جربت تسوي دايت ( ريجيم ) وفشلت ؟ نجحت ؟ مخطط على هالشي ؟ [الأرشيف]

مشاهدة النسخة كاملة : جربت تسوي دايت ( ريجيم ) وفشلت ؟ نجحت ؟ مخطط على هالشي ؟

H H

11-04-2013, 09:39 AM

السلام عليكم , صباحكم / مساكم فل وياسمين

الدايت ,اغلبنا فكر انه يسويه فيوم من الايام سواءاً لنقص الوزن او زيادته او لامور صحيه اخرى تجبره على هالشي
والاحصائيات تظهر نسب كبيرة جداً جداً فالجانب الاول وهو زيادة الوزن ! وبعضها تورينا ان الشعوب تصرف مليارات
للوصول الى الوزن المثالي لكن للاسف دائماً نسبه بسيطه جداً جداً هي الي تنجح فمسعاها وتوصل للي تبيه !

من اقوى الاسباب فهالشي هو اتباع حمية خاطئة او مضره او فيها من المشاكل مافيها !
وايضاً ضعف الاراده لكن هالشي الواحد يقدر يعالجه بنفسه ولو الارادة لها علاج جذري وسهل لكنا الآن نتجول فالاندلس صائحين الله أكبر !

اغلبنا اذا قرر يبي يبدا حمية صحيه ومفعولها قوي وسريع يبحث فغووغل عن اسرع الطرق اسهلها افضلها وغيرها من المصطلحات !
وببحث سريع الان لقيت عناوين مثل , اخسر 15 كيلو في عشرة ايام , اخسر كيلو كل يوم , اخسر ثلاثين كيلو في شهر
وعناوين تخلي النحيف وده يسويها لالشيء ولكن لمفعول العنوان القوي وارسالها احساس للشخص ان الموضوع مثل السحر !!

انواع الريجيم في عالم الانترنت كثيره جداً جداً جداً من ريجيم البروتين الى ريجيم الفواكة انتهاءاً بريجيم التراب وانتو بكرامه
الرياضة ايضاً لها جانب قوي جداً والنصائح الخاطئه فيها تخليك تتعب على غير سنع وتضر بجسمك ولاتعطيك النتيجه المطلوبة!

اغلبنا يبي افضل طريقة ويبي يتفادى الأخطاء عشان لايروح تعبه على الفاضي !
لكن للاسف المسالة ماتتوقف على التعب بس! ايضاً الاضرار الصحية لها دور كبييير وياكثر الي دخلو في نظام
صحي في الاكل وطلعو منه وهم عندهم الضغط والسكر وبعضهم توصل فيه لاضرار فالكلى كان في غنى عنها !

هل هالشي معناها الواحد يتوقف عن المحاوله ؟ ويترك الريجيم ويفوض امره لله ويكمل حياته بعدم رضى عن نفسه؟
او يبحث يبحث عن النظام الصحيح الي يوصل للي يبيه بافضل واسرع واسهل طريقة!

كثر مننا جربو الدايت, وكثر نجحوا في مسعاهم ووصلو للي كانو يبونه وبشكل ممتاز وبنتائج اعلى من المتوقعه !
لكن للاسف ايضاً كثر مننا جربوا الدايت وفشلوا وتحطموا واُحبِطوا وزادت اوزانهم عن ماكانت بكثييير والنتيجه عكسية!!

هالموضوع ماراح احط فيه افضل نظام للأكل , أفضل نظام للرياضه مع الريجيم! راح يكون لتجاربكم افكاركم نصايحكم
وتعليقاتكم عن الموضوع , وان شالله فالايام القليلة القادمه راح اكتب عن افضل الطرق في الأكل وبعدها أفضل الطرق فالرياضه
وكيف الواحد يمشي عليهم مع بعض بكل سهوله وبدون احساس نفسي بالحرمان وايضاً بكل الرضى عن نفسه ..
وراح انزل لكم تجربتي في انقاص الوزن مع انها ماتسمى سمنة بالمعنى الحرفي لكن التجربة خير برهان على
صعوبة او سهولة الشيء اذا تم عمله بالشكل الصحيح

