مطعم تيك أوي

[السفير العربي]

بعد تناول الفطائر شعرت بغثيان مرير ولم اكترث لربما لسبب أخر ..
بعد مرور سنة على الحادثة أصبت بنفس العوارض بعد تناول فطائر من مطعم تيك أوي ..وقد ذكر لي بعض الأخوان تعرضه لنفس العوارض التي انتابتني بعد تناول الفطائر ... هل يتحفنا الأعضاء بتجاربهم مع هذا المطعم كي يتم إحالة التجارب - ان كانت سلبية - إلى حماية المستهلك ...

[لابأس]

بسبب وضع الزبده في القلي والسندويشات

[بو الجوري]

ماقد شعرت الصراحـه ، لكن اللي قاهرني في تيك أواي
إنهم زادو أسعارهم بشكل كبير الصراحه !!!!

أخبر صحن السندويشات كان فالثلاثينات وعقب وصل جنه 45 ريال
أول أمس طلب صحن السندويشات وإنصدمت من السعر ، 68 ريال !!!!!!!!!!!!!!!!!!
كيلو مشاوي مب سندويشات !! الصراحه وايد مبالغ الهيس

[king fish]

ماقد شعرت الصراحـه ، لكن اللي قاهرني في تيك أواي
إنهم زادو أسعارهم بشكل كبير الصراحه !!!!

أخبر صحن السندويشات كان فالثلاثينات وعقب وصل جنه 45 ريال
أول أمس طلب صحن السندويشات وإنصدمت من السعر ، 68 ريال !!!!!!!!!!!!!!!!!!
كيلو مشاوي مب سندويشات !! الصراحه وايد مبالغ الهيس



فعلا كلامك صحيح رفع اسعاره بطريقه مبالغ فيها ايش تقول اذا اسم شركتهم مجموعة اياد

[بونووف]

هالمطعم كل ما اكل منه تجيني لوعه على مغص .... هالشي صادني اكثر من 4 مرات .. على نفس الطلب اللي هو سندويتش دجاج

[D0ha]

انا لعلي اذكر تجربة امس.. ولا زلت استغرب ماذا يحدث معي
والله خير شاهد على ما اقول
امس طلبت وجبه - تُركي او رمي- ... لا ازال اشعر ببروده وغثيان. راودني الشك بهذا المطعم... اعتقد هذا المطعم السبب.
جزاك الله خير ياصاحب المشاركة

[khaldoon]

صراحة انا قاطعت المطعم من فترة طويلة بعد رفع اسعاره

[D0ha]

بعد تناول الفطائر شعرت بغثيان مرير ولم اكترث لربما لسبب أخر ..
بعد مرور سنة على الحادثة أصبت بنفس العوارض بعد تناول فطائر من مطعم تيك أوي ..وقد ذكر لي بعض الأخوان تعرضه لنفس العوارض التي انتابتني بعد تناول الفطائر ... هل يتحفنا الأعضاء بتجاربهم مع هذا المطعم كي يتم إحالة التجارب - ان كانت سلبية - إلى حماية المستهلك ...


للأسف... في كل مطعم نجد لوحة فيها ارقام هواتف البلديات والجهات المختصه في التفتيش على المطاعم...
حاولت منذ قليل الاتصال وتقديم شكوى مدعمة بتقرير صحي - سوف اقوم به بعد قليل- ولكن.
الرقم الاول: موقوف
الرقم الثاني: فاكس
الهواتف النقاله الاثنين ( للمدير ومساعدة)... لايوجد اي رد!

من اجل خدمة المواطن... نعمل لأجلكم في اي وقتٍ ومكان

[وطن]

ما قد صادفتني مشكله مع اكلهم
وايد نطلب منه في المكتب

ومحد شكى منه كلش

بخصوص الاسعار الصراحة ما ادري اذا زاد ولا لا
لاني ما ادقق للأسف :(

[khaldoon]

ما قد صادفتني مشكله مع اكلهم
وايد نطلب منه في المكتب

ومحد شكى منه كلش

بخصوص الاسعار الصراحة ما ادري اذا زاد ولا لا
لاني ما ادقق للأسف :(

يا عمي ....شوف الناس البطرانة.... اللي تدفع من غير ما تسأل و لا تدري ايش تدفع...... انت سبب الغلاء غير المبرر يا وطن :anger1:

[السفير العربي]

أشكر جميع المشاركين ممن أبدى تجربته أو ملاحظته .. وأود التنويه أن الهدف من إبداء ملاحظات المشاركين إبراز مدى جودة المأكولات التي يقدمها المطعم لتسليط الأضواء على تجارب وملاحظات العملاء ونشر الوعي من باب العلم بالشيء ... ولازال الموضوع ينتظر تجاربكم وأرآئكم ..

