومن سالزبورغ يروح زيلامسي يقعد فيها ثلاث ليالي ، المسافه بين سالزبورغ وزيلامسي ساعه بالقطار ، ويعود الدوحه عن طريق مطار ميونيخ اللي يبعد عن زيلامسي ساعتين بالسياره .

بس انا اشوف من وجهة نظري المانيا احلا من النمسا ، خل يروح المانيا ويزور ميونيخ ، وقارمش ومن بعدها يروح فرايبورغ اللي فيها اكبر مدينة العاب بااوروبا ، يوروبا بارك . احنا رحنا وقعدنا فيها اربع ليالي استانسنا وايد . المانيا انظف وارقى واحلى والمواصلات فيها احسن وارتب فماراح يتعب كثير وخصوصا انه بشهر عسل

الله يوفقه ان شاءلله ومبروكين مقدما

اللهم امين والله يباروك فيك اخوي

ما قصرت اخوي

انا عارف المناطق بس بغيت الفنادق الزينه وتوزيع ايام

فكرتك حلوه

طيب لو راح فينا وقعد ليلتين هناك وبعدها طلع سالزبورق ليتين ومنها زلامسي ثلاث ليالي وبعدها يطلع المانيا

فياريت لو عندك ترتيب للفاندق والمناطق بالمانيا

اكون شاكر لك

والفال لكل من يعز عليك اخوي

برشلوني قطر

29-03-2013, 01:39 PM

الله يبارك لكم أخوي المهاجر ويجعله زواج مبارك

أنا من رأيي ينزل ميونخ ويختمها ف فينا

وبينهم زلامسي وسالسبورغ

والله يبارك لهم ويوفقهم

وإذا تبي رقم سواق ياخذهم من ميونخ

أنا حااضر

رهج السنابك

29-03-2013, 02:46 PM

حلوه فكرتك

بس اشرايك تخليه هو يرتب سفرته بنفسه يمكن عنده راي مختلف او يحب اماكن معينه

R 7 A L

30-03-2013, 03:38 AM

الف مبروك

وعقبال باقي العزابية

البحار00

30-03-2013, 10:59 AM

يستاهل والله يبارك له

وتبلغ في عياله وعيال عياله

Qatar Angel

31-03-2013, 07:44 AM

بالمبارك ان شاءالله
من رايي يروح اليابان انا رحتها شهر العسل وكانت احلى ايام حياتي بلد راقيه وغير عن دول اروبا
مجرد اقتراح ولك القرار وعسى الله يوفقهم ويبارك لهم في حياتهم

Chambray

01-04-2013, 03:38 AM

الله يبارك لكم أخوي المهاجر ويجعله زواج مبارك

أنا من رأيي ينزل ميونخ ويختمها ف فينا

وبينهم زلامسي وسالسبورغ

والله يبارك لهم ويوفقهم

وإذا تبي رقم سواق ياخذهم من ميونخ

أنا حااضر

انا معاك في الرأي

ميونخ - زلامسي - سالزبورغ - فيينا

المسافة بين ميونخ وزلامسي ساعة ونص
والمسافة بين زلامسي وسالزبورغ ساعه ونص تقريباً اذا مش اقل
والمسافة بين سالزبورغ وفيينا 4 ساعات تقريباً

لذلك انا مع رأي الاخ برشلوني 100%
او العكس
فيينا ويختمها في ميونخ

احلى ستايل

01-04-2013, 08:14 AM

السلام عليكم
الله يتمم عليهم

اخوي شوف نصيحة فيينا العاصمة لايروح لها لان فيه مناطق احلى منها بكثير

قبل كم شهر رحت لها وانصدمت لما شفتها قلت وين الناس يقولون حلوة ؟؟؟؟؟

بلد نظافتها عادية فنادقها مستوها اعطيها جيد سكنت الانتر وبصراحة فندق الله لايرويك

والحديقة اللي قدامها الستادبارك ماينطلق عليها حديقة ابدا ابدا قعدوا اليهال يصيحون لما جاوها من كثر ماهي تعيسة
اسواق عدلة مافي والمدينة كلها دواعيس وبس وفوق هذا كلة جاتنا موجة حر وصلت الحرارة 36 ماعندهم الا
هالملاهي براتر وعادية جدا تذكرني في الملاهي اللي حطوها من فترة عند قاعة المعارض واللي في
حديقة الحيوان عندنا<<<<وحدة منصدمة لما شافتها خخخخخخ

المهم مثل ماقالوا الاعضاء سالزبورغ يومين لانها صغيرة ويسكن في فندق ساخير الجميل المطل على النهر جوها جدا جميل وبارد
و بعدها زلامسي الجميلة فندق غراند مع ان مستواه جيدجدا بس اطلالته رائعة
فيه فندق في الكابرون جميل جداTauern Spa Zell am See-Kaprun

وبعدها ميونخ كم يوم بصراحة ميونخ من اجمل المدن التي رايتها بلد نظيف وهادي
وحدائقة متطورة وجميلة مثل حديقة الاولمبيك بارك وانا سكنت فندق ذا ويستن فدق راقي
وكبير وفي منطقة ارابيلابارك هادية وبها جميع المرافق من حيث المطاعم اللبنانية والهندية والسوبرماركت والكوفيهات
ويبعد عن المارين بلاتز 5 دقائق بالاندرقراوند اسواقها حلوة بلد متطور وراقي

واسفة ع الاطالة

Aaziz

01-04-2013, 08:58 AM

مبروك الف مبروك ،، عقبال ماتصير جد ان شاءالله .

في شهر العسل يجهل اغلب المعاريس ان افضل شي هو وجودهم في فندق فخم و جو لطيف .. الطلعات تكون قليله .

