مشكلتي مع dhl من يفيدني

[@ vip @]

السلام عليكم
اخواني عندي مشكله ومب عارف احلها وهي

انا اشتريت بضاعة عن طريق موقع ايبي وطلبت من البائع يوصلها لشركة اسمها (( بوردير لينك )) وهي الشركة توصل لقطر عن طريق موقع dhl المهم دفعت مبلغ التوصيل عن طريق الفيزا وارسلوا لي البضاعة يوم وصلت حصلت قطعة مكسوره منها المهم تواصلت معهم في طرق سلوى ورحت بنفسي هناك وقالوالي احنا بنخاطب الشركة وبنعطيها التقارير والصور ولكن للاسف مر عليها اكثر من شهر ولم يحصلون على نتيجة لانه البوردر لينك طلبوا صور وطرشت لهم وبعدها اطلبوا الفاتورة وطرشت لهم وبعد ماردوا لي ، اضن يبون يزهقوني عشان اطفش يعني كل واحد يحذف على الثاني

ياجماعة السلعة مب رخيصة قيمتها تقريبا 33000 ريال ما يقارب 8000$

وانا مب عارف هل اسايسهم الى الاخر واخاف الطريق ماله نهاية ام اشتكي عليهم في وين سالت واحد من النيابه قالي مش عندنا مش جنائية

افيدوني وجزاكم الله خير

[الخزرجي قطر]

الله يعينك عليهم بلغهم وعطهم مهله اسبوع وقولهم اذا ماحلوا الموضوع بالطرق الوديه انك راح تشتكي
عليهم يمكن التهديد ينفع واعتقد الجهه المختصه حماية المستهلك وزارة الاعمال والتجاره او يمكن حد
من الاعضاء يفيدك اكثر عن تجارب سابقه لحاله مماثله لحالتك

[تغلبية]

اخوي مثل هالقطع الغالية كان من امفروض ان شركة بوردر لينك تسوي لك تامين على القطعة

تم وراهم

شريت كذا مرة تحف خزف من ايباي .... جاتني طحين !!!

الله يعوض عليك

[تغلبية]

تذكرت ..

اذا التاجر ماغلفها لك عدل وواضح من الصور ان الباكيجنغ ضعيف مايحمي الغرض

ممكان ترفع قضية في الباي بال ..و تكتب كل التفاصيل وتهول في مطالبتك بحقوقك كعميل علشان يستجيبون لك

وتاكدمن بروفايل التاجر اللي شريت منه وتاكد من الضمانات اللي حاطها

[Abdulla Al.F]

السلام عليكم،
اذا كنت دافع عن طريق البي بال ان شاء الله تتسهل الامور اكثر


ارفع قضيه على طول (افتح تذكره) و اشرح لهم الموضوع و اثبت لهم انك خاطبت شركة الشحن و صار لك اكثر من شهر و ان شاء الله ينرد المبلغ في اقل من سبوع (عقب ماترجع الي شريته).

صادني مثل الموقف كنت مشترك في خدمه على النت و وقفتها المهم مر شهر ولا ساحبين مبلغ من حسابي، عاد كلمت بي بال و في اقل من ظ¤ظ¨ ساعه المبلغ رد في حسابي.

[Abdulla Al.F]

و في المستقبل احسن لك تفتح لك عنوان في اكثر من بلد (امريكا، الصين .. ) عن طريق ارمكس اضمن لك

[OREO]

السلام عليكم
اخواني عندي مشكله ومب عارف احلها وهي

انا اشتريت بضاعة عن طريق موقع ايبي وطلبت من البائع يوصلها لشركة اسمها (( بوردير لينك )) وهي الشركة توصل لقطر عن طريق موقع dhl المهم دفعت مبلغ التوصيل عن طريق الفيزا وارسلوا لي البضاعة يوم وصلت حصلت قطعة مكسوره منها المهم تواصلت معهم في طرق سلوى ورحت بنفسي هناك وقالوالي احنا بنخاطب الشركة وبنعطيها التقارير والصور ولكن للاسف مر عليها اكثر من شهر ولم يحصلون على نتيجة لانه البوردر لينك طلبوا صور وطرشت لهم وبعدها اطلبوا الفاتورة وطرشت لهم وبعد ماردوا لي ، اضن يبون يزهقوني عشان اطفش يعني كل واحد يحذف على الثاني

ياجماعة السلعة مب رخيصة قيمتها تقريبا 33000 ريال ما يقارب 8000$

وانا مب عارف هل اسايسهم الى الاخر واخاف الطريق ماله نهاية ام اشتكي عليهم في وين سالت واحد من النيابه قالي مش عندنا مش جنائية

افيدوني وجزاكم الله خير

تلاحق اخوي لان الايبي مدة ضمان المنتج هي 45 يوم و البي بال نفس الشي 45 يوم ،،

فلذا افتح لك تذكرة شكوى في الاي بي و ارفق الصور و افتح تذكرة ثانية في البي بال و قول لهم بأن المنتج متضرر و كذا ،،

طبعاً البائع هو اللي يتحمل الخساير و هو من دوره يخاطب شركة التأمين اللي رسل عليه و اهم شي تذكر بأن التذكره لازم تكون قبل الــ 45 يوم و الا ما راح يقبلون منك الشكوى ،،

ان شاءالله تنحل مشكلتك و ربي يحفظك ان شاءالله ،،

[شيخ الديرة]

البائع من الايبي يرجف من الزبون اللي ممكن يحط تقدير سئ. لذلك الأحسن ان تراسلهم عن طريق حسابك في الأيبي وتهددهم, وليس عن طريق الأيميل العادي. المشكلة هي الحين مشكلة البائع. كذلك, الفيزا عندهم ضمان على المشتريات, اتصل بالمصرف اللي أصدر بطاقة الفيزا

[fhd4]

اذا قيمة السلعة اكثر من 1000 ريال فالتامين اجباري في بوردر لينكس وانت دفعته مع الشحن …
والتامين يغطي حتى 100 الف ريال …
لا تخليهم

[@ vip @]

تسلمون على الردود
للاسف صار على السالفه اكثر من 45 يوم لاني كنت متوقع dhl ترد لي المبلغ
والحين وين اشتكي حماية المستهلك اتصلت وطنشوا

هل ممكن المحكمة المدنية

[تغلبية]

خلك على تامين بورد لنكس وراسلهم

[لمعة الالماس]

حط شكوى في اي باي على البائع وراسل الموقع بعد

وشكوى في البي بال

يا ترجع لك الفلوس يا يبدلونها لك

[mE mYself & i]

كان المفروض تشتكي في Paypal

[Mmatalka]

أختي أنا أشتغل بشركة شحن ، للأسف حقك مو عند شركة الشحن dhl وما راح تستفيدي حتى لو شكيتي عليهم ، زي ما تفضل الأخ الي قبلي انتي ممكن تكوني دافعة بدل تأمين مع قيمة البضاعة ، لكن للأسف في وقت محدد للتقدم بمطالبة رسمية الأ إذا كنتي كتبتي ملاحظات عند توقيعك لأيصال استلام البضاعة . مع اطيب الأمنيات