متى بنشوف تلفريك في قطر وين المكان المناسب له

[فريج النجادة]

متى بنشوف تلفريك في قطر

وين تتوقعون المكان المناسب لة

[قطريه22]

مره وحده تلفريك



خلنا بدون تلفريك احسن


والا لايطيح في الناس

[ابـو مــحــــمـــــد]

كان فيه فكره موجوده في السابق
يعملونه من حديقة البدع الي جنب مسرح قطر بتجاه جزيرة النخيل
ولعكس ولكن تكنسلت الجزيره والفكره معاها

[المحقق كونان]

المكان : جبل دخان

[فريج النجادة]

من سوق واقف الى الكرنيش

من كتارا الى لوسيل

من سيلين الى العديد

[راعي الدتسن]

مش عاوزين..!!!

[لابأس]

حنا لا عندنا جبال ولاجزر ولارتفاعات ؟!!
يمكن بين عمارات الكورنيش قد ينفع,

وفوق ذالك سرعته فيها بطء.

[Crown]

ششششدخل وين قاعدين حق تلفريك هههههه

لاجبال ولا مناظر ولا له فايده التلفريك عندنا لافي جبال ولا اماكن سنعه تصلح لتلفريك

[jassim_007]

انا اطالب بقطار الموت

و ديزني لاند

و ماوكلي لاند
و ليون كينج لانج
و كومار لاند

[jassim_007]

صح نبي بعد مملكه سندباد و علاء الدين

انني اطالب من هذا المنبر بسرعه تدخل المسؤولين و حل هذا الازمات قبل ايصال اصواتنا للامم المتحده و جمعيه حقوق الانسان
شكرا

[يوسف0]

على طول خط 22 فبراير

والمنظر فالليل جميل جداً:nice:

[في سبيل الله]

تلفريك لتوصيل العمال الأجانب لأشغالهم عشان اتخف الزحمة
اللي انعاني منها كل يوم الصبح ،،

[رُفق المجنّا]

ذكرتني بواحد مرسل رسالة ع جريدة الشرق يطالب بالاستفادة من أعمال الحفريات في شارع 22 فبراير وتحويلها الى منطقة جبلية !

فيه أكثر من وسيلة للترفيه بما يتناسب مع طبيعة البلد

[storm..]

من كتارا لين الؤلؤه :nice:

[عاشق الشهادة]

التلفريك في قطر سوف يرى النور سنه 2016 بعد تطوير حديقه حيوانات الدوحه ,
بين اسباير وحديقه حيوانات الدوحه .

[ms-qtr]

ممكن بين الأبراج:p

[النهار]

ههههههههه انا قريتها تلفزيون قطر

[النهار]

التلفريك في قطر سوف يرى النور سنه 2016 بعد تطوير حديقه حيوانات الدوحه ,
بين اسباير وحديقه حيوانات الدوحه .

معقوله الحديقه تفتح 2016 :eek5:

[عاشق الشهادة]

معقوله الحديقه تفتح 2016 :eek5:




قول ان شاء الله :)

[حياة]

مانبغي تلفريك

[الجنوبي]

على طول خط 22 فبراير

والمنظر فالليل جميل جداً:nice:

هههههه اي والله يبيله

[bos3eed]

عيل تلفريك, انزين ماقلتلي اي لون تبغيه؟

[اجرام]

باعتقادي انه يحتاج الى مرتفعات وهذا الشي لايوجد في قطر

[معماري قطري]

كان فيه فكره موجوده في السابق
يعملونه من حديقة البدع الي جنب مسرح قطر بتجاه جزيرة النخيل
ولعكس ولكن تكنسلت الجزيره والفكره معاها

هذا أنسب مكان بس ما ادري ليش أفكار بسيطة تنفيذها ياخذ قرون عندنا وفي دول حولنا بسرعة ينفذونها وينفذونها صح.

[باراكودا]

من طعس الاستعراض لين طعس الدهيمى ومن طعس الدهيمى لين راس بوقميص
ومن الديحة لين الخفوس .

[.. الكاش ..]

بين سيلين والعديد مكان مناسب وبصراحه فكره والله مب شرط يكون جبال ومرتفعات ويكملون جميلهم ويسوونه مكان سياحي ويهتمون فيه من جميع النواحي

[ذباح]

فكره حلوه ممكن تكون في محمية الذخيرة

[bu.jassim]

ششتلفريكه ي الطيب ههههههههههههه حسيت ان جبل ايفرست على حدود قطر والسعوديه
:rolleyes2:
خل يعدلون الشوارع وامورنا في السسيفتي

[كلاسيك قطر]

من كثر الغابات الي موجوده في قطر حنى شجار نخيل

[العودي V.X.R]

من طعس الاستعراض لين طعس الدهيمى ومن طعس الدهيمى لين راس بوقميص
ومن الديحة لين الخفوس .

