الابناء ولسويكه،

[الدوحي7]

السلام عليكم ورحمه الله وبركاته،،
وشحالكم،،
لسويكه منتشره بين اولياء الامور والابناء اي والله،،، وياليت كل ولى امر يتاكد من فانيله ابنه اذا مشقوقه من الامام بط (ثقب ) صغير من الامام فهذا يخبى سويكه في بطنه من تحت لكي يدخلها للمدرسه والبيت،، ياليت تحذرون وتتاكدون من ملابس عيالكم ربي يحفظكم ويحفظ عيالكم،،ولاسف بعض الاولياء الامور يحط سويكه،،

[النهار]

معلومه خطيره يالدوحي اشلون اكتشفتها
ياخوي انا من مده طويله بين فتره وفتره احصل اكياس بلاستيك صغيره
مرميه على جنب والكيس فيه سويكه
اخذهم وعلى طول ارميهم وانتوا بكرامه في درام الزباله
انزين السويكه هذي الي تجيك جاهزه ويسمونها صواريخ مسموح بيعها

[R 7 A L]

منتشرة ومن زمان
حالها كحال الزقاير

[Nojoom]

صحيح حالها حال الزقاير

بس في انواع مصرحه وعليها اسم الشركات المنتجه

http://t0.gstatic.com/images?q=tbn:ANd9GcScWI7ixPGDqccnpVe2VUg2ZidkYknEv oI4OhTp0DI9Bvg4HaT6q3CN1QRM

وفيه نوع بدون مصدر على يد الباكستانين يحط فيها الي يبي

[ضوى]

اسمها مقرف

[كبير المتداولين]

ريحتها كريهه بس تفر الراس

[حسن]

ريحتها كريهه بس تفر الراس

ههههههههههه

ياخي ضحكني ردك يعني شلون تفر الراس تخلي الامام خلف والخلف امام ولا شلون

شكلك :)

[هجمة مرتدة]

ريحتها كريهه بس تفر الراس

طلع الحجي طلع . .
ههههههههههههههههههه

[maryam5]

السلام عليكم
ما ادري وين البلدية والصحة والداخلية عن السويكة المنتشرة بشكل خطير جدا في دولتنا؟ والي اسمعه انها تبناع في اماكن معينه معروفة لدى الشباب ويسوونها البتان. ليش مايسوون لهم كمين ويصيدونهم عشان يكونون عبرة لغيرهم.
كله نسمع بس كلام محاربة السويكة؟ وبالاساس الي نشوفه ونسمعه انها منتشرة بشكل كبير جدا وخطير.

[الدوحي7]

معلومه خطيره يالدوحي اشلون اكتشفتها
ياخوي انا من مده طويله بين فتره وفتره احصل اكياس بلاستيك صغيره
مرميه على جنب والكيس فيه سويكه
اخذهم وعلى طول ارميهم وانتوا بكرامه في درام الزباله
انزين السويكه هذي الي تجيك جاهزه ويسمونها صواريخ مسموح بيعها

يعطيك العافيه، ماعتقد في شي مسموح كلها ممنوعه ومضره،،

[الدوحي7]

السلام عليكم
ما ادري وين البلدية والصحة والداخلية عن السويكة المنتشرة بشكل خطير جدا في دولتنا؟ والي اسمعه انها تبناع في اماكن معينه معروفة لدى الشباب ويسوونها البتان. ليش مايسوون لهم كمين ويصيدونهم عشان يكونون عبرة لغيرهم.
كله نسمع بس كلام محاربة السويكة؟ وبالاساس الي نشوفه ونسمعه انها منتشرة بشكل كبير جدا وخطير.

عليكم السلام ورحمه الله وبركاته،،
البلديه وموظفيها هم يحطونها في حلوجهم والشرطه والضباط والمليونيره والله الشاهد على كلامي وربي بيحاسبني،،وانتشارها خطير ،،
وبعد الى يلبس فانيله طويله من الابناء هذا يحط سويكه ويربطها في بطنه،،

[الدوحي7]

معلومه خطيره يالدوحي اشلون اكتشفتها
ياخوي انا من مده طويله بين فتره وفتره احصل اكياس بلاستيك صغيره
مرميه على جنب والكيس فيه سويكه
اخذهم وعلى طول ارميهم وانتوا بكرامه في درام الزباله
انزين السويكه هذي الي تجيك جاهزه ويسمونها صواريخ مسموح بيعها

