اطفالكم امانة (رسالة لكل اب وام)

[لومينا]

صار معاي موقف لاينسى وحبيت احذر كل من لدية طفل بان لايتركه مع الخادمة دون رقيب سواء في البيت او في مكان عام (اخواني انا بتاريخ 4\4 كنت متواجدة في الالعاب اللي في المول مع ولدي يعني قاعدة اراقبه وهو يلعب وبعدين دخل ولد مع اختة والخدامة ،الولد لفت انتباهي انه يعضض اصابعة وهو يفصخ نعاله وانتو بكرامة تلفظت علية الخادمة بلفظ بذيئ وكذبت اذني قلت مستحيل ، بعد فترة اشوفها دشت الالعاب معاهم ماشفت الا هي تضربه بايدينها الثنتين يعلها الكسر يارب على ويهه وراسة وهومغطي ويهه ورفع يده يبي يشوفها راحت ولا لا الاتكمل حسبي الله عليها طبعا هاي كله وانا واللي معاي نزعق عليها عشان توقف لانها كانت في النطاطية فوق يعني هو مستسلم لها كليا كانه متعود تضربة، بس من وقفت لفت علينا وهي خايفة قلنالها انزلي اللحين وهي نازلة قعدت تبربر على الولد بغينا رقم امة او ابوه منه خنقته العبره ويقول ماعرف ماعرف وهي طبعا قالت ماعندي المهم قعدنا فوق الساعة ننطر اهله عشان نقول لهم ماحد يا ،وبلغت السكيورتي اللي عند الباب وقال خلاص انا ببلغ اهله وكتبت لهم رسالة باللي صار عاد مادري اوصلت ولا لا )
في النهاية ارجوكم كونوا بالقرب منهم حدثوهم ليشعروا بالامان كونوا البلسم الذي يداوي جراحهم، ليكونوا لكم عونا ويكونوا جيلا صالحا

[قطريه22]

لا حول ولا قوة الا بالله

للاسف هذا سببه أهمال بعض الاهالي الله يهديهم

واذا الخدامه اذبحت الولد راحو يشتكون

يارب لاتبلينا

[abusultan]

هذا نتيجة أهمال الوالدين

[قطريه ماركه]

حسبي الله عليها من خدامة

هاي أمانة في رقبتها أمنتها الأم أو الأب

و احنا ما ندري يمكن الأم و الأب منفصلين و هذي تصير وااااايد

و محد يدري عنه !!

الله يكون بعونه يااااااارب

[ولد العرب]

ياصباح خير ياليت ماقريت سالفة ولعت

[um.7moody]

حسبي الله عليهم من أهل حسبي الله عليهم ونعم الوكيل
شنو هالنوعيه من الناس شلون يطاوعهم قلبهم يتركون أعيالها مع خدم .. اشدعوه مايخافون عليهم
الحين همهم التسوق والتمشي واللعبه مايهمهم الاعيال معقوله قلوبهم مرتاحه وهم لحالهم مع خدم

لاأحد يقول يمكن الأم مريضة أو توها مربيه أو متوفيه أو أو أو ..... الأبو يكون معاهم أو الأخت الكبيرة أو الخاله أو أي أحد لأن مومعقوله ماعندهم أهل بس مايكونون لحالهم مع خدم .. وإذا صدف مافي أحد مولازم يروحون سلامتهم فوق كل شي حتى هالمعامله تأثر على نفسيتهم وعلى شخصيتهم

وربي أحترق قلبي يوم قريت هالسالفه آآآآخ بس ليتني أعرف أهلهم حسبي الله عليهم ونعم الوكيل
عور قلبي الياهل يعل يدها الكسر مافي قلبها رحمه شنو هالنوعيه من الناس عديمه احساس ومشاعر

[um.7moody]

حسبي الله عليها من خدامة

هاي أمانة في رقبتها أمنتها الأم أو الأب

و احنا ما ندري يمكن الأم و الأب منفصلين و هذي تصير وااااايد

و محد يدري عنه !!

الله يكون بعونه يااااااارب



حتى لومنفصلين مااترك أعيالي لحالهم سواء أنا أم أو أبو أكون معاهم رجلي على رجلهم
أحنا نودي اعيالنا ونشوف شباب كثار مع أعيالهم وياحلوهم كل واحد يلعب ولده وإلا بنته بس ماأتركهم لحالهم

[Rider]

الله يهدي البعض الي مسلم عياله للخدم

[um.7moody]

ذكرتيني بسالفه .. كنا بالسيارة في الفريج ومرينا قدام بيت إلا الشغاله واقفه عند باب الشارع سوالف مع السايق

والسايق شايل بيده البنت صغيره يمكن عمرها 4 سنين وشايلها بطريقة مغززه ويلاعبها وهي تضحك ومستانسه ماتدري بالدنيا ياهل صغيره

القهر أنهم واقفين قدام باب الشارع في البيت وعادي ماأخذين راحتهم ولا بتقولون خايفين أو مستعجلين لا على هدوء ضحك وسوالف وكان حزت الظهر يعني مليون في الميه الشيخه صاحبه الحسن والدلال مكبره الوساده ونايمه ولاتدري عن بنتها

أنا مت قهر وغليت وعصبت بس ماكنت أقدر اتكلم وقتها لأنهم في بيتهم موفي مكان عام .. حسبي الله عليهم

[لومينا]

و سيماً من الأطفال لولاه لم أخف = على الشيب أن أنأى و أن أتغربا

تود النجوم الزهر لو أنها دمى = ليختار منها المترفات ويلعبا

و عندي كنوز ٌ من حنان ورحمة = نعيمي أن يغرى بهنّ وينهبا

يجور و بعض الجور حلو محبب= و لم أرى قبل الطفل ظلماً محببا

و يغضب أحيانا ويرضى وحسبنا = من الصفو أن يرضى علينا و يغضبا

و إن ناله سقم تمنيت أنني = فداءً له كنت السقيم المعذبا

ويوجز فيما يشتهي و كأنه = بإيجازه دلاً أعاد و أسهبا

يزف لنا الأعياد عيداً إذا خطا = وعيداً إذا ناغى وعيداً إذا حبا

كزغب القطا لو أنه راح صادياً = سكبت له عيني وقلبي ليشربا

و أوثر أن يروى و يشبع ناعماً = و أظمأ في النعمى عليه و أسغبا ينام على أشواق قلبي بمهده = حريراً من الوشي اليماني مذهبا

و أسدل أجفاني غطاء يُظله = و يا ليتها كانت أحنّ و أحدبا

و حملني أن أقبل الضيم صابراً = وأرغب تحناناً عليه و أرهبا

و تخفق في قلبي قلوب عديدة = لقد كان شِعبا واحداً فتشعبا

و صن ضحكة الأطفال يارب إنها = إذا غردت في موحش الرمل أعشبا

و يارب حبب كل طفل فلا يرى = و إن لج في الإعنات وجهاً مقطبا

و هيىء له في كل قلب صبابةً = و في كل لقيا مرحباً ثم مرحبا

[شيخ الديرة]

هذي جريمة كان لازم تسجلها فيديو بالموبايل وتتصل بالجهات المختصة، من أمن العقاب أساء الأدب وهنا رابط التبليغ http://www.qfcw.org.qa/Arabic/services/abuse_report/Lists/List/Submit.aspx

[لومينا]

اخوي شيخ الديرة في مثل هذا الموقف وين الواحد يسجل فيديو اما التبليغ اول مره اسمع عنه بس انا اشوف ان اي طفل يدخل الالعاب لازم يسجل رقم الاهل عند الدخول تحسبا لاي طارئ يعني لو طفل من الاطفال احتاج اسعاف شلون يتواصلون مع اهله،وكذلك فكرتك قيمة لو كانت الالعاب مراقبة بالكاميرات من الداخل . ياليت تطبق هذه الافكار في قانون خاص .

[النهار]

مسلسل تعدى الخادمات مستمر وسيستمر
انا مره شفت خادمه جارتنا اخذت الاولاد للبقاله ولد وبنت
اعمارهم لاتزيد على 4 سنوات شفت الخادمه تسحب البنت من شعرها وتسحلها سحل على القار .والبنت تصيح اول ماقربت من البيت شلتها في حضنها وقعدت تهدي البنت
صورت المشهد بالكامل وخليت زوجتي تذهب لجارتنا لكي يشاهدوا فعل الخادمه.
الام انصعقت من المنظر وتقول انا اقول ليش يخافون من الخادمه اكثر مني ومن ابوهم
على حسب كلام زوجتي تقول جارتنا دائما تمدح الخادمه وانها وانها وانها
خلوها تشوف الفيديو تقول لامش انا ماما انا مايسوى هيك
عموما بعد الفيديو انظربت ظرب حتى زوج المراء سحبها من شعرها دار مادار البيت وابعاد من البلاد
محلاحظه ان عرفتوا ان الاولاد يخافون من الخادمه لازم تعرفون ان هناك ارهاب من نوع ما يقع على الاطفال من قبل الخادمه احذروا

[شيخ الديرة]

اخوي شيخ الديرة في مثل هذا الموقف وين الواحد يسجل فيديو اما التبليغ اول مره اسمع عنه بس انا اشوف ان اي طفل يدخل الالعاب لازم يسجل رقم الاهل عند الدخول تحسبا لاي طارئ يعني لو طفل من الاطفال احتاج اسعاف شلون يتواصلون مع اهله،وكذلك فكرتك قيمة لو كانت الالعاب مراقبة بالكاميرات من الداخل . ياليت تطبق هذه الافكار في قانون خاص .

الخدامات يعرفون انهم سوف لن يتعرضوا للعقاب بالرغم من سوء معاملة الطفل حتى في الأماكن العامة, ولكن لو يسمعون مرة واحدة او مرتين عن تبليغ وسجن وترحيل, يحرمون يسووها بعد. مادام انتظرتي ساعة كاملة, كان ممكن أتصل ب 999 وأخليهم ياخذون الأجراءات اللازمة. أتمنى أن تكون شرط ألزامي أن أي خدامة مع الأطفال عليها أن تحمل بطاقة تعريف واضحة عليها بيانات الكفيل وغير ذلك

[رايق البال x]

ليش ما بلغتي الشرطة اختي هذا اعتداء على مواطن قطري وطفل بريء ، وكنتي صورتيها بالجوال احسن ،،،

[NINA RICCI]

حسبي الله ونعم الوكيييييل

اهمممال اهممال ..

لو منج اصور الخدامه وانشر صورها واكتب عليها تضرب طفل كفيلتها .. عشان تتادب المدام

[أم نواري1]

لا بارك الله في كل أم وأب تاركين للخدامة مجال لين توصل لهالمرحلة
وهاملين عيالهم

ما أأيد ترك الأولاد في أي مكان بروحهم مع خدامة
خاصة في هالألعاب الخايسه

اللي حتى مجرد لعب ما أخلي ولدي يلعب فيها
أحسها أمراض وتلوث ومستحيل ينظفونها يوميا خاصه منطقة الكور

وهالخدامة يعل يدها الكسر
كسرت شخصية الولد وبيكبر مهزوز
يعل مخ أمه وأبوه الهز

[النشميه]

الأم ثم الأم ثم الأم هي المسؤول الأول عن هذا الاهمال

[لومينا]

اليوم رحت وسالت عن الرسالة اللي كتبتها لاهل الطفل هل وصلت لهم وقالوا لي انهم سلموها لوالد ووالدت الطفل الحمد لله اديت اللي علي وان شاء الله امه وابوة يقومون بباقي المهمة.