ممكن تعطوني افكار هدايا رجاليه ..

[بنـت الغالـي]

السلام عليكم ورحمة الله وبركاته ..

ابي اهدي زوجي بس ماابي شي مألوف ..
ابي شي جديد
ماابي قلم . ساعه . زرار . عطر . جوال . نظاره ..

ابيكم تعطوني افكار بالنسبه للرجال ..
او النساء اللي يهدون ازواجهم .. دلوني على شي جديد


وشكرا ^_^

[حراير قطر]

اهديه سيارة خاطره فيها :rolleyes2:

[بو خليفه 123]

يستاهل ابو العيال

كم الميزانيه ؟

[ضوى]

اهديه سفرة لعمرة او سفرة سريعة او حجز فندق بالدوحة

هالهدايا لها قيمة تذكارية خاصة لانه يكون فيها تصوير وذكريات

[dm styal]

اهديه ساعة وقلم الماس وازرار

[بنـت الغالـي]

الميزانيه محدوده ..
بس اذا في شي يستاهل ممكن اتسلف واخذ له ..

يعني فكرت برقم جوال تكون بدايته مثلا 55001987
اورقم سياره رباعي 1987 على سنة الميلاد

بس الارقام اللي خليت اخوي يشيك عليها كانت لهنود او شركات

وهو يعشق ريال مدريد .. كلمت ولد اخوي يفصل له بدله باسمه حق ريال مدريد
وابي اغراض ريال مدريد بس مااعرف من وين .. وقلت بطبع علم ريال مدريد على مخدته

[شقردي]

صباح الخير للغالين

[بنـت الغالـي]

بخصوصج حراير قطر ..
ههههههههه اوووفر سياره خليني اخلص اقصاد سيارتي اول =(
انا مااقدر اخذ له شي قيمته فوق 200 الف وتم الاقصاد على راسي 5 او 6 سنوات

ابي شي معقول حتى لو غالي بحدود

[حراير قطر]

بخصوصج حراير قطر ..
ههههههههه اوووفر سياره خليني اخلص اقصاد سيارتي اول =(
انا مااقدر اخذ له شي قيمته فوق 200 الف وتم الاقصاد على راسي 5 او 6 سنوات

ابي شي معقول حتى لو غالي بحدود

ههههههههههههاي

لانج انتي قلتي تبين شيء غير مألوف

مثل اللي ذكرتيهم ما في الا هالهديه

بخصوص انج بتسلفين عشان هديه :rolleyes2:

اخذي شيء على حسب امكانيتج

والله يعينج ...

[بنـت الغالـي]

ماعندي مشكله اتسلف حق شي يسوى
بس اكيد مو مبلغ كبير .. باخذه من اهلي
المهم تكون هديه حلوه

[دوحة الجميع]

مكن تهدينه غتره وعقال وقحفيه أو سروال وفانيله ونعال .

[بنـت الغالـي]

الغتره والعقال احس لازم هو اللي يختارها صعب ..
اما السروال والفانيله =( انا ودي احرق اللي عنده بعد اشتريله ههههههههههه

اما النعال فكره منتازه ^^

[نوار قطر]

هدايا الرياييل محدوووده..ساعه,.قلم. زرار.. ماانصحج في رقم الجوال لان ممكن انه مايستغنى عن رقمه القديم.. اخذي له جهاز جواال يديد مثلا فيرتو ...اخذي مجموعة عطورات فرنسيه وعود ودهن العود واكرمتي نعال فارس او سيزار بشيوتي.... مممم شنو بعد .. نرجع حق الساعه والقلم والزرار اخذي له او ماركه ماقد خذتيها من قبل مثل كارتير او مونت بلانك اشيائهم حلووه ومع المحفظه ..

[بنـت الغالـي]

كارتير فكرت فيها اما مونت بلانك خذت له منها ..

