محتار في البناء

[IT Engineer]

مرحبا بالأعضاء الكرام اخواني عندي أرض وابي ابنيها ارضي في المشاف بس محتار شلون ابدأ في تقسيمة الأرض لان ابي يكون عندي حوش كبير مساحة أرضي 600 متر مربع مع كسرة زاوية من الأمام والأرض موقعها حلو هي على شارعين أرجو من أصحاب الخبرات التكرم بأراهم في تصميم خريطة البيت على كم مساحة بيكون بناء البنيان وبالنسبة الملحق كم بيكون مساحته لان الصراحة ما ابي اسوي شي لان ما اجوف اراكم وخبراتكم نفس ما يقولون اسال المجرب ولا تسال الطبيب وجزاكم الله خيرا .........

[ضوى]

وصلت خير يامهندس الاي تي

بيجيك الخير من الاعضاء المخضرمين بهالامور ان شاء الله

انتظر وفالك طيب

[IT Engineer]

وصلت خير يامهندس الاي تي

بيجيك الخير من الاعضاء المخضرمين بهالامور ان شاء الله

انتظر وفالك طيب

تسلم ياالغالي وشكرا على مدخلتك المشجعة

[K.A]

مرحبا بالأعضاء الكرام اخواني عندي أرض وابي ابنيها ارضي في المشاف بس محتار شلون ابدأ في تقسيمة الأرض لان ابي يكون عندي حوش كبير مساحة أرضي 600 متر مربع مع كسرة زاوية من الأمام والأرض موقعها حلو هي على شارعين أرجو من أصحاب الخبرات التكرم بأراهم في تصميم خريطة البيت على كم مساحة بيكون بناء البنيان وبالنسبة الملحق كم بيكون مساحته لان الصراحة ما ابي اسوي شي لان ما اجوف اراكم وخبراتكم نفس ما يقولون اسال المجرب ولا تسال الطبيب وجزاكم الله خيرا .........

اخوي IT Engineer سؤال :)
كم متر من شمال وجنوب وشرق وغرب البيت
وكم غرفه تبي في البيت ..؟

[شموخ دائم]

,

,

مرحبا


اخوي الكريم

الارض عندك صغيره ومهما حاول المهندس الي بيصمم البيت
ما بيقدر يطلع معاك حوش اكثر من 10 متر للحوش امام مدخل الصاله
وبعرض الارض

تقدر تسوي فيلا حجمها طيب بحدود 480 متر بناء للفيلا
وعندك 100 متر للملاحق
580 متر بناء جدا ممتاز

والاحسن تحط مخطط الارض

حتى الاخوان والاخوات يقدرون يعطونك خيارات اكثر

,

,


اخوك

شموخ دائم

[تركواز]

كم مساحه البيت اللي تبيها

او بالاحرى كم غرفه في الدور الاول والثاني وكم صاله والملحق اش مكوناته

عطنا مواصفات لبيتك اللي تبي تبنيه اول عشان نعرف نحدد متوسط المساحه ع مساحه الارض

[بو راشد 1]

أخوي،
ما لك بد من الغاء الملحق لعمل حوش مقبول المساحه، انصحك تعمل بيسمنت و بنت هاوس عشان تعوض مكان الملاحق. التكلفه بتكون شوي أكثر. الله يسهل امورك

[معماري قطري]

اللي فهمته إن أرضك 600 متر مربع ومحتاج تبني دور واحد وتبي حوش واسع.

خلنا نفترض فرضيات .. لو أرضك 30 في 20 وواجهتها 20 .. وهي بتكون 600 بالضبط، ومن الجوانب ممكن يكون عندك إرتداد متر ونص وجدام 5 متر متطلبات التخطيط وطلبك لحوش وسيع.. بيكون عندك مساحة صافية للبنيان 23.5 في 17 = 400 متر مربع.

بس بتكون مساحة البناء معقولة لبيت صغير، وبيكون عندك الحوش بصعوبة يكفي لسيارة.

لو طلعت دورين وعلى أساس منزل 15 في 15 وبتوفر الإرتدادات كاملة بتقدر تبني بنيان محترم في حدود 550 متر مربع دورين وبنتاهاوس، ولو تبي بيسمنت بتقدر تبني مساحة 775 متر مربع بالإضافة إلى مساحة الملحق وإلى مساحة مواقف لكم سيارة وحوش معقول.