M7ammd

11-04-2013, 10:57 AM

هلا اخوي H H

لي فترة ابي اكتب عن هذا الموضوع و بما انك كتبت الموضوع فـ احب اشاركك تجربتي الي اعتبرها و لله الحمد ناجحة في مجال الدايت , بس قبل ان ابدا احب اوضح نقطة لاخواني و اخواتي لانها فعلا مهمة و للاسف يتم استغلالهم بطريقة غير اخلاقية و سلب اموالهم منهم على امل انقاص الوزن .

انتشرت في الفترة الاخيرة حبوب اسمها Sliming max

http://image.tradevv.com/2010/07/28/yuanyuan83_1384202_600/natural-max-slimming-capsule.jpg

للاسف الحبوب هذي كان سعرها 300 ريال وتباع عن طريق بعض التجار و وصلت الى 500 ريال بسبب الاقبال عليها ( البوكس فيه علبتين كل علبه فيها 25 حبه ) احب اوضح لاخواني ان الحبوب سعرها الاصلي ما يتجاوز 9 دولار , والي يحب يتأكد ممكن يدخل بنفسه لموقع امازون و يشوف بنفسه .

والي يحب يتأكد بنفسه هذا رابط موقع امازون وعارض فيها الحبوب بسعر 9.09 دولار

http://www.amazon.com/Natural-Slimming-Capsule-Bottles-Caps/dp/B005B73G2Q/ref=sr_1_1?ie=UTF8&qid=1365664581&sr=8-1&keywords=slimming+max

الي حاب فيكم يطلبها يشترك مع بريد اراميكس و يسجل في امازون و يطلب لها 10 مع التوصيل ما يوصل سعرها 500 ريال

لما

11-04-2013, 11:00 AM

لا لتغيير النظام الحياتي بل تغيير بطئ لا ينتبه له الاخرون
1- لازم اول شئ تزعل من نفسك تقنع نفسك انك لازم تضعف مو تقول جسمي زين بس فيني كرش؟
2- لازم تحذف كلمه حرمان او تجويع او تغيير لنظام اكلك لانك ماراح تقاوم بسبب الضغط النفسي والعصبي وتقنع نفسك وانت تضعف انك ماتنحرم من شي وتطبق هالشئ فعلا
3 لا تخبر احد ابدا حتا لا تتشتت / يكون هناك تركيز عليك/ وربما يحبطوك احنا مانحب الدايت مستحيل انسوي دايت وهالكلام ؟
4 - تغييرات بسيطه قد تحس بجوع خفيف جدا لا يوصل لمرحلة انك تتضايق في اوول يومين واعيد في اول يومين فقط بعدين بتنسا انك تخفف اصلا
التغييرات هي وبكتب علا حسب النظام الجاري في قطر يعني اكلنا اللي احنا متعودين عليه لان اي تغيير معناته بعد الدايت بترجع لاكلك وكانك يا زيد ماغزيت
اولا استبدل الحليب في شاي الحليب الصباحي الكرك بحليب دايت واعمل به كرك عادي مع سكر سبيلندا
الخبز يكون اسمر فيشبعك اكثر وحدد الكمية حبه او حبتين بريد والجبن دايت او بيض
ثانيا نصف النهار عصير مع اي وجبة خفيفة خفيفة
الغدا نحذف الرز ونشوي وجبة البيت اللي هي دجاج او سمك او لحم في الفرن مع شوربة وسلطة
المغرب قهوه وقطعه حلا بحجم صغير جدا
العشا سندويش خبز اسمر تونه او بيض او فول مع عصير برتقال بدري الثامنه
الويكند كافئ نفسك باكل برا بدون تكثيييييير
وبس ثاني اسبوع اي رياضة محببه

