هل أنت مع أو ضد أسقاط الفوائد البنكية على المواطنين

[رجل مثالي]

هل أنت مع أو ضد أسقاط الفوائد البنكية على المواطنين


وذلك للتخفيف على المواطنين ظروف الحياة والغلاء الفاحش

في كل المجالات ونتمنى الاستفادة من هذا الموضوع ونتطلع

بردود تعبر عن شعور المواطن حول هذا الموضوع

[بصمة قطرية]

مع
بشرط ما يسقطونها
و ثاني يوم يقدمون على سلفة
أو قرض ..!!!

[بـن عدوان]

مع بشرط:

يشوفون وضع الشخص والسلف اللي عليه و قيمتها ...

يعني مب معقولة واحد يشخط له سيارة بقيمة نص مليون ويطيحون عنه السلفة !!

[مستجدة]

مع اسقاط الفوائد البنكيه وبنك التمنية وضع قانون رادع لسلف وتحدد بربع الراتب فقط

أهل قطر ماستفادوا من الزيادات مني الديون وفوائد البنوك الربويه وزاد عليها بنك التنميه زاد عليها جشع التجار اللي متروك لهم الحبل على القارب يغلون الاسعار على كيفهم ومافيه قانون يحمينا ويردعهم

أهل قطر يصرفون على البنوك كل رواتبهم فوائد وقروص واللي زاد حالتهم سوء بنك التمنيه فوائده والمقاولين اللي ينصبون عيني عينك ومافيه قانون يحمي اهل قطر منهم

بصراحه اشياء كثير لو اتم ليمن بكره احكي ماراح اقدر اعبر عن حجم المعاناه .

[Positive]

ضد
لان ماراح يكون هناك مساواه مع المواطنين الي ماعندهم ديون
يعني الحين لو الدولة أسقطت الفوائد على المديونين وش راح يعطون لغير المديونين؟؟؟؟

أنا احس ان هذه المشكله هي مشكلة الفرد نفسه وليست مشكلة الدولة والدولة غير مسؤولة عن تسديدها ...اذا هذه الظاهرة موجودة بكثرة في قطر فهذا دليل على ان اغلب الناس تصرف فوق حاجتها بغض النظر عن ظروف او الأسباب الي حدة الفرد انه ياخذ سلف ...

والبنك ماراح يوافق على انه يعطيك سلفه الا بعد ما تجيب شهادة راتب... يعني احس هناك طرق كثير لتجنب أخذ السلفه من البنك ولكن اهل قطر يحبون المفوشر ويحبون يصرفون اكثر من ماعندهم ....

وممكن اقول مع

في حال اذا تم تسديد مديونية كل المواطنين يتم مكافأة الغير مديونين بنفس القيمة :victory: حتى يكون هناك مساواه :nice:

[VX.R]

نعم .. أنا أؤيد وبقوة وخاصة للأخوة الذين ابتلوا بالبنوك الربوية ...

لعلهم بعد التسديد ، يتوبوا إلى الله من الربا...

نسال الله أن يبعد الربا عن جميع المسلمين

[Mbarkaji]

ضد
لان ماراح يكون هناك مساواه مع المواطنين الي ماعندهم ديون
يعني الحين لو الدولة أسقطت الفوائد على المديونين وش راح يعطون لغير المديونين؟؟؟؟

أنا احس ان هذه المشكله هي مشكلة الفرد نفسه وليست مشكلة الدولة والدولة غير مسؤولة عن تسديدها ...اذا هذه الظاهرة موجودة بكثرة في قطر فهذا دليل على ان اغلب الناس تصرف فوق حاجتها بغض النظر عن ظروف او الأسباب الي حدة الفرد انه ياخذ سلف ...

والبنك ماراح يوافق على انه يعطيك سلفه الا بعد ما تجيب شهادة راتب... يعني احس هناك طرق كثير لتجنب أخذ السلفه من البنك ولكن اهل قطر يحبون المفوشر ويحبون يصرفون اكثر من ماعندهم ....

وممكن اقول مع

في حال اذا تم تسديد مديونية كل المواطنين يتم مكافأة الغير مديونين بنفس القيمة :victory: حتى يكون هناك مساواه :nice:
كلام سليم 100/100 وانا ضد وكل واحد يتعلم من كيسه ويعيش على قده

[فرهود]

الدوله وحتى تساوي بين الجميع زادت الرواتب راعي الدين يسدد دينه والي ماعنده دين يسوي بالزياده الي يبي. اما ان يتم اسقاط الدين عن فئه من المواطنين عيل لازم الدوله تعطي اي واحد ماعليه دين مكافئه حتى تكون هناك مساواه .