وبالنسبه لسيزار اول مره اسمع عنها ..
وين احصلها ف الدوحه

ويعطيج العافيه اختي

[بن غيث]

:nice:
اهديه سفرة لعمرة او سفرة سريعة او حجز فندق بالدوحة

هالهدايا لها قيمة تذكارية خاصة لانه يكون فيها تصوير وذكريات

[شبح الصمت]

اخذي له ساعة نمبرقيني الجديده وقلم وزار بس نمبرقيني الذهبية الجديدة روعه روعه

[بنـت الغالـي]

عندك فكره اخوي كم اسعارهم ؟

[القنيطرة]

يستاهل من يتسلف له ها يـا بنت الغالي :omen2:

المهم نصيحتي روحي معاه الحسا واستاجري مزرعه بمرافقها :nice:
بتستانسون وفكره جديدة على ما اعتقد ,
ومابتخسرج وعلى قد الي عندج وبدون لاتتسلفين ريال واحد من اهلج .

[vur]

الهدية مو بقيمتــها
الهدية بمعنـاها .. اذا هو يحب مثلاً ريل مدريد
ممكن تاخذين العلم تودينه لـ اي خياط حريمي
وتخلينه مثلاً يسوي لك ست ( تلبيس هيد كراسي السياره + وشاح + تلبيسـة قلم + تلبيسة جوال + تلبيسة ريموت سيارة )
يعني هذي مثلاً افكار بس راح تعني له الكثير لانها مو متوفرة
ولانها اختراعك

< يا رب افوز بـ احسن فكرة يمكن يطلع لي شي من الـ 200 الف :shy:
مفروض تشجعون اللي يفكرون عنكم :nice:

[لاجل QT]

اممممم

الهدايا اللى يحبها الرجل ..سجلي عندج

سيارة اذا في الامكان

رقم سيارة مميز

تلفون غالي سعرة مع رقم تلفون مميز

ساعة فخمة من 50 الف وطالع مع انها هدية تقليدية الا ان لها وقع على القلب الساعة الفارهة مثل رولكس يخت ماستر

سفرة الى اي مكان للتجديد

غرفة نوم جديدة

حجز اسبوع في افخم فندق..بس بعد يبيلج تهدينة هدية اذا رحتو الفندق مثل مجموعة عطور رجالية فخمة او قلم ديبون مثلا

والله يديم المحبة بينكم ويبعد عنكم العين

[شبح الصمت]

سعرها في الدوحة قريب الـ 7 بس شي راقي

وعندج بعد اخذي له عطورات توم فورد عطرين بس ما يحضرون على بالي

يعني البكيج كامل يمكن يطلع عليج في بحر الـ 10 او يمكن اقل

ويستاهل والله يديم المحبة امبينكم والا يفرقكم ويبعد عنكم كل حاسد

[بنـت الغالـي]

الله يسمع منكم ..

وافكار بجد روووعه فدتوووني فيها

ماقصرتوا .. وبنتظر باقي الاعضاء يمكن يطلعون لي بشي جديد
حبيت سالفة اغراض ريال مدريد
بس ماابي اسوي تلبيسة سياره لان مايحب يلبس سيارته
فكرت اسويها مخدات للسرير والكنب من باب التغيير


ويعطيكم العافيه

[sweet qatar]

احجزي له يحضر مباراة لفريقه..


هذاك أول هدايا الرجال محدودة.. الحين كل شششي يخطر أو ما يخطر على البال.. :shy:
ماشالله عليهم بنات وشباب المنتدى ما قصروا..

ان شالله تختارين الهدية الي تعجب ريلج.. عسى الله يحفظكم ويبارك لكم..

[Class - Qtr]

السلام عليكم

انا انصحج تهدينه مصحف للقران الكريم

يكفي كل مايفتح القران لج

اجر كل حرف فيه

هديه غاليه

[بصمة قطرية]

ربي يسعدج إختي
الهدايا الرجالية على كثرها مرات تتوهقين
ما تعرفين إش تاخذين ..!!
في بالي شي و أعتقد بتكون أحلى هدية تقدمينها لزوجج
روحي لجمعية خيرية
و في عندهم أشياء كثيرة
حسب ميزانيتج
بير ..
مسجد..
سويه لزوجج و إكتبيه بإسمه
صدقيني أغلى من هالهدية مافي ،،
ظرف مغلف تغليف حلو
و حطيه في صندوق حلو و راقي و مغلف
يفتح الصندوق و يلقى الظرف ..

[H H]

^


فكره ممتااااااازه

واقتراحي تحجزينله لمباراة ريال مدريد مع الفندق والطيران والله يعينك عالميزانية
وارجّح رأي الي فوقي لانها دخلت فمخي والله يقدرني واسويها لي ولوالديني

[نوار قطر]

^


فكره ممتااااااازه

واقتراحي تحجزينله لمباراة ريال مدريد مع الفندق والطيران والله يعينك عالميزانية
وارجّح رأي الي فوقي لانها دخلت فمخي والله يقدرني واسويها لي ولوالديني

تقولكم البنيه ميزانتيها محدوده :secret: تروح تحجز له تذكره حق المباراه وحق السفر وسكن ،،،:rolleyes2:

تعالي ابيج فوق شوي :vampire:

[غايه الطواش]

راح الشتا والا جان قلت لج اخذي له غتره شال وجاكيت جلد اسود


خذي له مسباح كهرم اصلي
جانا شتا وراح شتا وانا انتظاري لي متى ؟

[آخر الفرسان]

أنا أقول


الله يخليكم لبعض
ويبعد عنكم العين

[التميمي 3]

ماشاءالله ماقصرو الأعضاء

ماأقول الا الله يحفظكم من كل شر ومن كل عين

والله يخليكم لبعض والله يديم المحبه اللي بينكم

[storm..]

احجزيله سفره لمباره ريال مدريد ماراح تكلفج اكثر من 40 الف شامل السكن والمواصلات والاكل حق يومين
ومنها اتغيرون جو وبتبقى احلى ذكره
الله يهنيكم يارب

[..er..]

البنت تقول ميزانيه محدوده وتبون تودونهم علشان بس يتابعون مباراه

الله يحفظكم من العين والحسد
والافكار واجد شوفي اللي قريب لقلبه وامشي فيه :)

[A4844]

ساعه رولكس

[غايه الطواش]

بما ان مواليد 87
اخذي له بلاي ستيشن الشباب في هالعمر يحبون يلعبونها

[بو الجوري]

إختي ممكن نعرف الميزانيه المحدوده عباره عن كـم !!

يعني في ناس لما يقولون ميزانيه محدوده يعني 1000 ريال وفي ناس الله يزيدهم يقصدون 50 ألف هههههههه

فـ حددي عشان نعرف نقترح عليج :)

[بنـت الغالـي]

عجبتني فكرة العمل الخيري وماطرت على بالي .. شي ماراح ينساه لي لين نموت ..
اما فكرة السفر لريال مدريد معقوله بس اللحين مايمدي.. يبيلها ميزانيه بروحها
وسالفة الكرتون ههههههههههههههههه بياخذني انا والكرتون وعلى بيت اهلي هههههه

انا خذيت بعض الهدايا اللي ذكرتوها بس ودي ازيد بشي غريب ..

[شبح الصمت]

عجبتني فكرة العمل الخيري وماطرت على بالي .. شي ماراح ينساه لي لين نموت ..
اما فكرة السفر لريال مدريد معقوله بس اللحين مايمدي.. يبيلها ميزانيه بروحها
وسالفة الكرتون ههههههههههههههههه بياخذني انا والكرتون وعلى بيت اهلي هههههه

انا خذيت بعض الهدايا اللي ذكرتوها بس ودي ازيد بشي غريب ..





تبين أحلى هديه بعد

أكفلي له يتيم باسمه وباسمك

وإذا كافلين جزاكم الله الف خير

:)

[المــزن*]

-0نظارة ماركة / كارتير او لويس فيتون او مونت بلانك
-آيفون 5 أو جالكسي 4 اس أو ميني ايباد
- اخذي صندوق كبير وحطي فيه ملابس سبورت اذا يلبس او اذا يحب البحر
اخذي له ثياب صيفيه شورتات وتي شيرتات ومن هالسوالف
- اجحزي سبا ومساج وحمام مغربي في احدى الفنادق
-امممم سفرة سريعه اذ تقدرين المالديف او ممكن دبي فيها فنادق راااقية وحلوة
- فصلي مفرش كامل للسرير على شعار ريال مدريد وكفر لجواله ، ومنشفة وروب للسباحة وشرشف طاولة يعني ديكور غرفتكم شعار ريال مدريد

هاذي الافكار اللي ف بالي


عجبتني فكرة لوحة السيارة ^_^

والله يخليكم لبعض ولا يفرقكم يارب

[حمد 2002]

سيف ذهبي عليه اسمه

[بونووف]

دامه يحب ريال مدريد احجزي تذاكر دوحه مدريد دوحه مع توقيت يصادف مباراة مدريد ضد بورسيا دورتموند يصادف تاريخ 24 او 25 هالشهر واحجزي له تذاكر للمباراه
وسلام عليكم السلام

اذا مافي استطاعة للسفر اخذي لج ويك اند في شرق مع ترتيب رومانتك باكج واشتري لج الهدايا المألوفه ساعه وطقم زرار وقلم .. عطر نظاره ورتبيهم فالغرفه قبل لا يوصل

وبس والله

بيفتل المحظوظ

[بنـت الغالـي]

ام جاسم حبيت افكارج واااااااايد ماقصرتي ..

اما قطري وشبح الصمت .. اطلعوا من موضوعي ههههههههههههههه
حرام عليكم ماصارلنا الا 7 شهور وتبونه ياخذ الثانيه علي =(
اما بالنسبه لكفالة يتيم او بناء مسجد او بير قلت بخليها لمناسبه ثانيه .. لاني حاليا مجهزه اكثر من هديه
وماابي احرق الافكار كلها اللحين =)

[قطري !]

ام جاسم حبيت افكارج واااااااايد ماقصرتي ..

اما قطري وشبح الصمت .. اطلعوا من موضوعي ههههههههههههههه
حرام عليكم ماصارلنا الا 7 شهور وتبونه ياخذ الثانيه علي =(
اما بالنسبه لكفالة يتيم او بناء مسجد او بير قلت بخليها لمناسبه ثانيه .. لاني حاليا مجهزه اكثر من هديه
وماابي احرق الافكار كلها اللحين =)





الله لا يفرقكم


ترا كله من شبح

[شبح الصمت]

ام جاسم حبيت افكارج واااااااايد ماقصرتي ..

اما قطري وشبح الصمت .. اطلعوا من موضوعي ههههههههههههههه
حرام عليكم ماصارلنا الا 7 شهور وتبونه ياخذ الثانيه علي =(
اما بالنسبه لكفالة يتيم او بناء مسجد او بير قلت بخليها لمناسبه ثانيه .. لاني حاليا مجهزه اكثر من هديه
وماابي احرق الافكار كلها اللحين =)




الله لا يفرقكم

لا تأجلين كفالة يتيم 150 ريال اختي

:)

[بنـت الغالـي]

اميييييييين .. الله يسمع منكم كلكم ^^

[بنـت الغالـي]

شبح ..

كفالة يتيم يبيلها كل شهر .. واكيد انا اللي بدفعها عنه لانها هديه مني .. وانا الحمدلله كافله
احس لو مسجد او بير بتكون اكبر في عينه

[شبح الصمت]

شبح ..

كفالة يتيم يبيلها كل شهر .. واكيد انا اللي بدفعها عنه لانها هديه مني .. وانا الحمدلله كافله
احس لو مسجد او بير بتكون اكبر في عينه




جعل من ورثك الجنـه

[العلم]

وااو شيء جميل .. الله لايفرق بينكم ..:shy:

الشباب اقترحوا هدايا كثيرة وجميلة وإن كانت فكرة حضور المباراة شيء جميل إذا كان مدريدي ..:nice:

وأنا بالنسبة لي أشوف لو تحطين له في كل مكان يعتاد عليه ورده ( الكومندينه ، المغسله ، باب الغرفة . باب الكبت ، باب البيت ، باب السيارة ، مكتبه فالدوام ) وكل ورده معاها ورقة صغيرة مكتوب فيها ..:secret:

وتحاولين تنخشين وتراقبينه وهو يشيل كل ورده وتلتقطين صورة على طول ..:pic:
وتجمعينهم في البوم حلو وتقدمينه له مع التذاكر ..:shy:

[زمان]

اخذي له جهاز رياضه متعدد الوظائف وسعره مناسب من 800 الى 1200 ريال

وحطي عليه شعار ريال مدريد والنادي الي يشجعه في قطر اذا ممكن

وبكذا الكل مستفيد :victory:

[بنـت الغالـي]

شبح ... امييين ياااااارب .. الله يجزاك خير
العلم .. امييين ولايفرق بينك وبين غاليك
والفكره حبيتها اني احط ورده ف كذا مكان مع ورقه بس احس لو احط الهدايا ف كذا مكان ومع كل هديه ورقة
والورد انا فكرت اسويه على شكل حرفه شي غريب والورد تعبير حلو .. ويعطيك العافيه
زمان ... بالنسبه لجهاز الرياضه ممكن اهديه اياه بس مو في مناسبه قويه .. وماقصرت ^^

