أخذ عينة من الكلى

[الأصيلة]

السلام عليكم ورحمة الله وبركاته


ياترى أحد عنده فكرة عن أخذ عينة الكلى...
فيه ناس تقول إنها خطرة والأطباء يقولون عادية جدا...

أتمنى ألقى أحد مجربها من قبل ....


وشـــــكـــــــرا

[شرقاويه]

الله يشفي مريضكم يارب

[بصمة قطرية]

و عليكم السلام والرحمة
عندي واحد مسويها
و ضرورية في حالات كثيرة
توكلوا على الله

[النهار]

توكلي على الله الوالده سوتها في مستشفى حمد. من 3 سنوات وامورها طيبه الي الان
وهذالفحص ضروي وضروي جدا

[الأصيلة]

توكلي على الله الوالده سوتها في مستشفى حمد. من 3 سنوات وامورها طيبه الي الان
وهذالفحص ضروي وضروي جدا

جزاك الله خير والله يخلي الوالده...
وبعد العينة هل تم تشخيص المرض وأخذ علاجه؟

[ام راشد 1]

ريلي سوى العمليه في لندن قبل سنين (يوم كان عمرة 10 سنوات)، و الحمد لله العمليه مش خطرة والا كان ابوة الله يرحمه ما رضى يسونها له و هو بزر.

[المهاجر]

من شهرين استشاري الكلى قالي عنها وانهم يبون ياخذون عينه

لكني ترددت وقلت باصبر كم شهر وباسوي تحاليل يمكن ترجع الوظائف طبيعيه

سويت تحاليل بتايلند من شهر ونص تقريبا وكانت النتيجه طبيعيه

باسوي التحاليل مره ثانيه وان كانت الوظائف غير طبيعيه باخليهم ياخذون العينه

لأنها مثل ما قال ضروريه ومامنها خطوره

وان شاء الله نستفيد من اللي سووها من قبل وياريت يفيدونا عن طريقة أخذ العينه

وما عليكم شر اختي الأصيله

[الأصيلة]

الله يشافي الجميع ويكتب لهم السلامة

وكل الشكر لكم على المشاركة

[Aaziz]

السلام عليكم

الاصيله هذا الموضوع يعتبر قرار مهم يحتاج دراسة حقيقيه.

فيه حالات كثيره اخذ العينه يعتبر عادي و هذي الحالات تعتمد على عمر المريض فلو مثلا كان كبير في السن يعتبر عادي او مثل ماتقولين شي متوقع.
و فيه حالات اخرى قد يتسبب بكل اسف اخذ العينه او مايسمى بالخزعه سبب لتوقف الكلى عن العمل مثل بعض حالات الاصابه بفيروس يؤثر على وظائف الكلى اسمه لا يحضرني حاليا ولكن هو عباره عن اختصار لحرفين او ثلاثه بالانجليزي احد الاحرف هو g
و في هذه الحاله يعتبر اخذ العينه قرار حساس لانه مع الاصابه بهذا المرض فاخذ العينه يكون سبب وارد لتوقف الكلى ، و في هذه الحاله تكون اصابه الشخص لاترتبط بعمر المريض.
و يكتفى في هذه الحاله بمراقبه وظائف الكلى كل شهر باخذ عينه (بول) اكرمكم الله و مراقبه ضغط الدم و البروتين في العينه و اعتقد السكر.

ساعود لاحقا بتفاصيل اكثر دقه و اعتذر عن اي معلومه مزعجه ذكرتها ، ولكن مهم ان الشخص يكون مطلع على جميع الاوضاع و الاحتمالات.

[الأصيلة]

السلام عليكم

الاصيله هذا الموضوع يعتبر قرار مهم يحتاج دراسة حقيقيه.

فيه حالات كثيره اخذ العينه يعتبر عادي و هذي الحالات تعتمد على عمر المريض فلو مثلا كان كبير في السن يعتبر عادي او مثل ماتقولين شي متوقع.
و فيه حالات اخرى قد يتسبب بكل اسف اخذ العينه او مايسمى بالخزعه سبب لتوقف الكلى عن العمل مثل بعض حالات الاصابه بفيروس يؤثر على وظائف الكلى اسمه لا يحضرني حاليا ولكن هو عباره عن اختصار لحرفين او ثلاثه بالانجليزي احد الاحرف هو g
و في هذه الحاله يعتبر اخذ العينه قرار حساس لانه مع الاصابه بهذا المرض فاخذ العينه يكون سبب وارد لتوقف الكلى ، و في هذه الحاله تكون اصابه الشخص لاترتبط بعمر المريض.
و يكتفى في هذه الحاله بمراقبه وظائف الكلى كل شهر باخذ عينه (بول) اكرمكم الله و مراقبه ضغط الدم و البروتين في العينه و اعتقد السكر.

ساعود لاحقا بتفاصيل اكثر دقه و اعتذر عن اي معلومه مزعجه ذكرتها ، ولكن مهم ان الشخص يكون مطلع على جميع الاوضاع و الاحتمالات.

بانتظارك اخوي
المريضة عمرها 65 وهي بصحة جيدة
لكن هناك قصور في وظائف الكلى
والأطباء يريدون معرفة السبب لإعطاء الدواء اللازم
وحتى الطبيب في ألمانيا قال إن أخذ العينة ضروري لتحديد العلاج
والكلى تعمل فقط 25% وأخشى أن تنقص ثم تحتاج لغسيل لاسمح الله..

[رهج السنابك]

ضروري للتشخيص اعتقد لمعرفه نسبه التليف


ماقد سمعت انها خطره

اذا حتى الاورام لا سمح الله لازم ياخذون خزعه للتشخيص



ثقوا بالاطباء وثقوا بالله قبل كل شي

داوموا على الدعاء
الشفاء باذن الله بالدعاء والقران والتوكل والاستخاره والصدقه ومايطلبه الاطباء استخيروا وتوكلوا والله يشفي مريضتكم