[R 7 A L]

فيه فرق بين القروض والفوائد البنكية

هل تقصد إسقاط القروض ولا بس الفوائد مع ابقاء القروض ؟

[سارونه]

ضد
لان ماراح يكون هناك مساواه مع المواطنين الي ماعندهم ديون
يعني الحين لو الدولة أسقطت الفوائد على المديونين وش راح يعطون لغير المديونين؟؟؟؟

أنا احس ان هذه المشكله هي مشكلة الفرد نفسه وليست مشكلة الدولة والدولة غير مسؤولة عن تسديدها ...اذا هذه الظاهرة موجودة بكثرة في قطر فهذا دليل على ان اغلب الناس تصرف فوق حاجتها بغض النظر عن ظروف او الأسباب الي حدة الفرد انه ياخذ سلف ...

والبنك ماراح يوافق على انه يعطيك سلفه الا بعد ما تجيب شهادة راتب... يعني احس هناك طرق كثير لتجنب أخذ السلفه من البنك ولكن اهل قطر يحبون المفوشر ويحبون يصرفون اكثر من ماعندهم ....وممكن اقول مع

في حال اذا تم تسديد مديونية كل المواطنين يتم مكافأة الغير مديونين بنفس القيمة :victory: حتى يكون هناك مساواه :nice:



كلام سليم 100%

[catqat]

ضد .. لان السلفيات شر لابد منه

[بورصواوي]

بختصار الي قالو" ضد" مهما كان تفسيرهم انسميهم الحسودين ههههههههههه

[dm styal]

(مع) ليش اقول (لا) خل خيرنا لنا مب لغيرنا . والله الناس ماأستلفت إلا من غلاء التجار مع كل زيادة في رواتبنا كأنك يازيد ماغزيت بشرط اذا كان اسقاط دين سيارة روز أو سيارة بقيمة xxxxxx وانا مفلس لا طبعاً ارفض وبشدة

[Positive]

بختصار الي قالو" ضد" مهما كان تفسيرهم انسميهم الحسودين ههههههههههه

حسودين على ويش ياحسره!!!!!
على السلفيات الي على ظهوركم؟؟؟ والا على الطراره الي تطرونها من الدولة علشان تسدد سلفيات خذيتوها والي ماكان لها داعي من الاساس!!!! :secret:

[Positive]

(مع) ليش اقول (لا) خل خيرنا لنا مب لغيرنا . والله الناس ماأستلفت إلا من غلاء التجار مع كل زيادة في رواتبنا كأنك يازيد ماغزيت بشرط اذا كان اسقاط دين سيارة روز أو سيارة بقيمة xxxxxx وانا مفلس لا طبعاً ارفض وبشدة

خيرنا لنا ومب لغيرنا حقنا اكيد ممكن يكون الطلب بزيادة الرواتب... لكن مش بتسديد الديون... ليش الدولة تتحمل دفع ديون الفرد ؟؟؟؟اذا كان هاي اختيار الفرد من البداية فهو المسؤل اما هو ياخذ سلفيه وفي النهاية الدولة الي تتحمل المسؤلية !!!! ليش؟ الدولة ما اجبرت الفرد على أخذ السلفية ومحد مجبور على شي كلن ياخذ الي يقدر عليه مب يروح يسافر يسحب سلفية يبي سيارة جديدة ياخذ سلفيه وخرابيط ياخذ سلفيه الحين للأسف حتى البنات طاحوا في السلفيات ومالهم مسؤولية مثل الرجال كالزواج والبيت وغيره...

[بـ فيصل ـو]

بدون فلسفة وكلام زايد
بقول لكم رأيي في سطر واحد:

---(( أنا مع المواطن في كل شي يفيده ويسعده ويحقق له الحياة الرغيده ))---

[أم نواري1]

اللي مديون لسبب قاهر نعم
لكن اللي مديون للعب لا

والدولة ماراح تفتش عن أحوال الناس

فأنا ضد

[المرحب]

بدون فلسفة وكلام زايد
بقول لكم رأيي في سطر واحد:

---(( أنا مع المواطن في كل شي يفيده ويسعده ويحقق له الحياة الرغيده ))---

:nice:

لا فض فوك

يا بـ فيصل ـو

بإختصـــار يا حبني لك وإجابتك

[بورصواوي]

حسودين على ويش ياحسره!!!!!
على السلفيات الي على ظهوركم؟؟؟ والا على الطراره الي تطرونها من الدولة علشان تسدد سلفيات خذيتوها والي ماكان لها داعي من الاساس!!!! :secret:

على كيفك مالها داعي بعطيك مثال :
في اهم من البيت؟؟؟
لشراء بيت داخل الدوحه بحسبه بسيطه بدون تفاصيل كثيره براتب ممتاز ومتزوج تحتاج تشغل وتجمع 10 سنوات بدون سفر وبدون كماليات

سياره مثل الناس تحتاج تجمع 3 سنوات

والمبلغ الي بتجمعه مايمديك تجمعه الا فلوسك مالها قيمه لان كلشي ارتفع

ويزيد عدد الحساد السلبيين (-) واحد

للتوضيح اكثر ..في شي اسمه "القرض الحسن " والموضوع مش عن تسديد السلفيات مثل ماتقول

[Bozizoo]

ضد
لان ماراح يكون هناك مساواه مع المواطنين الي ماعندهم ديون
يعني الحين لو الدولة أسقطت الفوائد على المديونين وش راح يعطون لغير المديونين؟؟؟؟

أنا احس ان هذه المشكله هي مشكلة الفرد نفسه وليست مشكلة الدولة والدولة غير مسؤولة عن تسديدها ...اذا هذه الظاهرة موجودة بكثرة في قطر فهذا دليل على ان اغلب الناس تصرف فوق حاجتها بغض النظر عن ظروف او الأسباب الي حدة الفرد انه ياخذ سلف ...

والبنك ماراح يوافق على انه يعطيك سلفه الا بعد ما تجيب شهادة راتب... يعني احس هناك طرق كثير لتجنب أخذ السلفه من البنك ولكن اهل قطر يحبون المفوشر ويحبون يصرفون اكثر من ماعندهم ....

وممكن اقول مع

في حال اذا تم تسديد مديونية كل المواطنين يتم مكافأة الغير مديونين بنفس القيمة :victory: حتى يكون هناك مساواه :nice:

انا معااااك في رايك
وعلى فكره على ديون قريب 2 مليون
مب انا اصرف و اشتري سيارات و طرب نفسي بسلفيات
و اخر شي اقعد اتشكى و اقول لازم يشلون الفوائد او المديونيات
وغيري ماسك نفسه و يصرف بعقل وعلىقد مدخوله

صباحكم خميس
تحياتي للجميع

[فتى البراري]

هل أنت مع أو ضد أسقاط الفوائد البنكية على المواطنين


وذلك للتخفيف على المواطنين ظروف الحياة والغلاء الفاحش

في كل المجالات ونتمنى الاستفادة من هذا الموضوع ونتطلع

بردود تعبر عن شعور المواطن حول هذا الموضوع


دام فيها فوائد بتسقط عنا يكملونها بالدين كامل هي خربانه خربانه ههههههههه

[catqat]

بختصار الي قالو" ضد" مهما كان تفسيرهم انسميهم الحسودين ههههههههههه

الله يرضى عليك بس ....

لو كل مرة راح تسقط السلفيات، احسبها لو كنت انت حاكم الدولة ، راح أشكل شعب يحب طرارة ولا مسؤوول ، يبي بس فلوس

هي الدنيا سهالات تسلف وسدد!! فكر ألف مرة قبل لاتاخذ سلفية من فراغ.. لان نص المتسلفين (مش كلهم) سلفياتهم ع كماليات :)

اعتقد ان الكماليات اللي اتكلم عنها تقصد فيها طلبات كل يوم من معصرة حار بارد وكنتاكي!

[Positive]

على كيفك مالها داعي بعطيك مثال :
في اهم من البيت؟؟؟
لشراء بيت داخل الدوحه بحسبه بسيطه بدون تفاصيل كثيره براتب ممتاز ومتزوج تحتاج تشغل وتجمع 10 سنوات بدون سفر وبدون كماليات

سياره مثل الناس تحتاج تجمع 3 سنوات

والمبلغ الي بتجمعه مايمديك تجمعه الا فلوسك مالها قيمه لان كلشي ارتفع

ويزيد عدد الحساد السلبيين (-) واحد

للتوضيح اكثر ..في شي اسمه "القرض الحسن " والموضوع مش عن تسديد السلفيات مثل ماتقول

لست سلبي وانما الاشخاص الي مثلك هم السلبيين :)

لو جينا حق البيت اعتقد الدولة توفر لك ارض وتعطيك قرض مليون و200 وتسديدها على عدة سنوات من غير فوائد هذا شي

بالنسبة للسيارة اتوقع يكفي انك تجمع كم شهر لشراء سيارة (( مثل الناس)) لو على سبيل المثال قلنا اتجمع 10 الف كل شهر خلال 8 شهور جمعت 80 الف تشتري لك سيارة تويوتا تمشيك حالك اما اذا تبي سيارة مثل الناس على قولتك هي رنج والا بورش او بنتلي فأكيد راح تحتاج سلفيه :) وانت صاحب القرار وليست الدولة ...

واذا انت حطيت شي في بالك وتبي اتسويه فأكيد تحتاج انك تقصر في بعض الأمور مثل السفر والكماليات علشان تاخذ الي تبيه سواء سياره او بيت او غيره...

[dm styal]

خيرنا لنا ومب لغيرنا حقنا اكيد ممكن يكون الطلب بزيادة الرواتب... لكن مش بتسديد الديون... ليش الدولة تتحمل دفع ديون الفرد ؟؟؟؟اذا كان هاي اختيار الفرد من البداية فهو المسؤل اما هو ياخذ سلفيه وفي النهاية الدولة الي تتحمل المسؤلية !!!! ليش؟ الدولة ما اجبرت الفرد على أخذ السلفية ومحد مجبور على شي كلن ياخذ الي يقدر عليه مب يروح يسافر يسحب سلفية يبي سيارة جديدة ياخذ سلفيه وخرابيط ياخذ سلفيه الحين للأسف حتى البنات طاحوا في السلفيات ومالهم مسؤولية مثل الرجال كالزواج والبيت وغيره...

مع احترمي لك انا مااقتنعت بكلامك الاغلبية العظمى من شعب قطر يعاني من الغلاء فيضطر الى اخذ سلفة عشان يقدر يوفر معيشة محترمة لبيته ويواجهه هذا الغلاء مانبي نكون مثاليين ونقول خيرنا مب لنا افتح الجرائد وشوف تسديد ديون دولة فلانية وياريت ينقع فيهم ثاني يوم مشرشحين قطر فلوس قطر لأهل قطرآخر كلام :secret:

[مضارب دوسري]

ضد
انا عندي سلفيات فالمصرف للزواج وسياره
ولكن ش ذنب اللي ماخذا سلفيات ؟

الدوله زادت الرواتب 60% واللي كان يصفى من راتبه النص صار يصفى له نفس راتبه القديم واكثر شوي
يعني الدوله بالزياده اللي صارت كانها سددت السلفيات عالمديونين ورفهت الغير مديونين

فالنهايه كل واحد يربط حزامه ويشوف له مشروع صغير يبدا فيه ويخلي عنه مثل هالمطالبات
والدوله ماقصرت مع المديونين يوم حددت سقف للفوائد استفاد منها كل من تبهدل مع البنوك الربويه

يعني بصراحه ماشوف انه احد له حق انه يفكر بسداد الديون او الفوايد



انا مع سداد ديون اللي سلفياتهم كانت لعشرين سنه مع القوانين القديمه يعني اتمنى الدوله تنظر لحالهم وتدفع جزء من ديونهم بحيث يكون مع قانون المركزي الحالي وهو6 سنوات كحد اعلى
هذا اللي اتمناه

[بـ فيصل ـو]

:nice:

لا فض فوك

يا بـ فيصل ـو

بإختصـــار يا حبني لك وإجابتك

لا هنت ياخوي

بس لحد يظن إني مديون لذا قاعد أطلب هالطلب
فطلبي جا من هذا المثل اللي يقول: الدين ذل بالنهار وهم بالليل
وأنا أريد المواطن يمشي رافعن راسه بالنهار وينام مرتاح البال بالليل

وعهدي بالأمير (يديم عزه) انه ما بخل على عياله

[OutLaw]

انا في الوقت الحالي ضد طبعا ً والسبب .. الحمد لله ما علي سلفيات في البنوك
لكن مع لمن اخذ سلفيه ..
وهذا هو الفرق ما بين "ضد أو مع"

وأذا في فكرة لتسديد اتمنى تسديد السلفيات الي من جهة العمل سلف السيارة أو الزواج اعتقد تكون اقرب للتساوي ما بين الموظفين القطريين كلاً حسب جهة عمله .

[أسد الجزيرة]

مع و بشدة هم اخوانا و يهمنا مصلحتهم

[Al-Kuwari]

ان جات فجزاهم الله خير

وان ماجات فالحمدلله على كل حال

عايشين احسن عيشه وامن وامان

الله لا يغير علينا

[مكين]

مع مع مع مع مع مع مع

[فرهود]

وعهدي بالأمير (يديم عزه) انه ما بخل على عياله

بومشعل ماقصر وماراح يقصر لكن اذا لعيال مايقدرون كرم ابوهم وياهم ويسرفون ويلعبون بلفلوس سيارتين بمليون وميتين الف اقساط وسفره اسبوعين لعايله من 7 افراد سويسرا كلفتهم 500الف تصدق او ماتصدق هالارقام وفي الاخير كلها سلفيات وديون وراتب الزوج وزوجته يطوف 80000 ريال . ويجونك يطلبون بتسديد ديونهم !

[بحري]

اعتقد ان الموضوع يتكلم عن "الفوائد البنكية" وليس "الديون" بشكل عام

وانا "مع" ان الفوائد تسقط عن المواطنين ويكون الدين بدون فائدة ولو %1 يعني بالعربي برجع المبلغ اللي خذته وبس

اما في حالة اسقاط الدين باكمله فانا "ضد" لانه هذا يعلم الإتكالية واللامبالاة و بكون فيها ظلم لان في ناس ماده لحافها على قد رجولها وما تاخذ سلفيات وفي ناس يتسلفون حق المفوشر والاشيا اللي مالها داعي


(مع اني من اصحاب السلفيات والله يعلم انا ماخذتها رفاهية او لكماليات بل لحاجة ماسة)

[باراكودا]

مع أذا شاري لاندكروزر وضد أذا شارى نيسان بترول .

[khalid525]

هذا الموضوع ضد المساواه بين المواطنين لسببين :
1 ان الكثير لم يأخذوا سلفيات وقروض او سددوا سلفياتهم لماذا نعاقبهم بانهم كانوا منظمين لامورهم المالية .
2 ان اللي عليهم قروض في بنوك اسلامية لا يشملهم هذا التسديد لصعوبة التفريق بين اصل الدين والارباح في التمويل الاسلامي وهذه مشكلة كبيرة ايضا .

لكن انا مع تنظيم القروض للمتعثرين الذين اوضاعهم قد تؤدي بهم الى السجون .
والله يفك كرب المكروبين .

[ضوى]

الله يرزق الجميع ويفك دينهم

[بنت الاجواد]

مع الاسقاط

[بوراشد82]

مع طبعا" ،،، مع اني ما علي دين ولله الحمد.. الله يقضي دين الجميع

[هدوء 2]

ههههههههههههههههه الموضوع يتكلم عن اسقاط الفؤائد والغالبية يتكلمون عن اسقاط الديون انا في وادي ومضموني ف وادي يحليلكم
الاهم انا مع اسقاط الفوائد ومع اسقاط الديون اذا هذا الشي يخفف في اشياء وايد ع المديونيين والامير مو ملزوم يعطي الغير مديونيين الدول الثانية وقت اسقطت الديون عن شعبها ما خذت براي الغير مديونين هذا اخر رأي يؤخذ مشيئة رب العالمين اذا جاءت جاءت لان الرزاق في السما ....... واذا صار اتمنى االاسقاط للي مديون ( زواج - شراء بيت - علاج )

تحياتي

[عليه العوض]

ضد اسقاطها

[مونتانا]

انا اقول كل واحد يمد رجله على قد الحافه، وينظم اموره المالية ويبتعد عن الديون اللي مالها لازمة .

[fhd4]

ضد … لكن مع إعطاء دورات مالية مجانية تفيد الجميع…

[قطر العطاء]

لا طبعا ... ايش ذنب اللى احرموا انفسم وعاشوا على قد مدخولهم ،

[آنا غيــر]

خل يعطون كل قطري و قطريه مليون وهو يتصرف فيها بكيفه .. سواء يسدد ديونه او يفسفسها

انا اشوف ان هذا الراي العدل .. بدال ماتروح الفلوس على دافور مادري دارفور وهالخرابيط

[بوالبيض]

اسقاط الفوائد او الديون بشرط بضوابط معينه ويلتزم فيها
الشخص

[مبارك سعد]

والله يستاهلوووووووووون اهل قطر كل خير
ولكن ينظرون لأصحاب العوائل ومن في حكمهم هم اللي أحوج لذلك 0

[عليه العوض]

اسقاط الديون يشجع المواطن على الاستدانه بامل ان يتم تسديد الدين عليه وتتم العمليه الى ما لا نهاية
المواطن يستدين الدوله تسقط الامورتصير فوضه ويتبعها فساد