وشلون اكتشفتها جالست صغار السن ومعا سوالفهم عرفت وجالست الضباط وجالست المليونيره وشاهدتهم يحطون ، ووقت كيف تصيدهم اوقات يجيك مضبط بمصطلحهم وتقول له تقهوى يقول لا مابي فيكون في حلجه هذه القذره السويكه،،

[قطريه22]

وشلون اكتشفتها جالست صغار السن ومعا سوالفهم عرفت وجالست الضباط وجالست المليونيره وشاهدتهم يحطون ، ووقت كيف تصيدهم اوقات يجيك مضبط بمصطلحهم وتقول له تقهوى يقول لا مابي فيكون في حلجه هذه القذره السويكه،،



الله يهديهم


مليونير ويستخدمها

هذي مليونير سويكه والا شو

[Nojoom]

لتوضيح بس .

السويكه فيه انواع في نوع كريه وهي الي يصنعها البكستانين

http://www.sawtaltalabah.com/wp-content/uploads/2010/12/4aaa-na-10281.jpg

وهذي شكلها مقرف وطريقة تصنيعها بدائية ووصخه على يد باكستانين بدون رقابه


وفيه انواع اخرى وهي الراقيه ويطلق عليها في الاصل

SMOKE LESS

وانتشرت اكثر شي في السويد وكانت في دراسات تقول انها مقارنة بزقاره قللت عدد الاصابات
بامراض السرطان والامراض الاخرى


وقامت اغلب الشركات المعروفه بتصدير الدخان والزقائر بنتاج منتجات SMOKE LESS

او SNUS

http://t3.gstatic.com/images?q=tbn:ANd9GcS56wYdBTAS3Bt82RIlI4L48vu3I6imr IaFhY6_Q0X_wrMNHIKwVdlpP91pQw

http://t0.gstatic.com/images?q=tbn:ANd9GcTO_BhPg4qP_OaMdA3HjOknJQgBU29RW 2zM9KBRhc2V62p2qvh1IdGDZ4IQZg


بختصار ومقارنة مع الزقائر

السويكة الباكستانيه اخطر من الزقائر والسبب يعود الى مثل ماذكرت قذارة خطوات انتاجها مع عدم معرفة محتوياتها

اما الانواع الاخرى فهي اقل ظرر من الزقائر والكثير من المدخنين عزفوا عن التدخين وتجهوا لها


<<<<<<<< خبره :)

[تغلبية]

^^^

هذي اللي تسوي حلوجهم حمراء يسمونها " تُمبل " والا غير ؟!

[فارس محمد]

مشاركة جميلة ويعطيك الف عافية

[بريق الحق]

^^^

هذي اللي تسوي حلوجهم حمراء يسمونها " تُمبل " والا غير ؟!

هههههه لا هاي شي ثاني

[الدوحي7]

الله يهديهم


مليونير ويستخدمها

هذي مليونير سويكه والا شو

اميييين،،
نعم يدفع الملاييين وعنده ملاييين ويستخدمها ، ويمون على وان شاء الله بهديه لصلاح وبخليه يقطع هذه القذره وعلى يدي بذن الله،،

مليونير بعد ماتعرفين ههههه ، يعني فلوس يملك من فضل الله،،

[الدوحي7]

^^^

هذي اللي تسوي حلوجهم حمراء يسمونها " تُمبل " والا غير ؟!

لا غير، التنبل نابت غير مضر،،وانا جربت وفي خاطري هههه،،

[ام_عيالي]

انا ما فهمت المغزى من شق الفانيله ممكن توضح اكثر جزاك الله خير

[أبو راكان]

اتمنى اصدار قانون يجرّم كل متعاطي ومتجّر للسويكه وان يتم ادراجها تحت بند المخدرات

[الدوحي7]

انا ما فهمت المغزى من شق الفانيله ممكن توضح اكثر جزاك الله خير

المغزى انه الابن او الشخص المستخدم يخبيها عن ابوه وامه والمدرسين،، يفتح فتحه صغيره في فانيلته من الامام ويربط فيها كيس النايلون السويكه في بطنه وتبقى السويكه في المنطقه الاعضاء التناسليه كي لا احد يلمس هذه المنطقه ويكتشف السويكه،،

[الدوحي7]

اتمنى اصدار قانون يجرّم كل متعاطي ومتجّر للسويكه وان يتم ادراجها تحت بند المخدرات

الله يسمع منك يارب،،للاسف نتنه وقذره ومضره،، وياخي شكلها مقرف،،

[khaleeji]

عمل حملات والدعوه لمنع السويكه شي طيب ولكن

من الاولى منع الخمور والسجائر لانها بلا شك ضررها اكبر

ويسوونها الباكستانيين يعني مالت مسلمين اما الزقائر مالت كفار :)

[لابأس]

عجبي من يتقبل ان يضع في فمه ماده ذات رائحه كريهه وضاره !

[تغلبية]

لا غير، التنبل نابت غير مضر،،وانا جربت وفي خاطري هههه،،




يصير البنات يجربون ؟؟ :whistling:

[ام السعف]

اسمها مقرف

تبا لها
والله يهدي عيالنا :(

[ام السعف]

يصير البنات يجربون ؟؟ :whistling:




التنبل حلو ولذيذ وكنت مدمنة اشتري منه وانا صغيرة واقص على الهندي
واخذ سلف منه وما ارد له :shy:

كان عبارة عن ورقة خضرة يحط لي فيها جوز الهند المبشور وجوز الطيب
وقطرات من شراب الورد الأحمر مع السكر ،، وفي شي لونه برتقالي
ما كان يحطه لي يوم كنت صغيرة بس كان يحطه للهنود ،،

فكنت اكله واتلذذ فيه وللحين خاطري فيه ،، ويوم سافرت الهند
وانا عمري 12سنة في عام 1960 كلت منه لين طفحت :shy:

وهذا هو شكله تقريبا

http://www.mumbaicorner.com/images/paan.JPG

[الدوحي7]

عمل حملات والدعوه لمنع السويكه شي طيب ولكن

من الاولى منع الخمور والسجائر لانها بلا شك ضررها اكبر

ويسوونها الباكستانيين يعني مالت مسلمين اما الزقائر مالت كفار :)

الخمر والسجاير ولسويكه كلهم نفس المضار،، ،،
ووين تدخل صناعه كافر ومسلم ، زين يصنعون لك السياره ليش تشتريها والله انت تفكيرك عجيب هههه،،

[الدوحي7]

تبا لها
والله يهدي عيالنا :(

تبا للساكتين عليها ،،

[الدوحي7]

التنبل حلو ولذيذ وكنت مدمنة اشتري منه وانا صغيرة واقص على الهندي
واخذ سلف منه وما ارد له :shy:

كان عبارة عن ورقة خضرة يحط لي فيها جوز الهند المبشور وجوز الطيب
وقطرات من شراب الورد الأحمر مع السكر ،، وفي شي لونه برتقالي
ما كان يحطه لي يوم كنت صغيرة بس كان يحطه للهنود ،،

فكنت اكله واتلذذ فيه وللحين خاطري فيه ،، ويوم سافرت الهند
وانا عمري 12سنة في عام 1960 كلت منه لين طفحت :shy:

وهذا هو شكله تقريبا

http://www.mumbaicorner.com/images/paan.jpg

الله في خاطري ،،

[شبح الصمت]

الابناء في خطر

البالغين في خطر

المجتمع في خطر

الحل الاماكن الي تنباع فيها اتوقع الجهات الامنية تعرفها والمتعاطين للسويكه يعرفونها اتمنى يتم القضاء عليهم نهائياً

:anger1:

[BoFahed]

الابناء في خطر

البالغين في خطر

المجتمع في خطر

الحل الاماكن الي تنباع فيها اتوقع الجهات الامنية تعرفها والمتعاطين للسويكه يعرفونها اتمنى يتم القضاء عليهم نهائياً

:anger1:

اماكنهم معروفهم عندك بيوت البتان في فريج الغانم او عبدالعزيز مثلا لو دورية تحريات تمر بتصيد بلاوي

واللي اعرفه واعلن في الجرايد بانه صارت حملات من الشرطة عليها تم ضبط كميات كبيرة منها واعتقال بياعين ولكن للاسفف منتشرة وايد مثل النار عند الاسيويوون وانتقل العدوى لمدارسنا وعيالنا المراهقين وتتحول الى ادمان

[شبح الصمت]

اماكنهم معروفهم عندك بيوت البتان في فريج الغانم او عبدالعزيز مثلا لو دورية تحريات تمر بتصيد بلاوي

واللي اعرفه واعلن في الجرايد بانه صارت حملات من الشرطة عليها تم ضبط كميات كبيرة منها واعتقال بياعين ولكن للاسفف منتشرة وايد مثل النار عند الاسيويوون وانتقل العدوى لمدارسنا وعيالنا المراهقين وتتحول الى ادمان




وصلت خير قلت الاماكن ..

انزين والحل !!

حملات توعوية في المدارس عن مخاطر هالسويكه بصور ويكون في تهديد بلي يبيع وياخذها ..

عن نفسي اكره الزقارة والسويكه والشيشه ودي تنعدم ودي كل الشركات الي تصنعها تحترق والا يصبح لها وجود

:anger1:

[النشميه]

للأسف للأسف أنا سمعت من كذا شخص ان من ضمن الناس اللي تستخدم السويكه هم من حماه الوطن (الشرطة)

[hasss1969]

التنبل حلو ولذيذ وكنت مدمنة اشتري منه وانا صغيرة واقص على الهندي
واخذ سلف منه وما ارد له :shy:

كان عبارة عن ورقة خضرة يحط لي فيها جوز الهند المبشور وجوز الطيب
وقطرات من شراب الورد الأحمر مع السكر ،، وفي شي لونه برتقالي
ما كان يحطه لي يوم كنت صغيرة بس كان يحطه للهنود ،،

فكنت اكله واتلذذ فيه وللحين خاطري فيه ،، ويوم سافرت الهند
وانا عمري 12سنة في عام 1960 كلت منه لين طفحت :shy:

وهذا هو شكله تقريبا

http://www.mumbaicorner.com/images/paan.jpg

المنع تم على ما اعتقد لانها توسخ الاماكن ..
لكن سؤال كان عمرك كم لما زرتي الهند وفي سنة كم زرتيها..

[ام السعف]

المنع تم على ما اعتقد لانها توسخ الاماكن ..
لكن سؤال كان عمرك كم لما زرتي الهند وفي سنة كم زرتيها..

المنع تم لأن الهنود يحطون لهم شي برتقالي وتكرم يبصقون يمين ويسار
فكانوا يوصخون المكان ،،

اما بخصوص سؤالك
هو انت لا اتدقق على التواريخ وايد ،، لأن سؤالك راح يكشف اني من سنة الطبعة
وانا اجاهد اني اصغر عمري في المنتدى ،، لذلك نشقح هالسؤال
ونركز على اهمية االتنبل الممنوع لاسترجاع ذكريات الماضي :(

[hasss1969]

المنع تم لأن الهنود يحطون لهم شي برتقالي وتكرم يبصقون يمين ويسار
فكانوا يوصخون المكان ،،

اما بخصوص سؤالك
هو انت لا اتدقق على التواريخ وايد ،، لأن سؤالك راح يكشف اني من سنة الطبعة
وانا اجاهد اني اصغر عمري في المنتدى ،، لذلك نشقح هالسؤال
ونركز على اهمية االتنبل الممنوع لاسترجاع ذكريات الماضي :(

صح كلامك لكن البنقاليين كانوا مشهورين اكثر فيها...كانوا يجتمعون بعدد كبيرعند مطعم الزرقاء في منطقة الرفاع وبعد ما يخلص الاجتماع تشوفي الارض تحت صارت برتقالية...
وبخصوص العمر ما اعتقد عمر 65 (خمسة وستين سنة كبير) اعتبره قمة النضج العقلي والعطاء الحكيم...

[.. الكاش ..]

الدوله لو تبي تحارب السويكه كانت سوته من زمان ويعرفون من يسويه وفي وين هم يحاسبونهم بنسبه 20 بالمائه هذا عن العين والنفس

[كحيلآن]

الحل الوحيد لها فرض عقوبة الترحيل لمروجيها .. وانتم تعرفون من الي يروجها ومن أي جنسية .. فإن كان القرار ( قوي ومرعب ) وتم تطبيقه على بعض المروجين .. ستقل الكمية المتوفرة وسيرتفع سعره بحيث ان ( البزران أولاً ) لا يستطيعون شرائه وثانياً الجنسيه المعروفه قد يترك بعضهم مهنة التجاره في السويكه خوفاً من الترحيل .. وبالنسبة لمستخدمي السويكة فرض غرامه ماليه لا تقل عن 1000 ريال في كل مره يتم إمساكه + المره الثالثه سجن شهر على شآن يتأدب :)

انا سمعت أنهم يخلطون معها shit ومواد مخدرة :) من له نفس يحط shit بحلقه :)

[الدوحي7]

الابناء في خطر

البالغين في خطر

المجتمع في خطر

الحل الاماكن الي تنباع فيها اتوقع الجهات الامنية تعرفها والمتعاطين للسويكه يعرفونها اتمنى يتم القضاء عليهم نهائياً

:anger1:

شنسوى يالشبح،،لكن تدري المفروض يطلع قرار حكومي (اميري) وهذا هو الحل لان بعضهم متساهل معها هذه القذاره،،

[شبح الصمت]

شنسوى يالشبح،،لكن تدري المفروض يطلع قرار حكومي (اميري) وهذا هو الحل لان بعضهم متساهل معها هذه القذاره،،




مفروض ومفروض مليون مره

ترى النفس محاسبين فيها من قبل ربنا قبل العالم تخاف علينا من هالمضرات وهالامراض ..

الله يكفينا ويعافينا

[ام السعف]

روز وينج البنات اقلبوها شات :anger1:

الحمدلله انك شهدت انهم البنات ،، الحمدلله انا عيوز :shy:
زين

ندخل في صلب الموضوع ونسأل :

في حد له قريب يستخدم هالبلوة ؟

[النهار]

الحمدلله انك شهدت انهم البنات ،، الحمدلله انا عيوز :shy:
زين

ندخل في صلب الموضوع ونسأل :

في حد له قريب يستخدم هالبلوة ؟

البان اي وايد والسويكه اكثر منتشره بشكل غير طبيعي
والحين طالعين بالسويكه الامريكيه يسمونها صواريخ

[ام السعف]

البان اي وايد والسويكه اكثر منتشره بشكل غير طبيعي
والحين طالعين بالسويكه الامريكيه يسمونها صواريخ

البان ذيه اللي لونه برتقاللي وينحط في علب صح ؟

والسويكة اللي شكلها مثل برداة الخشب ؟

اما الصواريخ اللهم كافنا الشر ما سمعت عنه ولا شفته ،،

طيب شنهي الأعراض اللي تصاحب متعاطي هالأشياء ؟

يعني احنا كأولياء أمور اشلون نقدر نلاحظ على عيالنا لا سمح الله
اذا كانوا يستخدمونها ............> سؤال مهم وايد اسحب شكوتك علينا عند روز :shy:

[النهار]

البان ذيه اللي لونه برتقاللي وينحط في علب صح ؟

والسويكة اللي شكلها مثل برداة الخشب ؟

اما الصواريخ اللهم كافنا الشر ما سمعت عنه ولا شفته ،،

طيب شنهي الأعراض اللي تصاحب متعاطي هالأشياء ؟

يعني احنا كأولياء أمور اشلون نقدر نلاحظ على عيالنا لا سمح الله
اذا كانوا يستخدمونها ............> سؤال مهم وايد اسحب شكوتك علينا عند روز :shy:


شوفي اختنا الفاضله
دائما الي يستخدم السويكه او الصواريخ لما يريد يكلم حد تحصلينه مستحي من الريحه الخايسه الي تطلع حلجه يحاول يبتعد شويه لمايكلم حد
السويكه تستخدم في الجز الايمين السفلي للشفه تحصلين هذالجزء لونه متغير على صفار مع المده تصير حفره في قاعدة الاسنان ويتحول بعد مده الي سرطان
الصوايخ تستخدم الشفه العلويه يمين ويسار يحطون وحده يمين والثانيه يسار شكلها مثل اكياس لبتون مقاسها قد نصف الاصبع الصغير
عموما الاثنين فيهم ريحه مقززه


السويكه لونها اخضر
يازين البان الحلو بالمكسرات وجوز الهند

[ام السعف]

شوفي اختنا الفاضله
دائما الي يستخدم السويكه او الصواريخ لما يريد يكلم حد تحصلينه مستحي من الريحه الخايسه الي تطلع حلجه يحاول يبتعد شويه لمايكلم حد
السويكه تستخدم في الجز الايمين السفلي للشفه تحصلين هذالجزء لونه متغير على صفار مع المده تصير حفره في قاعدة الاسنان ويتحول بعد مده الي سرطان
الصوايخ تستخدم الشفه العلويه يمين ويسار يحطون وحده يمين والثانيه يسار شكلها مثل اكياس لبتون مقاسها قد نصف الاصبع الصغير
عموما الاثنين فيهم ريحه مقززه


السويكه لونها اخضر
يازين البان الحلو بالمكسرات وجوز الهند

الحمدلله براءة اللي حولنا من عيالنا وربنا يكفي هالشر من كل عيال المسلمين ،،

اي والله يا اخوي يازين البان مع جوز الطيب والجوز الهند والسكر :(

[تحداني]

في وحده عندها معلومات خطيره
لازم انهي علاقتي فيها .. اتشكل خطر على المجتمع
ما باقي الا اتقول مفعولها ومدتها ووين يبيعونها

الله يستر علينا يارب

[النهار]

اكيد اول حرف من اسمها ام السعف :(

[تحداني]

اكيد اول حرف من اسمها ام السعف :(



داهيه هالانثى .. واللاهي داهيه
لا والحين بتجيك واتقول معلومات عامه
يخرب بيت العدو كل هذا ومعلومات عامه هههههه .. عيل لو كانت معلومات تفصيليه اشلون بتكون

ترى ساكته مشغوله في كتابه احد الردود
بتنط لنا بعد اشوي بس اصبر عليها

[النهار]

داهيه هالانثى .. واللاهي داهيه
لا والحين بتجيك واتقول معلومات عامه
يخرب بيت العدو كل هذا ومعلومات عامه هههههه .. عيل لو كانت معلومات تفصيليه اشلون بتكون

ترى ساكته مشغوله في كتابه احد الردود
بتنط لنا بعد اشوي بس اصبر عليها


انا صراحه اتعجب من ردوها مو بسيطه تذكرني بنتصار مدري ليش
عندها اسلوب في الكتابه اضعفه ولاخطاء املائي ولاانشائي :nice:

[ام السعف]

في وحده عندها معلومات خطيره
لازم انهي علاقتي فيها .. اتشكل خطر على المجتمع
ما باقي الا اتقول مفعولها ومدتها ووين يبيعونها

الله يستر علينا يارب



داهيه هالانثى .. واللاهي داهيه
لا والحين بتجيك واتقول معلومات عامه
يخرب بيت العدو كل هذا ومعلومات عامه هههههه .. عيل لو كانت معلومات تفصيليه اشلون بتكون

ترى ساكته مشغوله في كتابه احد الردود
بتنط لنا بعد اشوي بس اصبر عليها



انا صراحه اتعجب من ردوها مو بسيطه تذكرني بنتصار مدري ليش
عندها اسلوب في الكتابه اضعفه ولاخطاء املائي ولاانشائي :nice:

الله يبارك فيكم كلكم من غير حساب ولا عقاب:nice:

احاول اخلي قلبي مخموم :shy:

[تحداني]

انا صراحه اتعجب من ردوها مو بسيطه تذكرني بنتصار مدري ليش
عندها اسلوب في الكتابه اضعفه ولاخطاء املائي ولاانشائي :nice:




لاااااااا وين انتصار وعليه عليها
هاذي ما اتجي نقطه .. انت يا اخوي لو تقرى سيفيها المنتدياتي بتعرف وقتها سر هالاحترافيه
هاذي اول من اخترق عالم الفضاء الانترنيتي في دوله قطر
بنعطيها لقب " اول سيده عربيه انترنيتيه قطريه في دوله قطر "
عاد احنه انحب هالالقاب خاصه في دوله قطر

[تحداني]

الله يبارك فيكم كلكم من غير حساب ولا عقاب:nice:

احاول اخلي قلبي مخموم :shy:




الحاله صعبه اليوم ؟؟

[الدوحي7]

مفروض ومفروض مليون مره

ترى النفس محاسبين فيها من قبل ربنا قبل العالم تخاف علينا من هالمضرات وهالامراض ..

