انهيار سقف هاجن دز

[A bin M]

السلام عليكم

جاني برودكاست عن انهيار سقف هاجن داز الاند مارك !!!

[qatari911]

اشاعه
اذا مجرد برودكاست
فهو اشاعه
الا اذا فيه مصدر طال عمرك

[A bin M]

جاني برودكاست مع الصورة

[حراير قطر]

انهيار سقف هجن دز في اللأند مارك ..
اللهم سلمنا وسائرالامه من كل شر

http://pic.twitter.com/8p9NsgZ1wx

[A bin M]

شكراً على اضافة الصورة

[حراير قطر]

شكراً على اضافة الصورة

العفو :) ...

[قــطــريــه]

نعم انهيار السقف حقيقي وفي المرفقات صورة من قلب الحدث

http://www11.0zz0.com/2013/04/11/08/958151793.jpg (http://www.0zz0.com)

[بونووف]

اخت قطريه ماطلعت الصوره.؟

[قــطــريــه]

اخوي ممكن تشوفها الحين

[قطريه22]

انشالله مايكون في حد موجود


لاحول ولاقوة الا بالله

شكلهم بانيين بماي بحر

مب من فتره كانو مصكرين لاند عشان يشيكون عليه

اي تشييك واي خربطه

حسبي الله ونعم الوكيل على هالاهمال

[qatari911]

قطريه وحراير قطر
اشكركم على نقل الحدث
بوعوف اعذرني على ردي السابق
لان من كثر الاشاعات ماقمت اصدق شي
فسامحني يالغالي

[مرتبش]

الصورة تظهر انهيار السقف المعلق.. ان شالله مافي انهيار في البناء او الهيكل الاسمنتي.

[boali]

ان شالله لاتوجد اصابات

[نوفة قطر]

سوري بس شهالمصخره !!!

يعني اذا هالصوره صج معاناه احنا نواجه مشكله واااااايد كبيره

في غش علني في البنيان

وين المهندسين وين المشرفين ع المشاريع وين اللي يراقبون التنفيذ ومابعد التنفيذ !

لازم تصير كوارث فالبلد عشان ننتبه ؟ .. افرضوا في ناس قاعدين وطاح السقف على راسهم ! جان ماتوا وعشنا مأساة غير مأساة فيلاجيو

بتستغربون لو قلت لكم ان احنا نداوم في برج معرض للخطر ومتكتمين ع الموضوع وماراضين يعترفون !

لو طاح هالبرج على راسنا ومتنا كلنا فوق الـ 200 شخص عقبها راح يقولون ايييييي احنا لازم نجيك ع كل ابراج الدوحه ونتأكد من سلامتها !!

احنا نجهز حق 2022 بهالشكل ؟ بنيان مال بو يومين لو تم لكم لين 2015 احمدوا ربكم

استغفر الله بس

[NINA RICCI]

بسسسم الله @@

[OM_OMAR_QATAR]

بببببببببل ياستار قووووووووية
مو شوي!! عجيب شالسبب !!

لازم تحقيق ..


انا ماعرف ليه حفظونا " كل الي يوصل بالبلاك بيري اشاعي "
زين مافي منطق عقل يتابع او يحقق بالأمر وانتهى

[OM_OMAR_QATAR]

احنا نجهز حق 2022 بهالشكل ؟ بنيان مال بو يومين لو تم لكم لين 2015 احمدوا ربكم

صج تقولين؟؟ زين كيف تداومون؟؟ وين قسم السلامة عندكم وتهيئة البيئة المناسبة للعمل ؟؟

زين .. ارفعي قضية صدقيني بتخسريهم


ولو الي ماعندهم ذمة كثر

[شيوخه]

سوري بس شهالمصخره !!!

يعني اذا هالصوره صج معاناه احنا نواجه مشكله واااااايد كبيره

في غش علني في البنيان

وين المهندسين وين المشرفين ع المشاريع وين اللي يراقبون التنفيذ ومابعد التنفيذ !

لازم تصير كوارث فالبلد عشان ننتبه ؟ .. افرضوا في ناس قاعدين وطاح السقف على راسهم ! جان ماتوا وعشنا مأساة غير مأساة فيلاجيو

بتستغربون لو قلت لكم ان احنا نداوم في برج معرض للخطر ومتكتمين ع الموضوع وماراضين يعترفون !

لو طاح هالبرج على راسنا ومتنا كلنا فوق الـ 200 شخص عقبها راح يقولون ايييييي احنا لازم نجيك ع كل ابراج الدوحه ونتأكد من سلامتها !!

احنا نجهز حق 2022 بهالشكل ؟ بنيان مال بو يومين لو تم لكم لين 2015 احمدوا ربكم

استغفر الله بس


اي والله صاجه


بعد خل يشوفون المجمعات اليديده عدل اللي صوب اللاند ليكون البنا خرابيط بس يبون يخلصون يبنون ويفتحون لنا مجمعات الله يستر علينا

[نوفة قطر]

قطريه 22 .. اي كل شيء يمشي بالواسطه

حتى لو كل شيء غلط فالتأسيس .. اسم صاحب المشروع يمشي الاوراق ويمررها
في غلط وناس تموت .. عادي لان مالك المشروع الشخص الفلاني تيك ات ايزززي يمووون علينا

!

يعني وين نتكلم ! كل شيء قاعد يصير وكل كم يوم نسمع عن حادثه غريبه ومحد يلتفت

أم عمر .. اي والله من صجي اتكلم والحين جاري ترقيع البنيان ..!!

:secret:

[um.7moody]

:omg::omg::omg::omg::omg::omg:

لاحول ولاقوة إلا بالله .. لين متى واحنا على الحال يعني لين ماتصير كارثه ثانية بعد فيلاجيو

احنا عندنا أعيال ونخاف عليهم يعني مانطلعهم مايغيرون جو نقعد في البيت من خوفنا عليهم :anger1:

[جراسا]

اشدعوه كرتون؟؟!!

[khalid525]

الحين بيقولون هاي نتيجة الهزة الارضية :)

[قــطــريــه]

الحين بيقولون هاي نتيجة الهزة الارضية :)

قالو ان بسبب هوه ارتدادية وسوء تصميم من المهندس

طبعا الكلام واجد لكن الحقيقه راح تكون مخفيه عن الرأي العام كالعاده

[قطريه22]

الحين بيقولون هاي نتيجة الهزة الارضية :)




ماينلامون اذا قالو نتيجة الهزه الارضيه

تدري ليش


لان المباني بانيينها شكلهم بماي بحر

لا مراقبه ولا بطيخ

وتلاقيها ملصقه اي حركه بسيطه طاحت

عاد شوف التصريح الي بيقولونه

كله خرطي

[وطن]

الموضوع الظاهر مافي صيانه على الدكتات ولا حد انتبه ان تعليقاتها ضعيفة ولا خربانه
وطاحت ع السقف و انهدم الجبس







ماينلامون اذا قالو نتيجة الهزه الارضيه

تدري ليش


لان المباني بانيينها شكلهم بماي بحر

لا مراقبه ولا بطيخ

وتلاقيها ملصقه اي حركه بسيطه طاحت

عاد شوف التصريح الي بيقولونه

كله خرطي

ممكن سؤال
شلون يبنون بماي البحر؟؟

قصدج يستخدمون رمل مو مغسول
!!!

[قطريه22]

الموضوع الظاهر مافي صيانه على الدكتات ولا حد انتبه ان تعليقاتها ضعيفة ولا خربانه
وطاحت ع السقف و انهدم الجبس







ممكن سؤال
شلون يبنون بماي البحر؟؟

قصدج يستخدمون رمل مو مغسول
!!!

الماي الي يستخدمونه في البنيان من البحر

[وطن]

الماي الي يستخدمونه في البنيان من البحر

مايصير يستخدمون ماي البحر في البنيان

الماي المعالج ممكن

[sweet qatar]

لا حول ولا قوة الا بالله.. عسى مافي اصابات..؟؟!!

[بطل الفريج]

بيب التكيف طاح على السليتكس .

[قطريه22]

مايصير يستخدمون ماي البحر في البنيان

الماي المعالج ممكن


هو ممنوع


بس يكون غش

[لاجل QT]

يامامي شنهو ذي

المكان اللى فية اكبر خفسة مكانى اللى اقعد فية

الله يحفظ الجميع طمنونا انشالله مابة اصابات

[وطن]

هو ممنوع


بس يكون غش

اختي

لو كان في غش مثل ما قلتي
جان اللاند من زمان طايح
مو توه يطيح دكت فيه

[A bin M]

قطريه وحراير قطر
اشكركم على نقل الحدث
بوعوف اعذرني على ردي السابق
لان من كثر الاشاعات ماقمت اصدق شي
فسامحني يالغالي

مسموح :)

[Locale]

اوووبااا
هاي صج !!

[قطريه22]

اختي

لو كان في غش مثل ما قلتي
جان اللاند من زمان طايح
مو توه يطيح دكت فيه



لا انا بس اقول جي يعني

مادري عنهم اذا صج بانيينه بماي بحر او لا


اذكر من كم سنه صادو دناكر ماي تسحب من البحر وتوديهم لمكان البنيان

فلقت يمكن يسوونها

[Locale]

لحظه لحظه
مب هالجهه اللي طايحه اللي كانت فيها سلاسل حديد
يمكن من ثقل السلاسل طاح :secret:

[قطريه22]

لحظه لحظه
مب هالجهه اللي طايحه اللي كانت فيها سلاسل حديد
يمكن من ثقل السلاسل طاح :secret:



ههههههههههههههههههه

[A bin M]

لحظه لحظه
مب هالجهه اللي طايحه اللي كانت فيها سلاسل حديد
يمكن من ثقل السلاسل طاح :secret:
ههههههههه

شدعوووه ..!!!

[حمد 2002]

أضن مالك الاندمارك هو نفسه مالك فيلاجيو :secret: ؟!!! ،،،

ممممم نطالب الجهات المختصه بالدوله بأغلاق مجمع الاندمارك بالكامل على اثر هاذا الحادث واجراء تحقيق بالموضوع ، لحين التأكد من توافر جميع أحتياطات الأمن والسلامه بالمجمع :victory:

[A bin M]

حمد لله ما كان في وقت المغرب وله العشاء

لانه هالمكان يكثير فيه الناس

[قطريه22]

أضن مالك الاندمارك هو نفسه مالك فيلاجيو :secret: ؟!!! ،،،

ممممم نطالب الجهات المختصه بالدوله بأغلاق مجمع الاندمارك بالكامل على اثر هاذا الحادث واجراء تحقيق بالموضوع ، لحين التأكد من توافر جميع أحتياطات الأمن والسلامه بالمجمع :victory:

مستحيله يسوونها

[A bin M]

أضن مالك الاندمارك هو نفسه مالك فيلاجيو :secret: ؟!!! ،،،

ممممم نطالب الجهات المختصه بالدوله بأغلاق مجمع الاندمارك بالكامل على اثر هاذا الحادث واجراء تحقيق بالموضوع ، لحين التأكد من توافر جميع أحتياطات الأمن والسلامه بالمجمع :victory:


نتمنى إن يكون ذلك :)

[زمان]

الحين من :eek5: دز هاجن دز:eek5:

يارب مافي إصابات

الأعضاء الي يروحون له المفروض omen عليه

والا بعدين ماعندكم غير قهوة الصيادين

[شيخ الديرة]

شنو تتوقع من شغل هندي ياخذ 1000 ريال بالشهر ؟؟

[قطريه22]

شنو تتوقع من شغل هندي ياخذ 1000 ريال بالشهر ؟؟

لا حرام اشذنب الهندي

قول مافي مراقبه على العمال وعلى طريقة البنيان

يجيبون لك عامل جديد اشلون يبني ؟؟

لازم حد يراقبه ويتأكد من شغله

[شيخ الديرة]

كنت رايح ويه العائلة الى مطعم المأكولات البحرية لونغ جون سلفر هنا بالدوحة بعد ما فتح بأسبوع, بس طلعوا الناس اللي كنا راح ناخذ طاولتهم, وقعت شندلير الأنارة على الطاولة ألله سترهم وسترنا. المهندس والمراقب ما يستطيع مراقبة كل حركة يقوم بها العامل, مستوى معين من المراقبة على الشغل العام, وليس على كل برغي وسلك ومسمار

[قــطــريــه]

أضن مالك الاندمارك هو نفسه مالك فيلاجيو :secret: ؟!!! ،،،

ممممم نطالب الجهات المختصه بالدوله بأغلاق مجمع الاندمارك بالكامل على اثر هاذا الحادث واجراء تحقيق بالموضوع ، لحين التأكد من توافر جميع أحتياطات الأمن والسلامه بالمجمع :victory:

نعم صحيح كلامك صاحب اللاندمارك هو نفسه صاحب فيلاجيو (الربان)

[متروس]

يوم من الايام الاندمارك بيصير مال بسطات وشغل سوق الخميس والجمعة

[قطر العطاء]

يوم من الايام الاندمارك بيصير مال بسطات وشغل سوق الخميس والجمعة

اتوقع قريبا جدا

[شيخ الديرة]

يوم من الايام الاندمارك بيصير مال بسطات وشغل سوق الخميس والجمعة


اتوقع قريبا جدا



تعليقات غريبة

[فرهود]

قضاء وقدر والحمدلله على كل حال .

