ايش رايكم الي في الاب...

[أسد الجزيرة]

السلام عليكم و عوداً حميداً

ايش رايكم في الاب الي ياخذ قرض على حساب بنته قبل لا تتزوج او عنده بطاقة بنكها و يستلم راتبها بالكامل بعد الزواج و ايش ردة فعلكم اذا كنتوا مكان الزوج المصدوم :secret:

1- الزوجة حرة في مالها و لها حرية التصرف في فلوسها و ما تتدخل في شؤونها
2- تقعدها في البيت على الاقل تجابل عيالها بدال ما تشتغل و تكد على ابوها
3- الطلاق

ممكن تصويت يا مشرفين

[ام السعف]

الحياة تعلم الواحد

من اليوم وطالع المتقدم للزواج يسأل عن البنت اذا عليها ديون او لا

لأن من حقه يطالب ببقاءها في البيت وعدم الخروج منه للعمل ،،

اما شنهو الحل ،، طبعا الطلاق مب حل

ممكن تحويل السلفية على حساب الأب او اي حل ثاني غير الطلاق ،،

ما تقدر تقعدها في بيتها دام ان السلفية باسمها فلازم تدفعها ،،

ام السعف
من خلف شباك السلفيات

[مريم ع]

شوف اذا الأب محتاج .. بالعكس لازم تشجعها .. لان هذا يعتبر بر بالوالدين ومب خساره فالابو اللي يتعب ويشقا طول عمره علشان يكبرنا
انا مع حرية المرأه في مالها اذا برضاها طبعا وهذا المره فيها خير وانسانه غير انانيه و انا اشوفها مكسب مب تطلقها علشان هالسبب ..

سؤال : لو ما كانت تصرف علا ابوها هل زوجها بيطلب منها تشاركه في مصروف البيت ؟ وقتها هل بيستغربون الناس من هالطلب.. ما اظن

[R 7 A L]

اقترح انها تقدم استقالتها
وتحول سلفيتها على زوجها شريك حياتها

[Aaziz]

شؤون تخص الاسره ذاتها و رأيي فيها لا يقدم او يؤخر ،، هم من تعرض لهذا الموقف وهم ادرى هل هو مناسب لهم ،، هل يجوز هذا الفعل او لا .

[الاجوديه]

فلوسها وحلالها ودامها راضيه خلاااص سواء ابوها محتاج او لا ..!
والزوج لو ما كان عليها قرض ما راح يفكر يخليها تقعد فالبيت :(
يعني المسأله ماديه ..!

الا اذا يسدد قرضها ويخليها ترتاح مسكينه خير وحبه الله :victory:
بس ما فيه احد يسوي كيذا للاسف انقرضواااا :nice:


اما الحل الثالث صراااحه خطيرررر ... ..ما عندكم وقت طلاق ..!

[قطريه22]

زوجها ولي أمرها

والأفضل يروح يكلم أبوها ويواجهه وزوجته تكون موجوده (( ليش قلت المواجهه؟ لأنه مثل ماقدر ياخذ بطاقة البنك وياخذ راتبها بيقدر يخليها تاخذ من زوجها وتكذب عليه عشان تصرف على هالأب الأناني))

إذا رفض وأصر أنه ياخذ راتبها يقول للأب أنه بيخليها تقعد في البيت وماتشتغل

وإذا هي ارفضت ومارضت الطلاق هو الحل..


وشكراً

[khalid525]

ههههههه راحت على الزوج ، قيم اوفر

[QtrGate]

أبوها وكيفها، تصرف عليه أو تأخذ سلفيه له
وزوجها ماله خص فيها حلالها
إلا اذا كان ماخذها عشان تصرف عليه

[قطريه ماركه]

الزوجة حرة في مالها و لها حرية التصرف في فلوسها و ما تتدخل في شؤونها

الخيار الأول

[نوار قطر]

الابو والله ماعنده سالفه يسوي في بنته جذي ويستغلهااا،،، بعد عنده ظروف محتاج لاحول ولا قوه تاخذ له سلفه وتسدد الي عليه ،، ابوها جنتها ونارها بس انه ياخذ راتبها كامل لا حرااام ليش يسووي جذي مايخاف من ربه،،، البنت تطلع كل يوم تهد بيتها وعيالها وتكرف واخرتها يستولي على راتبها لانه طمعان فيه ولا هو محتاجه في شي بس انه حب للبيزه ،،، جذي عيل تقدم استقالتها وتقعد تجابل عيالها احسن لهاا ،،

[بنت المطر]

أكيد الاب غلطان

والزوج لازم يقدر عمل زوجته واذا يبيها تقعد فالبيت ينطر تخلص سلفيتها او يدفعها عنها


اما اذا كانت الزوجة متفقة مع أبوها ان ياخذ راتب يمكن هاي حيلة عشان تجمع فلوسها في حساب التوفير ههههه

[ولد شرق]

شؤون تخص الاسره ذاتها و رأيي فيها لا يقدم او يؤخر ،، هم من تعرض لهذا الموقف وهم ادرى هل هو مناسب لهم ،، هل يجوز هذا الفعل او لا .

كفو ياخوي على هالرد اللي يثلج الصدر
الصراحه شي غريب وصل التدخل حتى في شؤون الاب مع بنته ولا الام مع ولدها

يا ناس خلكم في حالكم
واذا عندكم مشاكل من هالنوع ارجو عدم نشرها للعامه لأنها شؤون خاصة جدا

[أم نواري1]

محد له خص بين البنت وأبوها
والله يقدرها وتحتسب فنيتها البر

حتى لو كان أناني هذا أبوها مهما كان
والزوج مفروض يقدر هالشي

وينه من قبل لا يتزوجها ماعرف هالشي
الحين يطلقها صج قليل أصل وخاتمه بعد

في شباب بالمقابل أبهاتهم متسلطين عليهم
مخلينهم ياخذون سلفيات وياخذون راتبهم ويعطونهم مصروف يد

هل بالمقابل زوجته بتطلب الطلاق وبتصفقون لها .؟!

اتقوا الله في مواضيعكم وآرائكم اللي ممكن تهدم بيوت
قال ايش الطلاق .؟!

عسى ماشر

[bos3eed]

يعتمد على حالة الاب, اذا كانت البنت ماخذه سلفيه علشان تشتري له سياره مثلا لان حالته الماديه ماتسمح له وتكون السياره متوسطه يعني لاند كروزر مب رنج ولا مرسسدسو عادي مافيها اشكال. اما انها تحط على نفسها دين علشان ابووها يسافر في الصيف ولا عنده مشروع تجاري مايندرى ربحه من خسارته فلا والف لا. واللي يقول كيفها هي وابوها اقوله استريح, المراه من تتزوج يصير زوجها هو ولي امرها وهو المسؤول عنها, يعني الحين لو فنشوها من الدوام لاي سبب كان والبنك رفع عليها قضيه من اللي بياكلها غير الزوج اللي مابيرضى ان ام عياله تنسجن. اما موضوع انها تصرف على اهلها يعتمد اذا كانوا هم بحاجه الفلوس مب بس ياخذونها ويحطونها في التوفير, اولى ان المراه اللي تشتغل تصرف على نفسها من زينه وكشخه لزوجها و تصرف على عيالها من توفير كماليات الحياه وغيره