وياحبذا لو يكون من طعس الشيراتون لين بوشنب خبرك خط طويل ومتروس سلاسل جبليه شاهقة الارتفاع :tease:

[alsoq]

يحطونه من جبل دخان لين نخش لانها ارفع منطقتين:)
بس وين المناظر كله حصى هههههههههههههه

[SOONALL]

اشوف لو فتحو اكبر حديقة حيوانات في الخليج وحطون فيها تلفريك
https://encrypted-tbn2.gstatic.com/images?q=tbn:ANd9GcRxPHFFj8PQNLDSFoMxzsDVA4op5ZuDL ctU_5o7QUYzkMLrlsSa

[قطريه ماركه]

حلووو في الكورنيش

من موقع حلوو و فاضي في الكورنيش الى جزيرة النخيل

و لابد من تعديل الجزيرة و استغلالها سياحياً

[لاجل QT]

تلليفريك:eek5:

عندنا:eek5:

وين بنحطة:omen2:


بما ان ماعندنا جبال :)

انسب مكان بين مرتفعات الابراج في الكورنيش:)

[بنت شرق]

عليك افكار تخلي الواحد يحس انه عايش بالامازون ،مش مسطحات ارضية منبسطة

[الخـود]

من بيتنا للدوااااام ارجوكم !!!!!!

[MAZEN37]

المكان من الذخيره لين كونيش الخور
ذكرتني بتلفريك ابها

[عازف الاورج]

صراحه موضوع يستاهل النقاش

انا افضل يحطونه على طعوس العديد

شرايكم ؟؟ هههههههههههه شسالفه هالايام خلصت المواضيع ؟؟

[أخت الكل]

اتمنى من كل قلبي ما أشوفه إلا إذا خلصنا البنية التحتية في الدولة
اتمنى من كل قلبي ما أشوفه إلا إذا توزعت الإراضي على عيال قطر وانتهينا من قوائم الإنتظار
اتمنى من كل قلبي ما أشوفه إلا إذا توزعت العزب على شيبان وعجايز قطر وانتهينا من قوائم الإنتظار

[الدمعه]

لاااااااااا يخوف ،،، يمكن نطيح وإلا شي ،،،، :eek5:


خلونا عالارض والحمدلله كل شي بخير ،،،،


نبي ملاهي سنعه ،،، تمللنا من المجمعات ،،،

[R 7 A L]

فندق شيراتون يبي له تلفريك

[ابوسعود]

خل يشوفون الشوارع بالاول وعقب نفكر في
الباقي
احس اخوانا الخليجيين اللي زارونا ندموا
غلطه ماراح تتكرر بسبب الزحمه
واحنا امرنا لله بنصبر على شوارعنا
حتى يفرجها ربك
وكل مدير يسنع
ادارته وكل وزير يسنع وزارته

[فريج النجادة]

اللهم يسر يارب

[سيمباسون]

لو سوو التل فريك بيمصخرون بنفسهم اكثر من ماهم مصخره ههههه

[الأصيلة]

حتى التلفريك تبغونه؟
ماله لزوم يعني ..هو مجرد وسيلة مواصلات
وتشوف الوديان بين الجبال الشاهقة
والا تبغون تشوفون السطوح...؟

[تغلبية]

ازا كان ولابد يعني :omen2:


اقترح يسوون من اعلى قمة في منطقة الابراج ... الى أعلى قمة في منطقة المطار .. مروراً بالدويحة .. بنشوف احلى منظر في البحر.. غير مالوف وبيفك زحمة ..

واخاف هو نفسه تصيده الزحمة :tease:

[رفيق الصحراء]

حلوه تلفريك
التلفريك مرفوض لسببين اولا اكيييد راح يطيح بالناس

لانه مافي شي سووه وطلع صح شوفوا اللي صار بهجن داز واللي صار بالملاهي ذيك السنه والعبه اللي ماكانت مضبوطه واذا هم شارع مايعرفون يسوون بيسوون تلفريك صح

ثانيا التلفريك ينحط ادا عندك جبال عندك طبيعه حلوه ؟؟؟؟؟ انت لا عندك جبال ولا طبيعه حلوه ايش تبي الناس تشوووف ؟؟؟؟؟؟

شوف اوروبا شوف الطايف شوف لبنان اوكي صح ان شفت تشوف شي جميل وحلو

ادا دبي اللي هي دبي ماسوت احنا شكو نسوي؟؟؟؟

[ابوالعبد]

انا اطالب بقطار من الوكره لين الكورنيش :d وتليفريك

وانشاء جبال اصطناعيه وانهار اصطناعيه وغابات اصطناعيه

ههههههه

[قطري !]

حتى التلفريك تبغونه؟
ماله لزوم يعني ..هو مجرد وسيلة مواصلات
وتشوف الوديان بين الجبال الشاهقة
والا تبغون تشوفون السطوح...؟




هههه



اما السطوح هذي مالها حل


اذا سوو تلفريك انا اول واحد بسكر سطح بيتنا

[رفيق الصحراء]

ان كان بيشوفون السطوح بيشوفون بلاوي
بيلقو ن الولد منخش فوق يدخن وبتلقى الغسيل المنشور
وبتلقى سرير خشب مقطوط فوق وتانكي ماي حلي

[ضوى]

اخبر التلفريك صاعد نازل !!

وين الجبال والطبعية اللي ممكن نستخدم فيها التلفريك

[dm styal]

انا اشوف ماله داعي في بلادنا قطر لما يكون عندنا سفاري للحيوانات + حديقة العاب مائية على مستوى عالمي + ديزني الخليج عقب انفكر

[بو خليفه 123]

من فتره بسيطه جداً تعشيت في مطعم معلّق بالجو بأرتفاع عالي عن الارض كان موقعه خلف المتحف الاسلامي

كانت فكره مؤقته لكن جميله جداً


بخصوص التلفريك لو من ناحية منظر جماليه ياليت يكون ممشاه بين الابراج , او تكون فكره اخرى الا وهي وجود تلفريك بالمناطق الشماليه فوق البر .. نعاين فقع من فوق :shy:

[ولد شرق]

انا اقول يربطونه بين جبال قطر من الشمال لين الجنوب

[تحداني]

متى نشوف تلفريك ؟ ما راح تشوفه ابداً
وين المكان المناسب ؟ ماله مكان في ارض الواقع ولا في الاستراتيجات الوطنيه 2030

اخر حلم وراح يتحول حقيقه هو " القطار "


جملك الله برضاه

[بونووف]

ماعندك جبال ولا وديان ولا اماكن صعب انك توصل لها عشان يحطون تلفريك ...

[رجل مثالي]

من سوق واقف الى الكرنيش

من كتارا الى لوسيل

من سيلين الى العديد

[فريج النجادة]

من سوق واقف الى الكرنيش

من كتارا الى لوسيل

من سيلين الى العديد


:nice: :nice: :nice:

[جراسا]

الله يهديك...التلفريك لازم يكون في منطقة جبلية عالية جدا...مثل تلفريك بيروت او تلفريك تركيا

[رفيق الصحراء]

ولو سوينا تلفريك بتلقى مكتوب من داخله ارقام تليفونات الشباب والبن للبلاك بيري وذكريات واسامي بنات وغير الكلمات الثانيه اللي تعرفونها
فديت فلان وفديت فلانه و و و و و و و و و

لو تدري شركة التلفريك عن سواياكم كان ترفض تعطيكم تلفريك

[bo_hamad]

بين العمارات في السد لين النصر

[الفا برافو]

تخيل تلفريك محطته فوق سوق العلي ويمر باللاند وعلى الطريج يوقف عند المرور..ويمكن محطه ثانيه فوق وزراة العدل وفوق وزارة التجاره وهلم جراا
على الاقل الواحد يوصل بسرعه ولا يحاتي مواقف الابراج
:)

[رفيق الصحراء]

هذي نيويورك مو الدوحه

[مراد2015]

بسوون تلفريك من جسر الخريطيات لين منطقة الابراج


وتلفريك بعد من اشارات المطار لين سوق واقف

وتلفريك من اشاارة رمادا لين الكورنيش

اهم شي التلفريك يكون كبير علشان نقدر نشيل سياارتنا معنا

[نورهان88]

وأنا بعد أطالب بقطار الموت ،،،وديزني لاند نفس التصميم بفرنسا

وبأسرع وقت ،،، هههههههه

[Dana’1]

هو صحيح أول ما أخترع واستخدم التلفريك كان لغرض التنقل بطريقة سريع بين المناطق الجبيلة والوديان
لكن هذا ما يمنع إن بعض الدول تستخدمة كوسيلة نقل وتعطي منظر لها وفيها تغير جو ...خصوصا لربط بين الجزر أو للمشاريع إلي سمعنا إنهم بيسونها بالبحر من جسور وغيرها تربط بين بعض المناطق ..ما يمنع من إستخدام الترام المعلق او ما يسمى بالتلفريك على غرار جزيرة روزفلت في نيويورك..إلي يباري الجسر المشهور عندهم!!

لكن مشكلتنا حسب ما نشوف ونسمع مافية شركات سنعة تضبط المشاريع إلي بالأرض عشان تضبط المعلق!!