## الحضانات من مسؤول عنهم ##

[ضوى]

سؤال مهم جدا


الحضانات من هو المسؤول عنهم ؟؟ نراجع من في حالة الشكوى ؟؟

هل يعقل حضانة تاخذ رسوم فتح الملف غير عن سعر الاشتراك ؟؟


1000 ريال فتح ملف فقط ؟؟؟


ياريت اللي عنده اي علم بالجهة المسؤولة عن هذه الحضانات يخبرني



شاكرة لكم

[تحداني]

فديتها " غلويه "

على ما اعتقد التعليم الأهلي " كان زمان تحت اشراف " حمد السليطي "
وفوزيه الخاطر لها علاقه بالموضوع


على ما اعتقد

الله يرضى عليج

[بن غيث]

الشؤون الاجتماعية .. مسؤولين عن تراخيصهم ..
حاولي تتواصلين مع عبدالرحمن الخاجة .. مدير العلاقات العامة بوزارة العمل بيفيدكم ..

[المــزن*]

الحضانات ماخذين راحتهم بالاسعار

دخلت بنتي حضانة رسوم التسجيل بس 1500 ريال

بالإضافة الى كل شهر 3400 ريال

الله يهديهم

[أم هشام]

اختي ما راح يسمعو شكواكي لان اغلب الحضانات رسومهم اقل شي الف وبالغالب 2000 ريال فقط رسوم التسجيل

[حراير قطر]

الحضانات ماخذين راحتهم بالاسعار

دخلت بنتي حضانة رسوم التسجيل بس 1500 ريال

بالإضافة الى كل شهر 3400 ريال

الله يهديهم

من صجج اي حضانه هاذي :telephone:

انا سجلت بنتي رسوم فتح الملف 1000

ورسوم التسجيل لمدة شهرين 3200 ...

[المــزن*]

من صجج اي حضانه هاذي :telephone:

انا سجلت بنتي رسوم فتح الملف 1000

ورسوم التسجيل لمدة شهرين 3200 ...

اي والله من صجي

العبقري الصغير

هي صج حضانة ممتازة وماشاءالله المكان وسيع وكبير وشرح والاستاف أوكي ومهتمين
وبنتي الله يحفظها قامت تتكلم انجليزي وتعرف اشياء وايد

بس مادري ليش هالسعر

مع ان مستلزمات الطفل كلها من عندنا ( بامبرز ، الوايبس ، والغدا ، والريوق )

[برشلوني قطر]

سؤال اذا امكن

هل الحضانه تقبل بأي عمر ؟؟ يعني ممكن رضيع ؟؟

والسموحه من اختي ضوى دخلت عرض

[حراير قطر]

سؤال اذا امكن

هل الحضانه تقبل بأي عمر ؟؟ يعني ممكن رضيع ؟؟

والسموحه من اختي ضوى دخلت عرض

الحضانات تسمح

من عمر شهرين لين 4 سنوات ...

[برشلوني قطر]

الحضانات تسمح

من عمر شهرين لين 4 سنوات ...

اشكرج ع سرعة الرد

مادري ليش واحد من الربع يقولي لازم يكون

شايل نفسه. يعني سنه ونص وطالع.

هل عندج فكره وين حضانه جيده<<قلبت الموضوع:rolleyes2:

تسلمين حراير

[ضوى]

اشكرج ع سرعة الرد

مادري ليش واحد من الربع يقولي لازم يكون

شايل نفسه. يعني سنه ونص وطالع.

هل عندج فكره وين حضانه جيده<<قلبت الموضوع:rolleyes2:

تسلمين حراير

والله الحضانات كثار

اللي اشوفهم زينين بس ماديين المستقبل بعين خالد وهاللو بيبي في مسمير والخريطيات

[حراير قطر]

الله يسلمك اخوي

انا الحين حاطه بنتي في حضانة بترفلايز بالدفنه

واشوفها زينه ...

شوف الحضانات اللي قريبه من بيتك

وخل المدام اتروح قبل واتشوف الاهتمام وغيره

وعلى هالاساس تختارون الحضانه اللي تناسبكم ...

[برشلوني قطر]

مشكوريين وماقصرتو

[مسمس12]

المشكله مو بس ف الرسوم انا صار لي شهرين انطر اسمنا عالويتنق مب معقوله

[pink pearl]

الصراحة الحضانات صراوا ماديين بشكل مبالغ فيه !!

يعني الريوق والغدا من عندنا وحتى الفراش من عندنا!! لا رحلات ولا أنشطة بس ولدي يرجع شبعان نوم، ماأدري وين الجهات الرقابية عنهم في الأسعار والنظافة والخدمات !!