[مبتعث]

احسنوا الظن يا جماعة

تصريح وزارة الداخلية في تويتر
( سقوط جزء من سقف احد المحلات بمجمع اللاندمارك اثناء اعمال الصيانة دون اصابات .. ولا صحة لما يثار حول اغلاق المجمع من ناحية السلامة العامة )

اتوقع والعلم عند الله
ان عامل من الوزن الثقيل كان يسوي الصيانة
نزل ونزل معاه السقف ههههههه

عالعموم الحمدلله مافي اصابات

[الجنوبي]

الحمد لله ان محد كان تحت السقف قبل لايطيح

[معماري قطري]

[QUOTE=وطن;8828717]الموضوع الظاهر مافي صيانه على الدكتات ولا حد انتبه ان تعليقاتها ضعيفة ولا خربانه
وطاحت ع السقف و انهدم الجبس







هذا أقرب شيء للحاصل .. أصلاً المبنى حديد وسقفه حديد وقوي لكن العيب في تعليق الدكتات إنه أي كلام، ومع الوقت ضعف التعليق وفرطت وإحتمال للزلزال تأثير بسيط.

صارت نفس هذي الحادثة من زمان بس على مستوى كبير في مركز المعارض القديم اللي هدموه، والسبب إنه تم تعليق الدكتات في الحديد المكون للفريم الثلاثي الأبعاد المسمى ب space frame وفي نقاط ما تتحمل أي وزن وطاح السقف بجزء كبير.

السبب ببساطة الجهل وقلة خبرة العماله وحتى المهندسين الموجودين.

[دااانة قطر]

جاني البرود وما صدقت والمغرب رحت أخذ لي فستان ونسيت السالفة ويوم طلعت ذكرتني بنتي
أشوف الأمن مستتب

[باراكودا]

انا من اليوم ورايح بلبس مع الثوب خوذة داخل المجمعات

[سما الوطن]

من احد العاملين بالمحل
كان هناك تسريب مياه بالسقف من شهر وتم اهمال من قبل المحل
وهو سبب سقوط الدكتات

[الجوكر90]

نعم صحيح كلامك صاحب اللاندمارك هو نفسه صاحب فيلاجيو (الربان)

ﻻ خطا كلامج
الاند صاحبه الربان
فيلاجيو شراكه بين واحد من اخوان الامير وواحد من عيال الامير والربان مدير فيلاجيو والمسؤول عنه

[dream~qa]

تضخيم .. تضخيم .. تضخيم <<< حال بعض الردود في المنتدى .

[بنت شرق]

ايش سالفة انهيار الاسقف من اسبوعين سقف غرفة سقط باحد المدارس والحمدلله انه الانهيار صار بالعطلة

[كازانوفا]

تعليقات غريبة



هههههههههههههههه اه والله تعليقات غريبه كل اللى حولي يسالوني على ايش تضحكي
:nice:

[Abdulla Al.F]

تضخيم .. تضخيم .. تضخيم <<< حال بعض الردود في المنتدى .

:nice::nice:

[التيما]

يعني ماشاء الله اللاند كم عمره يا جماعة !! ترا تصير والحمد لله محد كان موجود .. بس المطلوب الحين الحرص ويشيكون لان اللاند عمره ماشاء الله من مبطي !! معناته البنيان قوي ..
إذا الواحد يبني حق نفسه وأهله ويراقب ومعاه مهندس ويراقبهم وبعد يطلع البنيان جنه تجاري يعني اللي باني ب مليون واللي يبني بخمس مليون نفس الشي ..

[محبـرة الفكـر]

الله يستر بس ،

هالأيام مايبي لنا الا نرجع مثل زمان اول

كشتات وبر .. بلا مجمعات بلا هم ولا هم يحزنون

[رفيق الصحراء]

هذا يسمونه استهتار ولازم فيه محاسبه عشان اللي يفكر يبني اي شي يفكر 100 مره قبل لايبني
والله عييب
ملايييين تنصرف بره وفلوس وخير واخر شي مانعرف نسوي شغل عدل وكامل بدون عيوب

ترى القادم اخس بعد
وخصوصا الحين شغل كثير بيكون بالبلد ونبي نخلص قبل كاس العالم
يعني ابشروا بالشغل السيء اللي مو غريب علينا