للمتزوجات والمتزوجين !!!!

[مضارب دوسري]

السلام عليكم ورحمة الله وبركاته

انا حاب اتحدث اليوم عن التعدد وواجبات الازواج والزوجات وماهي نظرة الطرفين في بعض الامور

طبعا في مواضيع كثيره تحدثت عن هذا الموضوع وكلن عنده وجهة نظره الخاصه فيه واكيد طرحها في المنتدى

اما اليوم انا عندي اسأله للمتزوجات وللمتزوجين

نبدا بأسالة المتزوجات

هل تفضلين زوجج يخونج او يتزوج عليج ؟
لو مثلا اكتشفتي خيانته شنو بيكون قرارج ؟ ولو اكتشفتي زواجه عليج شنو بيكون قرارج؟
شنو الواجبات اللي عليج تجاه الزوج وبيت الزوج ؟
شنو ابرز ملاحظاتج على الازواج؟
وماهي نسبة اعتماد الزوجات على الخادمه ؟

الحين نجي للمتزوجين

ماهي الامور اللي اذا نقصتك ستفكر في التعدد ؟
وماهي الاسباب اللي تدفع بعض الازواج للخيانه؟ ليش مايتزوج مثنى وثلاث ورباع مادام انه باب الحلال مفتوح ؟ وهل الخيانه مثل ما يقول البعض بسبب انه مايقدر يعدل بين الثنتين عشان جذي يروح يخون ؟ هل هذا عذر؟ عشان ماتقدر تعدل تروح تزني مثلا ؟
هل تقوم بواجباتك تجاه زوجتك وعيالك؟ يعني توديهم للمستشفى بنفسك ؟ تطلعهم ؟ تروح تخلص مستلزمات البيت ؟
شنو ابرز ملاحظاتك على الزوجات ؟
كم نسبة اعتمادك على الدريول؟

حاولت قد ماقدر اكون حيادي واتمنى اني وفقت في ذلك :telephone:

وشكرا

[Qatar Angel]

بتكلم بكل صراحه عن نفسي بما اني أنثى وفيني غريزة حب التملك والغيرة شي طبيعي اني أزعل اذا تزوج بو عيالي
لكن افكر بعقلانية اصبر واحتسب الاجر وأتقبل الواقع
لازم اذكر نفسي بالنعمة اللي انا فيها وما انكر عشرة زوجي وفضله علي أبدا
والمره السنعه هي اللي تحفظ اسرار بيتها وعيوب زوجها وتعينه على دينه لكن ملاحظه انه كثير من الأزواج يبي زوجته تقوم فيه وهو مقصر في حقها يعاملها بجفاف ويقسى عليها والله يا إخواني المره الطيبه لو تسمع كلام حلو وشوية اهتمام ورومانسية والله أنها تحب زوجها وتحاول ترضيه بكل شي تقدر عليه
وعلى طاري الخيانة عندي قناعة ان كل زوج يحرص على صلاة الفجر في المسجد بعيد كل البعد عن الخيانة بإذن الله

[بنـ الدحيل ـت]

السلام عليكم ورحمة الله وبركاته

انا حاب اتحدث اليوم عن التعدد وواجبات الازواج والزوجات وماهي نظرة الطرفين في بعض الامور

طبعا في مواضيع كثيره تحدثت عن هذا الموضوع وكلن عنده وجهة نظره الخاصه فيه واكيد طرحها في المنتدى

اما اليوم انا عندي اسأله للمتزوجات وللمتزوجين

نبدا بأسالة المتزوجات

هل تفضلين زوجج يخونج او يتزوج عليج ؟
لو مثلا اكتشفتي خيانته شنو بيكون قرارج ؟

يخون .. ؟ وهذا لن أرضاه ابدا لنفسي

ولو اكتشفتي زواجه عليج شنو بيكون قرارج؟

أهنئه على الزواج ،، وإذا أراد يومي لها ،، فلأعطيه ،،


شنو الواجبات اللي عليج تجاه الزوج وبيت الزوج ؟

اودي واجباتي كما كنت قبل أن يتزوج علي

شنو ابرز ملاحظاتج على الازواج؟

لا تعليق ،، أترك الأمر لكم


وماهي نسبة اعتماد الزوجات على الخادمه ؟

أما أنا فليس لدي خادمة ،، والحمدلله

الحين نجي للمتزوجين

ماهي الامور اللي اذا نقصتك ستفكر في التعدد ؟

الحب ، القناعة ، الرضى ، التعاون ، ،،، إلخ


وماهي الاسباب اللي تدفع بعض الازواج للخيانه؟

بسبب إهمال الزوجة ،، وإذا طلب منها أن يتزوج بأخرى ،، تراقبه

وهذا أكبر خطا

ليش مايتزوج مثنى وثلاث ورباع مادام انه باب الحلال مفتوح ؟

من حقه أن يتزوج بأربع ،، لا نعترض على أمر الله


وهل الخيانه مثل ما يقول البعض بسبب انه مايقدر يعدل بين الثنتين عشان جذي يروح يخون ؟ هل هذا عذر؟
عشان ماتقدر تعدل تروح تزني مثلا ؟