واهم نصيحه اذا تستمتع بالاكل وهذي نقطه ضعفك دور علا متع ثانية تشبعك نفسيا قراءة قران/ مكالمة صديق / قراءة / سباحة / رقص/ اللعب مع اطفالك/ وغيره علا حسب اهتماماتك

وادعي الله التوفيق في الثلث الاخير من الليل واستغفر في اليوم علا قد قدرتك وهذا اهم سبب وتذكر عندما تجوع انك سوف تكسب اشياء جميلة وهي الرشاقة وانس السالفه لين تضعف

بونووف

11-04-2013, 11:14 AM

هلا اخوي h h

لي فترة ابي اكتب عن هذا الموضوع و بما انك كتبت الموضوع فـ احب اشاركك تجربتي الي اعتبرها و لله الحمد ناجحة في مجال الدايت , بس قبل ان ابدا احب اوضح نقطة لاخواني و اخواتي لانها فعلا مهمة و للاسف يتم استغلالهم بطريقة غير اخلاقية و سلب اموالهم منهم على امل انقاص الوزن .

انتشرت في الفترة الاخيرة حبوب اسمها sliming max

http://image.tradevv.com/2010/07/28/yuanyuan83_1384202_600/natural-max-slimming-capsule.jpg

للاسف الحبوب هذي كان سعرها 300 ريال وتباع عن طريق بعض التجار و وصلت الى 500 ريال بسبب الاقبال عليها ( البوكس فيه علبتين كل علبه فيها 25 حبه ) احب اوضح لاخواني ان الحبوب سعرها الاصلي ما يتجاوز 9 دولار , والي يحب يتأكد ممكن يدخل بنفسه لموقع امازون و يشوف بنفسه .

والي يحب يتأكد بنفسه هذا رابط موقع امازون وعارض فيها الحبوب بسعر 9.09 دولار

http://www.amazon.com/natural-slimming-capsule-bottles-caps/dp/b005b73g2q/ref=sr_1_1?ie=utf8&qid=1365664581&sr=8-1&keywords=slimming+max

الي حاب فيكم يطلبها يشترك مع بريد اراميكس و يسجل في امازون و يطلب لها 10 مع التوصيل ما يوصل سعرها 500 ريال

استعملت هالحبوب 2010 وكنت اخذها من الامارات على 160 .. وبعد ماخلصت قلت بدور فالنت ولقيتهم بنفس السعر اللي ذكرته 9 دولار ..والعام وصلني برودكاست واحد عارض الحبوب ب500 واستغربت منه وحتى قلت له من وين تجيبهم وماكان يجاوبني على السؤال
وكان يقولهم انه اللي من امازون تجاريه ومادري وشو فالاخير كلهم نفس الشي

تحداني

11-04-2013, 11:25 AM

عن نفسي جربت اعيش بطريقه صحيه والحمد لله على هذا الحال من سنوات
اكل اكل بعيد عن المقالي والدهون
احاسب على نسبه السكر
استبدل الكامل الدسم بالخالي او القليل الدسم
اعتمد على القمح الاسمر في كل شي
والرياضه جزأ لا يتجزأ من حياتي
واحافظ على صحتي ولياقتي دائما

يمكن هالشي يرجع للوالده وحرصها الدائم علينه
وكانت دائم اتحاول اتغير عاداتنا الغذائيه .. صابت مع البنات لكن مع الشباب البعض منهم لا
لانهم معظم الوقت برا البيت .. وعندي " 2 " من اخواني عندهم اصابات تمنعهم من بعض انواع الرياضه

مافي شي يحافظ على الوزن المثالي غير
انك تتعلم ايش معنى الاكل الصحي .. وانك اتعرف ايش تاكل والكميه
والرياضه .. وانك اتحب صحتك ونفسك وجسمك

غير جذي ما اصدق اي نوع من الادويه ولا اي نوع من المحاولات لان طريقها مؤقت وكاذب

المتن ما جى بالراحه
فلا تتوقع الرشاقه تجي بالراحه :)

جملكم الله برضاه

سارونه

11-04-2013, 11:30 AM

لا الحبوب والا الدخول في نظام غذائي صارم يؤدي الى الضعف ابدا ابدا

بل الارادة القويه بداخل الانسان :( اذا تريد الرشاقة فتحدث مع نفسك بان لابد من التقليل من الاكل

بالنسبة لي جربت جميع الادوية فالعالم وبصوره سيئه مما ادى الى تعب (الكبد) وانهيار المعده :(

نصيحتي هي : الاردة القويه فالشخص نفسه فالوصول الى الرقم المميز - ويعطي نفسه راحه يوم بالاسبوع
بيوصل لمبتغاه - تحياتي للجميع :)

مبارك سعد

11-04-2013, 11:32 AM

هلا اخوي h h

لي فترة ابي اكتب عن هذا الموضوع و بما انك كتبت الموضوع فـ احب اشاركك تجربتي الي اعتبرها و لله الحمد ناجحة في مجال الدايت , بس قبل ان ابدا احب اوضح نقطة لاخواني و اخواتي لانها فعلا مهمة و للاسف يتم استغلالهم بطريقة غير اخلاقية و سلب اموالهم منهم على امل انقاص الوزن .

انتشرت في الفترة الاخيرة حبوب اسمها sliming max

http://image.tradevv.com/2010/07/28/yuanyuan83_1384202_600/natural-max-slimming-capsule.jpg

للاسف الحبوب هذي كان سعرها 300 ريال وتباع عن طريق بعض التجار و وصلت الى 500 ريال بسبب الاقبال عليها ( البوكس فيه علبتين كل علبه فيها 25 حبه ) احب اوضح لاخواني ان الحبوب سعرها الاصلي ما يتجاوز 9 دولار , والي يحب يتأكد ممكن يدخل بنفسه لموقع امازون و يشوف بنفسه .

والي يحب يتأكد بنفسه هذا رابط موقع امازون وعارض فيها الحبوب بسعر 9.09 دولار

http://www.amazon.com/natural-slimming-capsule-bottles-caps/dp/b005b73g2q/ref=sr_1_1?ie=utf8&qid=1365664581&sr=8-1&keywords=slimming+max

الي حاب فيكم يطلبها يشترك مع بريد اراميكس و يسجل في امازون و يطلب لها 10 مع التوصيل ما يوصل سعرها 500 ريال

الشيخ ممكن نعرف وش فائدتها على الجسم ومضارها أيضآ ضروري 0

M7ammd

11-04-2013, 11:48 AM

استعملت هالحبوب 2010 وكنت اخذها من الامارات على 160 .. وبعد ماخلصت قلت بدور فالنت ولقيتهم بنفس السعر اللي ذكرته 9 دولار ..والعام وصلني برودكاست واحد عارض الحبوب ب500 واستغربت منه وحتى قلت له من وين تجيبهم وماكان يجاوبني على السؤال
وكان يقولهم انه اللي من امازون تجاريه ومادري وشو فالاخير كلهم نفس الشي

يا رجال هم الي يقولون هذا الكلام للمحافظة على مصلحتهم ويبيعون بـ هالسعر , والله اخوي اذكر انها تنباع بـ 300 ريال و قبل فترة جاني خبر انها صارت بـ 500 ريال و امس كنا نسولف عنها و قالي واحد جرب تدخل امازون شوف سعرها و فعلا لقيتها بـ 9 دولار لو تطلب 10 منها سعرها بيوصل 365 من غير الشحن الي ما راح يتعدى 100 ريال , يعني انت بهالطريقة خذيت 10 علب بسعر علبة وحده تنباع فالدوحة .

اتمنى من اخواني و اخواتي ما يسمحون لجشع التجار بـ اللعب عليهم واستغلالهم للوصول لارباح ماليه كبيره .