[الوليد1]

الصراحة اخوي السفير ، الحمد لله ولا مرة صادني شي منه
يمكن انت تاخذ من فرع معين يصيدك هذا الشي ، جرب فرع ثاني
وان كنت دائما افضل اكل البيت على اكل هالمطاعم

[ضاحي]

مطعم اكله خايس واللي يبي يجرب اخليه في مكان فتره بسيطه وشوف اخياسه لي وين
قسم بالله ريحت جيفه مب اكل ومنها انا مااشتري ولاآكل من هذا المطعم - اثرو اوي

[SomeOne]

هنالك 300 حالة تسمم للعسكريين المشاركين في اليوم الوطني 2011 من هذا المطعم ،،

[وطن]

يا عمي ....شوف الناس البطرانة.... اللي تدفع من غير ما تسأل و لا تدري ايش تدفع...... انت سبب الغلاء غير المبرر يا وطن :anger1:

خلدون مب في كل شي ادقق
واعترف ان غلط

:secret:

[السفير العربي]

أكرر شكري لكل من أبدى تجربته وملاحظته في هذا السياق .. وكلي قنــاعة بتحــويل الموضوع برمتــه إلى إدارة حماية المستهــلك للتقصي واللتحقق من سلامة المأكولات بناءً على نص الفقرة الأخيرة من أختصاص الإدارة القاضية ((باتخاذ إجراءات الفحص والتحليل ومدى المطابقة للمواصفات القياسية للسلع والبضائع بالأسواق لحماية الحاجات الحيوية للمستهلك وحمايته من الغش التجاري )) .

عليه أُطالب الإدارة بإجراء الفحص الصحي على عينة من المأكولات للتأكد من صلاحيتها الصحية واتخاذ اللازم حين اكتشاف عدم صلاحية العينة توطئة لتحويلها إلى الجهات المختصة .

[سما الوطن]

كنا دائما ناخذ من عنده
الى ان اخذت منه مره لجمعه صديقات سندويشات مشكله
وتفاجات ثاني يوم انهم نصهم مرض تسمم والوالده ايضا بالبيت اكلت منه و اصابها تسمم
توقفت تماما عن الشراء من عنده

[غاردينيا]

انا بعد مره تسممت من شاورما اللحم او الدجاج ماذكر

بس طحت لي طيحه اول مره في حياتي تصيدني

وبعد مارفع اسعاره حطيت عليه اكس ما اطلب الا اذا محتده ومافي اختيار غيره

[qatar_86]

بداية هالمطعم ممتازه ولكن مثل غيره لما شبع نزل مستوى اكله

[alnaseer555]

أول مافتح في السد كلت منه بنصيحة واحد من الربع وسمعت الكلام ..وبعد مرور سويعات قليلة بدأت أشعر بغثيااااااان .. الله وكيلكم تميت أرجع 3 أيام واسهال الله يكرمكم..أتوقع صادني فايرس.. لان الله يعزكم طلعت كل سوائل جسمي ونشفت وثار لون ويهيي رمادي ..كأني ميت . والحمدلله عدت الأمور على خير..

فوايد خذتها بعد هالتجربه المريره

لاتسمع كلام رفيجك واطلب اللي انت خاطرك فيه
لاتاكل شي ماتعرفه لأن أحيانا لما تتخيل اللي كلته تدوخ ويصيدك غثيان

أهم شي بعد هالتجربة المرير اني نزلت 5 كيلو تقريبا

[shgawia]

بصراحة ماقد صار لي اي ضرر منه لان ماطلب منه وايد وطلبت منه مرات تنعد على الاصابع ولكن قاطعته بسبب ارتفاع اسعاره من حين لاخر بس نصيحتي للكل قاطعوا المحلات اللي ترفع اسعارها حتى تكون عبره لمن لايعتبر ودوروا على البديل واكيد بتلقون الانظف والارخص والاحلى وخاصة اكل البيت واحنا مانملك غير هذي الارادة (المقاطعه) لاتقول والله ماجات علي انا الكل ياخذ غلط هالكلام لو كل واحد قاطع بنلقى النتيجة فوق الممتاز

[Chambray]

والله بالفعل انا ما ارتاح لاكل هذا المطعم
والشئ المميز عنده بكل امانه هو ( اللقيمات )
اما السندويشات والاشياء الاخرى . فهو اقل اقل اقل من العادي ..

[OREO]

لاحظت شي غريب ،، الناس ما تذم في مطعم معين الا يوم يرفع اسعاره ،،

[Chambray]

لاحظت شي غريب ،، الناس ما تذم في مطعم معين الا يوم يرفع اسعاره ،،

بالعكس انا آخر مرة شريت منه يمكن من 3 سنين .. وحطيت وجهة نظري بكل حياديه :nice:
ولا ادري هل رفع سعره ولا لا . لاني مب من النوع الي اروح وارجع عليه دووم

[الفــهد]

ااااااااااااذااااااااا على الاكل الوووووووووووصخ

كل المطاااااااااااااااااااعم وصخه انت سم بااسم الله

وتااااااااااااااااااااكد ماعلييييييييييييك شر


:nice:

[sheme]

ماقد صادني شي منهم بصراحه

[دلال قطر]

مره طلبنا سندويشات دجاج ولحم
والله ان ريحة البوكس لما فتحته ريحة خيااااس الله يديم النعمه
زفررره اكل مب نظيف او انه مخزن بطريقة غلط المهم مب صالح للأكل

اتصلت الا يرد مصري وبكل ثقه يقول لا شغلنا نظيف !!
والريحه من وين جات بالله !!؟

[سلطان قطرر]

يجب علينا ان نتحد ونقاطع المحلات اللي ترفع الاسعار
هذا افضل حل

[nono80]

انا كل ماطلب من عندة يصيدني مغص والم غير طبيعي ومن يومها خلاص كنسلته

[qatar vision]

أمس متعشي من تيك أواي
ما عليه كلام المطعم
لكن أحس أكله ما عاد نفس الأول ، تردى شوي

[وليف الشوق]

انا اشوف ان المطعم راقي صراحه ،، ناهيك عن كثير من الاصناف الغذائية المختلفه والنظيفه ويشهد الله مالي اي مصلحه في مدحهم لكن انا من رواد المطعم واذا جينا لواحد جاه غثيان فاعتقد ان الشخص لايناسبة اكل المطعم او وجود مرض معين لا يعلم به واحنا مانبي نجي ونشهر في مطاعم راقيه ونظيفه ومعروفه خاصه مثل هذا المعطم وبعدين لو جينا للصحيح دام قبلت تاكل في مطعم فانتظر النتيجه اللي تجي بعدها من غثيان ولوعه !! مو جينا ناكل وجاتنا حالة غثيان بسيطه قمنا نشهر في المعطم خاصه عدم وجود دليل كافي لدينا اما ببلاغ الجهات المختصه للتفتيش عن المطعم المذكور او اغلاقه ان ثبت فعلا عدم صلاحية الطعام فارجو من صاحب الموضوع التوجه فورا للجهات المختصه لثبوت وقوع الحدث لكي يتسنى للجهات المختصه اجراء اللازم

[لاجئ عاطفي]

لو اتراقب اسعارهم تلقاهم يزيدون السعر كل 3 شهور ريال او ريالين وهذا صار معاي

[السرمد]

الصراحه كل مطاعم الدوحه تعور البطن ..الا مطعم النبلاء صج اكلهم نظيف

[ضوى]

بصراحة كلمة حق

تيك اوي كل مانطلب منه اكله يكون فرش ولذيذ

وامس الصبح طلبنا منه فطور استقبال والاجانب مدحوا فيه لقالوا بس وخذوا منه لبيوتهم

عيبه الغلا وكل ماله يرفع اسعاره

[w.qatar]

من فتره طلبت منه للدوام مسوين ريوق كل سنويشات الدجاج بالمايونيز ريحتها الله يعزكم كانها ريحته زباله منقعه اسبوع كانت بايته من الليله اللي قبلها الظاهر ولا باقي الفطاير و السندويشات اللي عندهم اوكي
اتصلت ابيهم يرجعون ياخذون اكلهم ما رضوا طلبت رقم المدير اللي رد علي مصري لوتي عطاني رقم طلع غلط

[وحيد-الشوق]

الصراحه كل مطاعم الدوحه تعور البطن ..الا مطعم النبلاء صج اكلهم نظيف

ههههههههههه عاد مالقيت الا النبلاء امحق مطعم في ذمتي غالي عالفاضي :anger1:


من فتره طلبت منه للدوام مسوين ريوق كل سنويشات الدجاج بالمايونيز ريحتها الله يعزكم كانها ريحته زباله منقعه اسبوع كانت بايته من الليله اللي قبلها الظاهر ولا باقي الفطاير و السندويشات اللي عندهم اوكي
اتصلت ابيهم يرجعون ياخذون اكلهم ما رضوا طلبت رقم المدير اللي رد علي مصري لوتي عطاني رقم طلع غلط

:rolleyes2: الحمدلله قطعت هالمطعم خصوصا بعد الزيادة الفلكية للأسعار في بدائل كثيرة واحسن وانظف منه :nice:

[.. الكاش ..]

اكيد بيزيد سعره لانه مافي حسيب ورقيب من حمايه المستهلك للاسف اسم بدون فعل الا في بعض الامور البسيطه بس شاطرينلي في شغل البضاعه التجاريه وله زياده الاسعار وهي الاهم الف علامه استفهام

[gprs]

صدقوني مافي احلى من ريوق البيت او اكل البيت

[miss.qa]

اي انا مرة ترقدت فالمستشفى بسبته ترجيع قوي جداااااا وحطولي مغذي حتى المغذي يوم حطولي اياه حطوة غلط هههه يومها ماترقعت :@

[كلمة المرور]

هنالك 300 حالة تسمم للعسكريين المشاركين في اليوم الوطني 2011 من هذا المطعم ،،

كلامك صحيح اتذكر هذه الحادثة
ورواها لي رفيجي احد العاملين بإدارة الحراسات

تيك اوي رقدواا العساكر بالمستشفيات

هذا يمكن يكون عمل ارهابي :taunt::funny::funny:

[كلمة المرور]

اي انا مرة ترقدت فالمستشفى بسبته ترجيع قوي جداااااا وحطولي مغذي حتى المغذي يوم حطولي اياه حطوة غلط هههه يومها ماترقعت :@

ههههههه
الله يعينك