مواطن قطري 8 سنوات وانا انتظر ارضي !! من الاسكان

[النــادر]

السلام عليكم ورحمه الله وبركاته

آسال الله ان يكون الجميع بخير وبعافيه

آناشد أصحاب القلوب الحيه آصحاب الضمير اللي عرفوا حقيقه الإسلام وعدم التعدي على حقوق الآخرين .
ابنكم ( عبدالرحمن) يطالب في ارضه لي 8 سنين وانا انتظر واخر يوم اليوم راجعتهم وقالوا انتظر ياخوان إلى متى والله ظلم في ظلم من سنه 2006 وانا انتظر وارجاعهم وكل ما جيهم قالوا راجعنا بعدين !!! إلى متى آنا مالي الا الله .. ثم آهل الخير

اناشد اصحاب الضماير الحيه في خدمتي اللي انا استحقه قبل اصحاب كل الطلبات من سنه 2007 حتى 2013

والله وتالله ان فيه اصحاب طلبات كانوا بعدي بسنوات واستلموا اراضيهم !! ماهو بظلم يا هل الخير .


أخوكم : عبدالرحمن

ولا حول ولا قوه الا بالله

[وكر الذيب]

الله كريم ياخوي انا صار لي ست سنوات وانا اراجعهم وكل ما اروح يقولون لي راجعنا بعد شهر مادري لين متى

[Nojoom]

ماشي ظلمك وظلم غيرك الا الوسطات

[الحياة الخالدة]

اللــــــه يفرجها عليكم و ييســــر أموركم .. و ينصر كل مظلوم

[BoAof]

صار لي 4 سنوات والله يفرجها

[فلور]

نفس الشي انا من 2007 ولا شفت شي
فعلا الواسطه تلعب في كل مكان يشهد الله اعرف ناس عقبي بسنين وعطوهم لما اراجعهم يقولون نمشي على القانون والاولويه في الذمه هذه قانون ؟ انا من الي يستحق بس للاسف
يشهد الله كل ماروح وطلع من عندهم دمعتي على خدي في نفس الوقت اقول واسطتي ربي
الله يكون في عون الجميع

[qatarman8008]

انا قدمت 2001 .. والى الان .. في شي غلط .. لكن ما ادري وشهو..

[المستعصم بالله]

الاخوة الذين اختاروا الوكرة يقولون بأنه في هذا الشهر سيوزعون 5000 قطعة ارض فان صدقوا اعتقد سيقضي هذا الرقم على قائمة الانتظار الطويلة

[فلور]

مافي شي غلط بس الغلط الواسطه الي ظالمه ناس وايد

[فلور]

نتمنى يكون كلام صحيح الله يفرجها على الكل

[لابأس]

اكثر المستحقين توظفوا ابنائهم ولم يحصلوا على ارض !

المشكله فيه كباريه تكوش ع الاراضي وتوزعها على من تريد!

وفوق ذالك ان الخطه في التوزيع تكون طولي ( شمال + جنوب )

ومنع التوزيع من ( الشرق الى الغرب )

[vur]

نطالب بحل عاجل لاراضي القطريين رهن الانتظار

[Q_Invest]

انا طلبي من 2006 وللحين كل شهر او شهرين اراجعهم ويقولون ما في شي .. وهم ترا يوزعون شوي على ربعهم.

اخر توزيع كبير كان في 2006 ونقصت قائمة الانتظار الى 3000.. الحين عاد اتوقع الطلبات وصلت 10000
كل هذا لان وزارة البلادة والتخبيط العمراني ما تدري وش قاعدة تسوي .... ولا شفنا شي من الخطة الشاملة اللي سووها .. وزارة فاشلة وماشية على الفوضى.

دول امكانياتها اقل من امكانياتنا وما عندها مشاكلنا في الاسكان .... واحنا للحين على انظمتنا رجعية ... وادارة الاسكان مالها اي داعي .. الا بس يستلمون اوراقك ويوزعونها ..


الله لا يحلهم ولا يبيحهم من اصغر موظف الى الوزير

[ooredoo90]

ياغالي.. انا نفسك مقدم في 2006 وكل ما اراجعهم يقولون لي تعال بعد اسبوعين.. وعلى هالحال من 2006، كنت اتمنى اي ارض حتى لو في الوكرة.. اخر شي جبت لهم واسطة وعلى طووول طلعوا لي ارض في عين خالد (الحمدالله)

من الآخر ياغالي.. هالناس ماينفع معاهم الا الواسطة..

[شموخ دائم]

,

,


مرحبا


اخوي الكريم

الله يساعدك وتحصل الي تريده

سؤالي

الارض طلبتها في اي مكان ؟

ولو طلعت لك في مكان مختلف تقبل فيها !!

موفق ان شاء الله

,

,


اخوك


شموخ دائم

[ooredoo90]

انا طلبي من 2006 وللحين كل شهر او شهرين اراجعهم ويقولون ما في شي .. وهم ترا يوزعون شوي على ربعهم.

اخر توزيع كبير كان في 2006 ونقصت قائمة الانتظار الى 3000.. الحين عاد اتوقع الطلبات وصلت 10000
كل هذا لان وزارة البلادة والتخبيط العمراني ما تدري وش قاعدة تسوي .... ولا شفنا شي من الخطة الشاملة اللي سووها .. وزارة فاشلة وماشية على الفوضى.

دول امكانياتها اقل من امكانياتنا وما عندها مشاكلنا في الاسكان .... واحنا للحين على انظمتنا رجعية ... وادارة الاسكان مالها اي داعي .. الا بس يستلمون اوراقك ويوزعونها ..


الله لا يحلهم ولا يبيحهم من اصغر موظف الى الوزير






الحل الله يسلمك هو تفنيش كل الموظفين، من اصغر موظف لين الوزير.. كلهم تقطهم عمالة فائضة.. وتجيب شركة أمريكية وتخليها تدير الوزارة.. بعدها ماراح تسمع بشي اسمه واسطة.. لا ولد عمي ولا ولد خالي.. الأولوية للي مقدم اول.. *

[Q_Invest]

التخطيط العمراني يخلونك اجباري تحط المنطقة في الطلب ... يعني اذا قلت في اي مكان يقولون لك لا .. لازم تكتب جنوب .. شمال ,, غرب .

على شان يطلع كل فترة واحد منهم ويصرح ان مشكلة اللي ما حصلوا اراضي انهم مختارين مناطق ما فيها توزيع ..

غيرت اختياري لموقع الارض 6 مرات بناء على توصيتهم ولا في فايدة ...


الحل بسيط .... من اللي عنده واسطة ينفع اخوانه بشيمة ولا بقيمة ... الظاهر المعاملات ما تمشي الا بهالطريقة

[نسناس]

وانا كذالك اعاني الامرين من التاخير والمماطله لما ذا كل ذالك السنا ابنا الوطن ولماذا نترك لمصائرنا المهمشه
وحقوقنا المهضومه يبقا الواحد سنوات على مواعيد عرقوب بينما الواسطات والمحسوبيات شغاله يجي بعدك ناس بسنوات وياخذو اراضيهم اليس هذا عين الضلم نحن نطالب بنشر كشوفات المتقدمين المنتضرين في الجرايد الرسميه لكي يعرف كل انسان من اللي قبله واللي بعده وينتضردوره اذا كان فيه شفافيه ومصداقيه في العدل بين المواطنين مش هذا بن عمي وهذا فلان وفلتان الناس ذبحتهم الاجارات وتلتهت لماذاكل هذا التاخير الغير مبرر

نطلب من حكومتنا الرشيده الحل الجذري والعادل لهذه المساله الشائكه

[جفى الجوارح]

الانتظار في الحصول على اراضي يكون بحسب المنطقة المطلوبه من قبل مقدم الطلب
يمكن انت طالب في الدوحه, وانت شايف مافي اراضي في الدوحه خلصت

حاول تعدل طلبك وتطلب في مناطق ثانيه

انا اعرف ناس حصلوا اراضي في ظرف 3 او 4 شهور بدون لا واسطه ولا هم يحزنون

[نوار قطر]

الله يفرجها على الكل السالفه فيها واسطه والي عنده هالواسطه بتخلص اموره دقيقه وحده ،،،

قعدت مع وحده اماراتيه تقول انا مستغربه من عيالكم كل واحد متزوج ومعيل وقاعد عند اهله في ملحق او بيت اجار ،،، تقول عندنا من اول مايملج يستلم الارض والقرض ،، مب مثلكم يتمون بالسنين وهم حتى بيت ماعندهم ،،،

[النــادر]

,
مرحبا

اخوي الكريم
الله يساعدك وتحصل الي تريده
سؤالي
الارض طلبتها في اي مكان ؟
ولو طلعت لك في مكان مختلف تقبل فيها !!
موفق ان شاء الله
اخوك

شموخ دائم

اخي الفاضل : شموخ دائم آسال الله ان لا يحرمك الآجر على نيتك وان يسخر لك الأمر في خدمه كل إنسان محتاج . ويطالب بحقه ..

أخي الفاضل شموخ دائم آهلي واخواني جميعهم في حدود منطقه الوجبة وهناك اراضي سوف توزع شمال منطقه بني هاجر إن سمحت لك ظروفك في ذاك الموقع او في مواقع مقاربه فالله لا يحرمك الآجر .

الله يكتب ماهو خير إن شاء الله

وبارك الله فيك على آخلاقك وضميرك الحي .

آحترامي وتقديري

أخوك عبدالرحمن

[Gentleman]

السلام عليكم.
لا يعورك قلبك الشيخ أنا طلبي من سنة 2000 وعندي ربع ناطرين من 1996 يعني بعد 3 سنوات بيكملون 20 سنة. لا حد يقول غير معقول وما يصير. اللي يشك يطرش لي رقمه على الخاص وأنا أعرفه على عشرات الشباب اللي مثلنا.
أنا شريت فيلا من جيبي الخاص ويمكن الأرض تطلع حق الورثة. وأصلاً صرت ما أتابع الموضوع ولا أسأل عنه لأنه مضيعة للوقت. وإن شاء الله الله يحاسبهم يوم القيامة على شغل الواسطات والتلاعب في مصالح الناس.

[ooredoo90]

من يؤمن حقاً بقضية هذا المواطن وغيره من المواطنين المظلومين.. فليكتب كلمة (متضامن)





متضااااااامن

[ALJokar]

شلون ارفع قضيه تضرر انا واخواني وعيال عمي واكثر من شخص تقريبا كلنا اكثر من 15 شخص على توزيع الاراضي وشلون الطريقه ؟

انا صراحه ياست من سنه 2006 الى الان مافيه اي شي ولا تطور كل ما جيهم يقولون الي قبلك ماخلصناهم انتظر انا انسان ابي اخذ حقي وبالاحرى حقوقنا واغلبنا متضررين من اجار بيوت وزحمه سكن مع اهلينا

[Q_Invest]

شلون ارفع قضيه تضرر انا واخواني وعيال عمي واكثر من شخص تقريبا كلنا اكثر من 15 شخص على توزيع الاراضي وشلون الطريقه ؟

انا صراحه ياست من سنه 2006 الى الان مافيه اي شي ولا تطور كل ما جيهم يقولون الي قبلك ماخلصناهم انتظر انا انسان ابي اخذ حقي وبالاحرى حقوقنا واغلبنا متضررين من اجار بيوت وزحمه سكن مع اهلينا


ما في شي يثبت ان طلبك وطلبي من 2006.. لا يعطونك وصل مراجعة او رقم ... ولا نقدر نثبت ان التوزيع غير عادل لان سري وما ينشر للعامه .. يعني حقوقنا ضايعة ...

قدمت اكثر من شكوى للبلدية ولا حتى رد ...

مالك الا تشتكي لرب العالمين ...

[تغلبية]

لا حولا ولا قوة إلا بالله

أرقام سنوات انتظار فلكيـــة !!!!!!!!!!

الله يفرجها عليكم من سابع سما ... في هالليلة المباركة .. قولوا آمين

[بوخالد911]

الله يفرجها

[الخزرجي قطر]

الله يفرجها علينا وعليكم ان شاءالله نتأمل خير عن قريب حسب وعودهم

[ام السعف]

انا طلبي من 2006 وللحين كل شهر او شهرين اراجعهم ويقولون ما في شي .. وهم ترا يوزعون شوي على ربعهم.

اخر توزيع كبير كان في 2006 ونقصت قائمة الانتظار الى 3000.. الحين عاد اتوقع الطلبات وصلت 10000
كل هذا لان وزارة البلادة والتخبيط العمراني ما تدري وش قاعدة تسوي .... ولا شفنا شي من الخطة الشاملة اللي سووها .. وزارة فاشلة وماشية على الفوضى.

دول امكانياتها اقل من امكانياتنا وما عندها مشاكلنا في الاسكان .... واحنا للحين على انظمتنا رجعية ... وادارة الاسكان مالها اي داعي .. الا بس يستلمون اوراقك ويوزعونها ..


الله لا يحلهم ولا يبيحهم من اصغر موظف الى الوزير

:weeping::weeping::weeping:

[ALJokar]

ما في شي يثبت ان طلبك وطلبي من 2006.. لا يعطونك وصل مراجعة او رقم ... ولا نقدر نثبت ان التوزيع غير عادل لان سري وما ينشر للعامه .. يعني حقوقنا ضايعة ...

قدمت اكثر من شكوى للبلدية ولا حتى رد ...

مالك الا تشتكي لرب العالمين ...

من يقول ماعندي في وصولات يعطونك اياه مكتوب عليها رقم طلب واسمك ورقم بطاقتك والتاريخ مذكور بعد اذا قدمت من البدايه للاسكان موجوده عندي الى الان

[الوثيقة]

الله كريم احنا من 2004 ولحد الحين .. دوم نفس الكلام ما في شئء

الواسطة = الفساد الاداري

[محمد سعيد]

نحتاج حل جذري لمشكلة الاسكان

معظم المواطنيين يبدأون حياتهم الزوجية اما في غرفة في بيت الوالد او ملحق.

وينتظرون سنيين لين مايعطونهم ارض بسبب البنية التحتية او التخطيط وغير الواسطة الي تأخر الناس بأعذار واهية

البنية التحتية في قطر ًلو نقارنها مع دول اسيوية نحصل الدول الاسيوية متقدمين علينا كثير

سبحان الله عندنا الخير الكثير بفضل الله وماعرفنا نجهز بنية تحتية ونحل مشكلة الاراضي

[qtr1]

انا من 2004 وللحين واصحاااااااب الدور العلوي محد يقدر يطلع لهم الا يومين في الاسبوع او يوم:telephone: والله مدري نسيت لاني فعلاااا غاسل يدي:) منهم وبالمناسبه اكبر عيالي بدايه السنه بيدش المدرسه والثاني بعده ع طووول :nice:وللحين ماحصلت وظيفه وساكنين في غرفه في بيت الوالد الله يطول عمره وتستمر الحيااااااااه وتستمر الحيااااااااه:rolleyes2:

[qtr1]

ما في شي يثبت ان طلبك وطلبي من 2006.. لا يعطونك وصل مراجعة او رقم ... ولا نقدر نثبت ان التوزيع غير عادل لان سري وما ينشر للعامه .. يعني حقوقنا ضايعة ...

قدمت اكثر من شكوى للبلدية ولا حتى رد ...

مالك الا تشتكي لرب العالمين ...

على طااااري سري انا معك في هالموضوع انا قدمت 2004 وضيعو طلبي وكان معي وصل خذوه ع اساس يدورون الطلب وهم ضااااع بعد وقدمت مره ثانيه 2005 ونزلت موافقه 2007 ع شنو الموافقه مدري بس مواااافقه وغيرو الموافقه لسنه 2008 وهلم جرااااا الي مالا نهاااايه وان شالله يطلع البيت للورثه وووووفي ناس طلعت لهم بيوت طلبات جدد بس نفس ماخلو طلبي من 2004 الى 2008 يقدرون يخلون 2013 حق 1990 :nice:ووووووتستمر الحياااااه تستمر الحيااااااه:victory:

[ooredoo90]

اذكر يوم قدمت في 2006، قال لي الموظف اذا طلعت ارضك بنرسلك مسج.. (:

[قطري فلته]

والله انتم تضحكون

انا وحيد هلي ماعندي اخوان وانا اطالب ارض من 97

اقول كيف انت كويس

الله كريم ارباب

[Q_Invest]

انا من 2004 وللحين واصحاااااااب الدور العلوي محد يقدر يطلع لهم الا يومين في الاسبوع او يوم:telephone: والله مدري نسيت لاني فعلاااا غاسل يدي:) منهم وبالمناسبه اكبر عيالي بدايه السنه بيدش المدرسه والثاني بعده ع طووول :nice:وللحين ماحصلت وظيفه وساكنين في غرفه في بيت الوالد الله يطول عمره وتستمر الحيااااااااه وتستمر الحيااااااااه:rolleyes2:

الله يعينك .. اجل انا وضعي احسن, عندي غرفتين :) ... وتستمر الحياة

[ام السعف]

والله انتم تضحكون

انا وحيد هلي ماعندي اخوان وانا اطالب ارض من 97

اقول كيف انت كويس

الله كريم ارباب

:eek5::omg::eek5:

من 97 ؟

يه معقولة ؟

[Gentleman]

:eek5::omg::eek5:

من 97 ؟

يه معقولة ؟

معقولة ونص. أن أعرف ناس طلباتهم من 96 وأنا طلبي من 2000.

[وحيد-الشوق]

ماتوقعت كلش ان في ناس صارلهم 10 سنوات ينتظرون !!!!!

ياكثر الفساد في توزيع الاراضي ناس تقدم وبعد شهر يستلمون الأرض

[وحيد-الشوق]

ماتوقعت كلش ان في ناس صارلهم 10 سنوات ينتظرون !!!!!

ياكثر الفساد في توزيع الاراضي ناس تقدم وبعد شهر يستلمون الأرض

[سارى الليل]

مافي شي غلط بس الغلط الواسطه الي ظالمه ناس وايد

صحيح 100/100

[ام السعف]

ماتوقعت كلش ان في ناس صارلهم 10 سنوات ينتظرون !!!!!

ياكثر الفساد في توزيع الاراضي ناس تقدم وبعد شهر يستلمون الأرض

مثلك ما توقعت انتظار من عشر سنين
لأن اللي حولي ما شاءالله ما صارت لهم سبع سنين ومحصلين
ومخلصين بنا البيت وساكنينه من فترة :telephone:

بالفعل هناك خلل في الموضوع فمن عنده ضمير يوقف هالخلل ؟

[النــادر]

يشهد الله ياعضاء عند مراجعتي اعطيته رقم البطاقه و وقلت له ابقي اغير رقمي قال رقمك الموجود واعطاني والرقم اللي ذكره لي غلط !!!! سبحان الله الهذا الدرجه

واعطيته رقمي وانا حقيقه اشوف الموضوع محير جداً

ولا حول ولا قوة الا بالله