حمدو ربكم على مليون 200 غيركم 500 الف وطقطق بها

[jassim69]

«البرنامج» يؤكد إعداد دراسة لرفعها بناءً على توصية من «الـوطني»
مستفيدون من «زايد للإســكان» يطالبون بزيادة قيمة القـــروض
المصدر: أحمد بن درويش - دبيالتاريخ: 12 أبريل 2013

طالب مستفيدون من برنامج الشيخ زايد للإسكان بضرورة رفع سقف قيمة قرض المساعدة الاسكانية المخصص للبناء، بسبب غلاء مواد البناء وارتفاع كلفة إنشاء البيوت، موضحين أن قيمة قرض البناء حالياً ‬500 ألف درهم، وهذا المبلغ غير كافٍ لإنشاء مسكن، ما يدفعهم إلى الاستدانة من البنوك لتغطية بقية كلفة البناء.

وأضافوا أنه يتعين على الجهات المعنية رفع سقف قرض المساعدة من ‬500 ألف درهم إلى ‬750 أو ‬800 ألف درهم، ليواكب ارتفاع أسعار مواد البناء التي تشهد زيادات متكررة في السوق بشكل يضمن استكمال أعمال تشييد مساكنهم.

[العلم]

الحمد لله والشكر على النعمة ..


ولكن هذا الكلام غير صحيح .. لنا أهل فالإمارات وقروضهم فوق المليون حق البناء .. وعلى عهد الشيخ زايد كانت الأراضي مساحتها فوق 2000 بعضها ..
ويمكن هذا المشروع شيء خاص أو لو ظروف معينة ...

وأهل قطر يستاهلون الزيادة .. ويستاهلون كل خير ..

ومافيها شيء لو زادوهم .. هذي بلادهم وهذا خيرهم وهم أولى فيه .. المفروض من يتزوج الولد يبنون له بيت بلااش بعد يسكن فيه مبدئيا بدون ما يتملكه ،، وإذا استقر مع أهله يملك البيت .. مجرد اقتراح:nice:


*

[رجل مثالي]

أخوي بالراحة تحتاج الى 2 مليون ريال لأنشاء أي فيلا في الوقت الحالي

[jassim69]

الحمد لله والشكر على النعمة ..


ولكن هذا الكلام غير صحيح .. لنا أهل فالإمارات وقروضهم فوق المليون حق البناء .. وعلى عهد الشيخ زايد كانت الأراضي مساحتها فوق 2000 بعضها ..
ويمكن هذا المشروع شيء خاص أو لو ظروف معينة ...

وأهل قطر يستاهلون الزيادة .. ويستاهلون كل خير ..

ومافيها شيء لو زادوهم .. هذي بلادهم وهذا خيرهم وهم أولى فيه .. المفروض من يتزوج الولد يبنون له بيت بلااش بعد يسكن فيه مبدئيا بدون ما يتملكه ،، وإذا استقر مع أهله يملك البيت .. مجرد اقتراح:nice:


*

http://www.emaratalyoum.com/local-section/hotline/2013-04-12-1.565298

[لاجل QT]

الحمدالله على النعمة بس القرض لايكفي شراء فيلا تكفي احتياات الاشخاص اللى بيسكنونهاهذا واقع مش تكبر على النعمة..انت تعيش في اغلى دول العالم


وحتى القرض بصراحة المفروض يكون منحة للمواطن من الدولة هذا حقه كامواطن عايش على هذة الارض


سؤال خارج عن الموضوع قليلا؟؟؟

يصير ابدل ارضي وقرضي بيفلا جاهزة؟؟؟

[سهم ماينزل]

500 ألف هذه منحه وليس قرض وتمنح أغلبها للمتزوجات بغير مواطن والمطلقة و و و وفي حالة القرض للرجال 500 فهي للإمارات الشمالية فهي إمارات مدخولها ضعيف جداً وإمارات صغيرة

أما أبو ظبي
فهو 2 مليون

وكان صاحب السمو الشيخ خليفة بن زايد آل نهيان رئيس الدولة حفظه الله أصدر بصفته حاكماً لإمارة أبوظبي القانون رقم 9 لسنة 2008 بإعادة تنظيم قروض المساكن الخاصة للمواطنين في الإمارة، والذي تم بموجبه رفع قيمة الحد الأعلى للقرض إلى مليوني درهم بدلاً من 1.2 مليون درهم، تسدد على مدى ثلاثين عاماً مقسمة على أقساط شهرية متساوية.