الله يكفينا ويعافينا

وياليت تتوزع ملصقات على السيارات مثل لا للمخدرات، يكون مكتوب عليها لا للسويكه القذره ،،وهذه بتكون البدايه،،

[الدوحي7]

البان ذيه اللي لونه برتقاللي وينحط في علب صح ؟

والسويكة اللي شكلها مثل برداة الخشب ؟

اما الصواريخ اللهم كافنا الشر ما سمعت عنه ولا شفته ،،

طيب شنهي الأعراض اللي تصاحب متعاطي هالأشياء ؟

يعني احنا كأولياء أمور اشلون نقدر نلاحظ على عيالنا لا سمح الله
اذا كانوا يستخدمونها ............> سؤال مهم وايد اسحب شكوتك علينا عند روز :shy:

تلاحظين انه ريحته غريبه ريحه الفم، وتلاحظين انه الولد او البنت يستخدم الحلاوه الحاره للفم يغير ريحه السويكه القذره،،

[يوسف0]

البان ذيه اللي لونه برتقاللي وينحط في علب صح ؟

والسويكة اللي شكلها مثل برداة الخشب ؟

اما الصواريخ اللهم كافنا الشر ما سمعت عنه ولا شفته ،،

طيب شنهي الأعراض اللي تصاحب متعاطي هالأشياء ؟

يعني احنا كأولياء أمور اشلون نقدر نلاحظ على عيالنا لا سمح الله
اذا كانوا يستخدمونها ............> سؤال مهم وايد اسحب شكوتك علينا عند روز :shy:

الله يحفظج
يرخي عضلات المخ والجسم ويجعل الواحد في شعور ريلاكسيشن خلال دقائق قليله (المستخدمين الجدد)
أما المتعودين عليها تخف جداً وينعدم هذا الشعور
غثيان أحياناً عند استخدامها

البصق المتكرر
رائحه بعض انواع السويكه او التنباك لاتذهب بسهوله
ستلاحظين أكياس بلاستك شفافه شميها اذا لاعت جبدج هذي سويكه


والصواريخ اعتقد يقصدون الي تكون في علب حديديه مدوره وبنكهات عديده منها الخوخ
وهي تعتبر انظف و يخثر الرأس لمده طويله ولاكن خفيفه

[ام السعف]

وياليت تتوزع ملصقات على السيارات مثل لا للمخدرات، يكون مكتوب عليها لا للسويكه القذره ،،وهذه بتكون البدايه،،

قرأت فيما قرأت ان ملصقات لا للمخدرات كان لها تأثير سلبي مب ايجابي
عاد مب متذكرة بالضبط السبب اشكان بس ان ما خانتني ذاكرتي

ان العقل يبرمج كلمة لا الى نعم والنتيجة تكون عكسية



تلاحظين انه ريحته غريبه ريحه الفم، وتلاحظين انه الولد او البنت يستخدم الحلاوه الحاره للفم يغير ريحه السويكه القذره،،

حلاوة حارة يعني مب عصاير ليمون بالنعناع :telephone:



الله يحفظج
يرخي عضلات المخ والجسم ويجعل الواحد في شعور ريلاكسيشن خلال دقائق قليله (المستخدمين الجدد)
أما المتعودين عليها تخف جداً وينعدم هذا الشعور
غثيان أحياناً عند استخدامها

البصق المتكرر
رائحه بعض انواع السويكه او التنباك لاتذهب بسهوله
ستلاحظين أكياس بلاستك شفافه شميها اذا لاعت جبدج هذي سويكه


والصواريخ اعتقد يقصدون الي تكون في علب حديديه مدوره وبنكهات عديده منها الخوخ
وهي تعتبر انظف و يخثر الرأس لمده طويله ولاكن خفيفه

جزاك الله كل خير

[الدوحي7]

قرأت فيما قرأت ان ملصقات لا للمخدرات كان لها تأثير سلبي مب ايجابي
عاد مب متذكرة بالضبط السبب اشكان بس ان ما خانتني ذاكرتي

ان العقل يبرمج كلمة لا الى نعم والنتيجة تكون عكسية


حلاوة حارة يعني مب عصاير ليمون بالنعناع :telephone:


جزاك الله كل خير
لازم يكون فيه حل سريع،،،
لا ماعتقد لان السويكه بتكون كل وقت ولكن الحلاوه معه كل وقته وخصوصا وقت دخوله البيت بتكون رائحه فهمه عطره من الحلاوه والسبب السويكه القذره الله يعزكم ،،