استفسار عن تصميم داخلي

[كرستاله قطر]

السلام عليكم

استفسار هل يحق للمصمم ديكور في حال اتفاق على تصميم وعلى مبلغ معين لتصميم قبل تنفيذ نشر صور في الانترنت

[معماري قطري]

حسب عقدك معاه

لكن لو نشر صور خاصه ببيتك وانت ما وافقت لك الحق تشتكي وتبهدله .. أما صور التصميم قبل ليتنفذ هذي حسب عقدك معاه وإحتمال تكون من حقك لأنه مصمم خصيصاً لك.

سمعت عن فندق موقع عقد مع مصممة ديكور داخلي .. أو بالأحرى مصممة فضاءات داخلية لأن مصمم الديكور يختلف تخصصه .. العقد كان فيه شرط إن المصممة ما تصمم مشروع مماثل ولا تشترك في تصميم فندق آخر في نفس وقت تصميم الفندق.

وسمعت عن مصممة سرقت كثيرين من أهل قطر خذت عربون حق كم مشروع وسافرت.

[Dana’1]

حسب عقدك معاه

لكن لو نشر صور خاصه ببيتك وانت ما وافقت لك الحق تشتكي وتبهدله .. أما صور التصميم قبل ليتنفذ هذي حسب عقدك معاه وإحتمال تكون من حقك لأنه مصمم خصيصاً لك.

سمعت عن فندق موقع عقد مع مصممة ديكور داخلي .. أو بالأحرى مصممة فضاءات داخلية لأن مصمم الديكور يختلف تخصصه .. العقد كان فيه شرط إن المصممة ما تصمم مشروع مماثل ولا تشترك في تصميم فندق آخر في نفس وقت تصميم الفندق.

وسمعت عن مصممة سرقت كثيرين من أهل قطر خذت عربون حق كم مشروع وسافرت.
هل المصممة من جنسية أوربية؟!

[معماري قطري]

هل المصممة من جنسية أوربية؟!

لبنانيه إختي .. بس حتى مصممين بدون ترخيص وتصميمهم كهواية أتمنى من الكل الإبتعاد عنهم .. إلا مكتب مختص ومرخص واللي فيه أصحاب مهنة.

اللبنانية لمت كم عربون وبعضها بمئات الأُلوف علشان تتفق مع شركات الأثاث، وشردت للحين ما حصلوها في أي مكان في العالم .. ولتنسون بعضهم أو ممكن أغلبهم عندهم جنسيات مزدوجة وبسهولة عندهم أهل في البرازيل أو كوبا أو القطب الشمالي ويفلون بسرعه.

[Abdulla Al.F]

السلام عليكم

استفسار هل يحق للمصمم ديكور في حال اتفاق على تصميم وعلى مبلغ معين لتصميم قبل تنفيذ نشر صور في الانترنت




اعتقد والله اعلم انه عادي لانه المصمم يستخدمها للبورت فوليو .. بس مثل ماقالو الاخوان على حسب العقد المتفق عليه.

[Dana’1]

لبنانيه إختي .. بس حتى مصممين بدون ترخيص وتصميمهم كهواية أتمنى من الكل الإبتعاد عنهم .. إلا مكتب مختص ومرخص واللي فيه أصحاب مهنة.

اللبنانية لمت كم عربون وبعضها بمئات الأُلوف علشان تتفق مع شركات الأثاث، وشردت للحين ما حصلوها في أي مكان في العالم .. ولتنسون بعضهم أو ممكن أغلبهم عندهم جنسيات مزدوجة وبسهولة عندهم أهل في البرازيل أو كوبا أو القطب الشمالي ويفلون بسرعه.
جزاك الله خير عالرد والتوضيح.... وفعلا النصب كاثر عسى الله يكفينا جميعا شرهم ونصبهم آمين يارب العالمين

[كرستاله قطر]

كان الاتفاق مبدئي على تصميم ثري دي ودفعت العربون واستلمت الفاتورة منهم وكان عدة جلسات معاهم لمناقشه التصميم وماقررت الافضل وكانت المفاجاءة ان نزل في موقع تصميم بيتي وانا ماقررت ايش الافضل .

[معماري قطري]

مشكله كبيرة في إفتتاح فروع لمكاتب عالمية وتحت كفالة شخص قوي وأخذ مشاريع في الدولة بملايين ومليارات واللي يجيبهم المكتب لا يتم التدقيق عليهم ولا على شهاداتهم وخبراتهم، ويلعبون لعب عيال يتعلمون .. مثل ما صار في المطار ويصير دوم في مشاريع كثيره.