اقرأ المزيد : صرف 4 مليارات درهم لـ"قروض الإسكان" بأبوظبي - جريدة الاتحاد http://www.alittihad.ae/details.php?id=60223&y=2012#ixzz2QES7FEXV

[خليفـة]

يستاهل الحمد سبحانه
إحنا بألف خير
وافضل من حال غيرنا بمليون مرة
وللعلم .. لو رفعوا قيمة القرض بيكون ضد مصلحة المواطن .
لأن العقار بيولع وبيطير في العلالي
وهذا الكلام لا يعرفه إلا إلي داخل السوق
ووقتها .. الكل بيغني :
مافيش فلوس يا حبيبي ما فيش فلوس

خليفة

[latof]

انا اتسائل نحن والحمدلله في نعمة في ظل حضرة صاحب السمو الشيخ حمد الله يطول في عمرة ويخليه لنا وبلادنا الحمدلله لديها الخير والله يديم النعم ولها ايادي الخير في اعمار الدول الاخرى والله يعطيه العافيه فلما هالخير لا يعم في قطر الحبيبه وكل قطري يحصل على ارض وقرض في ظل غلاء ورتفاع اسعار الفلل احد الاخوة يحلف ويقول انا من سنه ادور على فله بقيمة مليونيين ولا احصل عليه وهو قطري من مواليد قطر وابيه من مواليد قطر ولكن عندما راح للحصول على الارض والقرض ردوا عليه انت لا ينطبق عليك الشروط مع العلم يقول له اقارب حصلوا على الارض والقرض للعلم الجد مش من مواليد قطر جد قريبه والله يكون في ويفرج عليهم واتمنا الكل يكتب اراءه بصدق . والله احبك يا قطر قد عيوني

[نوار قطر]

الحمدالله على النعمة بس القرض لايكفي شراء فيلا تكفي احتياات الاشخاص اللى بيسكنونهاهذا واقع مش تكبر على النعمة..انت تعيش في اغلى دول العالم


وحتى القرض بصراحة المفروض يكون منحة للمواطن من الدولة هذا حقه كامواطن عايش على هذة الارض


سؤال خارج عن الموضوع قليلا؟؟؟

يصير ابدل ارضي وقرضي بيفلا جاهزة؟؟؟

اي حبيبتي يصير بس لازم تكون الفيلا من ضمن مواصفات بنك التنميه واي مبلغ اكثر انتي تدفعينه ،،، مممم انا احتمال اسوي هالطريقه عن البنيان وغيره :secret:

[بنت شرق]

الحمد لله ...الله منعم علينا ..ومن حقنا نتمتع بنصيب جيد في الدخل والقرض السكني
هاي مافيها فصال ..ولا شوف ايش عند غيرك ..المطالبة بالحق في الزيادة شي طبيعي في ظل وجود
الخيرات والنعم والفائض ...المواطنين من حقهم التمتع بالرفاهية بدولهم الغنية

[لاجل QT]

اي حبيبتي يصير بس لازم تكون الفيلا من ضمن مواصفات بنك التنميه واي مبلغ اكثر انتي تدفعينه ،،، مممم انا احتمال اسوي هالطريقه عن البنيان وغيره :secret:

طيب شنهو الفلل مواصفات بنك التنمية:shy:

[نوار قطر]

طيب شنهو الفلل مواصفات بنك التنمية:shy:


سؤالج صعب ههههههاااي :shy:

