تخليص بضايع شخصيه من الصين

[kawkawii]

السلام عليكم
عندي استفسار احترت وين أحطه

طلبت لي شغله بس بكميه كبيره شوي من شركه صينية لغرض شخصي
المشكلة أن شحنهم قال لي اختاري شحن بحري بيوصل خلال شهر
او جوي بس أغلى بوايد
ما عندي خلفيه عن سوالف التخليص الجمركي
وهل لازم يكون الطلب بهالكميه باسم شركه؟
المنتج عباره عن اللعاب خشبيه حوالي ست او سبع كراتين كبيره
لحد الحين ما انشحنت
هل الموضوع فيه تخليص جمركي وعفسه؟
هل في حد اقدر أوكله يخلص لي ترشحونه لي وله عمولته

وهل صحيح أن الشحن البحري عندنا تعيس والواحد سالفه لين ما يستلم طلبه؟



اسأله كثيره ياليت تاخذون اجر وتساعدوني:shy:

[أم وضاحي]

أنا أعرف مهندس سوداني عايش في الصين
و شغلته هالسوالف
شحن كونتينرات و مواعيد زيارة مصانع
و غيره
باشووف لج رقمه و شوفيه إذا يقدر يساعدج

[شموخ دائم]

,

,


مرحبا

اي بضاعه توصل الميناء لازم مخلص جمركي
يخلصها ويطلعها لك خارج الميناء
وفي شركات كثيره موجوده شغلها التخليص من الميناء
اهم شي اهم شي
الاوراق تكون صحيحه
من ناحيه المواصفات تكون واضحه
بلد الصنع والنوع والمواد المستخدمه فيها
ما تكون فيها مواد سامه او مسرطنه
في الماده او في الصبغ او في التغليف
ولو طالبتها من شركه معروفه وكبيره
ما بيكون في مشكله ان شاء الله

من توصل البضاعه في الميناء
خلال يومين تطلع البضاعه
اذا اوراق البضاعه سليمه
ودفعتوا الرسوم والجمارك
5%
ثالث يوم تطلع البضاعه

,

,

اخوك


شموخ دائم

[Chanel]

اختي الله يوفقك ممكن أعرف الموقع اللي طلبتي منه؟
لأن في خاطري أطلب ألعاب ونطاطيات للعيال
وشكرا

[kawkawii]

تسلموون جميعا ما قصرتووا :)