استغفر الله العظيم ،، لماذا يخون إذا سمحت له بالزواج ..؟؟



هل تقوم بواجباتك تجاه زوجتك وعيالك؟ يعني توديهم للمستشفى بنفسك ؟ تطلعهم ؟ تروح تخلص مستلزمات البيت ؟
شنو ابرز ملاحظاتك على الزوجات ؟
كم نسبة اعتمادك على الدريول؟

حاولت قد ماقدر اكون حيادي واتمنى اني وفقت في ذلك

[لاجل QT]

سؤال

ليش رابطين الخيانة بعدم رضى الزوجة ان يتزوج زوجها عليها

الرجل اللى يخاف من زوجتة في موضوع الزواج ولايخاف من ربة اللى خلقة في موضوع الخيانة

زوج خائن حتى لو تزوج 10 حريم هالشي بيكون في دمة متعود علية

بسكم شماعة الخيانة اللى رامينها على راس الزوجة

في حلول مهب حل واحد لموضوع التعدد

الزوجة اذا مارضت تزوج وانتهى الموضوع ..بتقول عيالي بيتى تحمل ماجنته رغبتك.. افضل من انك تخون ربك

الخاين لان زوجتة مارضت ان يتزوج عليها ايش بيقول حق ربة يوم القيامة..بسبب زوجتى ...هالكلام تقص عليه على العباد في المنتديات المجالس اللى هو..مهب على رب العباد

وبس:anger1:

[نيساني]

مستحيل المره ترضى تاخذ عليها لكن تخون تخربط بتزعل بس ولاتاخذ عليها

ياريت لوكان فيه استفتاء للحريم هل ترضين الزوج يخونج والا ياخذ عليج كان غدت هناك علوم!!!

الله المستعان

[أخت الكل]

هل تفضلين زوجج يخونج او يتزوج عليج ؟

سؤال صعب لو قلت أفضل عشيقة فأنا أحلل الحرام ولو قلت لا للزوجة ثانية فأنا احرم حلال
علشان كذا أقولك أفضل أنه يموت علشان ارتاح ويطمن قلبي ان مامعاه احد ويخلي لي ذكرى حلوة

مثلا اكتشفتي خيانته شنو بيكون قرارج ؟ ولو اكتشفتي زواجه عليج شنو بيكون قرارج؟

بالحالتين راح أنفصل عنه ما أطلع من بيتي وما أتطلق منه علشان ما أحرمه من عياله ولا من وجوده بحياتهم لكن بحياتي ماله اي وجود نهائي وأنا مؤمنه بأن الزوج الحقيقي للوحدة هم عيالها ومو زوجها

شنو الواجبات اللي عليج تجاه الزوج وبيت الزوج ؟

بكل الحالات الواجابات كثيره لكن أهمها العيال وتربيتهم

شنو ابرز ملاحظاتج على الازواج؟

حاليا أهم الملاحظات إن الرجل صار يتنصل من مسؤلياته ومكتفي بس بتوفير الجانب المالي لكن في حياة عياله او في أمور البيت غالبيه بيوت قطر صارت المرأة هي المحور الاساسي والخطاء هنا هو خطا المرأة أكثر من كونه خطأ الرجل

وماهي نسبة اعتماد الزوجات على الخادمه ؟

الخادمة لها دور مهم ومعروف ومحدود واول ما تدخل البيت فيه قائمة محدد لها المطلوب منها والوقت اللي تنفذ فيه المطلوب منها
لكن في المقابل انا ضد إن البيت يكون فيه أكثر من خادمة هي وحدة وبس تسهل الحياة علي وتخليني اركز بتربيه وتعليم عيالي والإهتمام بزوجي وبنفسي

[kawkawii]

السلام عليكم

صياغه الموضوع كأنها تحاول تبين أن الخيانه أمر طبيعي مب كبيره من الكبائر ( الزنا) حتى لو كانت بالنظر .. بشكل عام الرجال الفاضي الي ما عنده شغله ولا مشغله اهو الي يفكر في الحريم سواء تعداد زوجات بدون مراعاته لشروط التعداد مثل ما يصير في وقتنا الحالي او بالزنى والمغازل والخيانه على قولتهم!
مجتمعنا مطلوب فيه من الزوجه تزعل وحدها دمعتين وإذا تهورت طلبت بعيد الشر الطلاق إذا حضرته خان مع وحده من زبايل الشارع او الي في الدوامات يتسنكحون:secret:
لكن إذا خانت الزوجه او اشتبه فيها بس ذبحها ونحرها وفضحها وسماها قضيه شرف :anger1:
.....................
هل تفضلين زوجج يخونج او يتزوج عليج ؟

يخوني او بالأحرى ( يزني حتى لو بالنظر) وربي يعاقبه لضعف إيمانه بسم الله عليه وانا آادبه واربيه لان خيانته تدل على قله تربيته ولا يجيب لي ضره تقعد على جبدي وتشاركهم اسم زوجي انا وعيالي بسم الله علي وعليهم
..........

لو مثلا اكتشفتي خيانته شنو بيكون قرارج ؟ ولو اكتشفتي زواجه عليج شنو بيكون قرارج؟

الخيانة أسهل من الزواج ! لان مع احترامي 90٪ من الزوجات الثانيات ما يخافون الله ونيتهم شينه لكونهم رضوا يأخذون واحد متزوج ويخربون بيته ويصدقون ادعائاته على زوجته المسكينه ولا يأخذون موافقتها على هالزواج!

في كلا الحالتين هذا لتصرف يدل على تهرب الرجل وقله تربيته لان مع احترامي اغلب الريالي إذا مب كلهم تفكيرهم مثل الأطفال بالضبط
فالي دراسه وفاهمه في مجال التربيه بتفهمهم طبعا أحسن من غيرها
...........

شنو الواجبات اللي عليج تجاه الزوج وبيت الزوج ؟

أأمن له المكان السعيد الي يفضل دائماً يكون موجود فيه من جميع النواحي
ومن ناحيتي كزوجته أكون صديقته المقربه قبل ما أكون حبيبه وزوجته او سكرتيرته المنزلية ومساعدته الشخصيه
لان آخر العلاقات الي تنفك بسهوله هي الصداقة

...............
شنو ابرز ملاحظاتج على الازواج؟
باختصار شديد جداً جداً ( ابنك على ما تربيه وجوزك على ما تعوديه)
بالإضافة إلى أن الحنه والرأس اليابس والمناحس عمره ما ينفع معاهم
لان مثل ما قلت تفكيرهم غالبا مثل الأطفال والأطفال يبيلهم تحايل:)

................
وماهي نسبة اعتماد الزوجات على الخادمه ؟

نفس نسبه اعتماد الأزواج على السواقين لتوصيل اليهال المدارس وتقضيه مشاوير البيت لكونه دائماً تحت شعار ( مب فاضي) :secret:

أنا اعتمد عليها 30٪ لكن لكوني مريضه سريريا مؤقتا فحاليا أعتمادي زاد طبعا عليها لخمسين في الميه

[بنت شرق]

مايصير ينطرح سؤال هل تقبلين زوجك يخونج ...فالزنا من الكبائر المحرمة
رضت المرأة أم لم ترضى فالله هو المشرع للحلال والحرام وليس العباد

بعدين بالسابق كان لدى الرجل المسلم اكثر من خيار للحلال التعدد وما ملكت يمينه
اليوم الزواج صار العادي ثم المسيار ثم المسفار وهلم جرا يعني في اكثر من بديل
عن الحرام ..

وبعدين الرجل المزواج - وليس المعدد لحاجة ولغاية ولتحقيق مبدأ العدالة - كثيرين وجدا
فالمزواج رجل ..تتحكم فيه الشهوة وليس الرغبة ببناء اسرة وحشيمة زوجته وابنائه
سواء من الاولى او الثانية ومصاهرة العوايل لنسبهم ولشرفهم

[Locale]

افتكينا من مواضيع التعدد كم يوم

مادري شهالتفكير اللي عليكم
يخونج ولايتزوج عليج كلش ماتوفقت في طرح الموضوع

[بوخالد911]

هذا الموضوع قُتل تداولا وبحثا ومناقشة .....................

[مضارب دوسري]

شكرا لمشاركتكم يا اخوان

[m.m.76]

يساومون ع الحرام كأنه أحد الخيارات المطروحة لحل المشاكل الزوجية.......الخيانه حرام رضت الزوجة ولا مارضت..........قيسها على نفسك هل ترضى زوجتك تخلعك وتتزوج غيرك..ولاتصبر على غثاك وتخونك..؟؟؟؟؟؟؟

[kawkawii]

يساومون ع الحرام كأنه أحد الخيارات المطروحة لحل المشاكل الزوجية.......الخيانه حرام رضت الزوجة ولا مارضت..........قيسها على نفسك هل ترضى زوجتك تخلعك وتتزوج غيرك..ولاتصبر على غثاك وتخونك..؟؟؟؟؟؟؟
:nice::nice::nice::nice::nice::nice:

[رهج السنابك]

يعني محسسينا ان الزوج يا حبة عيني مسكين ماعنده الا الخيانه او الزواج الثاني!!!! ليه يا روح امه زوجتك بالحلال ماتكفيك؟ ولا هي شفاحة نفس وعواطف جياشه؟ يا اخون يا اتزوج!
وان مارضت تخليه يتزوج عليها عطى نفسه مبررر الخيانه ان هي السبب بنت اللذينا هي الي ماخلتني اتزوج من جذي خنتها !!!

محسسينا ان الخيانه موضوع اجتماعي مب موضوع شرعي ومعناه زنا وكبيره من الكبائر!
لهالدرجة صار الزنا عند الريايل شي بسيط مثل الكذب او النميمه! ولا عشانه ريال محد يكشفه مب مثل البنت؟!!


استغفر الله العظيم من كل ذنب اثيم

الدنيا صج تغيرت

[king fish]

عندي سؤوال مهم

هل من الممكن ان يتزوج شخص مره ثانيه وتكون على كفالته بالنسبه للأجانب ؟؟؟؟؟

بمعنى اخر هل ممكن اكفل زوجتين؟

[Chanel]

أولا هذا الموضوع بصراحه كبير جدا وخطير
تكلمت عن نفسي كثيرا مع سيدات هل تقبلين بخيانة الزوج او زواجه ؟فأتفاجأ بالطامة الكبرى موافقتهم الصريحه بالخيانه ياجماعه حرااااام مايجوز هذي اكبر الكبائر فترد علي والله ذنبه في رقبته وكل واحد في قبره
للأسف الشديد هذا ردهم الصريح تقبل بالخيانه المحرمه وترفض الزواج
لا أخفيك أكيد مافيه وحده تتمنى وتفرح بزواج زوجها لكن اّذا مافيه خيار اكيد أقبل وأحتسب
أعتمد على الخادمه كأعتماده على السايق في كل حااااااااااااااااااااااااااااااااااجه

[لاجل QT]

أولا هذا الموضوع بصراحه كبير جدا وخطير
تكلمت عن نفسي كثيرا مع سيدات هل تقبلين بخيانة الزوج او زواجه ؟فأتفاجأ بالطامة الكبرى موافقتهم الصريحه بالخيانه ياجماعه حرااااام مايجوز هذي اكبر الكبائر فترد علي والله ذنبه في رقبته وكل واحد في قبره
للأسف الشديد هذا ردهم الصريح تقبل بالخيانه المحرمه وترفض الزواج
لا أخفيك أكيد مافيه وحده تتمنى وتفرح بزواج زوجها لكن اّذا مافيه خيار اكيد أقبل وأحتسب
أعتمد على الخادمه كأعتماده على السايق في كل حااااااااااااااااااااااااااااااااااجه

سوؤال

يعنى لو الزوجة صرحت للزوج بالخيانة((الزنا)) ولا انة يتزوج عليها ...معقولة الزوج بيطيعها في معصية الله!!!!!!!

معقولة ؟؟

سترك يارب

[pink pearl]

الصراحة أنا مايقهرني إلا سؤال شتفضلين زوجج يخونج ولا يتزوج عليج؟؟؟؟
مع احترامي لراعي الموضوع لكنه سؤال غبي جداً والله، حلوة هذي يخونج ولا يتزوج عليج!!

ليش هو بيدي أنا أخليه يخون؟اشدخلني أنا في خيانته ولا زواجه ؟ هذا قرار الزوج نفسه وهو يتحمل نتايجه سواء خان ولا تزوج!! الحين أنت قاعد تحط خيارين في كفين لكن للأسف مافي مجال للمقارنة والتفضيل!!!

كأنك قاعد تسألني شتفضلين التفاح ولا الخمر؟؟؟!؟

ياريت نرتقي شوي في مواضيعنا، امتنع عن المشاركة

[ولـد الخليج]

عندي سؤوال مهم

هل من الممكن ان يتزوج شخص مره ثانيه وتكون على كفالته بالنسبه للأجانب ؟؟؟؟؟

بمعنى اخر هل ممكن اكفل زوجتين؟

ليش تسال:omg::omg::omg::omg::omg::omg::omg::omg: