ماهي الطرق المتاحه لختيار شريكة الحياة ونحن في عام 2013 .

[Nojoom]

السلام عليكم وصباح الخير على الجميع

طرحت في موضوع سابق عن نيتي في الزواج . وشاركتكم بعض المواضيع
اليوم عندي موضوع مكمل للمواضيع السابقه
وهو ...( ماهي الطرق المتاحه لختيار شريكة الحياة وما هو افضلها ).

في السابق كان مجتمع الرجال معزول تماماً عن مجتمع النساء
وكانت العاده هي الاعتماد على الاهل في البحث و ويجاد الزوجه المناسبه .
اما الان ومع التغيرات الكثيره التي حدثت في المتجمع نال هذه العاده كذالك بعض التغيرات
او بمعنى اخر تواجدت خيارات اكثر في مجال البحث واختيار الزوجه المناسبه .
على سبيل المثال سوف اتحدث عن نفسي بما اني قطري ومن هذا المجتمع
الخيار الاول
استطيع ان اعلن نيتي بالزواج امام اقاربي واطلب منهم البحث لي عن زوجه مناسبه .
وهي الطريقة التقليديه في الزواج
ولكن هنا اتردد واقول قد يختاروا لي فتاه غير مناسبة فلن اعلم عن الفتاه الا القليل ..ولن اكتشف جوهرها الا بعد ان تصبح زوجتي فعلاً وهنا بكل صراحه اعتبرها مجازفه وقد تكون خطوه خطىء في حياتي

الخيار الثاني
ان اقوم انا بنفسي بالبحث عن الزوجه المناسبه لي
ولدي اكثر من خيار
• الجوء الى خطابة

وهذا الخيار لا ارى ان هناك فرق كبير بينه وبين الخيار الاول وقد يكون بالنسبه لي اسوء


• مواقع الزواج
انتشرت مواقع كثيره تهتم في البحث عن شريك الحياه
ولكن للاسف اغلب هذه المواقع اصبحت تستخدم استخدام سلبي وصارت للمغازل اكثر من انها فعلا للبحث عن شريك الحياه
وهذا الخيار ارفضه وطرحته فقط بما انه احد الوسائل المتوفره



• من بيئة العمل

والصراحه مشاهدة الفتاه في مكان العمل وطريقة لبسها وتعاملها خارج بيتها
يجعلك تاخذ عنها صوره حقيقية اكثر بكثير من الطرق الاخرى

مثلا في بيئة عملي بما اني اعمل في مكان اختلاط شاهدت في بيئة عملي اكثر من فتاه
فيه الي تاتي الى العمل متبرجه وتسولف مع اي شخص في امور العمل او غيرها
وفيه البنت المحتشمه الي ماتسمع لها صوت واذا تحدثت تتحدث في مايتعلق في العمل فقط
والكل يشيد بحترامها
وفي الحقيقه هنا انا متشجع اكثر لهذا الخيار فعند مشاهدتي لفتاه وهي في مكان عام او مكان عمل
واستطاعت ان تحافظ على حشمتها واحترامها .
فهذي فتاه استطيع ان اتخيل تصرفها خارج البيت



لدي في نهاية هذا الموضوع اكثر من سؤال .

هل توجد طرق اخرى غير التي ذكرتها ؟
هل المجتمع يتقبل الطرق الاخرى غير الطريقة التقليديه مثلا الزواج من زميله في العمل او عن طريق خطابه ...الخ ؟

وفي الاخير ارحب بكل مشاركه او اضافه لهذا الموضوع .

[MAZEN37]

الله يعينك

[ضوى]

شخصيا افضل الطرق التقليدية في الزواج ، ام اخت قريبة ايا كان ، ولو رجل اعجب بامراة في مكان ما يتحرى عنها ويسال واذا جازت له توكل على الله

باقي الطريق اللي ذكرتها ماحبها ولا افضلها ابدا

وفي النهاية الاستخارة هي الفيصل لكل ماذكرت

والله يرزقك ويعفك وسائر شباب المسلمين

[NINA RICCI]

مافي احسن من الزواج التقليدي ( عن طريق الاهل ) ..

لان الاهل بيختارون لولدهم وحده متربيه من اهل محترمين وبيئة مناسبة من كل النواحي لبيئتهم .. اما عن طريق العمل فممكن البنت تكون محترمة في بيئة العمل والعكس خارجها .. والخطابة نفس الكلام من الممكن يكون هدفها مادي بحت ..
فمن وجهة نظري الزواج التقليدي وايد وايد احسن مهما تغيرت الازمااان ..

[بـ فيصل ـو]

الرجال ممكن تسأل عنه وبتعرف
ولكن الحريم ما تقدر تعرف عنها
مهما اهلك من الحريم فنانات بالكشف والسؤال
على رأي المثل: الزواج مثل البطيخه (يعني: الرقي -او- الجح)
يعني مهما كانت خبرتك في اختيار البطيخ
فأنك راح تخطي بالاختيار

فهي حظوظ ياخوي
وسبحانه مقسم الأرزاق

[الأصيلة]

انا أشوف ما تصلح لك إلا طريقة من بيئة العمل
تشوفها وتراقب تحركاتها وتصرفاتها وتدرس أخلاقها من بعيد لبعيد
والله يوفقك...

[Nojoom]

شخصيا افضل الطرق التقليدية في الزواج ، ام اخت قريبة ايا كان ، ولو رجل اعجب بامراة في مكان ما يتحرى عنها ويسال واذا جازت له توكل على الله

باقي الطريق اللي ذكرتها ماحبها ولا افضلها ابدا

وفي النهاية الاستخارة هي الفيصل لكل ماذكرت

والله يرزقك ويعفك وسائر شباب المسلمين


مرحبا اختي ضوى .
اكيد الاهل راح يحرصون على اختيار الزوجه الافضل

ولكن مقايس الاهل مهما كان راح تختلف عن المقايس الي انا ابحث عنها

يعني اهم يمكن يركزون في الجمال والاخلاق .


بالنسبه لي انا لما افكر في شريكت حياتي يهمني امور اكثر من هذا

على سبيل المثال التوافق الفكري بيني وبينها


في بنات صحيح جمال واخلاق ولكن يجد الرجل فجوه في نوع التفكير وهذا سبحان الله كذالك في الاصدقاء

يعني انا عندي مجموعه من الاصدقاء نجتمع دايما

في بعض الاصدقاء الصراحه ماقدر اتناقش معاه في شي لاني احس تفكيره بعيد جدا عن طريقة تفكيري ومستحيل نتفق في شي . رغم انه شاب متعلم وراعي خلق

وصرت اتجنب افتح معاه مواضيع فيها نقاش

فاشلون زوجتي لما تكون نفسه ؟:(

[Nojoom]

مافي احسن من الزواج التقليدي ( عن طريق الاهل ) ..

لان الاهل بيختارون لولدهم وحده متربيه من اهل محترمين وبيئة مناسبة من كل النواحي لبيئتهم .. اما عن طريق العمل فممكن البنت تكون محترمة في بيئة العمل والعكس خارجها .. والخطابة نفس الكلام من الممكن يكون هدفها مادي بحت ..
فمن وجهة نظري الزواج التقليدي وايد وايد احسن مهما تغيرت الازمااان ..


مشكوره على المشاركه

بس ليش اعتمد على اهلي وفي النهايه انا الي راح اتزوج ؟

عندي نقطه ثانيه

احس لما انا اختار زوجتي راح اتحمل عواقب هذا الاختيار اكثر من ان لما اهلي يختارون لي .

يعني بكره لما اهلي يختارون لي

ممكن اقول الله يسامحهم ماختاروا لي عدل او ماكنت ابي هذي الصفه وهذي الصفه وانتوا قلتولي انها هالشكل وطلعت غير ...الخ


اما اذا انا الي اخترتها بيكون قراري انا لوحدي

[Nojoom]

الرجال ممكن تسأل عنه وبتعرف
ولكن الحريم ما تقدر تعرف عنها
مهما اهلك من الحريم فنانات بالكشف والسؤال
على رأي المثل: الزواج مثل البطيخه (يعني: الرقي -او- الجح)
يعني مهما كانت خبرتك في اختيار البطيخ
فأنك راح تخطي بالاختيار

فهي حظوظ ياخوي
وسبحانه مقسم الأرزاق



ههه الله يستر من البطيخ ..

انا احس ان الزواج مثل اكياس الحظ ونصيب الي لول في الدكان .


تدفع ريال .. ودخل يدك تختار لك كيس صغير

وانت وحظك مرات يطلع لك مشط مرات نفاخه

ايام لول :)

[Nojoom]

انا أشوف ما تصلح لك إلا طريقة من بيئة العمل
تشوفها وتراقب تحركاتها وتصرفاتها وتدرس أخلاقها من بعيد لبعيد
والله يوفقك...


انا بعد اميل لهذا القرار .

مدام في مجال انا اختار زوجتي فليش لا .

لكن مازلت احس ان المجتمع والاهل يعتبرون هالنوع من الزواج غلط

يعني لما زميل يتزوج زميلته سواء في عمل او مكان ثاني تكثر الاحاديث عنهم وكانهم مسوين شي غلط

[@north_star@]

الطريقة الاولى ما راح تبين اخلاق البنت وطبيعتها وطريقتها بالتعامل مع الناس مع انها هي الطريقة المفضلة عند الغالبية كطرق تقليدية ...

وبالنسبة لي أفضل الطريقة الثانية وممكن تشوفها بالعمل من بعيد لبعيد وشي طبيعي تشوفها شلون تتعامل مع الناس وشلون اسلوبها بالحياة
والي بيسمع كلام الناس بيتعب وما راح يسوي شي بحياته

[Nojoom]

الطريقة الاولى ما راح تبين اخلاق البنت وطبيعتها وطريقتها بالتعامل مع الناس مع انها هي الطريقة المفضلة عند الغالبية كطرق تقليدية ...

وبالنسبة لي أفضل الطريقة الثانية وممكن تشوفها بالعمل من بعيد لبعيد وشي طبيعي تشوفها شلون تتعامل مع الناس وشلون اسلوبها بالحياة
والي بيسمع كلام الناس بيتعب وما راح يسوي شي بحياته


بارك الله فيك :victory:

[ضوى]

مرحبا اختي ضوى .
اكيد الاهل راح يحرصون على اختيار الزوجه الافضل

ولكن مقايس الاهل مهما كان راح تختلف عن المقايس الي انا ابحث عنها

يعني اهم يمكن يركزون في الجمال والاخلاق .


بالنسبه لي انا لما افكر في شريكت حياتي يهمني امور اكثر من هذا

على سبيل المثال التوافق الفكري بيني وبينها


في بنات صحيح جمال واخلاق ولكن يجد الرجل فجوه في نوع التفكير وهذا سبحان الله كذالك في الاصدقاء

يعني انا عندي مجموعه من الاصدقاء نجتمع دايما

في بعض الاصدقاء الصراحه ماقدر اتناقش معاه في شي لاني احس تفكيره بعيد جدا عن طريقة تفكيري ومستحيل نتفق في شي . رغم انه شاب متعلم وراعي خلق

وصرت اتجنب افتح معاه مواضيع فيها نقاش

فاشلون زوجتي لما تكون نفسه ؟:(



اشلون ممكن تعرف هالتوافق الفكري بينكم ؟؟

بتصوري هذا الشي يصير لما الاهل يخطبون لك واحدة ذات دين واخلاق وجمال ، والتوافق الفكري اللي تبحث عنه بتحصله في فترة الخطوبة اللي هي فترة حرجة في حياة الزوجين والخطبة اللي قاصدها هي فترة بعد الملجة عقد القران وعلى ضؤها تقرر تستمر والا لا بينكم توافق فكري والا لا

وياما ناس انفصلوا وهم بفترة الملجة وناس كملوا هنا المحك

[dm styal]

أنا رأيي عن طريق الاهل ولكــــــــــــــــــــــــــــــن قبل ما تخطو الخطوة أختار اهلها قبل البنت وبيبين نوع البنت اذا هي free أو بنت رجال وطالعة من ظهر رجال ومسنعه.

[بـ فيصل ـو]

كل شخص يحاول يطلع بشخصيه متزنه في بيئه العمل لأن هالشي راح يعكس على تقييمه وشغله
ولكن الحقيقه لن تجدها في بيئه العمل - لذا أشوف إن بيئه العمل مش مقياس يعتمد عليه

كلامي مجرد رأي شخصي
الموضوع راجع لكم

[خــالــد]

شوف اخوي موضوعك هذا جداً مهم و واقع يعاني منة الكثير للاسف وهذي حياة يعني لازم تكون حذر في الاختيار ويفضل الاختيار يكون من شخصك لنة تراء
الطرق التقليدية خاصة في امور الزواج هي الي ضيعت العالم وشوف نسبة الطلاق كيف زايدة خاصة انة اصبح الشباب مفتحين لهذي الامور
وصدقني لو اخذت وحدة بختيار اهلك راح تندم ونادر ما تنجح حياتك لنة الاقارب عقارب مثل ما يقولون طيح لك في وحدة من نفس عائلاتك لكن شتان في التفكير تبهذلك
وتفضحك ولا تحفظ سرك ولا تصون بيتك وقد تكون جاهلة من الي نشوفهم اليوم لا تعرف درس اطفالها ولا همها شي غير الدجة ولا تعرف الاتكيت ولا تعرف الذرابة بالعربي دابشة وتتوهق فيها وتكون ابتلشت فيها وعندك عيال منها فا احذر والله احذر من هالنوعيات الي يكونوا من اختيار الاهل

الطريقة الي انصحك فية اعرف البنت عدل قبل ان ترتبط بها مثل شوف خاصة الحين اكثر الوظائف خلط وصار سهل على الشخص انة يبحث على شريكة حياتة بتحصل المحتشمة والمتعلمة والسنعة الي تعرف السنع
وبتشل معاك بيتك وحياتك وبتحفظ لك سرك حتى بعضهم مبين من لبسها شوف الي تتكشخ هذي ابعد عنها لنها بتعبك بحياتك لنها مثل المزهرية من براء الله الله ومن الداخل جوفاء لا يوجد فيها شي وقد تكون منتهية الصلاحية من الداخل
المهم واحذر تراء في حريم مرات تشوف لبسهم نقاب وقفازات تراء مب شرط تكون زوجة صالحة تراء بعضهم يكون في تحت السواهي دواهي
عليك ونصيحة بالبنت الي اهلها فيهم خير ومتربية صح وتكون مثقفة ومحترامة وتهتم في بيتك وتشيل لك عيالك حتى عيالك يجون متربين صح ونظاف وسنعين

ونصيحة اخيرة لا يغرك الاصل والمال والجمال تراء ياما شفنا بنت اصل لكن منتهين ويوم شفنا بنت خير لكن قحية ولا يخافون ربهم وياما شفنا بنات جمال لكن من داخل عفن وخياس

الله يرزقك بوحدة سنعة ونظيفة صح بتتعب علشان تحصلها لكن بتحصل

[Nojoom]

اشلون ممكن تعرف هالتوافق الفكري بينكم ؟؟

بتصوري هذا الشي يصير لما الاهل يخطبون لك واحدة ذات دين واخلاق وجمال ، والتوافق الفكري اللي تبحث عنه بتحصله في فترة الخطوبة اللي هي فترة حرجة في حياة الزوجين والخطبة اللي قاصدها هي فترة بعد الملجة عقد القران وعلى ضؤها تقرر تستمر والا لا بينكم توافق فكري والا لا

وياما ناس انفصلوا وهم بفترة الملجة وناس كملوا هنا المحك


كلامج صحيح .

ولكن تدرين البعض في هذه الفتره حتى لو اكتشف انها غير مناسبه له

يجد صعوبه في اخذ قرار الانفصال لان راح يترتب عليها مشاكل وشوشره .

لانها تعتبر في تلك الفتره زوجته والانفصال يعتبر طلاق


والشي الثاني بعد مو كل العوائل راح ترضى ان الزوج يشوف ويجلس مع زوجته في فترة الخطوبه


يعني بعضهم يمكن يقدر يشوفها مره وحده فقط قبل العرس والبعض ولا حتى مره

[Positive]

أنا من رأي بما ان صرنا في عصر الانفتاح اتوقع الطرق كثيرة ومتداولة من غير ما انحس في حياتنا اليومية سواء في المعاملات اليومية مثل البنوك او المستشفيات الجهات الحكومية او غيرها ممكن يكون في مجال الدراسة او العمل اياً كان... فكل المجالات مفتوحة ومختلطة وسهل الاختلاط بالجنس الناعم او التواصل معهم سواء بالمراجعات او غيرها...
وأتوقع هذا المجال يسهل التعرف على شخصية البنت وأسلوبها وتكون على حقيقتها







اشلون ممكن تعرف هالتوافق الفكري بينكم ؟؟

بتصوري هذا الشي يصير لما الاهل يخطبون لك واحدة ذات دين واخلاق وجمال ، والتوافق الفكري اللي تبحث عنه بتحصله في فترة الخطوبة اللي هي فترة حرجة في حياة الزوجين والخطبة اللي قاصدها هي فترة بعد الملجة عقد القران وعلى ضؤها تقرر تستمر والا لا بينكم توافق فكري والا لا

وياما ناس انفصلوا وهم بفترة الملجة وناس كملوا هنا المحك

عكس فتره الملجة ممكن يكون هناك خداع وتمثيل حتى تجذبه اليه وبعد الزواج تطلع على حقيقتها ....

وتصير المشاكل مما يؤدي الى الطلاق

وحتى الأهل يمدحون البنت اكثر من اللازم وينسون العيوب او ماراح يتطرقون الى العيوب ويتجنبونها حتى ينتهون من الرسميات ويخلصون السالفة بسرعه

في النهاية افضل ان الرجال يختار شريكة حياته ونفس الشي البنت تكون هي صاحبة القرار علشان مايحاسبون حد او يلومون حد غير نفسهم*

[المستقل]

الي معارضين الطريقه التقليدية

أولا : ماراح أحد يعكس لك الصورة الصحيحه عن البنت مثل الأهل خصوصا الوالده

ثانيا : الي يقولون فتره الخطوبه راح تعطيك إنطباع كامل وصحيح عن البنت ، أقول أكثر مراحل الزواج تصنعاً لسلوك وللشكل هي فتره الخطوبه ، يعني دجل :secret:



والظاهر أحسن طريقه للأختيار عن طريق وسائل التواصل الإجتماعي من خلال مواضيعها مشاركاتها ردودها الصور الي حاطتها :nice:

[Nojoom]

أنا رأيي عن طريق الاهل ولكــــــــــــــــــــــــــــــن قبل ما تخطو الخطوة أختار اهلها قبل البنت وبيبين نوع البنت اذا هي free أو بنت رجال وطالعة من ظهر رجال ومسنعه.

حلو مصطلح بنت free :)

مادري شنهو المقصود بالكلمه هل تقصد البنت الي قليلة دين وسنع ولا شنهو .


اما بنت رجال هذي معروووفه :)

وشكرا على مشاركتك

[Qatar Angel]

انا من رأيي تختار البنت بنفسك البنت اللي ترتاح لها وتاكدت من تصرفاتها وحشمتها في بيئة العمل المختلطة ولا تنسى الاستخارة وحسن الظن بالله

[Nojoom]

كل شخص يحاول يطلع بشخصيه متزنه في بيئه العمل لأن هالشي راح يعكس على تقييمه وشغله
ولكن الحقيقه لن تجدها في بيئه العمل - لذا أشوف إن بيئه العمل مش مقياس يعتمد عليه

كلامي مجرد رأي شخصي
الموضوع راجع لكم

مشكور يا بوفيصل ولو اني اختلف معاك.

بيئة العمل يومياً 8 ساعات البعض يجلس في العمل اكثر من البيت

من خلالها في اشياء كثيره تبين وخاصه بالنسبه للبنات

طريقة البس اسلوبها جرائتها ...الخ


اذا فعلاً اقدرت تظبط نفسها في هالمكان ولو مثل ماقلت على شان التقيم وغيره فهذا انا اشوفه بعد ايجابي

البلا في الي ماتقدر تضبط نفسها

[Nojoom]

شوف اخوي موضوعك هذا جداً مهم و واقع يعاني منة الكثير للاسف وهذي حياة يعني لازم تكون حذر في الاختيار ويفضل الاختيار يكون من شخصك لنة تراء
الطرق التقليدية خاصة في امور الزواج هي الي ضيعت العالم وشوف نسبة الطلاق كيف زايدة خاصة انة اصبح الشباب مفتحين لهذي الامور
وصدقني لو اخذت وحدة بختيار اهلك راح تندم ونادر ما تنجح حياتك لنة الاقارب عقارب مثل ما يقولون طيح لك في وحدة من نفس عائلاتك لكن شتان في التفكير تبهذلك
وتفضحك ولا تحفظ سرك ولا تصون بيتك وقد تكون جاهلة من الي نشوفهم اليوم لا تعرف درس اطفالها ولا همها شي غير الدجة ولا تعرف الاتكيت ولا تعرف الذرابة بالعربي دابشة وتتوهق فيها وتكون ابتلشت فيها وعندك عيال منها فا احذر والله احذر من هالنوعيات الي يكونوا من اختيار الاهل

الطريقة الي انصحك فية اعرف البنت عدل قبل ان ترتبط بها مثل شوف خاصة الحين اكثر الوظائف خلط وصار سهل على الشخص انة يبحث على شريكة حياتة بتحصل المحتشمة والمتعلمة والسنعة الي تعرف السنع
وبتشل معاك بيتك وحياتك وبتحفظ لك سرك حتى بعضهم مبين من لبسها شوف الي تتكشخ هذي ابعد عنها لنها بتعبك بحياتك لنها مثل المزهرية من براء الله الله ومن الداخل جوفاء لا يوجد فيها شي وقد تكون منتهية الصلاحية من الداخل
المهم واحذر تراء في حريم مرات تشوف لبسهم نقاب وقفازات تراء مب شرط تكون زوجة صالحة تراء بعضهم يكون في تحت السواهي دواهي
عليك ونصيحة بالبنت الي اهلها فيهم خير ومتربية صح وتكون مثقفة ومحترامة وتهتم في بيتك وتشيل لك عيالك حتى عيالك يجون متربين صح ونظاف وسنعين

ونصيحة اخيرة لا يغرك الاصل والمال والجمال تراء ياما شفنا بنت اصل لكن منتهين ويوم شفنا بنت خير لكن قحية ولا يخافون ربهم وياما شفنا بنات جمال لكن من داخل عفن وخياس

الله يرزقك بوحدة سنعة ونظيفة صح بتتعب علشان تحصلها لكن بتحصل


ماشاء الله يا خالد ارد على شنهو ولا شنهوو

الصراحه ولولا العادات والتقاليد وامور الدين

كان قلت ودي البنت الي قبل لا اقرر اتزوجها اجلس معاها وسولف وتناقش في امور عديده لحد ماعرفها عدل بعدين اقرر اتزوجها .

بس الواقع يحكم علينا اشياء غير


تسلم على مشاركتك وعلى السطور الي طرحتها

[رهج السنابك]

ابعد عن التقليدي


لو انت اخوي ما بختار لك انا ولا بخلي حد يختار لك لان ذي حياتك وانت الي لازم تختار
بقولك انت شوف الي تناسبك حط عينك ع وحده وراقبها من بعيد هذا الي بقوله لو انت اخوي
وافضل شي مكان العمل ومااظن فيها اقاويل ولا شي
اعرف وايد من رفيجاتي ومن موظفين خذوا من زميلاتهم في العمل بس اغلبهم اشترطوا بعد الزواج تغير عملها او تقعد بالبيت وانا اشوف جذي صح اذا اتفقوا ع الزواج الاحسن مايتمون بمكان واحد لازم واحد منهم يطلع

اما بخصوص اذا تبي طرق لعام ظ¢ظ*ظ،ظ£ فبصراحة الطرق وايد منها الانترنت اي لحد يستغرب انا مثلكم استغربت اول مادريت بس خلاص التكنولوجيا لازم تفرض نفسها
اعرف كذا وحده كان زواجها من تويتر ومن منتديات ومواقع شخصيه! النصيب مايعرف كيف او متى :)

[Nojoom]

أنا من رأي بما ان صرنا في عصر الانفتاح اتوقع الطرق كثيرة ومتداولة من غير ما انحس في حياتنا اليومية سواء في المعاملات اليومية مثل البنوك او المستشفيات الجهات الحكومية او غيرها ممكن يكون في مجال الدراسة او العمل اياً كان... فكل المجالات مفتوحة ومختلطة وسهل الاختلاط بالجنس الناعم او التواصل معهم سواء بالمراجعات او غيرها...
وأتوقع هذا المجال يسهل التعرف على شخصية البنت وأسلوبها وتكون على حقيقتها




عكس فتره الملجة ممكن يكون هناك خداع وتمثيل حتى تجذبه اليه وبعد الزواج تطلع على حقيقتها ....

وتصير المشاكل مما يؤدي الى الطلاق

وحتى الأهل يمدحون البنت اكثر من اللازم وينسون العيوب او ماراح يتطرقون الى العيوب ويتجنبونها حتى ينتهون من الرسميات ويخلصون السالفة بسرعه

في النهاية افضل ان الرجال يختار شريكة حياته ونفس الشي البنت تكون هي صاحبة القرار علشان مايحاسبون حد او يلومون حد غير نفسهم*


اتفق معاج ان فترة الخطوبه اهي فترة تصنع لدا الكثيرين

وهذا من واقع تجربة الكثيرين والمشكله الثانيه مثل ما قلت ان البعض يحصل صعوبه في التراجع في هذي الفتره .


وفعلاً جيلنا اختلف عن الاجيال السابقه وصار الاحتكاك اكثر مع الطرف الاخر مثل ما ذكرتي وعطيتي امثله

قبل بس الواحد يسمع كلام اهله ويتخيل وفي الاخير ينصدم لما حتى يشوفها ويقارن كلام اهله

[فارس محمد]

فعلا اسئلة عديدة وبالاول وبالاخير يجب ان تتحقق عن اي فتاة ترغب بالارتباط بها بان تسئل عنها وعن دينها واخلاقها ونسبها فاذا كانت من الفتيات التى تتخلق بهذه الاخلاقيات الجميلة فتوكل على الله وقتها

[Nojoom]

الي معارضين الطريقه التقليدية

أولا : ماراح أحد يعكس لك الصورة الصحيحه عن البنت مثل الأهل خصوصا الوالده

ثانيا : الي يقولون فتره الخطوبه راح تعطيك إنطباع كامل وصحيح عن البنت ، أقول أكثر مراحل الزواج تصنعاً لسلوك وللشكل هي فتره الخطوبه ، يعني دجل :secret:



والظاهر أحسن طريقه للأختيار عن طريق وسائل التواصل الإجتماعي من خلال مواضيعها مشاركاتها ردودها الصور الي حاطتها :nice:


شكرا على المشاركه

وفي سالفه واحد قالها لي من الربع .

يقولي كنت جالس مع امي في الصاله واقول لها عن مواصفات البيت الي ابيها طبعا المواصفات الشكليه

طويله بيضه ...الخ

يقول يوم خلصت كلامي قلت لمي عرفتي انا شبي ؟

قلت لي اي مثل هذي الي بالتلفزيون

يقول ويوم شفت التلفزيون الا شكلها 80% غير عن الي جلست ساعه اوصف شكلها لمي

بعدها يقول غسلت يدي :secret:

[bos3eed]

شكرا على المشاركه

وفي سالفه واحد قالها لي من الربع .

يقولي كنت جالس مع امي في الصاله واقول لها عن مواصفات البيت الي ابيها طبعا المواصفات الشكليه

طويله بيضه ...الخ

يقول يوم خلصت كلامي قلت لمي عرفتي انا شبي ؟

قلت لي اي مثل هذي الي بالتلفزيون

يقول ويوم شفت التلفزيون الا شكلها 80% غير عن الي جلست ساعه اوصف شكلها لمي

بعدها يقول غسلت يدي :secret:

قصة حياتي, علشان جذي انا قررت اني اختار بنفسي سواء من الشغل او من اي مكان اوطريقة ثانيه. ياخي كل واحد ادرى بنفسه وباللي يبغيه بالظبط وعلى قولة المثل الانجليزي:

If you want it done right do it yourself

يعني اذا تبغي السالفه تظبط سوها بنفسك.

الله كريم يا نجوم

[قطرية مثقفة]

قبل ماتضمها أسأل عن أمها :)

[elders]

شكرا على المشاركه

وفي سالفه واحد قالها لي من الربع .

يقولي كنت جالس مع امي في الصاله واقول لها عن مواصفات البيت الي ابيها طبعا المواصفات الشكليه

طويله بيضه ...الخ

يقول يوم خلصت كلامي قلت لمي عرفتي انا شبي ؟

قلت لي اي مثل هذي الي بالتلفزيون

يقول ويوم شفت التلفزيون الا شكلها 80% غير عن الي جلست ساعه اوصف شكلها لمي

بعدها يقول غسلت يدي :secret:

على سيرة التقليدي ومن هاي المشاركة تذكرت موقف طريف.. مرة ناس اتصلو بعمتي ،قال ناس دالينهم على بنت عمتي وشكل ام الزوج امرأة عملية وما بدها تضيع وقت بزيارات بدون فائدة ..فبتحكي لأم العروس عندك وحدة بيضا وطويلة وبتشتغل :omg:
قالتلها عمتي ..طبعا !!!
الثلاجة
:secret:

وبس والله :nice:

[بـن عدوان]

لا تنسى تسوي بحث عنها في شبكات التواصل الاجتماعي:

انستغرام + تويتر + فيس بوك ...الخ

حق من تكتب وشتحط .. الخ

[ميلاف]

مرحبا اختي ضوى .
اكيد الاهل راح يحرصون على اختيار الزوجه الافضل

ولكن مقايس الاهل مهما كان راح تختلف عن المقايس الي انا ابحث عنها

يعني اهم يمكن يركزون في الجمال والاخلاق .


بالنسبه لي انا لما افكر في شريكت حياتي يهمني امور اكثر من هذا

على سبيل المثال التوافق الفكري بيني وبينها


في بنات صحيح جمال واخلاق ولكن يجد الرجل فجوه في نوع التفكير وهذا سبحان الله كذالك في الاصدقاء

يعني انا عندي مجموعه من الاصدقاء نجتمع دايما

في بعض الاصدقاء الصراحه ماقدر اتناقش معاه في شي لاني احس تفكيره بعيد جدا عن طريقة تفكيري ومستحيل نتفق في شي . رغم انه شاب متعلم وراعي خلق

وصرت اتجنب افتح معاه مواضيع فيها نقاش

فاشلون زوجتي لما تكون نفسه ؟:(

انت شرحت نقطة مهمه والكثير ما يهتم فيها كثير

[تغلبية]

في هالزمن أنا أفضل .. الشاب يختار البنت اللي يشوفها ويرتاح لها من بعيد لي بعيد

ويتفاهم واياها ويكون جاد مايلعب ببنات الناس

ما عاد ينفع الزواج التقليدي اللي رفع نسبة الطلاق لي 34% !!!

[الخزرجي قطر]

احسن طريقه لأختيار الزوجه الطريقه التقليديه عن طريق الأهل ولك النظره الشرعيه
الله يوفقك في اختيار الزوجه الصالحه ان شاءالله

[ANONYMOUS]

شكلك حاط عينك على وحده من الدوام وتبي تشجيع وعشان ماتشعر انك مسوي شي جديد

مثل اللي ينتظر حد يحلل سهم عشان ياخذه هههه

سو اللي تسويه وتزوج بأي طريقه شئت ف الاخير الزواج نفس البطيخه

ياتلاقي شي عدل او نص نص او مب عدل

ف توكل على الله واستخير وخذ قرارك ايا كان ،، بنات الديره كثير منهم فيهم الخير

والله يزوجك ويرزقك باذريه الصالحه

تصبحون ع خير

[Class - Qtr]

السلام عليكم

الزواج رزق طال عمرك وتوفيق من الله عليك بالدعاء بالزوجه الصالحه

واعتقد النساء سوء الاخت او الام لهم نظرة خاصه في البنت يعني هي

ماتجوف بعواطف الرجل هي تجوف بجوهر هذي البنت

[ام السعف]

نرجع ونقول اللي يبي يتزوج لازم يتزوج من قناعة تامة في اختيار شريكه حياته
سواء كان عن طريق اختيار جنسيتها او طريقة التقدم لها او التعرف عليها ،،

اما لو مثل هالمواضيع تنفتح علشان نتعرف على مدى التغيرات اللي طرأت
على تفكير الناس فاهلا وسهلا بها ،، اما انك يا اخوي او ياوليدي نجوم
تبني عليه قرار اختيارك اقول لك Pardon انت بترتكب غلطة كبيرة في حياتك ،،

ومن ثم ندخل في الموضوع ،،

عني كأم ما عندي مانع ابدا ولدي يقول لي اعجبتني البنت الفلانية اللي معاي
في الجامعة او البنت الفلانية اللي كانت ماشية مع زوجة صديقي او يقول لي
تعرفت عليها في النت او يقول لي دوري لي ابي اتزوج وحدة بالمواصفات
الفلانية او العلانية ،،

اليوم احنا في عالم
غير عن عالم أمس وطرق التواصل صارت اوسع فليش احصرها في الزواج
التقليدي ؟!!

المهم عندي انه يكون مقتنع باختياره ويتحمل مسؤوليه اختياره لأنه
هو اللي بيعيش معاها مب احنا ،، ومن ثم انصحه يتأكد من اخلاقها ،،

فالزواج قسمة ونصيب مب شرط تحط في بالك طريقة ولازم ولابد وشرط
تتزوج من خلالها ،، ممكن تتزوج عن طريق اللفت او الدري او السطوح

المهم انت تكون مقتنع بالاختيار هذا ،،

ومباركين عرس الاثنين

وشكرا لكم
:shy:

[نور الحور]

تدري يا نجوم ؟ أنا حطيت نفسي مكانك ..وقعدت أفكر ..لقيت إن من طبيعة شخصيتك اللي ألاحظها من ردودك تبين إنك إنسان جاد وفاهم وواعي بس متردد أو عندك شوية حيرة .. صح إنه قرار مصيري بس أحياناً كثرة التردد وكثرة الشروط تصعب الأمور << أتكلم عموماً وليس عنك أنت بالذات أخوي نجوم ..

نصيحتي لك بتكون حسب شخصيتك و طريقة تفكيرك .. أنت إنسان تركز على درجة التوافق النفسي والفكري بين الزوجين وتعتبره اولوية عندك .. عشان جذي ما ينفع لك زواج تقليدي وما أقصد إنه بالضرورة لازم يكون فاشل .. ممكن ينجح الزواج التقليدي لكن بيكون مثل ما يقولون ضربة حظ ..

أعتقد إن أي وسيلة تواصل فيها فرصة للحوار وتبادل الرأي (بعفوية) وبحد أدنى من التصنع والمجاملات بتكون مناسبة ..
ممكن تكون زميلة عمل، أو دراسة، أو صاحبة قلم ..الخ
وطبعاً أولاً وأخيراً تطلب التوفيق من الله ..لأنه هو من يوفق وهو من يبارك واطلب الاستخارة دائماً منه سبحانه مثل ما تطلب منا الاستشارة .. فما ندم من استشار وما خاب من استخار..
وصدقني بمجرد ما تكون صادق النية ومحدد في مواصفات شريكة حياتك راح تجذب لك كم من المواقف والأحداث اللي تسهل عليك .. أنت بس اعقلها وتوكل!

[فقيه زمانه]

أنا رأيي عن طريق الاهل ولكــــــــــــــــــــــــــــــن قبل ما تخطو الخطوة أختار اهلها قبل البنت وبيبين نوع البنت اذا هي free أو بنت رجال وطالعة من ظهر رجال ومسنعه.

اتفق معك :nice:

[alnoida]

http://www8.0zz0.com/2013/04/10/14/544275016.jpg (http://www.0zz0.com)

[حـ ن ـيـ ن]

سواء عن طريق الأهل أو عن طريق العمل

أهم نقطة هو اقتناعك بها كزوجة ...

ولكن نحن في مجتمع عندما يعلم أنهما في جهة عمل واحدة

يبدأ القيل والقال ...

كيف ؟ ولماذا ؟. ( تذكرت الملف المهني :shy:)

عندما كنت ابحث لأخي عن زوجة قل عدد الفتيات اللاتي أعرفهن

ليس لوجود عيبٌ في البقية وإنما لأنني اعلم بشخصية أخي فلابد من الحرص

على هذه النقطة ...

[catqat]

اخوي توكل على الله اهم شي ترضي ربك ونفسك، ماعليك من الناس، دام ان الله عارف شنهي نيتك راح الله يوفقك فيها. واااااااايد عندنا بالدوام تزوجوا بعض لان عجبه تفكيرها وكان في توافق،. وايد الحين يتزوجون زملائهم، شالغلط؟؟؟.

والناس في مجتمعنا راح اتسوي القيل والقال حتى لو كان الواحد قاعد في بيته. يبون الظاهر بس لانه تفكيرهم سلبي والقلوب سودا. وهذا سبب التفكير.. تربوا على مايسمونه تقايد و ع عدم الثقة للاسف،

اذا ع التقاليد ترى البعض ما د يتبع لا الدين ولا التقاليدد يسوي النون ومايعلمون ولبغى يتزوج قال تقليدي ، وصدقني الله يرزقه ع اعماله ، اتجيه من اختيار الاهل وبنت بيت، لكن تنصدم باسرارها انها كانت اسوأ منه. وصارت واااااااااايد.. مثل ماقلت لك اهم شي النية


وبالتوفيق يا رب

[m.m.76]

ابتعد عن التقليدي قد ماتقدر وخذ قرارك من خلال ملاحظاتك على البنت سواء معاك بالعمل او شفتها بالخارج ترى البنات في السفر تبين حقيقتهم الخفيفه من الثقيله ..الخلوقه من عديمة الاخلاق..الدينه من اللي دينها ضعيف

[Bo jassim]

((ربنا هب لنا من أزواجنا وذرياتنا قرة أعين واجعلنا للمتقين إماما))

اكثر من هالدعاء

اسال مجرب
واذهب الى مسبب الاسباب
فالله اعلم باصلح النساء لك وانسبهم اليك واستغل اوقات الاجابه ودعاء الام لولدها
والله وعد المستغفرين بان يمددهم باموال وبنين
وسلك الحلال واستغني عن الحرام
وربي يبارك لك

[اجرام]

1 - ماعندها بلاك بيري
2 - ماعندها انستغرام وكيك
3 - ليست من النوع الي تطلع مع رفيجاتها يتمشون

[ام السعف]

((ربنا هب لنا من أزواجنا وذرياتنا قرة أعين واجعلنا للمتقين إماما))

اكثر من هالدعاء

اسال مجرب
واذهب الى مسبب الاسباب
فالله اعلم باصلح النساء لك وانسبهم اليك واستغل اوقات الاجابه ودعاء الام لولدها
والله وعد المستغفرين بان يمددهم باموال وبنين
وسلك الحلال واستغني عن الحرام
وربي يبارك لك

:nice::nice::nice:

[تاجر كشخة]

الله يوفقني ببنت الحلال سبحان الله يمكن تتوفق بوحده بطريقة ما تخطر على البال

[تحداني]

اذا عندك قناعات معينه مثل ما قالت اختي " نور الحور " صعب تقبل بالزواج التقليدي
هالقناعات في العاده تكون فكر الشخص .. نظرته للحياه .. طموحاته .. مبادئه .. قيمه ..
اشلون ينظر للمواضيع .. اشلون يناقش اشلون يفكر .. مفهوم الزواج في هالفتاه "
هالاشياء تحتاج اتشوفها وتسمعها انت .. وبعدها تقرر
لان البعض عنده الزواج بس قبلت ؟؟ وقبلتي .؟؟ والف مبروك .. وبعد 6 اشهر المدام حامل
وبعد 4 سنوات الاعيال في المدرسه والي بعده والي بعده وهذا هو الزواج
اما انت مع هالاشياء كلها في النهايه تبي اتكملها بالرضى والقناعه



بس الاهل راح اتكون مقاييسهم " الطول .. العرض .. الجمال .. لون الشعر .. لون الاعيون .. القبيله .. البشره .. اشكال ظاهريه ما تشكل ذاك العنصر المهم الي انت قاعد تدور عليه "



فالطريقه انت الي اتعرفها بس .. مهما تعددت الآراء والأفكار
لانك انت الي بتعيش

ونصيحه اخت دنيا .. نصيحه لوجهه الله لا تكون امثله الناس قدوه لكفي هالحياه
كل انسان له وضع مختلف وله ظروف مختلفه وله تربيه مختلفه وله فكر مختلف
مستحيل تلقى الكل يصفق لك على قناعاتك .. لكن انت الوحيد الي راح تعيش الحياه الي انت راح تختارها
ولو لا سمح الله افشلت الصوره الي انت حاطها عن شريكه الحياه
اما تعيش تعيس .. او تغصب نفسك على هالحياه .. او تنحرم من اشيا انت كنت تتمناها

الانسان ما يعيش مليون مره في هالدنيا


الله ينور طريقك ويوفقك


الله اكبر


جملك الله برضاه

[رهج السنابك]

نصيحة لكل شاب يبي يتزوج لا تستعجلون اختاروا عدل مب والله طق براسي اعرس خل ادور اي وحده واتزوجها والسلام بس عشان اصير اب وعشان افتك من كلام الناس متى تعرس ومتى تعرس


ترا الطلاق الحين صار على طريف وبنات الحين مب مثل امهاتكم كل شي تغير

عشان تتزوج ادرس عدل الي تبي تاخذها وابعدوا عن الاقارب لان لو لا سمح الله صار خلاف بتصير مشكله عوده وبتتوهقون

والله يوفقكم

[الخطاب]

هل تريد اسرع طريقة لمعرفة قلب البنت

عن طريق حساب وحدة من الاهل سواء اختك او امك

ادخل ع حسابها
الفيس بوك
ايضا تويتر
ايضا انستقرام
ايضا الواتس اب او البلاك بيري
واجعل تواصلهم مع الاهل وانت ترى هل هي مناسبة لك

[مرحوم قطر]

الله يعينك انا الحين صارلي سنه و نص و 12 يوم من قلت ابي اتزوج

و للحين قاعدين يدوروني و ما لقيت شي زين لحد الحين


الله كريم

قبل كانو يقولون لنا جهز نفسك و يوم جهزت صارة البنت المناسبه

الله كريم

ادعولي

[لولو2022]

لا أعرف ماذا أقول ، وكيف أعبر
ولكن حقيقة صدمت بالردود .. الذين يبررون لك الزواج غير التقليدي هم الذين تعودوا على الاختلاط بالعمل ، فأصبح لهم كل شي جائز ، النظر للفتاة والتحدث اليها وممازحتها
فنحن نعمل معا . ولكن ضع حسن النية ، وصل الاستخارة ، وأكثر من الدعاء
( هذة والله خطوات الشيطان ) الخطوات الرومانسية الجميلة
وأهمها أبتعد عن الزواج التقليدي ، فهذا لم يعد يصلح لجيل 2013
وبعد الاختبار أذا حصل خلاف أبحث عن غيرها ولكن بحسن النية فانت لم تخسر شئ
هي التي تحطمت وانكسرت وخسرت سمعتها ؟
مع تمنياتي لك بالسعادة

[ام السعف]

لا أعرف ماذا أقول ، وكيف أعبر
ولكن حقيقة صدمت بالردود .. الذين يبررون لك الزواج غير التقليدي هم الذين تعودوا على الاختلاط بالعمل ، فأصبح لهم كل شي جائز ، النظر للفتاة والتحدث اليها وممازحتها
فنحن نعمل معا . ولكن ضع حسن النية ، وصل الاستخارة ، وأكثر من الدعاء
( هذة والله خطوات الشيطان ) الخطوات الرومانسية الجميلة
وأهمها أبتعد عن الزواج التقليدي ، فهذا لم يعد يصلح لجيل 2013
وبعد الاختبار أذا حصل خلاف أبحث عن غيرها ولكن بحسن النية فانت لم تخسر شئ
هي التي تحطمت وانكسرت وخسرت سمعتها ؟
مع تمنياتي لك بالسعادة

بالفعل لاحظت اللي منغمسين في الاختلاط ما يبون بنات من بيئة الاختلاط

واقع الاحظه من اللي حولي

[ام السعف]

الله يعينك انا الحين صارلي سنه و نص و 12 يوم من قلت ابي اتزوج

و للحين قاعدين يدوروني و ما لقيت شي زين لحد الحين


الله كريم

قبل كانو يقولون لنا جهز نفسك و يوم جهزت صارة البنت المناسبه

الله كريم

ادعولي

الله يكتب لك اللي فيه الخير ،،

[لولو2022]

بالفعل لاحظت اللي منغمسين في الاختلاط ما يبون بنات من بيئة الاختلاط

واقع الاحظه من اللي حولي


تسلمين على الرد ، المشكلة هذة المواضيع فيها تشجيع على الاختلاط بطريقة مغرية
وتشوية لطرق احلها اللة ،من خلال ابراز العيوب فيها :(

[ام السعف]

تسلمين على الرد ، المشكلة هذة المواضيع فيها تشجيع على الاختلاط بطريقة مغرية
وتشوية لطرق احلها اللة ،من خلال ابراز العيوب فيها :(

هو مافي تشجيع على الاختلاط ،، الدولة افتحت الاختلاط على مصراعيه

بس المؤسف ان الشباب لو يروحون دواماتهم اكشخوا وتعدلوا وتعطروا
ولقالوا لهم زين اختاروا من دوامكم بنات تشوفونهم يستحقون يفتحون بيوتكم
ردوا علينا لا ما نبي بنات من مكان مختلط ،،

طيب وانت عيل من له تتعطر كل يوم وتتزقرت على غير عادتك قبل الاختلاط ؟

الاختلاط يفهمه البعض للاستعراض المظهري لكن غالبية عظمى من الشباب
ما يفضلون يقترنون ببنات من بيئة الاختلاط في الوقت اللي ما عندهم مانع
انهم يسولفون وياهم ويضحكون ويتغشمرون ،،

فمن جذيه مثل هالمواضيع لام تكون جرس انذار للبنات بروحهم
علشان يتفهمون فكر الرجل اللي ما عنده مانع يحترمها في وجودها
لكنه يرفض الاقتران فيها من وراها ،،

[Dana’1]

على حسب شخصية الواحد

شخصا أعرف واحد من اهلنا الاقراب حيل ..تزوج بنت في محيط العمل بعد ماشاف وسمع من كل الي يعملون معها عن أخلاقها وحشمتها
جاء لأهلة وقالهم وراحوا خطبوها وتمت الامور بخير والحمدلله وهذا من سنيين هم للحين مع بعض الله يتم عليهم

وفية الي أخذ وحدة من أهله وخابرها ومايبغى غييرها:)

وفية الي بالتقليدي هم مبسوووطين الله يتم عليهم

الأمثلة الي فوق هم لثلاثة أخوان أعرفهم حق المعرفة وكلهم مبسوطين وعايشين مع زوجاتهم ولله الحمد والمنه


يعني الطريقة يحددها الشخص نفسة وللي يرتاح له...وبالتوفيق لك ولكل العزاب والعازبات:)

[بنت شرق]

و ليش مسوينها سالفه ..عندك حد من الاهل (الحريم والبنات ) خلهم يدورون لك
عادي من فترة عندنا وحدة تسأل البنات عندكم بنات اعمارهم معينة ( حددته ) للزواج
تبي تخطب لأخوها ..
ومرة وحده اخطبت عندنا وحدة اجنبية لواحد اجنبي ..عن طريق تعريف اهلهم على بعض
الطريقة الي تريحك سوها .. والزواج في النهاية مثل الحظ اما يجيك ابيض او اسود او امشي حاله
التوفيق في الزواج من الله اذا سويت الي عليك بالحلال ..بس ممكن تنصدم من الزواج اذا كانت الشخصيات
والعادات متباعدة لدرجة لايمكن التوفيق بينها ...فتخيل لوفيه شخص مرتب ومنظم وراهي باكله ولبسه يتزوج وحده فوضوية
تحب تكون طبيعية تلبس اي شي وتاكل سندويشات وتمشي بها الحال..فاكيد التوافق بياخذ له وقت اطول وممكن من العيله يطلقون لاسباب تافهة
وفيه اسباب ثانية ..بلاوي ..اخسهم الي مايصلون ولا يذكرون ربهم ..وبعدين تكتشف انهم رخوين بالدين ...والمهم تعرف
انه الزواج الحقايق فيه تظهر لجدام ..مب ساعتها ولا لحظتها بالعشرة وبس ..والاختيار وانتقاء الافضل جزء يسير وبسيط يمثل نسبة 15-20 % لنجاح الزواج ...
مش شي مضمون نجاحه الباقي يظهر مع الايام ...

[alsoq]

1- اسال عن اهل البنت
2- مالك الى نظره الشرعيه وهنا لا تقدر تحكم على جوهر البنت
وانما تسال هل اخونها مصلين وابوها هل هم اهل دين وليس عيب ان تسال
هل لديهم مشاكل ... الخ
حتى لو من الاقارب او من بعيد

والاهم صديقات البنت

[Nojoom]

انا من رأيي تختار البنت بنفسك البنت اللي ترتاح لها وتاكدت من تصرفاتها وحشمتها في بيئة العمل المختلطة ولا تنسى الاستخارة وحسن الظن بالله

كلام جميل شكرا على المشاركه

[Nojoom]

ابعد عن التقليدي


لو انت اخوي ما بختار لك انا ولا بخلي حد يختار لك لان ذي حياتك وانت الي لازم تختار
بقولك انت شوف الي تناسبك حط عينك ع وحده وراقبها من بعيد هذا الي بقوله لو انت اخوي
وافضل شي مكان العمل ومااظن فيها اقاويل ولا شي
اعرف وايد من رفيجاتي ومن موظفين خذوا من زميلاتهم في العمل بس اغلبهم اشترطوا بعد الزواج تغير عملها او تقعد بالبيت وانا اشوف جذي صح اذا اتفقوا ع الزواج الاحسن مايتمون بمكان واحد لازم واحد منهم يطلع

اما بخصوص اذا تبي طرق لعام ظ¢ظ*ظ،ظ£ فبصراحة الطرق وايد منها الانترنت اي لحد يستغرب انا مثلكم استغربت اول مادريت بس خلاص التكنولوجيا لازم تفرض نفسها
اعرف كذا وحده كان زواجها من تويتر ومن منتديات ومواقع شخصيه! النصيب مايعرف كيف او متى :)


اممممم كلام جريء رغم انه واقعي واتفق معاه .

والتحدي او الجراءه انه يعتبر فكر جديد على المجتمع
والبعض حتى لو يتبع هذا الاسلوب واقصد التعرف عن طريق النت اعتقد راح يخفي هذا الشي او ماراح يفضل انه يقوله

[Nojoom]

فعلا اسئلة عديدة وبالاول وبالاخير يجب ان تتحقق عن اي فتاة ترغب بالارتباط بها بان تسئل عنها وعن دينها واخلاقها ونسبها فاذا كانت من الفتيات التى تتخلق بهذه الاخلاقيات الجميلة فتوكل على الله وقتها

شكرا على هالمشاركه


قصة حياتي, علشان جذي انا قررت اني اختار بنفسي سواء من الشغل او من اي مكان اوطريقة ثانيه. ياخي كل واحد ادرى بنفسه وباللي يبغيه بالظبط وعلى قولة المثل الانجليزي:

If you want it done right do it yourself

يعني اذا تبغي السالفه تظبط سوها بنفسك.

الله كريم يا نجوم


اتفق معاك :ok:

انت الي تقرر وانت الي تتحمل مسؤلية هالقرار


قبل ماتضمها أسأل عن أمها :)

مقوله تتردد كثيراً

ولكن اعتقد انها فيها نوع من الظلم او بمعنى اخر غير دقيقه

لان هناك اخوات من ام واحده ولكن تختلف شخصياتهم واخلاقهم


مجرد وجهة نظر :)


على سيرة التقليدي ومن هاي المشاركة تذكرت موقف طريف.. مرة ناس اتصلو بعمتي ،قال ناس دالينهم على بنت عمتي وشكل ام الزوج امرأة عملية وما بدها تضيع وقت بزيارات بدون فائدة ..فبتحكي لأم العروس عندك وحدة بيضا وطويلة وبتشتغل :omg:
قالتلها عمتي ..طبعا !!!
الثلاجة
:secret:

وبس والله :nice:



هههههههه والله ردها كان جميل على الخطابه

اختيار الزوجه ليس بهذه الطريقه


شكرا على هالمشاركه الفكاهيه :)

[Nojoom]

لا تنسى تسوي بحث عنها في شبكات التواصل الاجتماعي:

انستغرام + تويتر + فيس بوك ...الخ

حق من تكتب وشتحط .. الخ

اهم شي اصيد النك نيم :)




انت شرحت نقطة مهمه والكثير ما يهتم فيها كثير

اعتقد انك تقصد بالنقطه المهمه " التوافق الفكري "

وهو فعلاً اكثر شي انا احاتيه لاني اعرف ان هذا الشي تعتمد عليه اشياء كثيره







في هالزمن أنا أفضل .. الشاب يختار البنت اللي يشوفها ويرتاح لها من بعيد لي بعيد

ويتفاهم واياها ويكون جاد مايلعب ببنات الناس

ما عاد ينفع الزواج التقليدي اللي رفع نسبة الطلاق لي 34% !!!





:ok: اتفق مع هذا الرد



احسن طريقه لأختيار الزوجه الطريقه التقليديه عن طريق الأهل ولك النظره الشرعيه
الله يوفقك في اختيار الزوجه الصالحه ان شاءالله

ممكن توضح لنا الاسباب ليش مازلت متمسك بالزواج التقليدي ؟

الزواج التقليدي او اختيار الزوجه بالطريقه التقليديه انوضعت في ظروف وكانت هي المناسبه في هذاك الوقت

اليوم الظروف تغيرت فلماذا لا نذهب الى خيار اخر يواكب هذا التغير ويناسبه اكثر

[رهج السنابك]

بالعكس يالولو محد يسوق للاختلاط في العمل لكن الاختلاط صار فرض علينا

جذي قوانين بلدنا هل بنغيرها؟ مانقدر
طيب شنو نقدر نغير؟
نغير انفسنا وهذا هو التحدي
البنت او الشاب ان انفرض عليهم الاختلاط اهني المحك الاساسي شلون بيلزمون حدودهم
المحترمة والملتزمة بتعرف تتصرف وتفرض حدود صارمة في تعاملها في بيئة عمل مختلطه (ان كان الاختلاط محدود) تقدر تخلي كل تعاملها بحدود واطار العمل بدون احتكاك بالموظفين تلبس لبس محتشم وتتم في حالها تنجز عملها وع البيت

اما الي فاكتها بحري حتى لو لهم مكاتب منفصله بتلقينها تتقهوى مع الشباب بمكاتبهم وتضحك وتتغشمر وتكلمهم بجوالها الشخصي والمكياج واللبس

العمل او بيئة العمل مب هي الي تحكم على الاخلاق بشكل رئيسي في معلمات دوامهم مب مختلط كلش بس ان رجعت البيت قعدت تتغشمر وتضحك مع عيال عمها وعيال خالها بحجة انهم اهل ورابين مع بعض! زين ذي شنومعناته؟ مب بعد اختلاط؟ ولا مايسري عليهم القانون!
وممكن تطلع من مدرستها تروح تهيت وتشيش والخ !! رغم انها مب في مكان مختلط:)

اذن هل كل وحده في مكان مختلط نحكم على اخلاقها رأسا بإنها ماتصلح زوجة وانها فاسده اخلاقيا؟ ام ان المعيارهو اخلاق البنت نفسها بغض النظر كانت بعمل مختلط او مدرسه او حتى قاعده بالبيت بين اربع طوف؟؟؟

[ooredoo90]

الإختيار هو إختيار القلوب ياعزيزي.. *

[ROSE]

ابعد عن التقليدي


لو انت اخوي ما بختار لك انا ولا بخلي حد يختار لك لان ذي حياتك وانت الي لازم تختار
بقولك انت شوف الي تناسبك حط عينك ع وحده وراقبها من بعيد هذا الي بقوله لو انت اخوي
وافضل شي مكان العمل ومااظن فيها اقاويل ولا شي
اعرف وايد من رفيجاتي ومن موظفين خذوا من زميلاتهم في العمل بس اغلبهم اشترطوا بعد الزواج تغير عملها او تقعد بالبيت وانا اشوف جذي صح اذا اتفقوا ع الزواج الاحسن مايتمون بمكان واحد لازم واحد منهم يطلع

اما بخصوص اذا تبي طرق لعام ظ¢ظ*ظ،ظ£ فبصراحة الطرق وايد منها الانترنت اي لحد يستغرب انا مثلكم استغربت اول مادريت بس خلاص التكنولوجيا لازم تفرض نفسها
اعرف كذا وحده كان زواجها من تويتر ومن منتديات ومواقع شخصيه! النصيب مايعرف كيف او متى :)



اهم شي ان التعارف مايتم عن طريق منتدانا :secret:

[حسن]

اهم شي ان التعارف مايتم عن طريق منتدانا :secret:

الحين يقولون يابخت من وفق راسين بالحلال

ياروز

:)

[ROSE]

الحين يقولون يابخت من وفق راسين بالحلال

ياروز

:)

لا ياخوي خل يتوفقون برع المنتدى بكيفهم ،، بيعد عن المنتدى مانبي مشاكل

المشكله ان الحين الشباب قاموا يشتكون لنا من اغواء الحريم لهم :secret:

[حسن]

لا ياخوي خل يتوفقون برع المنتدى بكيفهم ،، بيعد عن المنتدى مانبي مشاكل

المشكله ان الحين الشباب قاموا يشتكون لنا من اغواء الحريم لهم :secret:


هههههههههه

الشر برى وبعيد

[العلم]

اهم شي ان التعارف مايتم عن طريق منتدانا :secret:


:eek2:

[حسن]

:eek2:


:con2:

[رهج السنابك]

هههههههه روز ليش تستبعدين منتدانا؟؟؟

من فتره وايد قريبه عرفت قصة وحده تزوجت من خلال منتدى قطري وايد مشهور بس مب منتدانا *_*