يا ادارة المرور شارع الوكرة التجاري في خطر ...

[سارونه]

الى مدير ادارة المرور الموقر

اتقدم ( بشكواي ) وارجو النظر في موضوع سرعة الشاحنات في شارع الوكره ، حيث السرعة للسيارات العادية (80) والشاحنات (80) ايضا ؟؟؟؟؟؟؟؟؟؟ ليه ..

هذا الموضوع مو أول مره يحصل بل مليون مره وانا في رعب لما اخرج من البيت احط ايدي على قلبي - ما اتوقع ارجع من سرعة الشاحنات :( والى متى ؟؟

صار لي موقف وانا ابغي الف يمين، عطيت الشاحنة علامة دخولي لليمين ، الا وهو يعطيني انذار بسرعة لانه في سرعة تفوق (80) وما قدر تبطى :( سرعة + سباق الشاحنات في الشارع شيء خطير جدا جداً ) ومرعب للغاية ..

الحل يا اخوي : تقليل سرعة الشاحنات من (80) إلى (50) ... ولا بد من وجود شرطي مرور في دوار عبدالغني ومحاسبة كل الشاحنات المخالفة في الشارع .

موقف لا انساه ابدا .. (حسبنا الله ونعم الوكيل) ...

[مواقف النجادة]

شارع الوكرة التجاري اصلا غلط في غلط

الشارع هو الطريق الرئيسي بين الدوحة و مسيعيد ..

حارتين في كل صوب و السرعة القصوى 80 كم و فوق هذا محلات تجارية على الصوبين بدون جسور مشاة..

و السؤال لاشغال ..
ايش ناطرين؟

الاف الناس يروحون دواماتهم الى المصانع في مسيعيد و يعودون منها يوميا مستخدمين هالشارع ..هذا غير اهل الوكرة اللي يداومون في الدوحة..

كل يوم والثاني .. واحد من عابري الشارع تدعمه سياره ..اخرهم الشايب اللي كان يعبر الشارع امام المسجد.

طريق الدوحة - مسيعيد الجديد اللي يمر بين الوكرة والوكير .. متى راح تبدون فيه .. اللي اعرفه انه تم التخطيط له من زمان؟

ارواح الناس مالها قيمة عندكم؟ حسبي الله ونعم الوكيل..

[سارونه]

شارع الوكرة التجاري اصلا غلط في غلط

الشارع هو الطريق الرئيسي بين الدوحة و مسيعيد ..

حارتين في كل صوب و السرعة القصوى 80 كم و فوق هذا محلات تجارية على الصوبين بدون جسور مشاة..

و السؤال لاشغال ..
ايش ناطرين؟

الاف الناس يروحون دواماتهم الى المصانع في مسيعيد و يعودون منها يوميا مستخدمين هالشارع ..هذا غير اهل الوكرة اللي يداومون في الدوحة..

كل يوم والثاني .. واحد من عابري الشارع تدعمه سياره ..اخرهم الشايب اللي كان يعبر الشارع امام المسجد.

طريق الدوحة - مسيعيد الجديد اللي يمر بين الوكرة والوكير .. متى راح تبدون فيه .. اللي اعرفه انه تم التخطيط له من زمان؟:nice:

ارواح الناس مالها قيمة عندكم؟ حسبي الله ونعم الوكيل..


لا حياة لمن تنادي مع الاسف الشديد _ زيادة في عدد السكان والسيارات والشاحنات بمختلف الأشكال _ لماذا الصمت ?

معاناة في الوكره والكل يجي لها والسرعة الجنونية إحنا الي نتحملها ...

[@north_star@]

اختي الحل مو بتقليل سرعة الشاحنات بل الحل الجذري عمل طريق خارجي لهم ومنعهم من دخول الشوارع التجارية والداخلية للمدن

[لابأس]

شارع الوكره يذكرني بشوارع الرياض !

[Qatar-supra]

اي مرور المرور دلوهم على طريقه يركبون ردارات ويخشونهم كنه بوق

[دوحة الجميع]

سؤال مطروح لعضو المجلس البلدي لمدينة الوكرة متى راح هيئة الأشغال يخططون لتوسيع الحارات ويخلونها ثلاث حارات متى ؟؟؟؟؟؟

[البانوش]

نبي عبور للمشاة الشياب والعجائز والاطفال تعبر الشارع يوميا وحياتهم في خطر

يااشغال يابلدية الوكرة

نبي حلول سريعة .

[سارونه]

اختي الحل مو بتقليل سرعة الشاحنات بل الحل الجذري عمل طريق خارجي لهم ومنعهم من دخول الشوارع التجارية والداخلية للمدن


في ذمتك شارع الوكرة يتحمل شاحنات تاخذ شارعين مو شارع من كبرها :(

قبل 10 سنين كان في قانون يمنع الشاحنات في الخروج اثناء الصباح :weeping:
وين الي سوا هالقانون ؟؟

كانت الشاحنات توقف على جنب وتتخالف ايامها ما كانت شاحنه تقدر تتحرك :anger1:

شنو صار الحين :eek5: :cry2:

[كاروهات]

انا من سكان الوكرة كل يوم اعاني من هالشاحنات رعب يا ناس رعب

[سارونه]

انا من سكان الوكرة كل يوم اعاني من هالشاحنات رعب يا ناس رعب


:weeping::weeping::weeping::weeping::weeping:

محد حاس فينا :eek5: معاناة وزحمة وخوف (الله المستعان) :weeping:

اعوذ بالله كل اطار للشاحنات اكبر من سيارتي :omg: :anger1:
والمشكلة بان اصحاب الشاحنات لاعبينها عدل ومو مخلين الناس تطوف وياويل الي يمشي قدامة :omg: اغلب السائقين في الشاحنات اعمار العشرينات متهورين :rolleyes2:

[عنزي قطر]

]موضوع مهم اختي تواصل مع المرور مباشرة
على الايميل
traffic@moi.gov.qa:)

[سارونه]

:nice:
]موضوع مهم اختي تواصل مع المرور مباشرة
على الايميل
traffic@moi.gov.qa:)


يا اخوي العزيز :nice: تكلمت مع المرور والدوريات فالوكره الكل يقول انشاء الله
دخلت الموقع وكتبت شكوى ومالقيت حل :( لحد الحين اشوف الموت بالطريق :weeping:

والله العظيم باني افكر اقدم استقالتي من العمل والسبه الطريق ومشاكلة :weeping:
يا اني اطلع الساعة 5 ونص الصباح والا اموت بالطريق ساعتين لاوصل العمل من كثر الشاحنات والباصات والميني باص الخ .....

[MAZEN37]

شارع الوكره لازم يكون خمس حارات لكل جهه وحارتين خدمات
وغير كذا كلها خساير وحلول غير عمليه