بس اعتقد انج لازم تلتزمين بالمساحه اقصد مساحة الارض ومساحة البنيان ، ومثل ماقلت لج اذا اخترتي شي اكبر ومبلغ اكثر انتي تدفعين الفرقيه ،، مممم وايد اعلانات عن بيع فلل بمواصفات بنك التنميه ،، بس بعد بسأل لج وبتأكد :nice:

[لاجل QT]

سؤالج صعب ههههههاااي :shy:

بس اعتقد انج لازم تلتزمين بالمساحه اقصد مساحة الارض ومساحة البنيان ، ومثل ماقلت لج اذا اخترتي شي اكبر ومبلغ اكثر انتي تدفعين الفرقيه ،، مممم وايد اعلانات عن بيع فلل بمواصفات بنك التنميه ،، بس بعد بسأل لج وبتأكد :nice:

اها:shy:

مساحة ارضي اكبر من الفلا اللى عيني عليها:shy:

[نورهان88]

خالة أمي في بوظبي ,,,,,

القرض 2 مليون ريال إماراتي ،،،هيه أبوي

[نوار قطر]

اها:shy:

مساحة ارضي اكبر من الفلا اللى عيني عليها:shy:

اتوقع عادي بس حراام تضيعين مساحة الارض ،،الحين الناس تبي تستاسع وانتي تبين شي اصغر ليش :anger1: فكري في المستقبل :shy:

[لاجل QT]

اتوقع عادي بس حراام تضيعين مساحة الارض ،،الحين الناس تبي تستاسع وانتي تبين شي اصغر ليش :anger1: فكري في المستقبل :shy:

800 متر حلووين للى عينى عليها:shy:

غير سعر الارض في مكان الفلا مولع..وراعيها احتمال كبير يوافق مع فرق المساحة بين الفلتين:victory:

افا عليج لاتحاتين اختج ذيبة ماتهرول عبث:shy:

[شيخ القبيلة]

الحمد لله والشكر على النعمة ..


ولكن هذا الكلام غير صحيح .. لنا أهل فالإمارات وقروضهم فوق المليون حق البناء .. وعلى عهد الشيخ زايد كانت الأراضي مساحتها فوق 2000 بعضها ..
ويمكن هذا المشروع شيء خاص أو لو ظروف معينة ...

وأهل قطر يستاهلون الزيادة .. ويستاهلون كل خير ..

ومافيها شيء لو زادوهم .. هذي بلادهم وهذا خيرهم وهم أولى فيه .. المفروض من يتزوج الولد يبنون له بيت بلااش بعد يسكن فيه مبدئيا بدون ما يتملكه ،، وإذا استقر مع أهله يملك البيت .. مجرد اقتراح:nice:


*

هذا هو الرد الصح

[نوار قطر]

800 متر حلووين للى عينى عليها:shy:

غير سعر الارض في مكان الفلا مولع..وراعيها احتمال كبير يوافق مع فرق المساحة بين الفلتين:victory:

افا عليج لاتحاتين اختج ذيبة ماتهرول عبث:shy:

موفقه حبيبتي :nice:

[لاجل QT]

موفقه حبيبتي :nice:

يوفق الجميع انشاء الله:shy:

[معماري قطري]

يوفق الجميع انشاء الله:shy:

ألحين أكبر قيمة العقار في الأرض

وانتبهي فيه ناس يعرفون أشياء كثيرة تخفي على غيرهم .. ويمكن المنطقة عليها استملاك حكومي أو غيره، واللي يبني ليبيع أو يستبدل ما يهتم نهائياً لتفاصيل البنيان يهمه التسويق بس.

إبني بيت في حدود 700 متر وبيكون بإذن الله في حدود القرض، ومع فترة البنيان سنتين إلى 3 سنين لازم بتتوفر مبالغ إضافية، وبتكسبين بيت مبني بنيان جيد وحسب مزاجج.

بعدين القرض أتوقع انتي بتدفعينه لأنه بيطلع بإسمج وبتدخلين في مسائل قانونية إنتبهي لها واسئلي محامي مختص .. لتسئلين المحامي يكيكي :nice:

[رآعي موآجيب]

500 الف !!!

