استشارة فنيه بعد هوشة المقاول مع الاستشاري

[almaf1a]

السلام عليكم ورحمة الله وبركاته

الي حصل ان الاستشاري والمقاول قامت من بينهم بسبب استلام حديد الدور الثاني

* صورة توضيحيه من الانترنت
http://img201.imageshack.us/img201/705/fffffffffx.jpg
الاستشاري دخل المتر وقاس المسافه بين الخشب تحت الحديد لين ارتفاع الحديد لقاه في اماكن 25 سم
والخرايط تقول الخرسانه المفروض تكون 35 سم يعني الفرق تقريبا 10 سم
المقاول يقول 5 سم خرسانه تحت الحديد و 5 سم فوق الحديد

الاستشاري مسك شئ اسمه بسكوته عرضها 2 سم ورفض المسأله هذي
وقال الاماكن النازله لبسوها حديد فوقها والمقاول بوز وقاله شوف في اماكن ارتفاع الحديد 31 سم وكلام ما فهمته

الخلاصه ياريت الي عنده خبره يقولي هل لو ترك المقاول الشغل هذا وصب بتكون هناك مشكلة او اصر على رأي الاستشاري واقوله ضبط الموضوع مسأله 7 او 5 سم خرسانه فاضيه فوق وتحت الحديد غير مقبول

[ضوى]

خليك على راي الاستشاري ولا تجازف ولا تتساهل من البداية

[almaf1a]

خليك على راي الاستشاري ولا تجازف ولا تتساهل من البداية

هذا الرأي الي كنت حاطه في بالي المشكله ان الواحد وصل لدرجة ان كان الشغل مقبول يوافق عليه
هرمنا من البنيان

[ضوى]

هذا الرأي الي كنت حاطه في بالي المشكله ان الواحد وصل لدرجة ان كان الشغل مقبول يوافق عليه
هرمنا من البنيان

تحمل تتنازل ، اتعب شوي في البداية هي الاساس اللي اساسه صح ماينخاف من الباقي مقدرو عليه اهم شي البدايات الله يوفقك ويعينك ان شاء الله

[almaf1a]

تحمل تتنازل ، اتعب شوي في البداية هي الاساس اللي اساسه صح ماينخاف من الباقي مقدرو عليه اهم شي البدايات الله يوفقك ويعينك ان شاء الله

الله يعين مع اني دقيق جدا في الامور وما اتنازل عن الاخطاء بشكل عام حتى في الامور الثانيه
لكن بعد ما دخلت عالم البنيان قل التدقيق وصار الواحد بس يفكر بالاضرار ان كانت بسيطه او لا
نبي نخلص من الهم هذا والله يعينا بالتشطيب

الف شكر :)

[شموخ دائم]

,

,


مرحبا

اخوي الكريم

اتبع كلام الاستشاري والامور الفنيه لا تدخل فيها
لو كلمك المقاول قوله انا حاط استشاري تكلم معاه وحل المشكله فيما بينكم
انت تدفع فلوس للاستشاري لهذه الامور بالذات
:)

قوله مافي معلوم
هههه

ترى اللعب في ( سماكه ) السقف هذي شغله البنقال والهنود
الي يعطون سعر رخيص بالمتر
يوفر له 10 الاف في كل صبيه سقف
مع توفير في الخشب المستعمل تلاقي الخشب كل نص متر فيه قطع صغيره
وراعي البيت المالك يجيب لهم ماي وعصير واكل
لانهم يتعبون له
ومايعرف انهم يغشونه وهو واقف يشكرهم
:)


,

,


اخوك

شموخ دائم

[معماري قطري]

ضرورة عمل تغطية كاملة وبمسافات معينة للحديد بالخرسانة شيء مهم للغاية، لحماية الخرسانة من الشلوخ القوية بسبب دخول الرطوبة الخارجية على الحديد وصدأه، وللتوافق مع حسابات التسليح الإنشائية، ومقاول بدأ يتذمر من ألحين شبيسوي بعدين؟

[almaf1a]

,

,


مرحبا

اخوي الكريم

اتبع كلام الاستشاري والامور الفنيه لا تدخل فيها
لو كلمك المقاول قوله انا حاط استشاري تكلم معاه وحل المشكله فيما بينكم
انت تدفع فلوس للاستشاري لهذه الامور بالذات
:)

قوله مافي معلوم
هههه

ترى اللعب في ( سماكه ) السقف هذي شغله البنقال والهنود
الي يعطون سعر رخيص بالمتر
يوفر له 10 الاف في كل صبيه سقف
مع توفير في الخشب المستعمل تلاقي الخشب كل نص متر فيه قطع صغيره
وراعي البيت المالك يجيب لهم ماي وعصير واكل
لانهم يتعبون له
ومايعرف انهم يغشونه وهو واقف يشكرهم
:)


,

,


اخوك

شموخ دائم

اسكت كنك تقصدني ههههههههههههه
الخلاف كان مع المهندس بالموقع
اللحين كلمت المقاول نفسه قالي الاستشاري كلامه بيمشي وبنعدلك الامور الظاهر بيحطون حديد فوقه لين ما يوصل للمنسوب المطلوب
الف شكر

[almaf1a]

ضرورة عمل تغطية كاملة وبمسافات معينة للحديد بالخرسانة شيء مهم للغاية، لحماية الخرسانة من الشلوخ القوية بسبب دخول الرطوبة الخارجية على الحديد وصدأه، وللتوافق مع حسابات التسليح الإنشائية، ومقاول بدأ يتذمر من ألحين شبيسوي بعدين؟

الي فهمته من الاستشاري قالهم جيبوا خيوط تبين المنسوب

لا ان شاء الله مافي شئ بعدين
بقى البنت هاوس ونفتك ان شاء الله من شغل البنيان والله يعينا على باقي شغل الكهرباء والصرف الصحي والماي وشغلات التشطيب لها وضع ثاني ان شاء الله

مشكور ما قصرت

[khaldoon]

,

,


مرحبا

اخوي الكريم

اتبع كلام الاستشاري والامور الفنيه لا تدخل فيها
لو كلمك المقاول قوله انا حاط استشاري تكلم معاه وحل المشكله فيما بينكم
انت تدفع فلوس للاستشاري لهذه الامور بالذات
:)

قوله مافي معلوم
هههه
,

,


اخوك

شموخ دائم

اخوي اسمع الكلام اللي بيقولك عليه شموخ دائم ......

اما من الناحية الفنية فالمسألة انه الخرسانة الموجودة بين الحديد العلوي و الحديد السفلي هي الخرسانة اللي شايلة السقف ...اما الخرسانة الموجوده خارج حدود الحديد العلوي و السفلي فهي مجرد cover يعني غطاء او طبقة حماية لحماية الحديد من الصدأ و التأكل و الماء...... الغطاء في حالة السقف بيكون من 3-4 سم على اساس تعرضه للهواء و الماء و ليس التربه .... يعني السقف عندك 35 اطرح منها 8 سم على اساس 4سم الغطاء و ليس 5سم مثل ما قال المقاول لانه كلامه غلط ... فبيكون الفراغ بين الحديد السفلي و العلوي 27سم ....هذه ال 27 سم لازم تكون متوفرة بين طبقتي الحديد علشان هي اللي فيها الخرسانة اللي تشيل السقف فقول للمقاول يحط كراسي حديد بين طبقتين الحديد علشان تأمن ال 27سم المطلوبة

نفس الحال للاعمدة و الجسور.... الخرسانة خارج حدود الكانة او ال stirrups هي مجرد غطاء لحماية الحديد و ما تشيل المبنى بدليل انه ممكن ازالتها و تكسيرها و المبنى بيظل واقف بس بتأثر على الحديد و بتشيل طبقة الحماية عنه

اتمنى اكون واضح في شرحي :rolleyes2:

[الســـهم]

مرحبا اخوي almaf1a ..

انا دخلت وبنصحك بشغله لازم تراعيها في هالفترة ..

بالنسبة لمنسوب الخرسانه في حمامات الدور الاول والبنت هاوس (الله يكرمكم) ..

لازم تكون الخرسانة أوطى من من منسوب الخرسانة فالطابق نفسه بـ 10 سم تقريبا علشان تمديد بيبات الصرف الصحي ..

صادفتني هذي المشكلة فالبنت هاوس واضطريت ارفع مستوى الحمام (الله يعزكم) وغرفة الغسيل عن ارضية الطابق 10 سم , وفهذي الحالة كانت النتيجة انه المنظر العام للمكان ماعجبني ولكن بلعته , وخوفي الاكبر من مشكلة تسرب الماي وقت التنظيف مع اني رفعت الارضية اللي تحت الباب 2 سم تقريبا ..

[almaf1a]

اخوي اسمع الكلام اللي بيقولك عليه شموخ دائم ......

اما من الناحية الفنية فالمسألة انه الخرسانة الموجودة بين الحديد العلوي و الحديد السفلي هي الخرسانة اللي شايلة السقف ...اما الخرسانة الموجوده خارج حدود الحديد العلوي و السفلي فهي مجرد cover يعني غطاء او طبقة حماية لحماية الحديد من الصدأ و التأكل و الماء...... الغطاء في حالة السقف بيكون من 3-4 سم على اساس تعرضه للهواء و الماء و ليس التربه .... يعني السقف عندك 35 اطرح منها 8 سم على اساس 4سم الغطاء و ليس 5سم مثل ما قال المقاول لانه كلامه غلط ... فبيكون الفراغ بين الحديد السفلي و العلوي 27سم ....هذه ال 27 سم لازم تكون متوفرة بين طبقتي الحديد علشان هي اللي فيها الخرسانة اللي تشيل السقف فقول للمقاول يحط كراسي حديد بين طبقتين الحديد علشان تأمن ال 27سم المطلوبة

نفس الحال للاعمدة و الجسور.... الخرسانة خارج حدود الكانة او ال stirrups هي مجرد غطاء لحماية الحديد و ما تشيل المبنى بدليل انه ممكن ازالتها و تكسيرها و المبنى بيظل واقف بس بتأثر على الحديد و بتشيل طبقة الحماية عنه

اتمنى اكون واضح في شرحي :rolleyes2:

ماشاء الله عليك نفس شرح الاستشاري لي
الي قهرني المقاول يقول بس 2 سم عادي
هذا الي بيصير بيسوي كراسي فكرته بيشيل الحديد كله :rolleyes2:

الف شكر على الشرح الوافي

[almaf1a]

مرحبا اخوي almaf1a ..

انا دخلت وبنصحك بشغله لازم تراعيها في هالفترة ..

بالنسبة لمنسوب الخرسانه في حمامات الدور الاول والبنت هاوس (الله يكرمكم) ..

لازم تكون الخرسانة أوطى من من منسوب الخرسانة فالطابق نفسه بـ 10 سم تقريبا علشان تمديد بيبات الصرف الصحي ..

صادفتني هذي المشكلة فالبنت هاوس واضطريت ارفع مستوى الحمام (الله يعزكم) وغرفة الغسيل عن ارضية الطابق 10 سم , وفهذي الحالة كانت النتيجة انه المنظر العام للمكان ماعجبني ولكن بلعته , وخوفي الاكبر من مشكلة تسرب الماي وقت التنظيف مع اني رفعت الارضية اللي تحت الباب 2 سم تقريبا ..

مشكور على النصيحه بالفعل لازم الحمامات وانت بكرامه تكون انزل
مع اني عندي حمام كبرته بعد ما صبوا لكن خليت الزيادة للشاور فقط

مشكور اخوي