[IT Engineer]

شكرا للجميع على الردود ياخواني انا ابي ابني فيلا مع ملحق بدون غرفة السايق

[K.A]

شكرا للجميع على الردود ياخواني انا ابي ابني فيلا مع ملحق بدون غرفة السايق


اخوي IT Engineer

ما احد يقدر يسوي لك شي الا بالمخطط او المساحه من جميع الجهات ع الاقل
والمتطلبات

[Bozizoo]

معماري قطري
اراضي المشاف و ما ادراك اراضي المشاف
اغلب الاراضي تقسيمتها خارج عن المالوف
في قطع 17*35
الواجهه 17متر
وفي 15 متر الواجهه
يعني داعووووس
ويتساهلون في بلديه الوكره في الرتيدادات
لحد يزعل الي عنده ارض في المشاف عندي قطعه هناك (داعووووس)

[IT Engineer]

مرحبا يالاخوان اسمحولي طلع عندي مساحة 660 مب 600 انا اسف على الغلطه اخواني الكرام برفق رسم مع مساحات الأرضhttp://s14.postimg.org/qcg128ga9/Land_Size.png

[captin]

مرحبا بالأعضاء الكرام اخواني عندي أرض وابي ابنيها ارضي في المشاف بس محتار شلون ابدأ في تقسيمة الأرض لان ابي يكون عندي حوش كبير مساحة أرضي 600 متر مربع مع كسرة زاوية من الأمام والأرض موقعها حلو هي على شارعين أرجو من أصحاب الخبرات التكرم بأراهم في تصميم خريطة البيت على كم مساحة بيكون بناء البنيان وبالنسبة الملحق كم بيكون مساحته لان الصراحة ما ابي اسوي شي لان ما اجوف اراكم وخبراتكم نفس ما يقولون اسال المجرب ولا تسال الطبيب وجزاكم الله خيرا .........

الله يبارك لك في أرضك ومنزل مبارك مقدما

نحتاج نعرف منك أبعاد الأرض والأفضل أنك تحط مخطط الأرض عشان
الكل يجتهد ويحط لك الأفكار اللي تساعدك

مبدئيا انا أشوف أنك تمر على كذا مكتب ويعطونك بعض الافكار

وأقترح عليك ما تتوسع بشكل أفقي في المساحة خل التوسع رأسي
يعني للأعلى , تسوي بيسمنت
ودور أرضي وأول وبنتهاوس في هالحالة راح توفر من مساحة الأرض .
ويكون توزيع المساحة كالتالي
120 متر مربع مساحة للبيسمنت تقدر توزع فيه الاشياء اللي ما تحتاج تمديد وتصريف ماء
مثل مخزن او غرفة دراسة أو العاب الخ
250 متر مربع دور أرضي يشمل صالة ومجلس وغرفة طعام عائلية وغرفة بحمام
250 متر مربع للدور الأول يشمل غرفة ماستر بملحقاتها وغرفتين أخرتين بينهما حمام
مشترك وغرفة رابعة بحمام خاص بالإضافة إلى بنتري إن أمكن .
75 متر مربع للبنتهاوس والذي يشمل غرفة بحمام بصالة صغيرة

يفضل في هذه الحالة تركيب مصعد كهربائي يربط الأدوار كلها من البيسمنت الى البنتهاوس
أو إلى الدور الأول على أقل تقدير . طبعا المصعد يحتاج مساحة 2x2 وفي هذه الحالة
يوضع وسط الدرج الذي سيكون علي شكل حرف u ونسوي درج خارجي للبيسمنت للطوارىء
في حالة تعطل المصعد لاسمح الله والخدمات .

وأيضا أنصحك في التصميم تخلي باك يارد يعني تقدم الفيلا وتخلي مساحة
في الخلف للحديقة والقعدة والباربكيو والعاب الأطفال والتجمعات العائلية لأن
المساحة الأمامية غالبا محد يستخدمها لأسباب الخصوصية العائلية
في المجتمع القطري.

بالتوفيق ان شاء الله

[IT Engineer]

اللي فهمته إن أرضك 600 متر مربع ومحتاج تبني دور واحد وتبي حوش واسع.

خلنا نفترض فرضيات .. لو أرضك 30 في 20 وواجهتها 20 .. وهي بتكون 600 بالضبط، ومن الجوانب ممكن يكون عندك إرتداد متر ونص وجدام 5 متر متطلبات التخطيط وطلبك لحوش وسيع.. بيكون عندك مساحة صافية للبنيان 23.5 في 17 = 400 متر مربع.

بس بتكون مساحة البناء معقولة لبيت صغير، وبيكون عندك الحوش بصعوبة يكفي لسيارة.

لو طلعت دورين وعلى أساس منزل 15 في 15 وبتوفر الإرتدادات كاملة بتقدر تبني بنيان محترم في حدود 550 متر مربع دورين وبنتاهاوس، ولو تبي بيسمنت بتقدر تبني مساحة 775 متر مربع بالإضافة إلى مساحة الملحق وإلى مساحة مواقف لكم سيارة وحوش معقول.


مرحبا اخوي معماري حطيت مخطط وشوفه الله يخليك اذا تقدر تفيدني

[معماري قطري]

معماري قطري
اراضي المشاف و ما ادراك اراضي المشاف
اغلب الاراضي تقسيمتها خارج عن المالوف
في قطع 17*35
الواجهه 17متر
وفي 15 متر الواجهه
يعني داعووووس
ويتساهلون في بلديه الوكره في الرتيدادات
لحد يزعل الي عنده ارض في المشاف عندي قطعه هناك (داعووووس)

هلا أخ بو زيزو

شفت مره أرض 10 في 45 والتصميم في العراق وميزتهم هناك بدون أي إرتداد، ومسوي التصميم صاحب الأرض بحيث تدخل الشمس عن طريق مناور رأسية في كل أجزاء البيت، وموقف لسيارة وكل اللي نبيه في البيت.

نحمد الله على أراضينا السكنية كثير زينه مقارنةً بالبعض، لكن التخطيط العمراني عندنا يبي له تطوير يتناسب مع غلاء الأراضي وقلتها والحاجة لمساكن وخدمات أكثر.

رأي خاص لازم تكون عندنا مناطق تستخدم النظام المفتوح لحوش البيت على الشارع، والشارع فيه ممر للمشاه ومداخل للسيارات، وحديقة الشارع تكون متصلة بحديقة البيت، وتكفي كاميرات المراقبة عن التجاوزات، وهذا وضع معين يفترض تنفيذه لمنطقة معينة أو حي معين، وإحنا للحين ما زلنا نستعمل العقلية القديمة في المساحات وكل ما كبرت الأرض قلنا أحسن، والإجارة ما قصرت باعت أراضي بأسعار خيالية وبمساحات كبيرة في الوسيل وبدون تغيير النمط السائد، ويفترض هناك تطبيق النظام المفتوح لحوش البيت مع صغر الأراضي ورخص أسعارها نسبياً.

حل ثاني ناقشته قبل اللي هو زيادة الإرتفاع والبناء على كامل قطعة الارض إن حب المالك، ولو كان كل بيت مرتفع عن الارض لمواقف فرضاً تكفي لعشرين سيارة، وخدمات الصرف كانت معلقة تحت سقف المواقف، والبيت طالع فوق كم دور نفترض حتى 6 أو 7 أدوار وفيه مصعد، وشقق للعيال وحوش البيت خاص بيكون استغلال أمثل لهذي الاراضي.

وشفت من مساويء التخطيط إزالة مناطق سكنية كبيرة بدال تطويرها وترحيل المواطنين لمناطق بعيدة وغير مهيأة، وإستغلال هذي المناطق الداخلية لمنشآت بسيطة تحتاج لمساحات حدائقية كبيرة مثل المدينة التعليمية، ومثل منطقة أسباير لو تمت إزالة المباني حولها وتمت توسعتها في المستقبل، وأمثلة كثيرة أُخرى.

[معماري قطري]

مرحبا اخوي معماري حطيت مخطط وشوفه الله يخليك اذا تقدر تفيدني

أرضك مساحتها زينه وتترتب ترتيب زين بإذن الله بس لازم تحدد إحتياجك للغرف والمرافق، ولا تقيد المصمم بإرتفاع، يعني خله يصمم حسب متطلبات التخطيط وحاول تبتعد عن البيسمنت الا إذا نويت توقف السيارات تحت وتسوي مخزن أو غرفة بسيطة .. يعني تسوي نص بيسمنت ما يكون مرتفع وايد 2.4 متر مثلاً صافي، وبحيث يكون عندك مصعد ياخذك من مدخل البيسمنت لفوق، والبيسمنت يكون نصه تحت الأرض ونصه فوق .. يعني تنزل في حدود عمق الأساسات بس.

فوق تقدر تسوي دورين كاملين حتى بحدود 300 متر مربع كل دور، وإحتمال تقدر تسوي بنتاهاوس، والملحق تقدر تخليه في البيسمنت مقابل مكان وقوف السيارات، يعني تقسم المساحة لمئة متر مربع للملحق مع بيت الدرج والباقي للسيارات، وبالنسبة للمجلس لو سويته في الدور الأول وسويت له مدخل خاص ودرج خاص جانبي بيكون بعد مناسب وربطته بالمدخل الرئيسي اللي بيكون متواصل من أسفل لفوق بمصعد ودرج.

[IT Engineer]

أرضك مساحتها زينه وتترتب ترتيب زين بإذن الله بس لازم تحدد إحتياجك للغرف والمرافق، ولا تقيد المصمم بإرتفاع، يعني خله يصمم حسب متطلبات التخطيط وحاول تبتعد عن البيسمنت الا إذا نويت توقف السيارات تحت وتسوي مخزن أو غرفة بسيطة .. يعني تسوي نص بيسمنت ما يكون مرتفع وايد 2.4 متر مثلاً صافي، وبحيث يكون عندك مصعد ياخذك من مدخل البيسمنت لفوق، والبيسمنت يكون نصه تحت الأرض ونصه فوق .. يعني تنزل في حدود عمق الأساسات بس.

فوق تقدر تسوي دورين كاملين حتى بحدود 300 متر مربع كل دور، وإحتمال تقدر تسوي بنتاهاوس، والملحق تقدر تخليه في البيسمنت مقابل مكان وقوف السيارات، يعني تقسم المساحة لمئة متر مربع للملحق مع بيت الدرج والباقي للسيارات، وبالنسبة للمجلس لو سويته في الدور الأول وسويت له مدخل خاص ودرج خاص جانبي بيكون بعد مناسب وربطته بالمدخل الرئيسي اللي بيكون متواصل من أسفل لفوق بمصعد ودرج.


مرحبا يالغالي وتسلم على ردودك المفيده بس ياخوي انا اول مرة ابني ما اعرف بس بالنسبة للغرف ابي الدور الأرضي 3 غرف مع صاله ومجلس والدور الأول غرفة ماستر وخمس غرف مع الصالة والبنت هاوس معروف غرفه مع ملحقاتها اما بالنسبة للملحق ابيه في ظهر البيت بالنسبة للمساحة الكلية هي 660 متر مب 600 بس ابي منكم يالاخوان المساعدة في بناء بيت العمر وابي كل شي يكون صح بفضل رب العالمين ثم بفضل اراكم ونصائحكم وجزاكم الله الخير

http://s17.postimg.org/4l6t59pn3/Land_Size.png

[معماري قطري]

باحاول إن شاء الله أشتغل لك على مقترح

بس عارف نفسي باتأخر شوي ولو إنت تشوف إستشاري زين غالبية الإستشاريين عندهم تصاميم جاهزة باللي تبي كل شغله يحطه لك على الموقع، بس مبدئياً أقدر أنصحك بإنك تشيل غرفة من تحت وتحطها في البنتهاوس.

وراجع لك بإذن الله بمقترح باللي تبي.

[IT Engineer]

باحاول إن شاء الله أشتغل لك على مقترح

بس عارف نفسي باتأخر شوي ولو إنت تشوف إستشاري زين غالبية الإستشاريين عندهم تصاميم جاهزة باللي تبي كل شغله يحطه لك على الموقع، بس مبدئياً أقدر أنصحك بإنك تشيل غرفة من تحت وتحطها في البنتهاوس.

وراجع لك بإذن الله بمقترح باللي تبي.


جزاك الله خير ياخوي معماري وان شاء الله يكون هذا الجزاء في ميزان حسناتك مب مشكلة بنشيل غرفة ونخليها في البنتهاوس

[معماري قطري]

جزاك الله خير ياخوي معماري وان شاء الله يكون هذا الجزاء في ميزان حسناتك مب مشكلة بنشيل غرفة ونخليها في البنتهاوس

الله يجزيك بمثل ما دعيت

إشتغلت لك على تصميم متوازن بإذن الله ولو تنفذ صح بيكون مريح وكافي لكل إحتياجك .. خلصت توزيعة البيسمنت والأرضي شبه مخلص، واتوقع لو بتكتفي بالإرتفاع العادي لكل دور اللي 3 أمتار وتكييف سبلت بيكون عندك مجال تطلع حتى 3 أدوار غير البيسمنت لأنك بتكون تحت ال 12 متر المطلوبة.

البيسمنت محتوياته موقف لسيارتين وممكن سيارتين وراهم، ومطبخ مقابلته غرفة طعام عائلية مفتوحين على حديقة محفور لها بإرتفاع أرضية البيسمنت اللي تعتبر نص إرتفاع.

يعني البيسمنت بس تنزل له بإرتفاع متر و 35سم بالنسبة لموقف السيارة وبعدين تطلع على سلوب بإرتفاع بس 15 سم للمطبخ ولغرفة الطعام ومن جهة ثانية لبيت الدرج والمصعد لباقي البيت. وفيه غرفة تكفي لخادمتين تحت بحمامها.

فكرت في إضافة غرفة غسيل في البيسمنت وممكن إضافتها مكان الحمام والمغاسل اللي بين غرفة الطعام والمطبخ ووضع حمام ومغاسل داخل غرفة الطعام اللي أشوفها كبيرة وتكفي لهذي الغرف.

البيسمنت بتكون فيه لو حبيت حوايط مفتوحة للتهوية والغرف بتكون مكيفه وبمساحات زجاج كبيرة تطل على الحديقة وتنفتح عليها، ولو ممكن تحرك البيت جهة تحت شوي متر بتكون الحديقة التحتية شوي أكبر وأحلى بس بيكون عندك الإرتداد مترين أو مترين ونص حسب شكثر تحرك البيت.

لو تشوف بداية الدرج هذا يتكمل في الرسمة الثانية للدور الأرضي لأن إرتفاع الدور الأرضي 1.7 متر من حوش البيت بيكون تركب له كم درجه حق المجلس ومدخل الصالة .. يعني البيت له مدخل عائلي وعادي من صوب البيسمنت ومدخل للصاله والمجلس من الحوش، وممكن وقوف سيارة أو ثنتين من سيارات الزوار.

باقي عندنا مشكلة خزان الصرف الصحي لو ما فيه صرف وتانكي الماي الأرضي ممكن يكون ورا غرفة السائق ويتمدد له بايب حق صب الماي من برا.

http://im40.gulfup.com/XWuM2.bmp (http://www.gulfup.com/?4Xq73b)

هذي رسمة البيسمنت للنقاش والرأي منك ومن باقي الإخوان.

[معماري قطري]

السلام عليكم ورحمة الله وبركاته

سويت كم مقترح لوضعية البيت مع تعديلات بسيطة وإضافات بارفقها هنا إن شاء الله، وميزة هذا التصميم إن ممكن تقسيم المبنى لعدة أجنحة ولكل دور جناح خاص .. ووصل عدد الغرف ل 8 غرف نوم ممكن تكون كل وحده بحمامها ومساحة البناء 1058 متر مربع.

وهذي صورة لتوزيعة غرف ومساحات البيسمنت اللي بيكون بعمق نص دور، وفيه جهة اللي هي اليمنى عبارة عن حديقة بمستوى البيسمنت، لتكون مكان جلوس وترفيه خارجي.

http://im39.gulfup.com/Kj0OW.bmp (http://www.gulfup.com/?UM2lSl)

وهذي المساحة تنفتح عليها صالة الطعام العائلية مع المطبخ، وممكن تغطية سقفها ببرغولا خشب بإرتفاع يزيد عن 4.5 متر وعمل مرجيحيات للأطفال والكبار أو جدول ماء وشلال.

وهذا المقترح المفضل لدي علماً بأني عملت كم تعديل لكن هذا أفضلها، ويتميز بتوسعة الحديقة الخارجية ذات المستوى المنخفض، والمحافظة على الإرتداد المسموح به في أسفل المخطط وهو 1.5 متر وبدون عمل أي نوافذ جهة الجار في هذا الحائط.

تم الحصول على عرض يصل لستة أمتار جهة الحديقة ومن الممكن عمل حوض سباحة بمقاس 9 في 3.5 متر كما هو موضح في الرسم، وتوجد مساحة لباربيكيو خارجي وتشجير وممكن إضافة شلال ساقط على الحوض من أعلى .. وممكن تغطية الحوض بزجاج أو بلاستيك.

http://im40.gulfup.com/V7MwB.bmp (http://www.gulfup.com/?1rE7RI)

وسأُواصل معكم عرض باقي الصور لكافة الأدوار ولواجهة المنزل.

[IT Engineer]

الله يجزيك بمثل ما دعيت

إشتغلت لك على تصميم متوازن بإذن الله ولو تنفذ صح بيكون مريح وكافي لكل إحتياجك .. خلصت توزيعة البيسمنت والأرضي شبه مخلص، واتوقع لو بتكتفي بالإرتفاع العادي لكل دور اللي 3 أمتار وتكييف سبلت بيكون عندك مجال تطلع حتى 3 أدوار غير البيسمنت لأنك بتكون تحت ال 12 متر المطلوبة.

البيسمنت محتوياته موقف لسيارتين وممكن سيارتين وراهم، ومطبخ مقابلته غرفة طعام عائلية مفتوحين على حديقة محفور لها بإرتفاع أرضية البيسمنت اللي تعتبر نص إرتفاع.

يعني البيسمنت بس تنزل له بإرتفاع متر و 35سم بالنسبة لموقف السيارة وبعدين تطلع على سلوب بإرتفاع بس 15 سم للمطبخ ولغرفة الطعام ومن جهة ثانية لبيت الدرج والمصعد لباقي البيت. وفيه غرفة تكفي لخادمتين تحت بحمامها.

فكرت في إضافة غرفة غسيل في البيسمنت وممكن إضافتها مكان الحمام والمغاسل اللي بين غرفة الطعام والمطبخ ووضع حمام ومغاسل داخل غرفة الطعام اللي أشوفها كبيرة وتكفي لهذي الغرف.

البيسمنت بتكون فيه لو حبيت حوايط مفتوحة للتهوية والغرف بتكون مكيفه وبمساحات زجاج كبيرة تطل على الحديقة وتنفتح عليها، ولو ممكن تحرك البيت جهة تحت شوي متر بتكون الحديقة التحتية شوي أكبر وأحلى بس بيكون عندك الإرتداد مترين أو مترين ونص حسب شكثر تحرك البيت.

لو تشوف بداية الدرج هذا يتكمل في الرسمة الثانية للدور الأرضي لأن إرتفاع الدور الأرضي 1.7 متر من حوش البيت بيكون تركب له كم درجه حق المجلس ومدخل الصالة .. يعني البيت له مدخل عائلي وعادي من صوب البيسمنت ومدخل للصاله والمجلس من الحوش، وممكن وقوف سيارة أو ثنتين من سيارات الزوار.

باقي عندنا مشكلة خزان الصرف الصحي لو ما فيه صرف وتانكي الماي الأرضي ممكن يكون ورا غرفة السائق ويتمدد له بايب حق صب الماي من برا.

http://im40.gulfup.com/xwum2.bmp (http://www.gulfup.com/?4xq73b)

هذي رسمة البيسمنت للنقاش والرأي منك ومن باقي الإخوان.




أسأل الله لك راحة تملأ نفسك...و رضا يغمر قلبك...و عملاً يرضي ربك...
و سعادة تعلو وجهك....و نصراً يقهر عدوك....وذكراً يشغل وقتك....
و عفواً يغسل ذنبك....و فرجاً يمحو همك .......

تسلم يالغالي على مجهودك الرائع وان شاء الله هذا العمل بيكون في ميزان حسناتك

[معماري قطري]

أسأل الله لك راحة تملأ نفسك...و رضا يغمر قلبك...و عملاً يرضي ربك...
و سعادة تعلو وجهك....و نصراً يقهر عدوك....وذكراً يشغل وقتك....
و عفواً يغسل ذنبك....و فرجاً يمحو همك .......

تسلم يالغالي على مجهودك الرائع وان شاء الله هذا العمل بيكون في ميزان حسناتك

الله يسلمك يا اخوي وإن شاء الله تتوفق في بنيانك، ولو شلت البنتهاوس بتقل المساحة عندك ل 900 متر وأكيد بتقل التكلفة بس رايي البنيان مره وحده وتعب مره وحده مقدور عليه بإذن الله وبيكون عندك جناح كامل لو حد من عيالك تزوج.

باواصل بباقي الأدوار وباركز بصور مكبره لبعض الغرف.

هذي صورة مقربة لمنطقة البيسمنت من جهة حوض السباحة والمطبخ وغرفة الطعام، وضفت عليها غرفة غسيل ملابس.. وخزان الماي الأرضي بيكون مبني له تحت بسطة الدرج اللي يوصل لصالة البيت في الدور الأرضي وللمجلس.

http://im39.gulfup.com/kuQT0.bmp (http://www.gulfup.com/?m8WxLW)

أتمنى مقاساتها وتفاصيلها تكون واضحه.

وهذي صورة توضح مدخل السيارات اللي بيكون سلوب بسيط لأن النزول لمستوى 1.5 متر تقريباً وهو بسيط وسهل لكل نوعيات السيارات، وفيه قرب الباب فتحات تصريف لمياه غسيل الأرضية وأي ماي مطر يدخل من برا، مع العلم إن المساحة اللي يتصرف مايها لداخل صغيرة وايد والمطر يتصرف لخارج البيت حسب المستويات الموجوده.

http://im41.gulfup.com/rS5SG.bmp (http://www.gulfup.com/?SRGB30)

ويبين لنا باب مدخل غرفة تانكي الماي والفلتر والمضخات، وطبيعي ممكن إضافة فتحات تهوئة أو إنارة للبيسمنت، أو تكييف حتى لمنطقة السيارات.

وهذي صورة للطابق الأرضي اللي بيكون مرتفع شوي عن أرضية الحوش .. 1.7 متر بالضبط وفيه المجلس والصالة وغرفة طعام للمجلس وممكن ينعزل المجلس وغرفة الطعام عن الصالة بباب .. وفيه مكتب وغرفتين نوم بحمام بينهم وممكن تكون كل وحده بحمام مثل اللي بتكون في الدور الأول بالضبط.

ما خلصت وضع النوافذ بس مبينه في الواجهة الرئيسية.

http://im39.gulfup.com/m60Qe.bmp (http://www.gulfup.com/?MLX331)

باكمل في وقت لاحق مع باقي الرسومات إن شاء الله.

[معماري قطري]

بعد تأهل برشلونه رجعت لك بتصميم الدور الأول

ولو تلاحظ ممكن حتى عزل هذا الدور بباب خاص صوب منطقة الدرج والمصعد بحيث يكون شقة متكامله .. يعني للي عنده زوجتين زين كل وحده في دور .. وممكن تصغير المكتب وتكبير مكان المطبخ التحضيري وعمله مطبخ مستقل للدور هذا.

الحائط الواضح أسفل الصورة بدون نوافذ لكن للحمامات بتكون نوافذ تهوية عاليه وهذا مسموح به في إرتداد 1.5 متر من التخطيط.

أي سؤال أو تكبير لغرفة معينة انا حاضر وأي تعديل أو تغيير ممكن انا مستعد أسويه.

http://im37.gulfup.com/nxTLy.bmp (http://www.gulfup.com/?dX3tVG)

وهذا مخطط البنتهاوس ويبين مكان السكايلايت المطل على صالة الدور الأول تحت.

http://im42.gulfup.com/z9BNo.bmp (http://www.gulfup.com/?v0WnBS)

وأخيراً هذي الواجهة الرئيسية، وموضح فيها عمق الحوض اللي بيكون داخل ومغطى بالزجاج المائل الموضح على اليمين، وسامحني على الشاب اللي داخل شكله إنسان بدائي وطوله حسب هذي الرسمه 1.8 متر، ويبين لنا الحوض كيف بيكون نازل وسقفه مرتفع لأن أرضيته بتكون شوي أنزل من أرضية البيسمنت، والمفروض أسوي قطاع طولي في البيت وأوضح أكثر وإن شاء الله في أقرب فرصه.

http://im37.gulfup.com/MdRqx.bmp (http://www.gulfup.com/?9xBXFy)