هذي ماتجي قيمة السور في الإمارات :)

قروض الإسكان في الإمارات 2 مليون درهم ، ولا فيه حد دفع هالمبلغ كامل ، من يوصل لنصف القرض أعفوه عن الباقي

الأمر الآخر الحمد لله على كل حال ، ودايماً نقول الحمد لله ، ولكن حبيت أذكرك بأن المليون والميتين الف قرض يدفع المواطن قسطه كل شهر بقيمة 3346 ريال شهريا ، ويدفع المواطن فوائد البنك للقرض الإضافي للـ 600الف ، وأتوقع انه مايخفاك البنيان عندنا خصوصاً موضوع التشطيبات :nice:

[كحيلآن]

فالسعودية 500 ألف تشتري ارض تطرد به الخيل وتبني بيت دورين مسطح البناء 450 < للدور دورين 900 :)

[كحيلآن]

مشكلتكم فـ قطر اسعار الاراضي المرتفعه .. ومرتفعه جداً كلمة مرتفعه شوي بحق الاسعار الي عندكم .. إذا ماني غلطان كانت توصل فالسابق عندكم في بعض المناطق إلى 450 الف و أقل .. لكن ارتفعت فجأه

[مضارب دوسري]

خالة أمي في بوظبي ,,,,,

القرض 2 مليون ريال إماراتي ،،،هيه أبوي

عيل ريال اماراتي :telephone:
ههههههههههههههه

[ام السعف]

الحمد لله والشكر على النعمة ..


ولكن هذا الكلام غير صحيح .. لنا أهل فالإمارات وقروضهم فوق المليون حق البناء .. وعلى عهد الشيخ زايد كانت الأراضي مساحتها فوق 2000 بعضها ..
ويمكن هذا المشروع شيء خاص أو لو ظروف معينة ...

وأهل قطر يستاهلون الزيادة .. ويستاهلون كل خير ..

ومافيها شيء لو زادوهم .. هذي بلادهم وهذا خيرهم وهم أولى فيه .. المفروض من يتزوج الولد يبنون له بيت بلااش بعد يسكن فيه مبدئيا بدون ما يتملكه ،، وإذا استقر مع أهله يملك البيت .. مجرد اقتراح:nice:


*

اتفق معاك ،،

في كل حرف زائد التشكيل في الحروف

[ام السعف]

يا صاحب الموضوع

مب عارفة ليش تربطون غلاء المعيشة في قطر بعدم حمد رب العالمين

الحين ليش تقول احمدوا ربكم انكم تاخذون مليون ومتين الف وفي الإمارات
ياخذون 500 الف ،، زين البحرين كم ياخذون والكويت كم والعراق كم
والصومال كم ؟

حكومتنا هدفها الأول هو ان ينعم المواطن القطري بحياة كريمة
ووجود مسكن في يومنا هذا توفر للمواطن الحياة الكريمة ما تكفي
القرض اللي ينخذ من ظهره وبفوائد بعد :omen2:

فهل بتستخر على المواطن قرض بيدفعه من جيبه في زمن المليون
ومتين الف ما تييب لك فلة مثل الناس ؟

زعلتني بصراحة ،،

[مواقف النجادة]

اتوقع هذا في الامارات اللي مافيها بترول.. مثل الفجيرة وراس الخيمة .. مب في ابوظبي ..

انا مرة دشيت فريج في ابوظبي جان اشوف شارع كله مدارس .. جان اقول حق رفيجي الاماراتي ماشاء الله الشارع كله مدارس جان يقول هذي بيوت مواطنين .. التوزيعات عندهم ثلات الاف و الفين .. الله يزيدهم ويبارك لهم .

[qatari 111]

انت نقلت وطرحت موضوع .. من غير ماتدري ويش السالفه . وجاي تقول احمدوا ربكم ..

في حد قال لك انه محد يحمد ربه عالنعمه اللي هو فيها ؟

اذا انت تملكت بيت في ايام التسعينات كان ايامه البيت تبنيه ب 250 الى 350 الف فله محترمه وباقي الفلوس في مخباك . ويسحبون من راتبك 800 ريال اذا كنت عسكري والمدني 1500 ريال


الحين الوضع تغير البنيان يادوب يكفي المليون وميتين .. وغير اللي مالهم ارض اللي اقيامهم فوق ال2مليون ريال ..

[Abu JaBeR]

اول الشي الحمد الله

وثاني شئ المليون و 200 مب منحه ياخوي
في النهاية قرض وينسحب من الراتب
والحكومة لو تعطي الشعب أحسن من التبرع بالمليارات لدول أخرى تشتم كل يوم قطر

المليارات الي راحت للكلب بشار قبل الثورة وينها
المليارات الي راحت مصر وينها
الفلوس الي تندفع حق دارفور الي عمرهم مار تنحل مشاكلهم
الأعمار في جنوب لبنان كان حق ناس مايستاهلون الآن يشتمون قطر

أخوي إلى الآن في ناس ساكنين في بيوت أجار

[لاجل QT]

ألحين أكبر قيمة العقار في الأرض

وانتبهي فيه ناس يعرفون أشياء كثيرة تخفي على غيرهم .. ويمكن المنطقة عليها استملاك حكومي أو غيره، واللي يبني ليبيع أو يستبدل ما يهتم نهائياً لتفاصيل البنيان يهمه التسويق بس.

إبني بيت في حدود 700 متر وبيكون بإذن الله في حدود القرض، ومع فترة البنيان سنتين إلى 3 سنين لازم بتتوفر مبالغ إضافية، وبتكسبين بيت مبني بنيان جيد وحسب مزاجج.

بعدين القرض أتوقع انتي بتدفعينه لأنه بيطلع بإسمج وبتدخلين في مسائل قانونية إنتبهي لها واسئلي محامي مختص .. لتسئلين المحامي يكيكي :nice:

هلا اخوى معماري

اولا تقول اكبر قيمة في العقار هي الارض طيب انا بعد لما اشتري الفلا باملك ارض مبنية وخالصة:)

ثانيا فلوس القرض صعب تبنيلي نفس الفلا اللى ابيها نوي وي مستحيل:(

صحيح الفلا تجارية بس فيها مميزات تخلينى اتمسك ابها

ثالثا من كيكي دة؟؟:eek5:

[jassim69]

اول الشي الحمد الله

وثاني شئ المليون و 200 مب منحه ياخوي
في النهاية قرض وينسحب من الراتب
والحكومة لو تعطي الشعب أحسن من التبرع بالمليارات لدول أخرى تشتم كل يوم قطر

المليارات الي راحت للكلب بشار قبل الثورة وينها
المليارات الي راحت مصر وينها
الفلوس الي تندفع حق دارفور الي عمرهم مار تنحل مشاكلهم
الأعمار في جنوب لبنان كان حق ناس مايستاهلون الآن يشتمون قطر

أخوي إلى الآن في ناس ساكنين في بيوت أجار

والله انك صادق احرجتني ماقدر ارد عليك :shy:

[R 7 A L]

والله انك صادق احرجتني ماقدر ارد عليك :shy:

انت انحرجت من رد ابو جابر

انا حزنت :(
من ردة

[Abu JaBeR]

انت انحرجت من رد ابو جابر

انا حزنت :(
من ردة

ان شاء الله ما تذوق الحزن

[بوحارب]

الحمدلله على كل حال

[ملك المشاعر]

الحمد لله على كل حال
والمقارنة ما تنفع بين الدول لاختلاف اقتصاد وموارد وعدد سكان كل دوله
والحمدلله دخل بلدنا عالي
ومن حق مواطني الدولة تمتع بحقوقهم الأساسية والسكن شئ أساسي

[ملك المشاعر]

اول الشي الحمد الله

وثاني شئ المليون و 200 مب منحه ياخوي
في النهاية قرض وينسحب من الراتب
والحكومة لو تعطي الشعب أحسن من التبرع بالمليارات لدول أخرى تشتم كل يوم قطر

