مُساعدتـِكم : افِضل ِبلد رخيصـة لزراعة الأسنان لكبار السـِن

[vur]

السـِلام عليـِكم ورحمـة الله وبركـِآتة
اعضاء واخوان وخوات قطـِر شيـر

محتـأجة اخذ الوالد لزراعـِة الاسنـان ..
وين تنصحـوني كنت مفكرة بتايلند لكـِن قالوا نسبة التلوث كبيرة ..
مين فيكم عنده خبره او سمع عن بلد رخيصـِة من دول شرق اسيـا او تركيا او اي بلد ثاني ..
ومين فيكم بالفعل عنده تجربة يقدر يخدمني ويخدم اي شخص غيري محتاج بالفعل لمعلومات ..
كل الشكِـر لكم من منبر قطر شيـر الرائع على ردودكـِم مسبقاً..
ولا تبخلـون علينا.

اختـِكم / vur

[H H]

حسب ماسمعت وقريت الفلبين خيار مفضّل جداً واسعارهم رخيصه ومن امهر اطباء الاسنان في المنطقه!
وببحث صغير تقدر تلقى تجارب الي راحو وجربو الزراعه هناك ..

بالتوفيق

[SULTAN1]

يقولون ايران رخيصة لزراعة الأسنان

[هارودز]

نفس الشي ايران حسب ماسمعت

[شموخ دائم]

,

,


مرحبا

كل الدول الرخيصه جوها متلوث لانها دول فقيرة ومزدحمه

افضل خيار لك اما

الهند

او

تايلند

والاثنين السكن فيهم رخيص ونظيف
والعلاج رخيص

الهند قريبه وتذكرتها رخيصه
( منطقه بنقلور )

تايلند السفر لها بعيد وتذكرتها اغلا

والخيار لك

ملاحظه
احسبي تكلفه السكن والتذاكر والعلاج والمواصلات والاكل
واحسبي السعر في الدوحه

وشوفي الفرق كم يكون !!
هل تستاهل العمليه او لا

,

,


اخوك

شموخ دائم

[نورهان88]

ايران يركبون الأسنان بدون ألم

[بن غيث]

لبنان

[vur]

اشكركم اخواني وخواتي ما قصرتو
الزراعة في قطر فوق ١٠٠ هذا من ٣ سنوات كنت ابحث الحين اكيد ارتفعت اكثر
بالنسبه لبرا افكر بتايلند اما الفلبين ما فكرت فيها ولا الهند
اذا حد له خبره في الهند يعلمني
سمعت عن النيبال بعد بس المشكله هي التلوث زي ما قلتو وخاصه الزراعة حق شخص كبير في السن
ف اكيد فيه مخاطر.

[H H]

اذا لقيتي اسعار تقريبيه حطيها لنا هنا

[آنا غيــر]

ناس من الاهل مسوين اسنانهم هوليوود سمايل في الاردن ..

والله الشغل عجيب .. ويمدحون اسعارهم بس كم بالضبط ماعرف ..

تقدر تتواصل مع عيادات الاردن تشوف اسعارهم وتسال عن احسن العيادات للزراعه

ايران صراحه الواحد يخاف يروح!!

[qatar.syria]

ادعي الله يفرج عن سوريا وتنزل تساوي اسنانك فيها

[غرِيبهـ]

كانت لي تجربة في تايلند بمستشفى خاص فقط للاسنان
تجربة ممتازه جدا صراحه انا مازرعت بس اخوي زارع عندهم كم سن ومرتاح
جدا بتعامل معاهم

المفروض ارجع لتلبس سن واحد كان باقي بس الظروف ماسمحت
ولبسته هني كلفني 2600 فرق في جوده العمل والنتيجه بين هني وهناك

الرابط ان شاء الله يفيدك اي سؤال حاضرين

http://www.qatarshares.com/vb/showthread.php?t=507112

[مكين]

يقولون الأولين

من استرخص اللحم خانت به المرقه

حاسبوه من نقل الفيروسات مثل الإيدز والكبد اجاركم الله

[ولد العلي]

كانت لي تجربة في تايلند بمستشفى خاص فقط للاسنان
تجربة ممتازه جدا صراحه انا مازرعت بس اخوي زارع عندهم كم سن ومرتاح
جدا بتعامل معاهم

المفروض ارجع لتلبس سن واحد كان باقي بس الظروف ماسمحت
ولبسته هني كلفني 2600 فرق في جوده العمل والنتيجه بين هني وهناك

الرابط ان شاء الله يفيدك اي سؤال حاضرين

http://www.qatarshares.com/vb/showthread.php?t=507112

شكراً أختي غريبة ما قصرتي

[كود نمبر]

انصح بجمهورية بيلاروسيا
طب الاسنان متقدم فيها وهي دوله رخيصه والعلاج ممتاز فيها
ولد خالي عالج امه هناك وعمل لها زراعه كامله والتكلفه كانت رخيصه
وفيها طلاب عرب وخاصه من اهل الشام يتعلمون طب الاسنان هناك

[عيون الدوحة]

كم الفترة إلى بتقعد فيها لزراعة الأسنان ،
أنا عندي وحدة نت الأهل خذت حول السنة للأسنان كامله
وتبين وجود عظم الفك خربان وتم تبديله وحالة
سوت في الدوحة كلفها ٨٠ ألف

[قطرية مثقفة]

أخوي انه مسويه تلبيسات للأسنان في المستشفى الدولي في بانكوك ومسويه حق بنتي تقويم عندهم وحق ولدي عملية خلع أسنان العقل لانه نموهم جاي بشكل افقي يضغط على الأسنان @@ بصراحة المستشفى نظافة وأجهزة متطورة وعناية ومحد يشتغل في شي الا متخصص واستشاري @@ والسعر نص سعر الدوحة @@ يمكن اللي قايل لك عن مستشفيات بانكوك مش نظيفة رايح ارخص الأماكن @@وللعلم المستشفى الدولي مايدخله الا شريحة الأثرياء التايلنديين وبصراحة انه انذهلت لحجم الخدمات والعناية بالمرضى ، يعني تصور أخوي ان كبار السن التايلنديين تروح لهم سيارة خاصة للبيت وتاخذ المريض مع مرافقه للمستشفى في سيارة مجهزة بتجهيزات عالية @@ والله وانه قاعده بس أشوف هالخدمات تمنيت مستشفى يقدر الإنسان في قطر. *