بما ان النيه فينا فا انصح بزياره سويسرا و طبيعتها الخلابه

غايه الطواش

02-04-2013, 02:06 AM

بالمبارك ؟؟
خله يشاور المدام :)
نصيحتي لايروحون اكثر من مكانين
تتبهدل البنت الا تصف شناط والا تقفض:shy:

واهم شي لايرحون مكان سوقه حلو
لانها عروس فبتستحي تتشر ى (نصيحه من اخت ) وبتروح عليها فرصه مراح تتكر :shy: غير انها تطالع وتتحرمص من داخل من الحيا
يقزرونها مناظر طبيعه احسن :shy:

RAK_SL_Dubai

02-04-2013, 07:52 AM

الف مبروك

المهاجر

04-04-2013, 07:21 AM

مشكورين وما قصرتوا والله يبارك فيكم

والفال لكل أحبابكم وعيالكم

تسلمون

قطريه ماركه

04-04-2013, 08:40 AM

اختيار موفق

من رايي يسوي جولة اوروبية و ينطلق من فيننا

يروح سالزبورج و زيلامسي و اذا يبي يطلع من النمسا يروح ميلانو و زيورخ

الله يوفق له ياااااااارب

المهاجر

15-04-2013, 10:56 AM

مشكورين وما قصرتوا

والله يبارك فيكم

القلم الصريح

15-04-2013, 11:07 AM

انا رحت شهر العسل ، ميونخ وزلامسي وختمتها بفينا وكانت سفره حلوه

نورهان88

15-04-2013, 03:03 PM

زواج سعيد ترحون وترجعوا بالسلامة،،،

المهاجر

15-04-2013, 09:37 PM

انا رحت شهر العسل ، ميونخ وزلامسي وختمتها بفينا وكانت سفره حلوه

عسى كل ايامك حلوه اخوي

مشكور وماقصرت

زواج سعيد ترحون وترجعوا بالسلامة،،،

الله يسعد ايامج اختي

والله يسلمج من كل مكروه

تسلمين

ولد ازغوى

17-04-2013, 05:48 AM

ميونخ زيلامسي سالزبورج فيينا
والتنقلات بالقطار او بسياره هو يسوقها اذا كان يعرف للاحداثيات والقارمن

تحداني

18-04-2013, 12:01 PM

الله يسعدهم يارب .. ويخلفوا صبيان وبنات " اللهم آمين " واتصير بابا عود :)
شوف جدولي يمكن يعجبك ..

نقول الرحله 22 يوم ..

7 ايام في " المانيا " منها يتجولون في ميونخ وغيرها من مناطق ومنها يروحون زلامسي
كلها كمن ساعه ويردون ميونخ او اذا حبوا يتمون فيها يوم واحد كفايه

5 ايام في " انترلاكن " سويسرا .. ليش انترلاكن
لان لما تستقر في المنتصف تقدر تتجول ابراحتك في المدن القريبه .. او معظم المدن
وغالبيه المدن بوساعه او ساعتين

بعدها نقول 6 ايام " ميلان "
الله على ميلان جميله جدا .. ويقدرون من خلالها يروحون كل مكان ما عدى روما اشوي ابعيده

وبعدها يردون من ميلان " ميونخ " بالسياره

ويردون الدوحه

رحله راح تكون ممتعه صدقني لانهم 2 بسس وحركتهم سهله
حلو اتسافر اتشوف كل شي .. وانا طبيعتي احب الانتقال .. واحب المغامرات ..
احب الطبيعه والاجواء والشعوب

وآآآآآخر شي السوق .. بس يومين او ثلاث عشان ما يشيلون الاغراض معاهم من مكان لين مكان

اشرايك ؟؟ او اشرايكم يا اخوان وخوات ؟؟

الله يسعدهم يارب

تحداني

18-04-2013, 12:04 PM

انا عن نفسي ما حبيت فيينا وايد .. واشوف سويسرا ماخذه كل جمال الدنيا
وفيينا هي امتداد مختصر لسويسرا .. فكر في هالموضوع اخوي مهاجر
واحسبها من نواحي جماليه رومانسيه

فيينا مافيها الي في سويسرا
سويسرا غييرررر غيييير
هي بلد الحب .. والجمال . والاناقه .. والطبيعه .. والرومانسيه .. والذكريات
صدقني

جملك الله برضاه

ولد ازغوى

30-04-2013, 07:23 PM

كلامها عدل بس أنا احبذ. اخر محطه تكون غير عن الاولى

المهاجر

30-04-2013, 08:23 PM

حمد 2002

30-04-2013, 09:55 PM

بالمبارك ان شاء الله

abodabodi

01-05-2013, 11:39 AM

الله يبارك لكم أخوي المهاجر ويجعله زواج مبارك

أنا من رأيي ينزل ميونخ ويختمها ف فينا

وبينهم زلامسي وسالسبورغ

والله يبارك لهم ويوفقهم

وإذا تبي رقم سواق ياخذهم من ميونخ

أنا حااضر

اخوي ممكن رقم الشخص اللي ياخذنا من ميونخ لوسمحت

q6ri_vip

01-05-2013, 07:49 PM

الف مبروك والله يتمم ع خير أخوي المهاجر

المهاجر

01-05-2013, 08:04 PM

بالمبارك ان شاء الله

الف مبروك والله يتمم ع خير أخوي المهاجر

الله يبارك فيكم ويبلغكم بعيالكم

جزاكم الله خير

برشلوني قطر

01-05-2013, 08:13 PM

اخوي ممكن رقم الشخص اللي ياخذنا من ميونخ لوسمحت

حاضرين لك. شيك الخاص

المهاجر

01-05-2013, 08:18 PM

اخوي برشلوني ولاتهون طرش لي رقمه

برشلوني قطر

01-05-2013, 08:24 PM

اخوي برشلوني ولاتهون طرش لي رقمه

ابشر يا ابو المعرس

هذي عانية الزواج رقم سواق:rolleyes2:

تحداني

07-05-2013, 12:48 PM

مشكورين وما قصرتوا

للأسف اختي تحداني توني اقرا كلامج وامس حجزت التذاكر

دوحه فينا ميونخ دوحه

المده هو يبغيها 15 ليله بس ويبي يرجع يقعدون معانا شوي وبعدين يروحون امريكا

جدولج وايد عجبني ويمكن اخليه لي انا:shy:

الحين ابي الفنادق وتوزيع الايام

واكون شاكر لكم

الله يسعدهم يارب والفال للباقي
راح يعجبك الجدوا انت والمدام والاعيال ان شاء الله

في فيينا " سكنت في الهيلتون " قدام الحديقه وما حبيت المكان مليان عرب
وكل خطوه تعال سلم ولا تعالي عزايم

ورحت كل مكان منها مغاره هتلر
وجبال الألب وحدايق .. بس سوقهم ما عجبني خالص

المهاجر

13-05-2013, 08:04 AM

ويسعدج تحداني ويسعد الجميع ويوفقكم يارب

ويبعد عنكم كل حاقد يارب

ان شاء الله باروح حسب جدولج بالاجازه هالصيف ان الله راد

المهاجر

13-05-2013, 08:05 AM

كل الشكر لمن مر على الموضوع وفادنا برايه

بغيت ولا تهونون الفنادق المناسبه

بفينا وسالزبورج وزيلامسي وميونخ

وعساكم سالمين

Class - Qtr

13-05-2013, 09:35 AM

كل الشكر لمن مر على الموضوع وفادنا برايه

بغيت ولا تهونون الفنادق المناسبه

بفينا وسالزبورج وزيلامسي وميونخ

وعساكم سالمين

السلام عليكم

مبروك مقدما والله يكتب له الذريه الصالحه ويسعدة ويهنيه

بااكتب لك الافضل بالتدريج بس طبعا ممتازين كلهم

** فيينا **

The Ritz-Carlton

Marriott

InterContinental

MyPlace - Premium Apartments City Centre

** سالزبورغ **

Sacher Salzburg

Hotel Bristol

** زيلامسي **

Grand Hotel

Appartementhotel Post ( شقه ) 3 دقايق مشي لبحيرة زيلامسي مكان نظيف جدا

** ميونخ **

Le Méridien

The Westin Grand Munich ( خمس دقايق من الماريا بلاتز بالترو ) يسحق الاختيار

Munich Marriott Hotel ( سبع دقايق من الماريا بلاتز بالمترو ) يستحق الاختيار

** جدول 15 ليله **

4 ليالي فيينا / 3 ليالي سالزبورغ ويزور مدينه انسبورك / 4 ليالي زيلامسي / 4 ليالي ميونخ

غير البشر

13-05-2013, 10:06 AM

جعله زواج مبارك ان شاء الله
ربي يوفقهم ويرزقهم الذريه الصالحه
تستاهلون مادبرتو اخوي المهاجر

ابشر بعزك
اليوم ان شاء الله بعطيك كل الي يسرك ان شاء الله جدول وكل المعلومات عن السفره :victory:

المهاجر

21-05-2013, 08:55 PM

السلام عليكم

مبروك مقدما والله يكتب له الذريه الصالحه ويسعدة ويهنيه

بااكتب لك الافضل بالتدريج بس طبعا ممتازين كلهم

** فيينا **

The Ritz-Carlton

Marriott

InterContinental

MyPlace - Premium Apartments City Centre

** سالزبورغ **

Sacher Salzburg

Hotel Bristol

** زيلامسي **

Grand Hotel

Appartementhotel Post ( شقه ) 3 دقايق مشي لبحيرة زيلامسي مكان نظيف جدا

** ميونخ **

Le Méridien

The Westin Grand Munich ( خمس دقايق من الماريا بلاتز بالترو ) يسحق الاختيار

Munich Marriott Hotel ( سبع دقايق من الماريا بلاتز بالمترو ) يستحق الاختيار

** جدول 15 ليله **

4 ليالي فيينا / 3 ليالي سالزبورغ ويزور مدينه انسبورك / 4 ليالي زيلامسي / 4 ليالي ميونخ

عليكم السلام ورحمة الله وبركاته

اللهم آمين وجزاك الله خير والفال لكل احبابك اخوي

تسلم وما قصرت

جعله زواج مبارك ان شاء الله
ربي يوفقهم ويرزقهم الذريه الصالحه
تستاهلون مادبرتو اخوي المهاجر

ابشر بعزك
اليوم ان شاء الله بعطيك كل الي يسرك ان شاء الله جدول وكل المعلومات عن السفره :victory:

الله يبارك بعمرك يالغالي ويوفقك انت وكل من يعز عليك

والله يعزك بالطاعه والايمان

بإنتظارك :telephone:

المهاجر

22-05-2013, 07:11 PM

شنهو بديل فندق جراند ب زلامسي ضروري ضروري

الفندق فل :(

لبيبة

22-05-2013, 07:47 PM

شنهو بديل فندق جراند ب زلامسي ضروري ضروري

الفندق فل :(
الاجانب يمدحون فندق Hotel Tirolerhof

غير البشر

22-05-2013, 10:18 PM

عليكم السلام ورحمة الله وبركاته

اللهم آمين وجزاك الله خير والفال لكل احبابك اخوي

تسلم وما قصرت

الله يبارك بعمرك يالغالي ويوفقك انت وكل من يعز عليك

والله يعزك بالطاعه والايمان

بإنتظارك :telephone:

سوري على التأخير يا الغالي
متى تاريخ السفر
عطني تاريخ السفر وكم ليله وبشوف لك ان شاء الله
وشنو حجزتون وشنو باقي لكم عشان اكمل لكم الباقي

بما ان فندق غراند مافي حجز
شوف هالفندق انا بصراحه ماجربته بس اشوفه كأنه حلو بالنسبه لفنادق زيلامسي
من فتره انا حاط العين عليه

http://www.booking.com/hotel/at/seehotel-seevilla-freiberg.html?tab=1&origin=hp&error_url=%2Fhotel%2Fat%2Fseehotel-seevilla-freiberg.ar.html%3Faid%3D357026%3Blabel%3Dgog235jc-hotel-en-at-seehotelNseevillaNfreiberg-unspec-a1-unk-T001-1%3Bsid%3Df883d211fb917ccc2a156d5c3476b2a4%3Bdcid% 3D1%3B&do_availability_check=on&aid=357026&dcid=1&label=gog235jc-hotel-en-at-seehotelNseevillaNfreiberg-unspec-a1-unk-T001-1&lang=ar&sid=f883d211fb917ccc2a156d5c3476b2a4&checkin_year_month=2013-5&checkin_monthday=30&checkout_year_month=2013-5&checkout_monthday=31

وفندق Hotel Tirolerhof Zell am See

http://www.booking.com/hotel/at/tirolerhof-zell-am-see.html?aid=357026;label=gog235jc-hotel-en-at-tirolerhofNzellNamNsee-unspec-us_ca-com-T001-1;sid=f883d211fb917ccc2a156d5c3476b2a4;dcid=1&lang=ar

موقعهم على الخارطه بالنسبه لفندق غراند

http://www.m5zn.com/newuploads/2013/05/22/png//m5zn_71ddd56e1eb9d8e.png (http://www.m5zn.com/out.php?code=14730237)

المهاجر

23-05-2013, 12:54 AM

تسلم اخوي غير البشر حجزت لهم والحمد لله

وجراند لقيت مساعه آخر جناح وخذته على طول

الله يوفقهم ويسعدهم يارب

والفال لكل أحبابكم وتفرحون فيهم

مشكورين وما قصرتوا وبيض الله وجيهكم

غير البشر

23-05-2013, 02:23 AM

تسلم اخوي غير البشر حجزت لهم والحمد لله

وجراند لقيت مساعه آخر جناح وخذته على طول

الله يوفقهم ويسعدهم يارب

والفال لكل أحبابكم وتفرحون فيهم

مشكورين وما قصرتوا وبيض الله وجيهكم

زين الحمدلله تستاهلون يا الغالي
انا بصراحه ماحب اسكن الا في غراند
لكن المشكله اذا الواحد توهق هههههه

الحين برتب لك ان شاء الله الي اقدر افيدك
بخصوص الاماكن في هذي المناطق

بس مادري حجزت فندق في ميونخ او لا
لاني انصحك في كمبنسكي بما انه شهر العسل

المهاجر

23-05-2013, 03:11 AM

زين الحمدلله تستاهلون يا الغالي
انا بصراحه ماحب اسكن الا في غراند
لكن المشكله اذا الواحد توهق هههههه

الحين برتب لك ان شاء الله الي اقدر افيدك
بخصوص الاماكن في هذي المناطق

بس مادري حجزت فندق في ميونخ او لا
لاني انصحك في كمبنسكي بما انه شهر العسل

تستاهل الخير يالغالي

اي والله بمكتب السفريات مالقيت حجز قالي فل

وبعد مارحت عنه وانا متكدر دخلت على بوكينج والا اشوف جناح واحد موجود وعلى طول حجزته

وابشرك بميونخ حجزت كمبينسكي :victory:

وبفينا حجزت ريتز كارلتون وبسالزبورج حجزت زاخر

وانتظر منك جدول حلو يستانسون فيه
والفال لعيالك يارب:nice:

ثلاث ليالي بفينا وثلاث بسالزبورج واربع زيلامسي وخمس ميونخ

:victory:

غير البشر

23-05-2013, 03:49 AM

تستاهل الخير يالغالي

اي والله بمكتب السفريات مالقيت حجز قالي فل

وبعد مارحت عنه وانا متكدر دخلت على بوكينج والا اشوف جناح واحد موجود وعلى طول حجزته

وابشرك بميونخ حجزت كمبينسكي :victory:

وبفينا حجزت ريتز كارلتون وبسالزبورج حجزت زاخر

وانتظر منك جدول حلو يستانسون فيه
والفال لعيالك يارب:nice:

ثلاث ليالي بفينا وثلاث بسالزبورج واربع زيلامسي وخمس ميونخ

:victory:

امين ويااك يارب وربي يوفقهم ان شاء الله

كمبنسكي وجراند والريتز حلووين توفقت فيهم
وكنت بقولك عن زاخر في سالزبورغ حلوو :victory:
نص ساعه قاعد ارتب حق فيينا واعتفس الكمبيوتر عندي ههههههه

خلاص ان شاء الله برتب لك على ها الاساس

يبغون اوت لت وها السوالف وتسوق او اخفف منهم :omen2:

غير البشر

23-05-2013, 09:16 AM

فيينا 3 ليالي

ملاحظه كل منطقه رقمتها لك في الخارطه عشان تحدد مكانها

اليوم الاول :

1- شارع المشاه Kartner strasse
2- شارع كولماركت Kohlmarkt
3- شارع كرابن Graben
كلهم مع بعض وجنب بعض في خط واحد بحددهم لك بالخارطه تحت
4- حديقه شتاد بارك Stadtpark ( ملاحظه من بعد المغرب انصح بعدم الدخول لها )
وهي قريبه جدا من فندق الريتز
5- قصر وحديقه Belvedere بلفيديرا وفيها ساحه بها نافوره
مكانها خلف فندق الريتز بالظبط يعني يطلعون من فندق الريتز ياخذون يسار مشي
ويمشون لين ثالث لفه يسار يمشون اشوي يحصلون ساحه قدامهم بها نافوره
وبعد الساحه القصر وبعدها الحديق ( توضيح بالصوره تحت )
6- قصر هوفبورغ Hofburg في بدايه شاره المشاه خلف الاوبرا مع حديقه
7- بعد المغرب ملاهي براتر Prater

خارطة توضيحيه لليوم الاول

http://www.m5zn.com/newuploads/2013/05/23/png//m5zn_67cb12768506188.png (http://www.m5zn.com/out.php?code=14730726) ]

اليوم الثاني :

1- جبل كالين بيرج Kahlenberg
الصعود على الجبل والتمتع بمناظر لفيينا من الاعلى
ويوجد كوفيهات وقطار للتجول فيه بالجبل ويمر على مزارع العنب
يوصلون له اذا بروحون با الاندر غراوند
ياخذون المسار الاخصر U4
وينزلون محطه Heiligenstadt
ويركبون الباص رقم 38A
ويوصلكم الى جبل كالين

2- قارب نهر الدانوب Danube boat
ركوب القارب والتجول في النهر
3- برج الدانوب Danube Tower
صعود البرج وتناول الاكل في المطعم ومشاهده فيينا من الاعلى
4- حديقه الدانوب Danube park تحت البرج
5- ساحه محمد اسد mohamed asad platz
الساحه مقابله لمبنى الامم المتحده بجانب حديقه الدانوب
6- مجمع تجاري Donauzentrum

خارطه توضيحيه لليوم الثاني :

http://download.chatalkhaleej.com/uploads/13692870701.png (http://download.chatalkhaleej.com/)

اليوم الثالث :

1- مغاره هتلر See Grotte
( ملاحظه مهمه : النمساووين مايحبون هتلر او اسم هتلر
لما تروحون للمغاره تذكرون اسمها فقط See Grotte
لاتجيبون اسم او طاري هتلر يتحسسون منه وايد )
المغاره حلوه والتجول داخل المغاره بالقارب
لانه فيها نفس النهر
واخذ ملابس ثقيله لبروده الجو داخل المغاره
المسافه من وسط فيينا بالقطار او السياره نص ساعه

المسافه بالقطار
http://download.chatalkhaleej.com/uploads/13692882401.png (http://download.chatalkhaleej.com/)

2- قصر الشونبرون ومعاه حديقه حيوانات وحديقه للتنزه
Schonubrunn Palace

3- شارع ماريا هيلفر Mariahilf estrasse
شارع تسوق وكوفيهات لو حبو يتسوقون

خارطه توضيحيه لليوم الثالث

http://download.chatalkhaleej.com/uploads/13692892191.png (http://download.chatalkhaleej.com/)

فيينا تسوى لها اكثر من 3 ايام
بس انا حاولت لك اضغط اشوي
واحذف بعض الاماكن خاصه اماكن التسوق :secret: ههههههههه

طبعا اليوم الي بعده السفر الى سالزبورغ

هذا مقترح اذا بغيت اي تغيير او تعديل خبرني :victory:

المهاجر

23-05-2013, 11:36 AM

جعل من جابك الجنه برنامج روعه وبيستانسون فيه
انا كنت ابي يقعد اربع ايام بفيينا بس هو قال ثلاث ايام قلت براحتكم

ماقصرت والله يالغالي

باقي المناطق الثانيه الله لا يهينك

ونفرح بعيالك

غير البشر

23-05-2013, 12:28 PM

جعل من جابك الجنه برنامج روعه وبيستانسون فيه
انا كنت ابي يقعد اربع ايام بفيينا بس هو قال ثلاث ايام قلت براحتكم

ماقصرت والله يالغالي

باقي المناطق الثانيه الله لا يهينك

ونفرح بعيالك

ومن قال ان شاء الله يا الغالي
ان شاء الله يستانسون ربي يفرحهم ويهنيهم
اي اهم شي راحته هو راعي السفره شوفي الي يرحه :victory:

ان شاء الله ابشر بس استحمل تأخيري اشوي
لاني احذف اماكن واعدل واحط اماكن بس ان شاء الله بحاول اخلصهم لك اليوم
ولا يهمك :nice:

المهاجر

23-05-2013, 08:16 PM

بشرك الله بالجنه وبيض الله وجهك

وخذ راحتك يالغالي

تسلم

عندليب قطر

23-05-2013, 08:18 PM

بالتوفيق ان شاء الله

المهاجر

23-05-2013, 09:00 PM

بالتوفيق ان شاء الله

ويوفقك يارب

جزاك الله خير

غير البشر

25-05-2013, 05:59 PM

سالزبورغ 3 ايام

من فيينا الى سالزبورغ بالقطار

تقريبا ساعتين ونص

http://www.m5zn.com/newuploads/2013/05/25/png//m5zn_ce3ed826c38960e.png (http://www.m5zn.com/out.php?code=14735230)

الله يعينهم على موزارت بسندرونهم ههههه :rolleyes2:

اليوم الاول :

حبيت اقولك ان موقع فندق زاخر مش ممكن :victory:
اول ثلاث اماكن يروحون لها مشي

1- شارع المشاة Getreidegasse
وفي نص شارع المشاه منزل الموسيقار موزارت
مقابل المنزل في ساحه صغيره فيها كوفي عجيب :victory:
2- الصعود على التله في اخر شارع المشاه
والجلوس في المطعم او اكلوفي والتمتع بمناظر
مدينه سالزبورغ من الاعلى
راح توضح مكانها بالخريطه تحت
3- زياره المدينه القديمه Old Town (Altstadt)
تنتشر فيها الكوفيهات والمطاعم
4- مجمع euro park

خارطة اليوم الاول :

http://www.m5zn.com/newuploads/2013/05/24/png//m5zn_c3eb86dcb8b0d74.png (http://www.m5zn.com/out.php?code=14732425)[/QUOTE]

اليوم الثاني :

الذهاب الى مدينه وولف قانق .Wolfgang

اسمها الكامل St.Wolfgang im Salzk. Markt
هي مدينه صغيره وحلوه
اول مايوصلون يروحون في القطار البخاري اسمه SchafbergBahn
يوديكم الى اعلى الجبل مناظر روعه وتشوفون البحيره من فوق
ومن فوق تحجزون تذكره الرجعه الوقت الي يناسبكم
وفوق الجبل فيه مطعم
وبعد النزول التمشي في المدينه على الارجل
وبعدها ركوب المركب والتجول في البحيره

المسافه من سالزبورغ الى مدينه وولف قانق
تقريبا ساعه ونص

http://www.m5zn.com/newuploads/2013/05/25/png//m5zn_93372afeb59ecfc.png (http://www.m5zn.com/out.php?code=14734269)

2- الذهاب في سالزبورغ الى قصر وحديقه الميرابيل
Mirabell Palace and Gardens
وهي خلف فندق زاخر مباشرة

3- جوله في مركب نهر السالزك Salzach cruise

وممكن ماتبقى من وقت التجول في شارع المشاة

خارطه اليوم الثاني :

http://www.m5zn.com/newuploads/2013/05/25/png//m5zn_c4edfbf1a625b7c.png (http://www.m5zn.com/out.php?code=14735231)[/QUOTE]

اليوم الثالث :

1- قمة داشستين الجليدية Dachstein glacier
الصعود للقمة بالتلفريك
موقعهم الرسمي
http://www.derdachstein.at/dachstein/en/Home.html

قمة ثلجيه جميلة وفيها نفس البلكونه في القمه
واسم البلكونه sky walk
تطل على جبال الالب
وبعدها الذهاب الى القصر الجليدي ice palace

صور من قمة ومنصة داشستين

http://www.m5zn.com/newuploads/2013/05/25/jpg//m5zn_3b807b01932bd09.jpg (http://www.m5zn.com/out.php?code=14735320)

http://www.m5zn.com/newuploads/2013/05/25/jpg//m5zn_16291ddeebe10e1.jpg (http://www.m5zn.com/out.php?code=14735319)

http://www.m5zn.com/newuploads/2013/05/25/jpg//m5zn_213db887a30600d.jpg (http://www.m5zn.com/out.php?code=14735318)

وفي نفس المنطقه في زحليقه صيفيه لو حبو يروحون لها
اسمها erlebnis rittisberg
موقعهم الرسمي

http://www.rittisberg.at/de/extras/partner/coaster.html

المسافة من سالزبورغ الى داشستين
بين ساعتين و20 دقيقه الى ساعتين و 40 دقيقه
الذهاب اليها الصباح بدري

http://www.m5zn.com/newuploads/2013/05/25/png//m5zn_5ffd88416bca2b2.png (http://www.m5zn.com/out.php?code=14735277)[/QUOTE]

2- بعد العوده الى سالزبورغ
زيارة قصر وحديقة هلبرون Hellbrunn palace & garden
وفيها العاب مائيه يسمونها فنتازيا
وهي رش الماي عن طريق المفاجأه
يعني وانت تتمشى ماتعرف من وين ممكن يجيك ماي
نوع من المرح

وماتبقى من وقت الذهاب الى شارع المشاه
والتجول على ضفة النهر او المدينه القديمه

اليوم الي بعدة السفر الى زيلامسي

المهاجر

25-05-2013, 10:25 PM

ياسلام عليك اشهد انك ماقصرت

بيض الله وجهك والله يقدرنا ونرد لك جميلك وتعبك

لاخلا ولاعدم يالغالي

غير البشر

26-05-2013, 12:23 AM

ياسلام عليك اشهد انك ماقصرت

بيض الله وجهك والله يقدرنا ونرد لك جميلك وتعبك

لاخلا ولاعدم يالغالي

العفووو يا الغالي
ان شاء الله يناسبهم
ووجهك ابيض يا الذيب

اسمحلي انا اتأخر خبرك احط واحذف واغير ههههههه

حاولت ان اول يوم وصول يكون في نفس المنطقه مايطلعون برع سالزبورغ
ثاني وثالث يوم
كل يوم منطقه وحده برع
ومنطقتين او ثلاث داخل سالزبورغ
ماقدر اعطيهم منطقتين برع بنفس اليوم صعبه

وان شاء الله بأسرع وقت بنزل لكم زيلامسي :nice:

غير البشر

29-05-2013, 09:04 PM

4 ايام زيلامسي

المسافه من سالزبورغ الى زيلامسي

http://www.m5zn.com/newuploads/2013/05/26/png//m5zn_2156fbdd0a7c6bf.png (http://www.m5zn.com/out.php?code=14736402)

على حسب الوقوف بالمحطات يفرق في الوقت
اتمنى لو اعرف تاريخ السفر بالظبط والعوده
على اساس لكل سفرة اشوف لهم اوقات القطارات
ونشوف افضل واسرع وقت للرحلة :victory:

السكن في فندق غراند grand hotel

يفضل عند الوصول الى زيلامسي
شراء كرت زيلامسي التذكرة الشاملة
للتوفير وخصومات عاليه او مجانية للأماكن السياحية

لزياده المعلومات

http://www.zellamsee-kaprun.com/ar/zask-card

اليوم الاول :

1- التجول في كورنيش البحيره
2- جنب فندق غراند توجد منطقة العاب + منطقه جلوس على البحيره
وركوب القارب الصغير والتجديف با الارجل في البحيره
3- ركوب المركب والتجول في رحله سياحيه في البحيره
الموقع الرسمي http://www.schmitten.at/de/preise-und-betriebszeiten.html
4- مقابل بوابه فندق غراند والعبور من السكه الحديد
يوجد مطعم عربي اسمه على بابا ومقابله كوفي وجلسه خارجيه
5- التجول في ازقه المدينه او التجول بالقطار السياحي داخل المدينه

خريطة اليوم الاول :

http://www.m5zn.com/newuploads/2013/05/28/png//m5zn_c2437e59adab041.png (http://www.m5zn.com/out.php?code=14740157)

اليوم الثاني :

1- الذهاب الى كابرون kaprun
اسم القمه الثلجية Kitzsteinhorn
تفصيل :
رقم الباص الي يوصلك للجبل 660
او استأجر سياره افضل
للوصول للقمة عباره عن عدد 3 تلفريك
بعد التلفريك الثاني يوجد مطعم للوجبات الخفيفة
وعنده كابتشينو مع الجو البارد مش ممكن الكل لازم انصحة فيه ههههه
وخذو راحتكم وعند الاتهاء الصعود لأي تلفريك قادم وبعدها القمة
وايضا في التفلريك الثاني ممكن تستأجرون جاكيتات واحذيه ضروريه
عشان بروده الجو
وفي القمة يوجد كشك صغير يبيع العصاير والامور البسيطة
وفي سلم متحرك مستوى للصعود الى مكان التزلج ( قمة المتعه )
في نوعين للتزلج
= على شكل سيكل والنزول من الاعلى بسرعة عالية
= او قطعة بلاستيكية صغيرة يمكن الجلوس عليها او الانبطاح بالبطن

2- النزول الى البحيرات الاصطناعية hochgebirgsstauseen kaprun
الناتجة عن ذوبان ثلوج جبال كابرون وتتجمع في هذه المنطقة
المنظر سبحان الله روعه ولون الماي اروع
بعد النزول من كابرون تسألون عن باصا البحيرات والطريق اليها
عند الوصول تصعدون للبحيرات عن طريق مصعد عملاق :(
انا جربته في 2006 كان مرعب الصراحة ههههههه
نفس الي بالصورة

http://www.m5zn.com/newuploads/2013/05/28/jpg//m5zn_a2c9da50dfd98e7.jpg (http://www.m5zn.com/out.php?code=14740146)

المصعد يمشي يصعد على الجبل غير معلق
وعادي ممكن يركب معاكم الباص سوبر جيت بالمصعد
نصيحة لاتاخذون المكان بالنص
حاولو على الاطراف عشان التمسك يكون جيد ويفضل بالطرف الاعلى بأتجاه الصعود
والمنطقة فيها مطعم + والتجول فوق السد

3- العودة الى زيلامسي للراحة والتجول فيها ماتبقى من اليوم

خريطة اليوم الثاني :
قمة كابرون + البحيرات الاصطناعية

http://www.m5zn.com/newuploads/2013/05/28/png//m5zn_1ea069eac90effa.png (http://www.m5zn.com/out.php?code=14740162)[/QUOTE]

اليوم الثالث :

1- شلالات كريملر Krimmler Wasserfäll
او Krimml waterfall
في مدينة Krimml

وخامس اكبر شلال في العالم

يفضل الذهاب لها بالسياره عن طريق الفندق
او بالباص رقم 670 في محطه باصات Post.Bus
والمسافه تقريبا من ساعة الى ساعة وعشر دقايق

بالقطار ساعه و20 دقيقة
بس القطار ينزلك في المدينه نفسها تبعد تقريبا كيلو ونص
وبعدها تاخذ سياره توصلكم للشلالات

ملاحظه داخل مكان الشلالات في لوحات ارشاديه
اما تروح اعلى الشلال او تحت
روح طريق الشلال الي تحت
لان الاعلى صعب الوصول له ويبغيلكم لياقه قويه جدا ومتعب

والمكان فيه مطعم واماكن للراحه

موقعهم على الانترنت

http://www.wasserfaelle-krimml.at/html_engl/wasserfall_engl.html

2- العودة الى زيلامسي
والذهاب الى قمة جبل Schmittenhöhebahn
داخل مدينه زيلامسي
الوصول لها بالباص وبعدها تلفريك للأعلى

http://www.m5zn.com/newuploads/2013/05/29/jpg//m5zn_5f9342884957d07.jpg (http://www.m5zn.com/out.php?code=14742083)

3- النزول للمدينه والتجول في مناطقها او البحيرة

اليوم الرابع :

1- يوجد خيارين

الخيار الاول :

الذهاب للخوانق المائية Sigmund Thun Klamm
من بحيرة زيلامسي بالقطار 27 دقيقة
او الباص او بالسياره تقريبا كلهم نفس المسافه

فيديو للخوانق
السموحه يوتيوب امان فيه مشكلة لعوزني
يوجد موسيقيى في الفيديو :rolleyes2:

http://www.yo utube.com/watch?v=m75JUZXA43s

مسح المسافه بين o و u في كلمه you

الخيار الثاني :

الذهاب الى مطعم وبه بحيره اصطناعية صغيره
والقيام بصيد السمك بنفسكم والذهاب بها الى المطعم
ويسويها لكم

فيديو صيد السمك

https://www.yo utube.com/watch?v=UTT2rdTPk3o&feature=youtube_gdata_player

يوجد موسيقى

عنوان المطعم
اسم المطعم landgasthaus weixen
العنوان Seidlwinkelstraße 114,A-5661 Rauris

المسافه من زيلامسي تقريبا 40 دقيقه

موقع المطعم الرسمي

http://www.weixen.at/

واذا في مجال يروحون المكانين بنفس اليوم لان المسافه مهب بعيد وايد
لكن اذا تعب واجهاد يختارون احد هالمكانين

2- العودة الى زيلامسي
يفضل سابقا الاستفسار عن جزيره الشواء العائمة
zell am see dount lak
او
Floating island barbecue zell am see

لبعض المعلومات + فيديو

http://mein.salzburg.com/interessen/aktiv_draussen/2009/07/gewinnspiel-lustige-grillerei.html