المليارات الي راحت للكلب بشار قبل الثورة وينها
المليارات الي راحت مصر وينها
الفلوس الي تندفع حق دارفور الي عمرهم مار تنحل مشاكلهم
الأعمار في جنوب لبنان كان حق ناس مايستاهلون الآن يشتمون قطر

أخوي إلى الآن في ناس ساكنين في بيوت أجار

:nice:

[البحار00]

بوجابر

بيض الله وجهك

[ام السعف]

هلا اخوى معماري

اولا تقول اكبر قيمة في العقار هي الارض طيب انا بعد لما اشتري الفلا باملك ارض مبنية وخالصة:)

ثانيا فلوس القرض صعب تبنيلي نفس الفلا اللى ابيها نوي وي مستحيل:(

صحيح الفلا تجارية بس فيها مميزات تخلينى اتمسك ابها

ثالثا من كيكي دة؟؟:eek5:

يكيكي هو قحطة علي المفيدي الله يرحمه في مسلسل عتاوية الفريج
بطولة حسين عبدالرضا و ... و....


مع تحيات
ام السعف
المرجع التاريخي للمحاماة اليكيكية

[لاجل QT]

يكيكي هو قحطة علي المفيدي الله يرحمه في مسلسل عتاوية الفريج
بطولة حسين عبدالرضا و ... و....


مع تحيات
ام السعف
المرجع التاريخي للمحاماة اليكيكية

اها انا اقول :shy:

هالمسلسل الوحيد اللى ماكنت اتابعة:shy:

مرسى اوي مرجعنا القيم:)

[alsoq]

انا الحمدلله باني بيتي مليون وميه بيت كبير 6 غرف ومجلس برا معا مقلط ومطبخ خارجي بالمخزن وغرفه الخدامه بالحمام الله يكرمكم

تشطيب ديلوكس بعد

الطريقه تسوي الخرايط مو عند اي واحد وانما واحد فاهم في البناء بعد من شان يحدد لك الكميات المطلوبه للبيت
والخطاء فيه ناس تروح للمهندسين معا الاسف ماعنده خلفيه في البناء ويحط على كيفه ولما تروح تبني تفاجئ بن المليون وميتين مو كفايه لان المهندس اخطاء في المواد

انتبهوا من المهندسين ترا الاخطاء منهم بعضهم اسم مهندس فقط وفي البناء ميح

[معماري قطري]

اها انا اقول :shy:

هالمسلسل الوحيد اللى ماكنت اتابعة:shy:

مرسى اوي مرجعنا القيم:)

ههههههه أكيد ما لحقتي عليه هذا أيام التلفزيون أبيض وأسود.

الله يوفقج فيما نويتي تسوين ومسكن مبارك إن شاء الله، والله يوفق اللي بياخذ الأرض والقرض ويقسمها قسمين أو 3 ويبنيها ويبيع أو يأجر.

[al-obaidly]

فيلا دورين يا جامعه تسوى في قطر مع الارض مايقارب 5 مليون ريال يعطون الرجال وزوجته بلاش وزياده يعطونهم قرض 2مليون و200 الف زياده بدون فوايد للمحتاج يستثمر اويسكن يعني يبني في نفس الفيلا يكفى لو الواحد يبغي يعرس يطلع عرسه بلاش والقهر ان لين سلموه الفيلا مافي خصم بدل سكن

[الخزرجي قطر]

الحمد لله رب العالمين حكامنا وحكومتنا ماهم مقصرين في كل شي الله يحفظهم ويطول اعمارهم

[لاجل QT]

ههههههه أكيد ما لحقتي عليه هذا أيام التلفزيون أبيض وأسود.

الله يوفقج فيما نويتي تسوين ومسكن مبارك إن شاء الله، والله يوفق اللي بياخذ الأرض والقرض ويقسمها قسمين أو 3 ويبنيها ويبيع أو يأجر.

على الله يرضى بس في انتظار ردة:shy:

المسلسل لاحقت علية...بس ماتابعتة..كنت مشغولة في اللعب في الشارع:tooth: