الألياف الضوئية

[ألماسة]

السلام عليكم ورحمه الله وبركاته

اخواني ... انا قدمت طلب على تركيب ألياف ضوئية في البيت

وجوني الفنيين وركبوه ... بس ماركبوه في المكان اللي ابيه

( ركبوه في صالة البيت ... وانا أبيه عندي في الدور الثاني )

اللحين اتصلت لكيوتل قالولي احنا نركب المرة الأولى فقط .... اما اذا تبين تغيرين المكان انتي جيبي أي حد من برع ...!!

طيب سؤالي اللحين من هــ الاحد اللي اجيبه من برع ... ممكن تفيدوني وتدلوني واكون شاكرة لكم

النت صار له شهرين اللحين لكن مش مستفيده منه نهائيا ولا يوصل حتى لين عندي فوق :(

[ضوى]

غريبة انا يوم ركبوه لي ركبوا الكبير في الصالة والصغير عندي بالصالة الداخلية اللي بين الغرف ، ويوم طلعت فوق الدور الثاني خليت كهربائي المقاول ينقله لي فوق وامورنا الحمد لله تمام التمام

[ضوى]

وعلى فكرة اي كهربائي شاطر شاطر يقدر ينقل يركب لج رواتر نت جير والا اي نوع اخر تستخمينه فوق ويكون ارساله اوكي

شوف موضوع المبرمج صلاح كان طارح موضوع عن جهاز ممتاز والشباب مدحوه ب800

[ألماسة]

مشكورة أختي ضوى على الرد

ممكن تعطيني رقم الكهربائي اللي سوى لج...؟

[أبورودي]

ركبي وحده اكسس بوينت فقط لتقويه الاشاره ولا تنقليه وبذلك تغطي البيت بكامله

[ألماسة]

اشكرك اخوي أبو رودي على الرد

بس ممكن توضح لي من وين وشلون ... لاني أميه بهالسوالف:shy:

[ضوى]

مشكورة أختي ضوى على الرد

ممكن تعطيني رقم الكهربائي اللي سوى لج...؟

حبيبتي هذا كهربائي المقاول يعني يشتغل للشركة بس


شوفي لج كهربائي يكون شاطر بهالشغلات

[أبورودي]

اشكرك اخوي أبو رودي على الرد

بس ممكن توضح لي من وين وشلون ... لاني أميه بهالسوالف:shy:
كلمب المبرمج صلاح هو عضو هنا فى المنتدي وسيقوم بعمل اللازم لك الرجال اخلاق جدا
جوال 66532027

[المبرمج صلاح]

السلام علكيم
شكرا لاخواني واخواتي على ذكر اسمي في الموضوع

بالنسبة لكي اختي المفروض الالياف الضوئية جهازين عندك في البيت صح
واحد اسود كبير و جهاز صغير هل الفنيين ركبو الجهازين في الصالة جنب بعض

فامامك حل من حلين
الاول انك تنقلي الجهاز الصغير مكتوب عليه سيسكو الي الدور التاني او تركبي جهاز اكسس بوينت جديد في الطابق الثاني ولكن لازم يكونو مربوطين بواير نتورك في الجهاز الرئيسي هنا تيجي مهمة الكهربائي او فني التمديدات بعمل تمديد الواير من الصالة الي الطابق الثاني
والشغل بيكون حسب تصميم البيت هل سوف يضر الي تكسير او تحفير

الحل التاني الاسهل والاسرع تركيب باورلاين تكلفته 800 ريال
عبارة عن جهازين الاول بيركب في الصالة جنب الرواتر الرئيسي
والثاني بيركب عندك في الغرفة في الدور التاني او اي مكان في البيت براحتك متنقل معك وين ما تروحي في البيت بمجرد انك تحطيه في اي بلك الكهرب يعطيكي اشارة جديدة وفل من 10 - 15 متر

للمزيد من الاستفسارات يمكنك الاتصال بي باي وقت
66532027

اخوكي صلاح

[ألماسة]

اشكر كل من رد على الموضوع وفادني فيه .. جزاكم الله ألف خير

أخوي صلاح ان شاء الله راح نتواصل معاك .. مشكور وما قصرت

[qtri2013]

بالتوفيق