استفسار الفيزا وستفسار جو لندن

[كلاسيك قطر]

السلام عليكم ورحمه الله وبركاته

اخواني واخواتي انا باذن الله مسافر لندن في شهر 5 او 6

بس ابي فيزا من وين وكم سعر الفيزا وكم مدت الفيزا

وابي اعرف جو لندن في نص 5 وفي شهر 6 اشلون

ويارت لو رد ضروري

[بـن عدوان]

اخوي الفيزا تقدمها في عمارة الشريف اللي في المطار " عند اشارات عبدالغني "

[كلاسيك قطر]

اوكي كم اسعار الفيزا وكم مدنها

[عزووز قطر]

في سنة وسنتين بـ 1600 تقريبا

وفي 5 سنوات بـ 3500 تقريبا

وإذا مب مستعجل تطلع في 15 يوم عمل (( بدون الجمعة والسبت ))
واذا مستعجل تدفع 600 على كل جواز ويطلعونها لك في 3 أيام

[ملك المشاعر]

اقل مده 6 أشهر تقريبا 470ريال

تقديم الطلب أونلاين وتحجز موعد لتسليم الطلب والمقابلة

[احمـد]

وعليكم السلام ورحمة الله وبركاته

بالاول اتمنى لك سفره ممتعه وترجع لنا بالسلامه يارب .

ثاني شي نصيحة لك في بلدان افضل بكثير من بريطانيا وارخص ووناسه بعد , وترى مع احترامي للي يروحوا هناك مافيها الا الشوو وطالعني واطالعك وهاي الي احنا فالحين فيه يالخليجيين .. واذا مصمم على اوروبا عند باريس وعندك المانيا اوكي والفيزه اسهل بيومين تطلعهم وبمبلغ بين 1000-15000 ريال

بالنسبه لاجراءات الفيزه البريطانية هي كالاتي :
1- تروح ياطويل العمر عمارة الشريف صوب المطار , بيعطوك لنك لموقع الالكتروني تدخل في بياناتك , بعدها بنفس الموقع تحجز موعد مع السفارة وتدفع للموعد بالبطاقة . على فكره اذا مالك خلق في مكاتب يخلصولك الموضوع .
2-تدفع في البنك التجاري وتاخذ وصل وتوديه معاك يوم الموعد الي تحجزه .
3- المبلغ نفس ماقالك الاخ فوق
4-خدمة مستعجله تقريبا 500 ريال وخلال يومين -3 ايام بالكثير يطرشولك مسج .
5- تروح وترد بالسلامة ,

[سارا البدر]

لازم تاخذ موعد من موقعهم وتعبي الفورمه قبل ماتروح لهم

واي مكتب سفريات يقدر يسويه لك لانهم يسحبون مبلغ الفيزا من الفيزا كارد

[vur]

اوافق على اللي قال لندن حق الشـو
والله ما فيها من الحلى شي
وربي على ما اقول شاهد
انا رحت لها طاحت رجولي وانا امشي وطالعني واطالعك شالفايده ما دري
حتى حديقة الهايد بارك ست المغرب تصير خرمس
والحياه كلها في اكسفورد وطقته واصلا ً الحياه كلها صانعينها الخليجيين
شلون الحين عندنا الاندمارك مشهور ب استعراض الشباب بسياراتهم والقز
كذا شوارع لندن الشهيرة
اما باقي لندن ما فيها الا متاحف ما تقارنها مثلاً باللوفر في باريس
على اقل مستوى ..

عموما ً اوروبا وبريطانيا حضارتهم الحضارة الرومانية
لما تروح اوروبا وخاصة باريس او ايطاليا تحس بقوة العمارة هناك وحضور الثقافة الرومانية بقوه
لكن لو تروح لندن تحس أن الحضاره الرومانية انهارت هناك لقلة حضور العمارة هناك في الاماكن السياحية.

#بس_اقول
وشكراً

[كلاسيك قطر]

الف شكر لكم ويزاكم الله الف خير بس انا ماكلمكم عن القز شوفني واشوفك انا قصدي الجو اذا حار بارد امطار ثبوج
هاي قصدي

[وحيد-الشوق]

الله اكبر فيزا ب3500 !!!!

صج حرامية البريطانيين :)

[nokia30]

انا حاليا بلندن والجو ربيع مافيه ثلج وامس واليوم الجو شمس وشسوي واي انا حاضر