الغاء جميع مكاتب جلب الايدي العامله وأستبدالها بشركه حكوميه [الأرشيف]

حمد 2002

03-04-2013, 10:50 PM

الموظوع يحمل العنوان التالي (( الغاء جميع مكاتب جلب الايدي العامله بقطر وأستبدالها بشركه حكوميه ))

مكاتب الخدم انتشرت انتشار قوي وسريع بالفتره الاخير واتحصل بكل شارع وبكل عماره مكتب :eek5: ، واقلب هالمكاتب ........ للأسف ،،، ماعندهم التزام بالمواعيد والعماله الي ايجيبونها مب محترفه واي كلام ، وفوق هاذا يشفطون اجيوب المواطنين بمبالغ خياليه :rolleyes2: ،،

الأقتراح هو كالتالي ،،

:: الغاء جمييع مكاتب جلب الايدي العامله بقطر وأستبدالها بشركه حكوميه تتولى المهمه بدالها ::

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

Locale

03-04-2013, 10:53 PM

انت جذي خربت على اللي عنده مكتب ويترزق
الحل وايد اسهل من جذي
يوحدون الاسعار ويريحونا
ولو اني سمعت ان الدوحه ارخص من الامارات والسعوديه
مادري صج ولا لا

شميرام

03-04-2013, 11:01 PM

اي والله أصلا الخدم اللي يجون من المكاتب مب شي يدربونهم ويعلمونهم بعد مشاكلهم وايد ،،،،ساعت أحس المكاتب تعامل مع مصلحه سجون ول مستشفى ميانين

أبو راكان

03-04-2013, 11:12 PM

جهة حكومية صعبة
لكن ممكن يكون البديل شركة مساهمة
ولو ان الاحتكار مب من صالح المستهلك

نورهان88

03-04-2013, 11:20 PM

والله قتراح عين العقل،،،
وقتراح حلو

نيساني

03-04-2013, 11:32 PM

فكره نوعاً ما جيده

وشكراً

فارس محمد

03-04-2013, 11:39 PM

ما ينفع لانه بالاول وبالاخير الحكومة هي لتعطيهم تصاريح دخول وبعدها تعطيهم اقامة عمل ولكن يجب على الحكومة انه تضع رقابة على هذه المكاتب وحتى ما يستغلو هالناس ويحطوا اسعار مناسبة وموحدة

khaldoon

03-04-2013, 11:45 PM

يا اخوي انت تشجع هالشكل على الاحتكار اللي نحاول نتخلص منه

لو في توحيد للاسعار يكون افضل

Dana’1

04-04-2013, 02:33 AM

ا
نت جذي خربت على اللي عنده مكتب ويترزق
الحل وايد اسهل من جذي
يوحدون الاسعار ويريحونا
ولو اني سمعت ان الدوحه ارخص من الامارات والسعوديه
مادري صج ولا لا
صح ونص...قبل فترة كانت السيلانية ب 17000 للمكتب ..غير الفيزا طبعا:)
والحين زادوها ألف يعني 18000للسيلانية والفلبينية
الإثيوبية مش متأكدة لكن تقريبا هي أقللهم والفرق كبير يمكن حول 6000 يمكن لأ, ماعليها طلب كثير!
طبعا هذه الأسعار للمكاتب...من غير إستخراج الفيز بفلوس
لا بعد فوق هذا كله ما تجي إلا عقب 9 شهور وممكن أقل بس هذه المدة أوك !!

