السفر وقطر

[$بنت شيوخ$]

السلام عليكم حبيت اطرح موضوع بلنسبه للسفر اعرف بنات واجد لين سافرو يقولون يارب مانبي نرجع مش بنت ولا بنتين الا اكثر من عدد اصابعي في حين انا لين سافرت ماقدر اغيب عن قطر اكثر من عشره ايام واصيح على بلادي ومكاني لان ساعات اطول عن عشره ايام اذا كان علاج فهل انا صح ولا هم صح ياريت اسمع رايكم تبي السفر ولا تحب قطر

[Stars]

عندهم فراغ عقلي .. وتحياتي لك .

[koketa]

ليش اهوه لولا قطر كانوا بيقدرون يسافرون أصلا !!!

لا والله ديرتي وبلادي ما في مثلها

انا أجازتي السنويه اخذ اسبوع سفر و 3 اسابيع في قطر اروح كل مكان وازور الاهل واسوي نشاطات

[الخزرجي قطر]

لايصح الا الصحيح في الاول والاخر
الواحد ماله غنى عن ديرته وهله وهذا الشيء الطبيعي
مهما سافرت تحن الى بلدك لكن لاناخذ راي مغالط للواقع

[بنت المطر]

أكيد احب قطر وحتى وانا مسافرة اولهه على الدوحة

خصوصا لما اكون رادة فالطيارة احس بشعور حلو واحنا واصلين قطر

[$بنت شيوخ$]

بس هم مايبون يرجعون ليش

[R 7 A L]

يمكن يبون يهاجرون لبلاد الافرنجه
حيث التحرر والتفسخ والبعد عن اوامر الاهل
التي يرونها تكبل حياتهم

ان شاء الله ربي يتقبل دعائهم
روحه بلا ردة

[التميمي 3]

الله يهديهم بس

مافي أحد يستغني عن ديرته وأهله وجماعته

واللي يقول مانبي نرجع هذا يبي الحريه الكامله من كل شي

[$بنت شيوخ$]

يمكن يبون يهاجرون لبلاد الافرنجه
حيث التحرر والتفسخ والبعد عن اوامر الاهل
التي يرونها تكبل حياتهم

ان شاء الله ربي يتقبل دعائهم
روحه بلا ردة

ههههههههههههههههه موتني من الضحك

[أخت الكل]

أنا حدي أسبوعين برا قطر وأكثر من كذا ما أقدر

والبنات اللي يقولون ليتنا ما نرجع كذابين لان كلامهم مخالف الفطرة

[سيمباسون]

بلادي وان جارت علي عزيزةٌ
واهلي وان بخلوا علي كرامُ

[تغلبية]

يمكن مجرد تعبير عن وناستهم على الحرية وانهم بيرجعون للقيود

مرات اقول مثلهم بس من ورا قلبي

لكن فعلياً حدي 10 ايام .. ولو شفت شي عن قطر في التلفزيون تخر الدموع حتى لو كنت في دبي أو الحسأ:shy:

[وحيد-الشوق]

قطر غير غير الله يحفظها

مره من المرات طولت 4 شهور خارج قطر للعلاج كمرافق والله بغيت اتعقد ضيقه وهم :(

وانا حاليا مسافر سياحة وواحشتني قطر :(

[شبح الصمت]

وليش ما سألتيهم

اشكره الاجابة عندج وما تبين تقولينها ..

والا تبين نتكلم عنهم بقولكـ اي انسان يوم يشوف الطبيعه وهالاشياء يحس بشعور حلو وعجيب ويتمنى انه صدق لو هالبلاد الي زارها تكون موطنه الاصلي ..

لكن الله وعدنا بالجنه وهم لهم الدنيا احنا نشوف هالطبيعة ونتأمل خلقت رب العالمين فيها وجمالها ولكن نعلم أنه الله راح يرزقنا بلي لا عين رأت وآلا أذن سمعت .. فنعمل ونجتهد فالدنيا ونحارب الشهوات لكي نلقى ما وعدنا به ..

بس رفيجاتك شكلهم محكرين لهم او بالاصح ما حسوا بالانتماء لبلادهم ..

الي يحس بانتمائهم لبلاده صدقيني لو رآح ودار وسوى تبقى ديرته في عيونه تسوى كل هالبلدان ..

قولي لهم حامض على بوزكم تهاجرون يالطيور المهاجرة

يمدحون قناة طيور الجنه قولي لهم يفرون عليها او يرسلون رسالة على dream في اقرب حلم رآح تتحق احلامهم

:cry2:
:funny:

[الزعفراني]

اعتقد يقولونها من الوناسة .. يعني ما يعنون المعنى الحقيقي لها ..

ساعات الواحد يسافر ويكون في مكان حلو ووناسه ولا شعور يقول خاطري اطول ما ارجع

[ضوى]

يمكن مجرد تعبير عن وناستهم على الحرية وانهم بيرجعون للقيود

مرات اقول مثلهم بس من ورا قلبي

لكن فعلياً حدي 10 ايام .. ولو شفت شي عن قطر في التلفزيون تخر الدموع حتى لو كنت في دبي أو الحسأ:shy:

اشاطرك الرأي

لو اغيب شهر او اكثر لازم احن للدوحة احن لبيتي لغرفتي للفريج لكل شي حتى سيارتي احن لها :)

واحيانا الكلام يظهر عادي من الوناسة والبراد والجو الحلو والطبيعة يعني مستحيل اللي بيروح الحسا يقول ماودي ارد الدوحة مثلا :secret:

[نوار قطر]

حبيبتي مب لانهم قالو مانبي نرجع قطر يعني هم
قاصدين الكلمه .. لا طبعا كلمة وتنقال .. من زود ووناستهم. او من زود تغير الجو الي هم عاشوه..وكل المسافرين,,مهما قعدو وطولو مردهم بيشتاقون وبيردون حق بلادهم سواء كانو من قطر او غيرها .. وبعدين يعني رحلة العلاج تختلف كليا عن رحلة السياحه مافي وجه مقارنه .. السياحه انتي رايحه بارادتج مب مغصوبه .. رايحه تسوين شوبنق , رايحه تغيرين جو.. بس العلاج رحله غصبا عنج رايحه لها ..العلاج انتي تمرضين مع المريض ..

[XP.Qatar]

يازين قطر وهوى قطر ..

مين مايشتاق أنه قطري .. ولا عاش على أرض قطر ..

بس غالباً إلي ماتشتاق يامفجوعة أول مرة تسافر أو تدور الحرية ..

تحياتي
XP.Qatar

[رفيق الصحراء]

ممكن يكون الروتين والزحمه وجو البلد اللي ماينعرف له وانهم عشر شهور بالبلد فيبون يغيرون ولكن وقت الصج تلقينهم يحبون بلادهم ويبون يرجعون

[قطريه ماركه]

يقولون ان شاء الله ما نرد لأنهم ما يغتربون الغربة الصح سنة سنتين كم اسبوع و يرجعون !!

لكن لو طولوا بالسفر بيصيحووون صياااااح يبون يردون

[قطريه22]

اكيد يوم اسافر واطول احن لبلادي

يمكن لان في دول اوروبا او غيرها عندهم طبيعه وجوهم حلو فخلاص حبو هالمكان

[بونووف]

كلامهم تعبير عن الوناسه .. يمكن يكون مبالغ فيه .. بس اتوقع كل واحد مسافر ويكون مستانس ماوده يرجع للدوام .. ولا للحر .. ولا للزحمه .. ولا للملل ..بس مارده بيشتاق لاهله وديرته بعد فتره

وماتوقع له دخل التعري والانفتاح وهالسوالف

[تحداني]

قبل لا اتسافرين اتقولين ما ودي أرد
بس اتسافرين واطولين تشتاقين صدقيني .. لو ما اشتقتي لابلادج الا تشتاقين لهلج
وربعج .. وجيرانج .. لان صعب تاخذين معاج كل الي يعز عليج

ما عليج منهم بس هم يبالغون شوي ويكابرون :)



الله يسعدكم يارب

[$بنت شيوخ$]

سامحوني كلامكم غير واقعي اقولكم الي اعرفهم بعظهم يدرسون برا وخلصو دراستهم اربع سنوات ويوم خلصو مش راضيين يرجعون ولو الود ودهم يشترون بيوت في لندن وفرنسا ومايرجعون واذا جاو الدوحه اسبوع جاهم اكتئاب وصداع ومرضو انا تحليلي الشخصي هي الانانيه مايحبون الا نفسهم وبس

[سارا البدر]

مافي احلى من ديرتنا ومهما سافرنا مردنا لها ولاهلنا

[أم نواري1]

مالنا غناة عنها
نروح تغيير جو ومشاهد طبيعة ومعالم وآثار
لكن للأبد لا والله مافي أحلى من ديرتي

[Sari]

سامحوني كلامكم غير واقعي اقولكم الي اعرفهم بعظهم يدرسون برا وخلصو دراستهم اربع سنوات ويوم خلصو مش راضيين يرجعون ولو الود ودهم يشترون بيوت في لندن وفرنسا ومايرجعون واذا جاو الدوحه اسبوع جاهم اكتئاب وصداع ومرضو انا تحليلي الشخصي هي الانانيه مايحبون الا نفسهم وبس

شدخل حب النفس ولانانية في الموضوع؟!

[نوار قطر]

سامحوني كلامكم غير واقعي اقولكم الي اعرفهم بعظهم يدرسون برا وخلصو دراستهم اربع سنوات ويوم خلصو مش راضيين يرجعون ولو الود ودهم يشترون بيوت في لندن وفرنسا ومايرجعون واذا جاو الدوحه اسبوع جاهم اكتئاب وصداع ومرضو انا تحليلي الشخصي هي الانانيه مايحبون الا نفسهم وبس

خلاص عيل دام مايبون يرجعون خل يشترون بيوت ويعيشوون هناك من جابرهم يرجعون قطر وخل يقطون الجواز مره وحده .. شاللي جابرهم يرجعون ويمررضون ويتعبون..

[$بنت شيوخ$]

شدخل حب النفس ولانانية في الموضوع؟!

يعني لما ارجع الدوحه عندي اهل احبهم ابي اشوفهم بس هاذولا مايهتمون انهم يشوفون ربعهم واهلهم بس يحبون عمرهم وهاي انانيه

[رفيق الصحراء]

لانهم تعودوا على العيشه هناك والجو العام اللي كانوا عايشين فيه
تعرفون لندن او امريكا او حتى مصر العيشه كيف فيها فاكيد تعودوا ولكن مايقدرون مايرجعون بلادهم وخصوصا البنات اهلهم بقطر ماعتقد يخلونهم يعيشون بره ويتركون بلادهم

[$بنت شيوخ$]

لانهم تعودوا على العيشه هناك والجو العام اللي كانوا عايشين فيه
تعرفون لندن او امريكا او حتى مصر العيشه كيف فيها فاكيد تعودوا ولكن مايقدرون مايرجعون بلادهم وخصوصا البنات اهلهم بقطر ماعتقد يخلونهم يعيشون بره ويتركون بلادهم

الله يهديك هالايام في اهل ههههههههه ضحكتني الابو والام معيشيين عيالهم مثل الاجانب واخس بعد كل واحد على كيفه

[رفيق الصحراء]

^
^
انا قصدت الاباء والامهات القبليين مو مال هالايام اللي يكلم اولاده بالانجليزي والبنت تقول لابوها بابا وامها مامي لا اقصد تربية قبل

لو انا من اخونها او ابوها اروح لها هناك واجرها من شعرها وارجعها بتابوت

[$بنت شيوخ$]

^
^
انا قصدت الاباء والامهات القبليين مو مال هالايام اللي يكلم اولاده بالانجليزي والبنت تقول لابوها بابا وامها مامي لا اقصد تربية قبل

لو انا من اخونها او ابوها اروح لها هناك واجرها من شعرها وارجعها بتابوت

وانا ماتكلم عن حبربش الي اقولك عنهم اكيد عيال قبايل

[رفيق الصحراء]

^
^
^
عيال القبايل اختي مايسوون جذي تقعد بره بلادها واهلها راضييين وماتبي ترجع البلد والامور اللي تقولين عنها واذا القبايل جذي بيسوون عيل اللي مو قبايل مانلومهم لو سوو غلط

لو جذي القبايل اللي تقولين عنهم عيل اقولج سوري لهالكلمه ومحشومين الموجودين زقي عليهم
وحفري حفره وقطيهم واحرقيهم فيها

[حسن]

الصراحه صار عندنا السفر بشكل فضيع الناس تقول صايدها عقر بقر

اصبح من غير معني سوا مزيد من
البلاوي

ولكم في احدي الدول الخليجيه اسوه الذين سبقونا في عهد عزهم ايام الثمانيات
وانظرو الى اي مرحله وصلو

وداعا للعبايه وداعا للحجاب

اليس الصبح بقريب
:(

[تحداني]

يا الهقبايل الي ذابحين روحكم عليها
والله واقسم بالله اعيال فبايل عايشين اسنين برا .. وما يطيقون يردون الدوحه
لا اتحدوني اسمي ترى بسمي وعندي أدله قاطعه بعد :)
خلوني ساكته


جملكم الله برضاه

[تحداني]

خلاص عيل دام مايبون يرجعون خل يشترون بيوت ويعيشوون هناك من جابرهم يرجعون قطر وخل يقطون الجواز مره وحده .. شاللي جابرهم يرجعون ويمررضون ويتعبون..


ومن قال لج ما عندهم ابيوت .. عندهم ابيوت وعندهم كل شي
يعني تقدرين اتقولين شهر في الدوحه .. و11 شهر في فرنسا وربوع لبنان .. وايطاليا
وسويسرا

الخير واجد .. الله يزيد ويبارك

[ام السعف]

ومن قال لج ما عندهم ابيوت .. عندهم ابيوت وعندهم كل شي
يعني تقدرين اتقولين شهر في الدوحه .. و11 شهر في فرنسا وربوع لبنان .. وايطاليا
وسويسرا

الخير واجد .. الله يزيد ويبارك

الحمدلله هالموضوع ما يعنيني لأني ما احب السفر
للحين محافظة على العادات والتقاليد القطرية الأصيلة :shy:

[رفيق الصحراء]

اللي يبي يعيش بره خل يعيش مانقول شي مو مهم بالعكس يخففون الزحمه بس لازم اذا يكونون صوره مشرفه لقطر مو يسوون البلاوي ويفشلون اهاليهم وبلادهم
ومو نقصد القبايل بس الكل اي شخص يحمل الجنسيه القطريه يبغي يعيش بره يعيش برراحته ومو بس يرجع شهر الدوحه لو مايبي يرجع بس دام يحمل الجنسيه القطريه يحترم الجنسيه والبلد اللي منها
اما مايخص قبيلته فكيفه ان شاءالله يسود وجوهم بس لايسود وجه قطر

حتى اللي عايشين اهني واللي يسافرون ويرجعون لازم ينقل صوره صح عن قطر وعن دينه

[q6ri_vip]

انزين بكيفهم لاهم اغلطو ع حد ولا ع سياسة الدولة الله يحفظهم ويستر عليهم وين المشكلة

[تحداني]

الحمدلله هالموضوع ما يعنيني لأني ما احب السفر
للحين محافظة على العادات والتقاليد القطرية الأصيلة :shy:




وايد امحافظه عليها في هالموضوع بالتحديد والله
انا ابصم بالعشره طلعتي قطريه اصليه وأصيله

[$بنت شيوخ$]

والله يفشلون ماشافو خير >>>>>>>>>>> اقول فديت تراب بلادي فديت هواها فديت كل شي فيها