M7ammd

11-04-2013, 11:50 AM

M7ammd

11-04-2013, 11:52 AM

الشيخ ممكن نعرف وش فائدتها على الجسم ومضارها أيضآ ضروري 0

والله اخوي هي حبوب تخسيس و تاكل حبه عالريق الصباح و بعض التجار يقولون انها تنقص من 8 الى 12 كيلو فالشهر بدون رياضة و بدون رجيب و للاسف هذا الكلام غير صحيح.

boali

11-04-2013, 11:55 AM

في احد جرب هذه الحبوب
وخفف عن طريقها

OM_OMAR_QATAR

11-04-2013, 12:20 PM

هلا اخوي h h

لي فترة ابي اكتب عن هذا الموضوع و بما انك كتبت الموضوع فـ احب اشاركك تجربتي الي اعتبرها و لله الحمد ناجحة في مجال الدايت , بس قبل ان ابدا احب اوضح نقطة لاخواني و اخواتي لانها فعلا مهمة و للاسف يتم استغلالهم بطريقة غير اخلاقية و سلب اموالهم منهم على امل انقاص الوزن .

انتشرت في الفترة الاخيرة حبوب اسمها sliming max

http://image.tradevv.com/2010/07/28/yuanyuan83_1384202_600/natural-max-slimming-capsule.jpg

للاسف الحبوب هذي كان سعرها 300 ريال وتباع عن طريق بعض التجار و وصلت الى 500 ريال بسبب الاقبال عليها ( البوكس فيه علبتين كل علبه فيها 25 حبه ) احب اوضح لاخواني ان الحبوب سعرها الاصلي ما يتجاوز 9 دولار , والي يحب يتأكد ممكن يدخل بنفسه لموقع امازون و يشوف بنفسه .

والي يحب يتأكد بنفسه هذا رابط موقع امازون وعارض فيها الحبوب بسعر 9.09 دولار

http://www.amazon.com/natural-slimming-capsule-bottles-caps/dp/b005b73g2q/ref=sr_1_1?ie=utf8&qid=1365664581&sr=8-1&keywords=slimming+max

الي حاب فيكم يطلبها يشترك مع بريد اراميكس و يسجل في امازون و يطلب لها 10 مع التوصيل ما يوصل سعرها 500 ريال

حسبي الله ونعم الوكيل
والله كل هالحبوب تلف ، انتو شوفو يمنعون الحامل والمرضع من اخذها ليش؟
لانها تلعب لعب بالهرمونات .. يعني حتى البنت مفروض ماتاخذها
وبعدين يصير عليها ادمان، نعم تضعف بس لازم تستمر عليها طول العمر
والا ترد تمتن وانت الممنون

لابأس

11-04-2013, 12:27 PM

افضل نتيجه انقاص وزن وتجويع شفتها,
كانت نتيجة الممثل Christian Bale في فيلم The Machinist

استخدم فيها القهوه السوداء بدون سكر والتفاح الاخضر او علبة تونه .

اعملوا بحث بسم الفيلم وشوفوا كيف صار عظم .

المده ( 4 اشهر )

شيوخه

11-04-2013, 12:44 PM

يا رجال هم الي يقولون هذا الكلام للمحافظة على مصلحتهم ويبيعون بـ هالسعر , والله اخوي اذكر انها تنباع بـ 300 ريال و قبل فترة جاني خبر انها صارت بـ 500 ريال و امس كنا نسولف عنها و قالي واحد جرب تدخل امازون شوف سعرها و فعلا لقيتها بـ 9 دولار لو تطلب 10 منها سعرها بيوصل 365 من غير الشحن الي ما راح يتعدى 100 ريال , يعني انت بهالطريقة خذيت 10 علب بسعر علبة وحده تنباع فالدوحة .

اتمنى من اخواني و اخواتي ما يسمحون لجشع التجار بـ اللعب عليهم واستغلالهم للوصول لارباح ماليه كبيره .

وصلت 800 ريال توه بنت خالي أمس أستلمته من تاجره :rolleyes2:

بوحارب

11-04-2013, 12:54 PM

أنا كل يوم اسوي رجيم بس مجرد ما أشوف العيش ينتهي برنامج الحمية مالي

qatarman8008

11-04-2013, 01:02 PM

جربت كل انواع الحميات الغذائية .. لاني في الحقيقة لا اصدق ان هناك علاج لتخفيف الوزن ليس له اي اثار جانبية ..
الحمية الاولى هي لتخفيف الوزن .. والثانية للمحافضة على الوزن وتجنب الزيادة ..
لكن اولا .
يجب زيارة طبيب مختص في مجال الحمية للتعرف على طبيعة جسمك الفسيولوجية .. والتعرف على العنصر المسبب لزيادة الوزن.. حيث ان البعض يزداد وزنه عند تناول النشويات والبعض الاخر يزداد وزنه عند تناول البروتينات او حتى الماء .. على العكس من البعض الاخر ..
وبعد التعرف على هذا العنصر.. يتم تجنب الاطعمة المحتواة عليه .. وستكون النتائج ملحوظة في فترة بسيطة..
لكن عموما ..
ابتعد عن الاكل المقلي.. والدهون بكل انواعها ..
اشرب كثيرا من الماء..
ابتعد عن الحمية القاسية .. قد تعود عليك بنتائج سلبية ..
لا تخصص وقت للرياضة.. ولكن اجعله روتين يومي.. مثل ان تصف سيارتك مسافة كيلو تقريبا عن مكان العمل .. لا تستخدم المصعد او الدرج الكهربائي ..وهكذا..
الرياضة ليست الجري فقط .. يستحسن ممارسة رياضة يشارك فيها اكبر عدد من العضلات في الجسم .. مثل السباحة وتمارين اللياقة البدنية باستخدام اوزان خفيفة..
النوم المنتظم في الليل .. يساعد كثيرا وبشكل ملحوظ على تخفيف الوزن .. ويساعد ايضا على تنظيم نشاط هرمونات الجسم ..

H H

11-04-2013, 01:12 PM

قليل جداً الي ردودهم كانت في صلب المووضوع, يعطيكم العافيه وراجع لكل الردود باذن بالله

M7ammd

11-04-2013, 01:26 PM

في احد جرب هذه الحبوب
وخفف عن طريقها

للاسف الاقوال تتضارب فيه ناس تقول تنفع و ناس تقول لا (( الله اعلم )) بس للامانة مافيه شي ينزل وزنك وانت بنفس البرنامج يعني بدون دايت او رياضة الا وله ضرر جانبي .

M7ammd

11-04-2013, 01:28 PM

حسبي الله ونعم الوكيل
والله كل هالحبوب تلف ، انتو شوفو يمنعون الحامل والمرضع من اخذها ليش؟
لانها تلعب لعب بالهرمونات .. يعني حتى البنت مفروض ماتاخذها
وبعدين يصير عليها ادمان، نعم تضعف بس لازم تستمر عليها طول العمر
والا ترد تمتن وانت الممنون

انا افضل مراجعة طبيب قبل استخدام اي منتج

M7ammd

11-04-2013, 01:34 PM

وصلت 800 ريال توه بنت خالي أمس أستلمته من تاجره :rolleyes2:

اختي ادخلي الرابط حق امازون و بتلاقين سعرها 9 دولار يعني حوالي 33 ريال في العلبة .. وقولي لها ترى مالها ذاك المفعول السحري .

M7ammd

11-04-2013, 01:45 PM

قليل جداً الي ردودهم كانت في صلب المووضوع, يعطيكم العافيه وراجع لكل الردود باذن بالله

السموحة اخوي بس حبينا نشارك معاك في تجاربنا

bu.jassim

11-04-2013, 02:37 PM

احسن طريقه تنقص الوزن هي ان تسكر الحلج اول شي
ثاني شي انك تستشير دكتور او مختص في التغذيه لان مب بس تعال ونقص وزنك ولا اكل هالشي ولاتاكل هالشي .. لان في النهايه الجسم محتاج سكر وبروتين ... الخ

انا عن تجربتي الشخصيه اشتركت في عياده نيوترشن والدكتور عطاني نظام امشي عليه

وزني يوم بديت كان 143 الحين الحمدلله صار 89 تقريبا .. والمفروض انه يكون وزني المثالي 85 او 80 .. وخذت لي حول السنه تقريبا عشان اخسر هالوزن .. والمفروض انه بأقل من سنه اوصل الوزن المثالي بس تميت الخبط اخر الايام

ويعطيك العافيه ع الموضوع :nice:

Locale

11-04-2013, 02:50 PM

سويت دايت قبل سنتين
كنت اكل كل اللي فخاطري بس ماشبع نفسي
مثلا اذا الغدا مجبوس ماترس الصحن مثل قبل وازيد من السلطه اكثر علشان احس بالشبع
مع المشي نص ساعه او 45 دقيقه يومياً
كان وزني ينزل بشويش خلال ثلاث شهور نزلت عشره كيلو
كلت كلشي حتى الجبس المقلي اكله بس مب حد الشبع
دايت الحرمان ماينفع وياي لان لو حرمت نفسي من اكلات احبها ماراح استمر
واذا استمريت بس انزل وزني راح ارجعه دبل عن قبل
والحين عقب ولادتي راح ارجع اسوي نفس الرجيم

شيوخه

11-04-2013, 02:54 PM

bu.jassim

11-04-2013, 03:10 PM

وين مكانه بقول حق بنت خالي تروح احسن لها ماشاء الله شكله اوكي

هو له فرعين الي كنت اروح له في المعموره صوب حدائق الفردان وسوق السمج
وفي فرع ثاني اعتقد في المرخيه بس مادله اطلبي رقمهم من كيوتل وبيدلونج وين مكانهم

وهو بصراحه زين وماعليه كلام وياب نتيجه بس اهم شي تلتزمين فيه .. يعني اي شي يقوله الدكتور تطبقينه بالحرف

بو - جاسم

11-04-2013, 04:38 PM

بومحمد

11-04-2013, 06:33 PM

أهم شي في الدايت هو الابتعاد كليا عن المشروبات الغازية واستبدالها بالعصائر الطازجة والتركيز الأكبر على الأناناس

bu.jassim

12-04-2013, 03:26 AM

اخوي اذا تقدر تقولنا اسم العيادة ومكانها ولا تهون

هلا اخوي بوجاسم .. شوف فوق جاوبت على نفس سؤالك للاخت شيوخه :) ..

Qtrqtr

12-04-2013, 11:04 PM

انا سويت عمليه قص معده وريحت حالى من قلب راحه واكل كل الي بخاطري وانزل بعد

بوحارب

12-04-2013, 11:08 PM

انا سويت عمليه قص معده وريحت حالى من قلب راحه واكل كل الي بخاطري وانزل بعد

بس يقولون اللي يسوي قص معده مايقدر يأكل وايد واذا كثر يرجع اللي كلاه:rolleyes2:

التيما

13-04-2013, 02:19 PM

أنا بديت فعلا برجيم التمر واللبن وهو للعلم مب تمر ولبن بس ! فيه كل شي وهو مدته ثلاثين يوم وخسيت فيه ظ،ظ¨ كيلو 18 وبعدين التزمت بالرياضة ولا زلت العب رياضة والحمد لله خسيت كثير والسبب اني شريت الصحن الخاص بالأطفال اللي يجيك مقسم وعلمت الخادمة تحط في قسم رز وقسم سلط وقسم روب وخيار والحمد لله تعودت اشبع بها لكمية الصغيرة ..
وحرصت على ان ما يدخل بيتي إلا كل شي خالي من السكر او قليل الدسم او خالي من الدسم حتى النسكافيه والكوفي ميت والعصاير لازم أشوف كم كالوري و اللبن والحليب والاجبان وغيره .. وصارت عاده وحبيتها اني أشوف كم كالوري في كل شي حتى الكافي والبسكويت والحمد لله ضعفت ولا زلت أضعف مع ان وزني عادي بس حلم الرشاقة واللياقة يراودني ..

theeb_qatar

13-04-2013, 04:32 PM

انا عملت قص معدة عند العمادي تاريخ 9 ديسمبر
الوزن كان 140

الوزن بتاريخ 9 ابريل 102 بدون حركة ولا رياضه ولا بطيخ

شهر سوايل .. شهر مهروسات وكلن على حسب جسمه ومعدته

انا تعبت اول ثلاث ايام فقط .. وبعدها الامور فالروب ..
صحيح صادتني حالة نفسيـة .. اشوف العالم تضرب بالخمس وانا ماقدر اكل ..
بس اللي مساعدني ماقمت احس باليوع .. يعني عادي يمر يوم يومين ما ابلع شي

والحين اموري تمام .. يعني اكل عيش لقمتين واشبع .. وحياتي كلها سوائل

وان شاء الله في هالايام برتب لي كورس شد في مركز v l c c فقط للشد

وثنكس على الموضوع

المحاميه

13-04-2013, 05:17 PM

انا عندي هوس الرجيم وانتبه على نسبة الدهون والسكريات في أي شي ابي اشتريه .. وخففت اكلي والحمدلله وبعد نطمح للافضل ..

اما الرياضه يوم امشي وعشره لا ^^

لازم نعرف ان مب لازم ناكل 24 ساعه وان مافيها شي لو كلنا شوي مب لازم نجرب كل شي

شمس

13-04-2013, 10:03 PM

ريجيم بدون حركه ما ينفع
والحركه تسد النفس شوي عن الاكل
وادمان الشاي الاحمر او الاخضر
الله يرحمنا برحمته وينول كل من يتمنى
وزنا معينا وزنه الذي يتمناة

alsoq

14-04-2013, 09:37 AM

احذرو من ادويه الدايت والتخسيس
نعرف وحده استخدمت ادويه والعياذ بالله شاكين الحين فيها الخبيث ووضحت الفحوصات انها من سبب احد الادويه

ترى ما فيه غير المشي وتنظم الاكل فقط غيره ما فيها

تحداني

14-04-2013, 09:42 AM

مشكلتنا في الدول العربيه وبالتحديد في الخليج
رابطين الرياضه بالضعف .. ورابطين الاكل الصحي بالسمنه
لو فكرنا فيها من زاويه ان الرياضه " صحه .. وحركه ونشاط " وان الاكل الصحي المفروض يكون اسلوب حياه كانت الامور طيبه

عندنا مشكله مع الحركه :) وعندنا مشكله نلقى الاضعاف اكثر حذر في نوعيه الاكل
اما اصحاب الوزن الزائد مجرمين في الاكلات الدسمه
تخيل بس " بطاطا مع زبده :) ومكرونه مع جبنه " ويح قلبي "

جملكم الله برضاه

القطو السمين

14-04-2013, 12:39 PM

باقولكم عن ملاحظاتي على الناس اللي حوالي وللي عرفتهم المتان دايم يسوون رجيم ويشتركون في مراكز الدايت ويسوون رياضة وتضعف مثلا 5 كيلو وتردهم بعدها بفترة ليش انه لما ياكلون مهوب اي شيء يسد الجوع وخلاص لالالالالا لابد من تلذذذ بالاكل شلوون تجي الاكلة دسمة معها مايونيز حتى تسهل البلع او خليط من الجبن فوق الطبق حتى تعطي نكهه هاي شلوون يضعف ولما اراقب اللي اجسامهم حلوة يكون الاكل اي شىء يمشيهم ولما ياكلوون يادووب كم ملعقة وبدون المنكهات السابقة الذكر يعني السالفة ومافيها هي ستايل حياة وقناعات لدي الشخص نفسه اما سالفة ريجيم حل وقتي اللي يبي يضعف تخفيف الاكل فقط مدى الحياة هاي الاجسام المليانه اما المتان يسوون عملية قص المعدة