R 7 A L

04-04-2013, 02:36 AM

ذكرتني بالتكاسي قديماً
كانت الخدمة ممتازة وفي كل مكان وزمان و وقت تحصلهم
الحين بعد ماصارت شركة مساهمة ( كروه )
اصبح الوضع سيئ

بصمة قطرية

04-04-2013, 02:43 AM

أحس الفكرة مب ناجحة
بيكون إحتكار مثل ما قالوا الأعضاء
و ما راح يكون قدامنا خيارات متعددة
يعني المكاتب لو ما عجبنا هالمكتب
في مكاتب ثانية .!!!
و بعدين اللي نبيه يوحدون الأسعار
و يحطون قرارات صارمة للمكاتب عشان تمنع التلاعب
اللي يصير من بعض المكاتب ..!!
خلصي ثلاث شهور و قولي ما أبي أشتغل ..!!
نبي ضمان حقوق الكفيل
نبي الفلوس اللي تروح على مكاتب الخدم بالهبل ..!!
من بيعوضها ..؟؟!!
هاي اللي نبيه
خلوا المكاتب بس شدوا عليهم
خلهم يتأدبون و كفاية تلاعب على العالم
لازم الخدامة إذا بغت تسافر قبل السنتين
ترجع نص المبلغ المدفوع للمكتب
كأقل تقدير نص المبلغ
بعد السنتين من حقها تذكرة
قبل السنتين مب من حقها شي
المفروض المكتب يلتزم بعقد بينه و بين الكفيل
يرجع للكفيل. نص المبلغ في حالة رفضها الشغل
آو سفرها ..!!

البانوش

04-04-2013, 03:19 AM

مكاتب التامين توحدت في الشروط والاسعار بفضل الله ووزارة الداخلية

المطلوب توحيد الاسعار ووضع شروط من صالح الطرفين من قبل وزارة العمل

ولايتركو الحبل في القارب بابو فتح مكتب وحسنين فتح مكتب وزول فتح مكتب وكل من هب ودب فتح مكتب

وضاعت حقوق الناس في الطوشة.

قطري !

04-04-2013, 07:49 AM

يا اخوي انت تشجع هالشكل على الاحتكار اللي نحاول نتخلص منه

لو في توحيد للاسعار يكون افضل

هذي تعتبر خدمة للمواطنين وليس أحتكار

ثاني شي اكثر مكاتب الخدم يمكلها مقيمين وليس قطريين

أقتراحك جيد اخوي حمد

khaldoon

04-04-2013, 01:05 PM

هذي تعتبر خدمة للمواطنين وليس أحتكار

ثاني شي اكثر مكاتب الخدم يمكلها مقيمين وليس قطريين

أقتراحك جيد اخوي حمد

يا اخوي على راسي والله المواطنين

بس شوف مثلا ..... كروة يوم فتحت..... هل حسيت الخدمات تحسنت بعد الغاء التاكسي البرتقالي؟..... فتحت معها المليون و الاجارة بس تحت عباءتها و بنفس شروطها

الحين ما تقدر تحط اعلان الا لما تاخذ موافقة كيو ميديا .....

نفس الحال مع كهرماء ...خاضعين لشروطهم

شوف لما فتحت فودافون كيف عروض كيوتل تحسنت يوم بعد يوم..... اول قوانينهم كانت جائرة.... على سبيل المثال لا الحصر....تذكر يوم كانوا يقولون لك بشروط الكيبل مثلا اننا من حقنا نلغي اي قناة بالكيبل دون الرجوع لك و لا اخذ موافقتك..... طيب هذه مب استعباد و تعسف في معاملة المستهلك؟.... انا اكون مشترك بالكيبل من اجل قناة معينة و هم يلغونها و انا ادفع الاشتراك لانه لابد من انقضلء فترة سنة و الا بتحمل غرامة

اما موضوع انه المكاتب للمقيمين فأعتقد بيكون معاهم شركاء مواطنين و انا مع تنظيم الاسعار و عمل تسعيرة موحدة حسب الجنسية بفروق بسيطة جدا لا تذكر بين المكاتب علشان ما يتجبرون فينا

رهج السنابك

04-04-2013, 01:08 PM

مطبقه في الكويت

Positive

04-04-2013, 01:11 PM

النهار

04-04-2013, 01:15 PM

بس شوف مثلا ..... كروة يوم فتحت..... هل حسيت الخدمات تحسنت بعد الغاء التاكسي البرتقالي؟

اخوي خلدون الكل يعرف ان ارقام التاكسي محدود لوتمينا على التكسي البرتقالي تبي لك شهر علشان تحصل تكسي والسبب ايام التكسي البرتقالي عدد السكان كان من 600 الي 700 الف الحين العدد قرب على المليونين والله كروه نعمه تكفي الباصات الي منتشره في كل مكان

واما بالنسبه لمكاتب الخدم يجب على الجهات الرسميه تحديد السعر وضوابط معينه على المكاتب

فارس محمد

04-04-2013, 01:26 PM

بالاول وبالاخير يجب ان يكون هناك رقابة على كل شي على الشركات والجمعيات والمكاتب والمحلات وغيرها يجب ان تكون هناك رقابة وقوانين وتعليمات يجب ان يلتزم بها اولئك واذا ظهر ان هناك من يخالف يجب فرض العقوبات عليهم , وحلها فرض رقابة وتوحيد الاسعار ومن لا يلتزم يفرض عليه الاجراءات القانونية من عقوبات وغرامات

بصمة قطرية

04-04-2013, 01:30 PM

Locale

04-04-2013, 04:29 PM

ا
صح ونص...قبل فترة كانت السيلانية ب 17000 للمكتب ..غير الفيزا طبعا:)
والحين زادوها ألف يعني 18000للسيلانية والفلبينية
الإثيوبية مش متأكدة لكن تقريبا هي أقللهم والفرق كبير يمكن حول 6000 يمكن لأ, ماعليها طلب كثير!
طبعا هذه الأسعار للمكاتب...من غير إستخراج الفيز بفلوس
لا بعد فوق هذا كله ما تجي إلا عقب 9 شهور وممكن أقل بس هذه المدة أوك !!
:eek5:
عيل انحب يدنا مقلوبه
عاد الله يعينهم اللي حالتهم ميسوره لان مبلغ كبير جدا بالنسبه لدخلهم

اللهم لك الحمد[/COLOR]

قطرية مثقفة

04-04-2013, 04:32 PM

فكرة كلش ماعجبتني عيل ماتمت تجارة حق المواطنين @@ الحل بوضع قانون وضوابط والامور كلها بتصير أوكي

قطرية مثقفة

04-04-2013, 04:40 PM

ريال واحد ما بصرف على خدامة
لو كل وحدة مجابلة شغل بيتها وعيالها ماكان احتجتوا للخدم وتصرفون هالمبالغ الهائله علشان وحده تجيك 3 شهور عقب تشرد !!!!
*ليش الدولة الغربية ما يلجئون الى الخدم؟؟؟ ليش في كل بيت في الخليج لازم يكون فيه خدااامه او خدامتين او لكل طفل خدامه كما الحال في اغلب البيوت القطرية!!!!

والله انه عن نفسي ماأقدر أعيش من غير الخدم @@ كفاية الكرااااف في المدرسة والضغط من المجلس بعد مافي خدامة @@ هذه يسمونه تعذيب @@ وبعدين مافي وجه مقارنة بالدول الغربية @@ الأوربيين مايطبخون وأكلهم كل براااا واذا في البيت خفايف @@ يعني لا جدور تطلع ولا صحون تتوصخ @@ وعيالهم بالكثير 2 ومن عمر 15 ينفصلون عنهم @@ ولما عندهم طفل صغير الدولة تعطيهم إجازة براتب @@@ بعد اي خدامة بيحتاجون@@ *

Positive

04-04-2013, 04:47 PM

مب شرط الخدامة تكون للطفل ..!!!
تساعد في شغل البيت
ما فيها شي لو إستعنا بخادمة و رحنا عمرنا ..
الوحدة تشتري راحتها
تجيب خدامة للغسيل والكوي و التظيف
و هي تشرف عليها ،،

أنا أتكلم عن الخدم بشكل عام يعني
لو كل وحدة اهتمت في بيتها لما احتجنا الى الخدم ومشاكلهم الي ماتنتهي
وكل واحد حر وهذا رأيي وانا حره فيه :)
ولو فكرتي فيها ترى الكوي والغسيل والتنظيف ماياخذ وقت لو سويتي لج جدول....

بصمة قطرية

04-04-2013, 04:51 PM

أنا أتكلم عن الخدم بشكل عام يعني
لو كل وحدة اهتمت في بيتها لما احتجنا الى الخدم ومشاكلهم الي ماتنتهي
وكل واحد حر وهذا رأيي وانا حره فيه :)
ولو فكرتي فيها ترى الكوي والغسيل والتنظيف ماياخذ وقت لو سويتي لج جدول....

دامني قادرة أجيب
الحمدلله راح أجيب و أريح نفسي
ليش أتعب نفسي ..

Positive

04-04-2013, 04:57 PM

والله انه عن نفسي ماأقدر أعيش من غير الخدم @@ كفاية الكرااااف في المدرسة والضغط من المجلس بعد مافي خدامة @@ هذه يسمونه تعذيب @@ وبعدين مافي وجه مقارنة بالدول الغربية @@ الأوربيين مايطبخون وأكلهم كل براااا واذا في البيت خفايف @@ يعني لا جدور تطلع ولا صحون تتوصخ @@ وعيالهم بالكثير 2 ومن عمر 15 ينفصلون عنهم @@ ولما عندهم طفل صغير الدولة تعطيهم إجازة براتب @@@ بعد اي خدامة بيحتاجون@@ *

ماهو هاي المشكله محد يقدر يعيش من غير خدم لان الكل تربى معاهم
يعني أكيد من يومج صغيره في بيتكم خدم هم الي ينظفون ويغسلون ويجهزون اليهال حق المدرسة ومرافق حق البنات وين ماراحوا ...... الخ

المحلات او المكاتب تفكيرهم مادية بحت يعني لحد يتوقع انه رايح يدور خدامه بتجيه وحده من احسن مايكون!! عادي تدريب شهور في الاخير تشرد
واغلب المكاتب يهاوشون الخدم اذا ارجعت المكتب قبل مايكملون 3 شهور لان بيضطرون يرجعون فلوس العميل وبيكونون اخسروا... واغلب الخدم يجون مفهيات مع انهم يعرفون الشغل ويعرفون يطبخون وينظفون بس يحبون يتغيبون ويطولون السالفة.... أنا تربيت على الخدم وكرهتهم وعندي أني اسوي الشي بنفسي افضل بوايد من أني اقول حق الخدامه سوي وفي الاخير اتسويه غلط منها يضيع الوقت واتضيع اشياء وايد...

والله يعينج على شغلك
كل واحد وظروفه وهاي مجرد رأي شخصي :)

بس ماقول غير ان الدولة تقدر توفر حلول وأشياء مساعدة لو تبي ماله داعي يسوون شركة موحده حق الخدم واحنا وناقصين زيادة عدد!!!!

Positive

04-04-2013, 04:59 PM

دامني قادرة أجيب
الحمدلله راح أجيب و أريح نفسي
ليش أتعب نفسي ..

انتي حره :)
حالج حال باقي القطريات :nice:

بصمة قطرية

04-04-2013, 05:01 PM

انتي حره :)
حالج حال باقي القطريات :nice:

أكيد أنا حرة :victory:
الحمدلله مش موظفة و مدلعة عمري
أميرة في بيتي :victory:

Positive

04-04-2013, 05:07 PM

والله انه عن نفسي ماأقدر أعيش من غير الخدم @@ كفاية الكرااااف في المدرسة والضغط من المجلس بعد مافي خدامة @@ هذه يسمونه تعذيب @@ وبعدين مافي وجه مقارنة بالدول الغربية @@ الأوربيين مايطبخون وأكلهم كل براااا واذا في البيت خفايف @@ يعني لا جدور تطلع ولا صحون تتوصخ @@ وعيالهم بالكثير 2 ومن عمر 15 ينفصلون عنهم @@ ولما عندهم طفل صغير الدولة تعطيهم إجازة براتب @@@ بعد اي خدامة بيحتاجون@@ *

معليه اختي بس ليش مافي وجه مقارنه؟؟؟
ترى هم بشر مثلنا اللهم بس اختلاف العادات والتقاليد والديانه طبعاً

ومن قال ان الأوروبيين اكلهم كله براا؟؟؟ على حسب وما اتوقع ان حد يقدر يعيش على اكل مطاعم طول حياته!!! بتلوع جبدهم من اكل المطاعم...

شي ثانيه التكنولوجيا تطورت وفي شي اسمه غسالة صحون كل الي عليج اتسوينه أتحطين الصحون في الغساله واغسلها لج لا وفوق هذا تعقمها في اقل من ساعتين...
واذا على اليهال الصغار الصبح في الحضانة والكبار يهتمون بعمرهم ويساعدون في البيت عادي بالعكس هذا في اسلوب تربية والتزام ويعرفون يهتمون بالترتيب وعدم الاعتماد على غيرهم..

لكل مشكله حل ولكن يجب البحث عن الحلول للراحه لكن للأسف نحن شعب كسول ونحب نعتمد على الغير لدرجة ان صفحات الوسيط متروسه مكاتب خدم للاستقدام ويوجد ايضاً بنظام الساعات :secret:*

Positive

04-04-2013, 05:09 PM

أكيد أنا حرة :victory:
الحمدلله مش موظفة و مدلعة عمري
أميرة في بيتي :victory:

دلعي عمرج
الله يجزاها الجنه الي تخدمج :)

بصمة قطرية

04-04-2013, 05:10 PM

دلعي عمرج
الله يجزاها الجنه الي تخدمج :)

اللي تخدمني تاخذ راتب
ما تخدمني ببلاش ...!!!!!!!!

Positive

04-04-2013, 05:19 PM

اللي تخدمني تاخذ راتب
ما تخدمني ببلاش ...!!!!!!!!

واذا تاخذ راتب خير ياطير!!!
ليش حارقة أعصابج؟؟؟
ترى دعيت لها بدعوة حلوه
وماظن ان فيها شي!!! وماقلت شي غلط بحقج
الله يهداج*

بصمة قطرية

04-04-2013, 05:22 PM

واذا تاخذ راتب خير ياطير!!!
ليش حارقة أعصابج؟؟؟
ترى دعيت لها بدعوة حلوه
وماظن ان فيها شي!!! وماقلت شي غلط بحقج
الله يهداج*

و يهديج يارب
جزاج الله خير على دعوتج ،،
:)

عليه العوض

04-04-2013, 07:12 PM

الحل بوضع قوانين تنظم وتحل مشاكل الخدم من ناحيت الاسعار وهروب الخدم وماني مع فكره حل المكاتب
ارى ان المكاتب وتعددها افضل من وجود جهة واحده حتى ولو كانت حكوميه ستكون هناك زحمه وتاخير

تهامي باشا

04-04-2013, 07:31 PM

كل ما يت هالفكرة على بالك تذكر وقود وكروة
تمت السيطرة على محطات البترول وسيارات الأجرة فاستبشر الشعب خيرا
نعم .. ارتفعت جودة المنتج وارتقت الخدمة أكثر، إلا أن الأسعار ارتفعت معها أيضاً وتجاوزت الضعف في بعض احيانها، كمثال قارن اسعار التيسير بأسعار وقود
ولكم الحكم

شيخ الديرة

04-04-2013, 10:04 PM

المؤسسات الحكومية هي الأقل كفاءة والدليل كل الشكاوي اللي في المنتدى. القطاع الخاص أحسن مع رقابة حكومية.

asulaiti

04-04-2013, 10:40 PM

أنا رأيي سواء كان مكاتب حكومية أو خاصة يكون في قانون يحمي الكفيل ..

أولا زيادة مدة الاختبار أو الضمان اللي يكون المكتب فيها مسؤول عن مستوى وكفاءة الخادمة !!
وثانياً شرط جزائي في حالة عدم تكملة المدة المنصوص عليها في العقد ورغبة الخادمة في العودة لبلدها ..
لابد من وجود حق للكفيل في استرجاع جزء من نقوده في حالة عدم رغبة الخادمة في إكمال العقد ..
إلا إذا هو تنازل عن ذلك ..

أما العقود الموجودة حالياً ماتنصف الكفيل ابداً .. لكننا مضطرين للتوقيع عليها لعدم وجود بديل !!

ولا نقول إلا حسبي الله ونعم الوكيل ..

مزيون الدوحه

04-04-2013, 10:53 PM

لالا تكفى لاتدخل الجهه الحكوميه
عقب بس اللي عنده واسطه بياخذ خدامه
وغير الطلبات اللي بتنخش في الادراج حق ناس وناس
يقول المثل الهندي
ذل فلوسك ولاتذل نفسك

khaldoon

04-04-2013, 11:34 PM

بس شوف مثلا ..... كروة يوم فتحت..... هل حسيت الخدمات تحسنت بعد الغاء التاكسي البرتقالي؟

اخوي خلدون الكل يعرف ان ارقام التاكسي محدود لوتمينا على التكسي البرتقالي تبي لك شهر علشان تحصل تكسي والسبب ايام التكسي البرتقالي عدد السكان كان من 600 الي 700 الف الحين العدد قرب على المليونين والله كروه نعمه تكفي الباصات الي منتشره في كل مكان

اخوي النهار ليش افترضت انه العدد بيتم قليل لو زاد العدد مليون و انه التكاسي البرتقالية ما راح تزيد....... عفوا كلام مب منطقي
واما بالنسبه لمكاتب الخدم يجب على الجهات الرسميه تحديد السعر وضوابط معينه على المكاتب

في النقطة الثانية اتفق تماما معاك

CH Engineer

05-04-2013, 12:46 AM

يفضل يكنسلون كل مكاتب الخدم ويفتحون قسم فالداخليه للعماله المنزليه
ويكون القانون واضح واحد اثنين ثلاثه
الكفيل نفسه يروح يقدم ويشتري التذكره ومايكلفه الا الرسوم للدوله والي متكيسل يكون في مندوبين نفس المرور يخلص لك الاوراق ب100 ريال
بلا مكاتب بلا خرابيط قاموا يتاجرون بالبشر
ال10000 الي ادفعها للمكتب راتب سنه للخدامه هي اولى فيها من المكتب
والي يقول المكتب يدفع اجار المحل انا شعلي منه
ويدفع اجار السياره والعمال وانا شعلي منه
مايربح وانا شعلي منه
غصب الا يربح مني ويتاجر بالاوادم
مالها داعي المكاتب اتمنى تتكنسل

النهار

05-04-2013, 01:13 AM

في النقطة الثانية اتفق تماما معاك

اخوي النهار ليش افترضت انه العدد بيتم قليل لو زاد العدد مليون و انه التكاسي البرتقالية ما راح تزيد....... عفوا كلام مب منطقي

صحيح كلامك مع كل زياده لابد ان يزيد الشي الاخر الا ارقام التكسي مكانك سر
ارقام التكاسي الصفر عددها محدود وغير قابله للزياده
تم استحداث شي اخر للتخفيف النقل العام ولها شروط معقده تستخدم فقط على سيارة النقل الكبيره لاتعطى الا للشخص المتقاعد او ارمله فقط لان راتب التقاعد كان محدود جدا عندما زاد السكان في منتصف الثمانينات وقلت التاكسي لان الشاحنات الكبيره والمتوسطه كانت تستخدم ارقام التاكسي حتى وصل اجار النمره الصفراء 6000 ريال عندما قام اصحاب التاكسي برفع الاجره بداء نظام النقل العام هنا نزل اجار النمره الصفراء من 6000 الي 2000 و2500 وكروه اشترت كل الارقام من الملاك لو كروه لم تشغل الباصات وبسعر رمزي على كل الخطوط كان شفت المأساه الحقيقيه في العثور على تكسي
بعد ان غيرت كروه النظام بدأنا نرى تكسي كروه لان النظام السابق كان راتب اما الان بالنسبه على السائق ان يدفع كل يوم 216 ريال للشركه والباقي لحسابه الخاص