المشكلة الثانية هواة التصميم وخصوصاً الداخلي، وهذي كلها لعبة كمشنات ومضاعفة السعر على العميل والذمة والمهنية نهائياً مفقوده.

المفروض تفعيل دور لجنة تسجيل المهندسين وترخيص المكاتب أكثر، والمفروض يكون فيه تفتيش دوري على المكاتب خصوصاً العالمية منها لأنها تسجل مهندسين بالمئات أحياناً، ويكونون مؤهلين وخبراء لكن بعد ختم جوازاتهم يرجعون بلادهم أو يتنقلون حول مشاريع العالم اللي يعرف يربطهم صح بعقود قوية، ويبقى في قطر المتردي والنطيح.

بالنسبة لمكاتب التصميم الداخلي يفترض تكون فيه إجراءات قوية لتنظيم عملها بدال السمسره اللي حاصله، حتى تصميم بسيط أو تنفيذ تصميم وتركيب تجهيزات وأثاث يطلع بأسعار خيالية جداً بسبب الكمشنات الكبيرة اللي تجي على راس العميل.

[dream~qa]

أهم شي تتأكد أن التصميم ممكن يتنفذ فعليا ومقاساته سليمة وما يكلف أكثر من اللازم قبل ما تدفع الباقي .

لأني اتفقت مع مهندسة المانية وبعد الدفع وعند التنفيذ رجعت أغير أغلب تصميماتها علشان تتوافق مع المقاسات ومع الواقع .

[معماري قطري]

أهم شي تتأكد أن التصميم ممكن يتنفذ فعليا ومقاساته سليمة وما يكلف أكثر من اللازم قبل ما تدفع الباقي .

لأني اتفقت مع مهندسة المانية وبعد الدفع وعند التنفيذ رجعت أغير أغلب تصميماتها علشان تتوافق مع المقاسات ومع الواقع .

أُووف لهالدرجة

من أبسط قواعد التصميم أخذ المقاسات الصحيحة أولاً وكل ما يحيط بالحيز المراد تصميمه من ظروف كنوافذ وأبواب ومقابس كهرباء، وثم التصميم على هذا الأساس وتغيير ما يكون عائق بالإتفاق مع المالك وحسب موافقته أو إيجاد حلول تصميمية بديلة، وبعدين جزء مهم من التصميم الداخلي هو التوريد والتركيب، ولو كان التوريد والتركيب على المالك بيكون ما تم عمله توزيع أثاث مقترح، وهذا واجب المهندس المعماري عمله وبمقاسات مفترضة قياسية ... يعني ممكن تجي المقاسات اللي في السوق شوي أكبر ولا شوي أصغر.

[dream~qa]

أُووف لهالدرجة

من أبسط قواعد التصميم أخذ المقاسات الصحيحة أولاً وكل ما يحيط بالحيز المراد تصميمه من ظروف كنوافذ وأبواب ومقابس كهرباء، وثم التصميم على هذا الأساس وتغيير ما يكون عائق بالإتفاق مع المالك وحسب موافقته أو إيجاد حلول تصميمية بديلة، وبعدين جزء مهم من التصميم الداخلي هو التوريد والتركيب، ولو كان التوريد والتركيب على المالك بيكون ما تم عمله توزيع أثاث مقترح، وهذا واجب المهندس المعماري عمله وبمقاسات مفترضة قياسية ... يعني ممكن تجي المقاسات اللي في السوق شوي أكبر ولا شوي أصغر.

صحيح بس هي اعتمدت على ملئ المساحات بدون ما تراعي الواقع ومنها ارتفاع المكيفات ومقابس الكهرباء وحجم الشبابيك ارتفاع السقف .. التصميم على الورق حلو بس المفروض المصمم يقعد في المكان نفسه ويتخيل التصميم بعد التنفيذ في هالمكان .

علشان جذية أنصح أي شخص قبل ما يعتمد التصمم النهائي أنه ياخذه حق أكثر من محل متخصص من أرضيات وديكورات وصبغ وستائر ويشوفه ممكن يتنفذ على الواقع والمشاكل اللي ممكن تواجهه والتكلفة اللي راح تطلع عليه علشان ما يضطر يلغي التصميم ويدور تصميم ثاني .