[لولو2022]

عجبتني فكرة العمل الخيري وماطرت على بالي .. شي ماراح ينساه لي لين نموت ..
اما فكرة السفر لريال مدريد معقوله بس اللحين مايمدي.. يبيلها ميزانيه بروحها
وسالفة الكرتون ههههههههههههههههه بياخذني انا والكرتون وعلى بيت اهلي هههههه

انا خذيت بعض الهدايا اللي ذكرتوها بس ودي ازيد بشي غريب ..


صباح الخير بنت الغالي
سؤال محيرني وين الي كتبته ليش امسح ، عسى ماغلطت على حد :secret:
والله يسعدج وتسوين كل الافكار :victory:

[بنـت الغالـي]

لولو 2022

معاج حق اختي .. انا متاكده اني شفت نكج .. واللحين دورت على ردج ماحصلته
غريبه @@

[sweet qatar]

البنت تقول ميزانيه محدوده وتبون تودونهم علشان بس يتابعون مباراه



اقتراحي تحجز للمباراة بس.. أعتقد التذكرة الوحدة ما تتجاوز 1000 ريال..

اذا عجبته الفكرة هي الي بتستفيد.. واذا ما يقدر على السفر بيبيعها.. :shy:



بنت الغالي.. ايش رسيتي عليه..؟؟

[بنـت الغالـي]

سويت قطر ..

كتبت لج على الخاص

[sweet qatar]

مشكورة حياتي وصلني.. عليه بألف عاااافية..




خلاص بنات وشباب مشكورين على الاقتراحات الابداعية..

mission accomplished


العلم.. رشحتك لكتابة مسلسل رمضان، عجبني قلمك.. :shy:

[العلم]

شدعوه ..:eek2:

[بونووف]

اقتراحي تحجز للمباراة بس.. أعتقد التذكرة الوحدة ما تتجاوز 1000 ريال..

اذا عجبته الفكرة هي الي بتستفيد.. واذا ما يقدر على السفر بيبيعها.. :shy:



بنت الغالي.. ايش رسيتي عليه..؟؟

سويت تذكرة المباراه اذا لابطال اوروبا بتكون اكثر من هالمبلغ بحدود 2500لين 5000 اذا مب اكثر على حسب المكان .. وطبعا من السوق السوده

[آنا غيــر]

وحليييييييييييلكم .. 1987

اتاري عرستوا وكبرتوا يا جيل السبعه والثمانين وانا محلك سرررر


ماعرف شتهدينه صراحه لان ماعندي ريل بس دخلت اتطمش ..

[آنا غيــر]

شبح ... امييين ياااااارب .. الله يجزاك خير
العلم .. امييين ولايفرق بينك وبين غاليك
والفكره حبيتها اني احط ورده ف كذا مكان مع ورقه بس احس لو احط الهدايا ف كذا مكان ومع كل هديه ورقة
والورد انا فكرت اسويه على شكل حرفه شي غريب والورد تعبير حلو .. ويعطيك العافيه
زمان ... بالنسبه لجهاز الرياضه ممكن اهديه اياه بس مو في مناسبه قويه .. وماقصرت ^^

تبين توزعين الهدايا وهو يمشي يدور كنه قطو ..

انا بس تخيلته يفتر فالغرفه افتر راسي :rolleyes2:

[نوار قطر]

وحليييييييييييلكم .. 1987

اتاري عرستوا وكبرتوا يا جيل السبعه والثمانين وانا محلك سرررر


ماعرف شتهدينه صراحه لان ماعندي ريل بس دخلت اتطمش ..

انا غير هههههه ترى جيل ال87 مب صغار الحين طقو ال26 سنه الله يهنيهم ويبارك لهم ،،، قصدج احنا الي كبرنا :secret: :weeping:

[شبح الصمت]

تبين توزعين الهدايا وهو يمشي يدور كنه قطو ..

انا بس تخيلته يفتر فالغرفه افتر راسي :rolleyes2:




هههههههههههههههههههاي

القهر وما يسوي

:tease: