الرجاء المساعده للضرووووووووره القصوى

[HuNTeR_QTR]

السلام عليكم

مشكلتي مع البورسلان ,,

جبت بورسلان من كافود 60*60 وتم تركيبه,, بعد الانتهاء من التركيب وجدت عيبوب وهي ان بلاطه مرتفعه عن الثانيه وفي كذا مكان,,

لما كلمت المبلط (سيكي) قالي العيب من البورسلان مش من التركيب,,

الزوايا متساويه لكن في النص فيه ارتفاع !!!

جبت مبلط ثاني (مصري) وخليته يشيل القديم ويركب غيره,, ونفس المشكله مرتفع من النص!!

رحت نابينا وشريت بورسلان غيره وركبو عينه ونفس المشكله,,

شنو المشكله في نظركم من التركيب او من البورسلان !!!!

للعلم البورسلان صيني من الشركتين...

تكفون فيدوني لاني موقف على الارضيات الحين... وشكراً

[ضوى]

ممم شكلها الارض عندك فيها مشكلة مب من البورسلان ولا من التركيب

[بو راشد 1]

يمكن المشكله في صبيه الكونكريت اللي تحت البورسلان

[HuNTeR_QTR]

ممم شكلها الارض عندك فيها مشكلة مب من البورسلان ولا من التركيب

هلا اختي,,

اذا من الارضيه بيكون فرق الارتفاع من النص؟؟


يمكن المشكله في صبيه الكونكريت اللي تحت البورسلان

مرحبا بوراشد

البيت شريته جاهز وشلت الارضيات القديمه,, الحين هم يركبون فوق الماده الاصقه القديمه,,

هل هي المشكله,, شنو الحل زين ؟؟

[ضوى]

البيت شريته جاهز وشلت الارضيات القديمه,, الحين هم يركبون فوق الماده الاصقه القديمه,,

هل هي المشكله,, شنو الحل زين ؟؟

ليش ماخليتهم يقشعون كل البلاط لين يظهر لك الدفان وبعدها يصبون الارض من اول جديد حتى تكون الارض مستوية

انا جذي سويت كانت عندي اماكن مرتفعة واماكن منخفضة شلت البلاط كامل لين ظهر لي الدفان وبعدها سويت الارض بمستوى واحد وبعدها تبلط بالطريقة الصحيحة

[القلم الصريح]

انا صارت معاي نفس مشكلتك بالضبط ، رحت للشركة اللي شريت منها البلاط المتر ب 250 ريال وقلت لهم عن مشكلة البلاط ، رجعوا لي الفلوس اللي دفعتها وفعلا كان فيه عيب بالتصنيع

[Bozizoo]

عشان تتاكد من وين الخلل
حط قطعتين في وجهة بعض وشوف في فراغات بينهم او انهم متابقين على بعض
اذا كان في فراغ بينهم يعني العيب في نوعية البورسلان
واذا كانوا متطابقين العيب في التركيب

[HuNTeR_QTR]

انا صارت معاي نفس مشكلتك بالضبط ، رحت للشركة اللي شريت منها البلاط المتر ب 250 ريال وقلت لهم عن مشكلة البلاط ، رجعوا لي الفلوس اللي دفعتها وفعلا كان فيه عيب بالتصنيع

كلمت كافود وقالي جيب عينات من البورسلان وبنشوف,, تسلم اخوي ع المشاركه



عشان تتاكد من وين الخلل
حط قطعتين في وجهة بعض وشوف في فراغات بينهم او انهم متابقين على بعض
اذا كان في فراغ بينهم يعني العيب في نوعية البورسلان
واذا كانوا متطابقين العيب في التركيب

ان شاءالله باسوي هالشي اليوم قدام مسؤول المبيعات في كافود ونشوف ,,

المشكله ان حتى بورسلان نابينا نفس المشكله !!

تسلم اخوي ع الرد

[HuNTeR_QTR]

يا جماعه شنو شوركم ,, اشتري بورسلان من وين اذا العيب في الصيني !!

[K.A]

يا جماعه شنو شوركم ,, اشتري بورسلان من وين اذا العيب في الصيني !!

مرحبا اخوي HuNTeR_QTR انا مركب من كافود ولا عندي اي عيب
شوف انا شفت شغل اللي يركب الارضيه عندي
اول شي

يحط دفان رمل بلستر وياخذ لفل الارضيات
وعقب يحط اسمنت ويسوي الارضيات ( مثل البلاستر ع الطوفه )
وبعدها بيوم يجي يركب البلاط واللفل كله واحد ومافي اي عيب


مثل ما قال اخوي Bozizoo عشان تتاكد من وين الخلل
حط قطعتين في وجهة بعض وشوف في فراغات بينهم او انهم متابقين على بعض
اذا كان في فراغ بينهم يعني العيب في نوعية البورسلان
واذا كانوا متطابقين العيب في التركيب

او

مثل ما قال اخوي بو راشد 1 يمكن المشكله في صبيه الكونكريت اللي تحت البورسلان

جيك على كلامهم اول شي اذا البورسلان مب متساوي رجعه وخذ فلوسك او خذ بداله
واذا متساوي يمكن العيب في المقاول ماضبط الصبية فتأكد اكثر

الحل في نظري :-

ارفع لفل الارضيه 3c.m على شان توازن بين النص والاطراف

او 2c.m او 1 حسب الاختلاف
خله ياخذ اللفل الاعلى وبعدها اشتغل عليه
بس لو في الصبية حاسب المقاول لانه شغله...!!!

وان شاء الله تحصل لك حل من هاي الحلول

وننتظر حل المشكله من صوبك :) وبتوفيق

[HuNTeR_QTR]

مرحبا اخوي hunter_qtr انا مركب من كافود ولا عندي اي عيب
شوف انا شفت شغل اللي يركب الارضيه عندي
اول شي

يحط دفان رمل بلستر وياخذ لفل الارضيات
وعقب يحط اسمنت ويسوي الارضيات ( مثل البلاستر ع الطوفه )
وبعدها بيوم يجي يركب البلاط واللفل كله واحد ومافي اي عيب


مثل ما قال اخوي bozizoo عشان تتاكد من وين الخلل
حط قطعتين في وجهة بعض وشوف في فراغات بينهم او انهم متابقين على بعض
اذا كان في فراغ بينهم يعني العيب في نوعية البورسلان
واذا كانوا متطابقين العيب في التركيب

او

مثل ما قال اخوي بو راشد 1 يمكن المشكله في صبيه الكونكريت اللي تحت البورسلان

جيك على كلامهم اول شي اذا البورسلان مب متساوي رجعه وخذ فلوسك او خذ بداله
واذا متساوي يمكن العيب في المقاول ماضبط الصبية فتأكد اكثر

الحل في نظري :-

ارفع لفل الارضيه 3c.m على شان توازن بين النص والاطراف

او 2c.m او 1 حسب الاختلاف
خله ياخذ اللفل الاعلى وبعدها اشتغل عليه
بس لو في الصبية حاسب المقاول لانه شغله...!!!

وان شاء الله تحصل لك حل من هاي الحلول

وننتظر حل المشكله من صوبك :) وبتوفيق


هلا الشيخ,,

هل انت مركب زيرو جوينت ولا فراغ 2 مل؟؟

لان المبلطين يقولون اذا خليت فراغ 2 مل بين البورسلان بتختفي العيوب !!!

هل هذا صحيح؟

[معماري قطري]

يا جماعه شنو شوركم ,, اشتري بورسلان من وين اذا العيب في الصيني !!

عيوب الصيني وايد يا اخوي هذا عيب وغيره عيوب، منها بسهولة يتشمخ حتى من إحتكاك الأثاث، وبسهولة ينكسر وهذا للنوعيات الردية اللي تعطيك شكل وبس بدون جودة، ومنها للملون والمزخرف تبهت الألوان وتطير.

والمشكله إن المواصفات والمقاييس نايمين، ولا المفروض تحليل كيميائي للمواد ونوعية صبغها وتكوينها، وهذي خسارة إقتصادية كبيرة للبلاد والمواطن وربح خيالي للتاجر والمُصنع.

نصيحة لو حبيت تشتري بتحصل نوعيات جيدة وقطع كبيرة عند العمودي، وعند تدمر وشبيب وعلي العطية، وحتى يمكن عند كافود بس تأكد إنها صناعة جيدة.

[ضوى]

والله ياخوي معماري ماله علاقة بصيني واسباني

ماكذب عليك ركبت سيراميك صيني من عشر سنين بغرف العيال والله ولا شرخ صادها على كثر الطيخ والطاخ مالت الصبيان الاثاث تكسر من سوالفهم

وركبت الحين سيراميك اسباني من الامانة بسعر وقدره والله يا اني اذا دقيت مسمار في السيراميك انشلخ معاي من اول طقة واروح له اقوله اشدعوه رمل هالسيراميك وتميت معاه لين بدل لي كل القطع المشروخة

[K.A]

يا جماعه شنو شوركم ,, اشتري بورسلان من وين اذا العيب في الصيني !!

الصيني في انواع في الممتاز وفي الجيد وفي التعبان

والاغلب من النوع الثاني بين الممتاز والجيد
لكن عملي للمنازل على ما اضن

[Bozizoo]

والله ياخوي معماري ماله علاقة بصيني واسباني

ماكذب عليك ركبت سيراميك صيني من عشر سنين بغرف العيال والله ولا شرخ صادها على كثر الطيخ والطاخ مالت الصبيان الاثاث تكسر من سوالفهم

وركبت الحين سيراميك اسباني من الامانة بسعر وقدره والله يا اني اذا دقيت مسمار في السيراميك انشلخ معاي من اول طقة واروح له اقوله اشدعوه رمل هالسيراميك وتميت معاه لين بدل لي كل القطع المشروخة

كلامك صحيح
يمكن مشكلة معماري قطري انه متعود على high quality
ترى امزح معاك اخوي معماري قطري

خميسكم ونااااسه

[MAZEN37]

اتخيل الموضوع معاي
وهجه صج الله يعينك
عموما البحث عن الجوده في كل شيء مهم

[وسمي2016]

اخوي جيب المسطره اللي يستخدمها البنائيين,,,,حطها عالبلاط

بيبين اذا العيب فيه,,,,,ومن ثم حطها عالارضيه وبيبين ايضا اذا

المشكله بالارضيه,,,,اذا لا هذي ولا ذيك,,,,اكيد اذا المشكله في

الشخص اللي يركب مايعرف التركيب مضبوط,,,,,,

احنا جربنا كثير الصيني وممتاز وكذلك الاسباني ,,,,,وان شاء الله

تحل مشكلتك مع البلاط والبنيان,,,,,,

بالنسبه للزيرو جوينت تستخدم في الاماكن البارزه مثل المداخل

والصالات او المجالس,,,,ويتم ذلك مع البلاط الفاخر ذو التشكيلات

المتجانسه وتشبه الرخام الى حد كبير

اما بالنسبه للتركيب بالحمامات وانتوا بكرامه او المطابخ

فلابد من ترك 2 ملل جوينت,,,,

[معماري قطري]

والله ياخوي معماري ماله علاقة بصيني واسباني

ماكذب عليك ركبت سيراميك صيني من عشر سنين بغرف العيال والله ولا شرخ صادها على كثر الطيخ والطاخ مالت الصبيان الاثاث تكسر من سوالفهم

ما انكر إخت ضوى إن الصيني فيه منه عالي الجودة، والزين فيهم المواد الخام متوفره وبلادهم قاره ما شاء الله .. بس بعض تجارنا يستوردون رخيص جداً وسيء ويبيعونه بربح مضاعف لهم، وانا لي أصدقاء كثير تجار يقولون هذا اللي يبيه العميل واللي إحنا نربح فيه.

وركبت الحين سيراميك اسباني من الامانة بسعر وقدره والله يا اني اذا دقيت مسمار في السيراميك انشلخ معاي من اول طقة واروح له اقوله اشدعوه رمل هالسيراميك وتميت معاه لين بدل لي كل القطع المشروخة

السيراميك والبورسلان ماده متصلبه وشبه مصمته وتتحمل الأوزان لكن سقوط أشياء حاده عليها مستحيل لازم بتنشلخ، ومسمار لازم بدريل حتى للرخام والغرانيت، وبالنسبة للشلوخ العادية .. الحرارية واللي من الأوزان المركزه هذي بسبب التركيب السيء.


كلامك صحيح
يمكن مشكلة معماري قطري انه متعود على high quality
ترى امزح معاك اخوي معماري قطري

خميسكم ونااااسه

هلا بو زيزو .. الله يونسك دوم مب بس يوم :)

انا صج أقدر قيمة الشيء من النوعية والجودة والمصنعية، في الشارقة حصلت نوعيات ما لها حصر وصناعة الإمارات ومصر بعد، مصر عندهم سيراميك كليوباترا من أجود أنواع السيراميك وبنقوش إسلامية أو عربية أو حتى فرعونية قديمة مميزة، عيبهم عندنا وكيلهم نابينا يجيب نوعيات قليلة وحتى كميات قليلة وبأسعار مضاعفه.


اخوي جيب المسطره اللي يستخدمها البنائيين,,,,حطها عالبلاط

ما شاء الله إنت جبت الحل الصحيح، والمفروض العامل صاحب الذمه يوضح كل شيء قبل مب عقب.

ومسؤولية العامل بالخيط يشوف مستوى الأرضية قبل ليشتغل، وأبعاد الغرفه وإستقامة زواياها، وألحين موجود حهاز ليزر خاص لهذي العمليات بسهولة يعطيك كل شيء، وعلى خط الليزر يقدر العامل يركب بدون ما يعرقله الخيط العادي، لكن بعد عندنا بدائيين لأبعد الحدود.

بيبين اذا العيب فيه,,,,,ومن ثم حطها عالارضيه وبيبين ايضا اذا

المشكله بالارضيه,,,,اذا لا هذي ولا ذيك,,,,اكيد اذا المشكله في

الشخص اللي يركب مايعرف التركيب مضبوط,,,,,,

احنا جربنا كثير الصيني وممتاز وكذلك الاسباني ,,,,,وان شاء الله

تحل مشكلتك مع البلاط والبنيان,,,,,,

بالنسبه للزيرو جوينت تستخدم في الاماكن البارزه مثل المداخل

والصالات او المجالس,,,,ويتم ذلك مع البلاط الفاخر ذو التشكيلات

المتجانسه وتشبه الرخام الى حد كبير

اما بالنسبه للتركيب بالحمامات وانتوا بكرامه او المطابخ

فلابد من ترك 2 ملل جوينت,,,,

الأخيره ما شاء الله نصيحة مهندس

وحتى للحمامات ممكن زيرو جوينت بس حسب نوعية البورسلان، وللزيرو جوينت يستخدم قراوت سائل أو غير محبب .. Very Fine Sanded Grout وللحمامات أرضيات وحوائط ولكل مكان لازم نستخدم نوعية قراوت جيده وتناسب، وهذي سعرها يفرق كثير وتحصل مادة بسعر 10 أضعاف الثانية، وما تنباع الا عند مختصين السيراميك والبورسلان الأوائل مثل المتحدة والعمودي وتدمر، والعامل أو المورد اللي يقول استخدم إسمنت أبيض إعرف إنه غير فاهم نهائياً.