اليوم الي بعدة الذهاب بأذن الله الى ميونخ

المهاجر

30-05-2013, 02:48 AM

عسى الله يسلمك ويبلغك بعيالك يالغالي

تسلم وبيض الله وجهك

غير البشر

30-05-2013, 04:17 AM

تم تعديل الروابط اخيرا

فيديو الخوانق المائيه Sigmund-Thun Klamm

http://safeshare.tv/w/hlhsOLiuSb

فيديو مطعم صيد السمك

http://safeshare.tv/w/lAtsLkuPkL

غير البشر

30-05-2013, 04:19 AM

عسى الله يسلمك ويبلغك بعيالك يالغالي

تسلم وبيض الله وجهك

الله يسلمك يا الغالي ووجهك ابيض
اخوي المهاجر اذا عندك اي ملاحظات او تغيير خبرني
او توضيح حق اي شي

والسموحة على التأخير والحين بخلص لك كل شي ان شاء الله

المهاجر

01-06-2013, 10:34 PM

ماقصرت يالغالي مسموح وخذ راحتك

غير البشر

03-06-2013, 04:53 AM

ميونخ 5 أيام

المسافة من زيلامسي الى ميونخ

http://www.m5zn.com/newuploads/2013/05/30/png//m5zn_a4e7df86e2d77ab.png (http://www.m5zn.com/out.php?code=14743770)

السكن في فندق كمبنسكي ماكسي مليان

اليوم الاول :

التجول في شوارع المدينه القريبة من الفندق وبنفس المنطقة

* شارع ماكسي مليان
* شارع مارين بلاتز
* شارع كاوفينغر
* شارع ساندلينغر
* شارع تياتينر والفناء الخمس
* الشارع الممتد من مارين بلاتز الى محطة القطارات وفندق لي مريديان
* مجمع كاردستات بيع الاثاث والقطع المنزلية وجميع الاشياء
انصح بزيارته

خارطه اليوم الاول

http://www.m5zn.com/newuploads/2013/05/30/png//m5zn_a096d1234094e55.png (http://www.m5zn.com/out.php?code=14743771)

اليوم الثاني :

1- الذهاب الى غارمش Garmisch-Partenkirchen

المسافه بالقطار تقريبا ساعه و25 دقيقه
وبالسياره يمكن اقل اشوي

http://www.m5zn.com/newuploads/2013/05/30/png//m5zn_610c85ab8e6990b.png (http://www.m5zn.com/out.php?code=14743852)

2- العودة الى ميونخ والذهاب الى انجليش بارك
English Park

3-والعوده الى مارين بلاتز

اليوم الثالث :

1- الذهاب الى wild park poing ( حديقه مفتوحه )
تبعد عن ميونخ بالسياره نص ساعه
هي محميه طبيعيه نفس الغابه وفيها العديد من الحيوانات
حديقه مفتوحه
2- الذهاب الى الاولمبيا
(حديقة اولمبيا - بحيره اولمبيا - برج اولمبيا )
3- الذهاب الى مجمع اولمبيا olympia - einkaufszentrum
4- الذهاب الى متحف BMW

خارطة لليوم الثالث :

http://www.m5zn.com/newuploads/2013/06/01/png//m5zn_dd415abe194c079.png (http://www.m5zn.com/out.php?code=14747797)

اليوم الرابع :

1- قصر نويشفانشتاين Neuschwanstein
في مدينه اسمها schwangau
يعتبر من اشهر قصور العالم وانصح بزيارته

المسافة بالقطار او بالسيارة ساعتين و20 دقيقة

http://www.m5zn.com/newuploads/2013/06/02/png//m5zn_63537d4ba3ca803.png (http://www.m5zn.com/out.php?code=14750404)

صور من القصر

http://www.m5zn.com/newuploads/2013/06/02/jpg//m5zn_7d0024a9b14a4de.jpg (http://www.m5zn.com/out.php?code=14750483)

http://www.m5zn.com/newuploads/2013/06/02/jpg//m5zn_1e45901977f335d.jpg (http://www.m5zn.com/out.php?code=14750481)

2- مجمع تجاري ريم اركادين
Riem Arcaden

3- الذهاب الى حديقة وقصر نيمفنبيرغ Nymphenburg

اليوم الخامس :

1- ليغو لاند Legoland
في مدينة Günzburg
تبعد بالقطار او السياره عن ميونخ
من ساعة ونص الى ساعتين

http://www.m5zn.com/newuploads/2013/06/02/png//m5zn_02bc6866f3c2a21.png (http://www.m5zn.com/out.php?code=14750435)

صور من ليغو لاند

http://www.m5zn.com/newuploads/2013/06/02/jpg//m5zn_9cbf098f7ee7c25.jpg (http://www.m5zn.com/out.php?code=14750499)

http://www.m5zn.com/newuploads/2013/06/02/jpg//m5zn_197875f0b29c847.jpg (http://www.m5zn.com/out.php?code=14750500)

http://www.m5zn.com/newuploads/2013/06/02/jpg//m5zn_17bd7f8bdbf90d0.jpg (http://www.m5zn.com/out.php?code=14750501)

http://www.m5zn.com/newuploads/2013/06/02/jpg//m5zn_e927ad07223322e.jpg (http://www.m5zn.com/out.php?code=14750506)

http://www.m5zn.com/newuploads/2013/06/02/jpg//m5zn_f5972c4048633d0.jpg (http://www.m5zn.com/out.php?code=14750512)

http://www.m5zn.com/newuploads/2013/06/02/jpg//m5zn_716015b4b5b21ee.jpg (http://www.m5zn.com/out.php?code=14750504)

2- الذهاب الى حديقه aostpark munich
3- مجمع Perlacher Einkaufszentrum
مجمع بيرلاخ قريب من الحديقه[/QUOTE]

هنا انتهينا من ميونخ
واتمنى سفر حلو وممتع
وشهر عسل سعيد
والف مبروك مادبرتو
الله يرزقهم الذرية الصالحه

واي استفسار انا حاضر او تغيير مكان معين :victory:

المهاجر

03-06-2013, 12:50 PM

ماقصرت اخوي غير البشر وبيض الله وجهك

تعبتك معاي

والله يبلغك بعيالك يارب