مشكلتي مع لكزس

[MeMe]

السلام عليكم ،،

عندي مشكلة مع سيارتي لكزس GS350 موديل 2012 دوم يطلع لي صوت في البريك و راجعتهم أكثر من مرة و صار لي سنة على هالحال :weeping:

كل مرة ياخذون مني السيارة و يقولون لي انهم صلحو العيب و يرد الصوت ف السيارة :rolleyes2:

والله إني مقهووووووورة و ما أدري شسوي :anger1:

أشتكي في حماية المستهلك ؟؟؟ لأني أتوقع في عيب من المصنع و المفروض يسحبون السيارات و يبدلونها :anger1:

[حواي الفريج]

حقج ضاااايع مع عبدالغني

[MeMe]

حقج ضاااايع مع عبدالغني

:weeping:

[أسير الاسهم]

مشكلة البريك في كل مواتر التويوتا ولكزس خاصة والموديلات الجديده بعد من 2008 لي 2013 البريك ما يتم معانا شهرين لى ثلاث أشهر والمشكله الصوت على طوول موجود .. يحلون المشكله حل مؤقت اسبوع عقب ترد نفس المشكله .. والبريك ضعيف كلش ما يمسك بعد ويطلع ريحه عطبه اذا كثرت عليه المسك

والله كثر يشتكون من نفس المشكله بس محد معبرنا .. يبونا كل شهر ندفع صيانة بريك شركة فاشلة

[MeMe]

مشكلة البريك في كل مواتر التويوتا ولكزس خاصة والموديلات الجديده بعد من 2008 لي 2013 البريك ما يتم معانا شهرين لى ثلاث أشهر والمشكله الصوت على طوول موجود .. يحلون المشكله حل مؤقت اسبوع عقب ترد نفس المشكله .. والبريك ضعيف كلش ما يمسك بعد ويطلع ريحه عطبه اذا كثرت عليه المسك

والله كثر يشتكون من نفس المشكله بس محد معبرنا .. يبونا كل شهر ندفع صيانة بريك شركة فاشلة

أي والله مشكلة و البريك من أهم الأشياء اللي في السيارة !!!

أنا اقترحو علي أروح حماية المستهلك ،، مادري في أحد راح من قبل و انحلت مشكلته و لا بروح عالفاضي ؟؟

[ضوى]

مشكلة البريك في كل مواتر التويوتا ولكزس خاصة والموديلات الجديده بعد من 2008 لي 2013 البريك ما يتم معانا شهرين لى ثلاث أشهر والمشكله الصوت على طوول موجود .. يحلون المشكله حل مؤقت اسبوع عقب ترد نفس المشكله .. والبريك ضعيف كلش ما يمسك بعد ويطلع ريحه عطبه اذا كثرت عليه المسك

والله كثر يشتكون من نفس المشكله بس محد معبرنا .. يبونا كل شهر ندفع صيانة بريك شركة فاشلة

ماشاء الله تبارك الله انا سيارتي 2008 وماشتكيت من هالمشكلة ولله الحمد والمنة

[hasss1969]

السيارات اللي بعد 2008 واخص بالذكر اللاندكروزر فيها مشاكل بالبريك من صوت وضعف في الاداء خصوصا لما تمسك بريك فوق مطب البريك يفصل لانه على نظام (abs)يعني لو مكست بريك عند مطب ممكن تصدم السيارة اللي قدامك لو كانت هناك سيارة وكنت انت مسرع..

[شقردي]

السلام عليكم ،،

عندي مشكلة مع سيارتي لكزس gs350 موديل 2012 دوم يطلع لي صوت في البريك و راجعتهم أكثر من مرة و صار لي سنة على هالحال :weeping:

كل مرة ياخذون مني السيارة و يقولون لي انهم صلحو العيب و يرد الصوت ف السيارة :rolleyes2:

والله إني مقهووووووورة و ما أدري شسوي :anger1:

أشتكي في حماية المستهلك ؟؟؟ لأني أتوقع في عيب من المصنع و المفروض يسحبون السيارات و يبدلونها :anger1:

مافيه الا تشتكي بحمايت المستهلك يمكن يحصلون لك حل المشكله اغلبة السيارات اللي رجعوها من امريكا فيها عيب مصنعي نزلت في سوق الخليج والوطن العربي وهاذا بحد ذاتها مشكله

[MeMe]

مافيه الا تشتكي بحمايت المستهلك يمكن يحصلون لك حل المشكله اغلبة السيارات اللي رجعوها من امريكا فيها عيب مصنعي نزلت في سوق الخليج والوطن العربي وهاذا بحد ذاتها مشكله

شكراً أخوي ... عندك فكرة وين مكانهم ؟

[monatee]

هم لو يقدرون يحلون المشكلة جان حلوها

حتى لو شتكيتي شنهو الحل ؟؟!!!

[البدر 8]

الحل بيع السيارة

[بوخالد911]

اشتك عليهم

[رجل الجزيرة]

شكراً أخوي ... عندك فكرة وين مكانهم ؟

وزارة الأعمال والتجارة وأنت مجرب معاهم وصدقيني بترتاحين معهم ولج 3 طرق للتواصل:

1 - عن طريق التفلون
أو
2 - عن طريق الفاكس
أو
3 - عن طريق البريد اللإلكتروني للوزارة.

ولكن الأفضل تروحين لهم وعلى ما أعتقد في الطابق الثالث وكلهم ما شاء الله تبارك الله بناتنا والتواصل مع أصحاب المشاكل شبابنا.

وربي يوفقك وتاخذين حقج.

[فيرو]

السلام عليكم ،،

عندي مشكلة مع سيارتي لكزس gs350 موديل 2012 دوم يطلع لي صوت في البريك و راجعتهم أكثر من مرة و صار لي سنة على هالحال :weeping:

كل مرة ياخذون مني السيارة و يقولون لي انهم صلحو العيب و يرد الصوت ف السيارة :rolleyes2:

والله إني مقهووووووورة و ما أدري شسوي :anger1:

أشتكي في حماية المستهلك ؟؟؟ لأني أتوقع في عيب من المصنع و المفروض يسحبون السيارات و يبدلونها :anger1:

الاخت الكريمه :

اذا تفيدك نصيحتى تواصلى مباشرة مع مكتبهم الاقليمى والرئيسى فى دبى وان شاء الله تنحل المشكله فى خلال ساعات . كان عندى مشاكل عديدة بسياره جديدة لكن من وكاله اخرى ولم اصل معهم لاى حل وكل مرة كانت ترجع السالفه حتى حماية المستهلك ما يسووا شىء ولكن بمجرد اتصالى على مكتبهم الرئيسى ب دبى وارسال المشكله بالايميل انحلت المشكله والحمد لله .

شكرا لكى اختى وادعوا الله ان مشكلتك تنحل عن قريب

[7llo]

اختي يمكن هاي مشكله في الدرام ويلات لاتسوين لهم تورنه امشي عليهم لين مايتكسرون وعقب بدليهم طنشي للصوت هاي عادي

[7llo]

الاخت الكريمه :

اذا تفيدك نصيحتى تواصلى مباشرة مع مكتبهم الاقليمى والرئيسى فى دبى وان شاء الله تنحل المشكله فى خلال ساعات . كان عندى مشاكل عديدة بسياره جديدة لكن من وكاله اخرى ولم اصل معهم لاى حل وكل مرة كانت ترجع السالفه حتى حماية المستهلك ما يسووا شىء ولكن بمجرد اتصالى على مكتبهم الرئيسى ب دبى وارسال المشكله بالايميل انحلت المشكله والحمد لله .

شكرا لكى اختى وادعوا الله ان مشكلتك تنحل عن قريب

الشيخ لو عندك رقم المكتب الاقليمي حطه ماعليك امر في العام عشان العالم تستفيد

[ولد شرق]

المشكله مهب في عبدالغني
المشكله الاساسيه والاولى انتوا
السياره صار لها سنه على هالحال والاخت نايمه يعني؟
بعد سنه كامله اتفكرين في حل؟
اصلن لو كان الموتر عليه ضمان خلاص الضمان انتهى

يا ناس يابشر شكاويكم في المنتدى ضعف لا انا ولا انت ولا الاعضاء بيفيدون لكن نقدر انواسيك
اوووه مسكين الله يعينك ماتستاهل
هذا اللي نقدر انقوله لك

ليت يكون عنك قلب وتاخذ اكشن عليهم
الدوله ماقصرت حاطه وزارات وجهات تاخذ لك حقك وانت بطيبتك بتذبح نفسك وبدخل لك في دوار بالموتر لا قدر الله
ضعفك وعدم قدرتك على المواجهة سبب مشكلتك

[فيرو]

هذا الرابط فية موضوع يحتوى على عناوين ووسائل الاتصال اللى تبغونها
جزاكم الله خير
http://www.qatarshares.com/vb/showthread.php?t=524588

[قطرية وكلي فخر]

بالتوفيق ان شاء الله

[معماري قطري]

مشكلة البريك في كل مواتر التويوتا ولكزس خاصة والموديلات الجديده بعد من 2008 لي 2013 البريك ما يتم معانا شهرين لى ثلاث أشهر والمشكله الصوت على طوول موجود .. يحلون المشكله حل مؤقت اسبوع عقب ترد نفس المشكله .. والبريك ضعيف كلش ما يمسك بعد ويطلع ريحه عطبه اذا كثرت عليه المسك

والله كثر يشتكون من نفس المشكله بس محد معبرنا .. يبونا كل شهر ندفع صيانة بريك شركة فاشلة

انا سيارتي مقربه توصل 12000 كم ولا فيها مشكله في البريك بالعكس زين وفعال

[gprs]

شرايكم في لكزس فورويل ماشية 1700 كيلو موديل 2013
القير يتبدل بدون علم صاحب السيارة
وطبعا يوم قلنا لهم شلون السيارة يتبدل قيرها واحنا ما ندري
وتهاوشنا معاهم وقلنا ما بنستلم السياره
واتصل علينا شخص من الوكاله بدون ذكر اسمه
وقال خلاص انتو استلمو السياره واللي تامرون عليه بيصير
قلنا له نبي نبدل السياره قال اوكي اللي تامرون به
وطبعا راجعناه وكل يوم يواعدنا ان شاء الله خير
وفالاخير ما شفنا شي وفوق هذا قال استلمتو السياره معناتة راضيين بالوضع
ما قول غير حسبي الله ونعم الوكيل

[+abc]

والله لو نترك اللعبه في التلفون وضرب البريكات المفاجئ بتنحل جميع مشاكلنا وبتصير قطر خاليه من الحوادث

البريك مايخربه إلا سوء الاستعمال والاستعجال في السواقة يعني دوس بترول ودوس بريك وبدون داعي وما تبونه يخترب

[BuFaisal]

السيارات اللي بعد 2008 واخص بالذكر اللاندكروزر فيها مشاكل بالبريك من صوت وضعف في الاداء خصوصا لما تمسك بريك فوق مطب البريك يفصل لانه على نظام (abs)يعني لو مكست بريك عند مطب ممكن تصدم السيارة اللي قدامك لو كانت هناك سيارة وكنت انت مسرع..

عندي لاندكروزر جي اكس ار 2011 وارد البريمي وفعلا فيه هذي المشكلة
كم مرة كنت باسوي حادث بس ربك ستر

[qatar_86]

يكون عيب من المصنع

[Abdullah_89]

كان عندي لكزس كوبيه 2009 ونفس المشكله

وكل مااودي السياره يقولون لي انهم صلحوها واطلع وبعد اسبوع يرجع الصوت

المهم وبأختصار اهم مايصلحون ولا شي لاني صدتهم والفلبيني الفني تملل مني وقالي انهم بس ينظفون السفايف ويرجعون يركبونها


الله يعينج

[وحيد-الشوق]

شيء معروف وعن تجربة بريكات التويوتا واللكزس كلها فاشلة مايمديك استجابه البريك بطيئة جدا خصوصا عند السرعات العالية وقبل ماتعدي المطب الموتر يزحف عليك هههههههه

[وبشرالصابرين]

السيارات اللي بعد 2008 واخص بالذكر اللاندكروزر فيها مشاكل بالبريك من صوت وضعف في الاداء خصوصا لما تمسك بريك فوق مطب البريك يفصل لانه على نظام (abs)يعني لو مكست بريك عند مطب ممكن تصدم السيارة اللي قدامك لو كانت هناك سيارة وكنت انت مسرع..


صحيح أخوي هذي هي المشكلة الحقيقية البريك يفصل

وقطر كلها مطبات ،، كثير ناس أعرفهم باعوا الكزس

بسبب البريك