مطلوب فلـه بحدود 2 م / مواصفات بنك التنميـة : بعقد عند محامي

[vur]

مرحبـا اخواني وخواتي
من يعرف مكتب عقارات ممكن يشوف لي فلـه بحدود مليونين على مواصفات بنك التنمية
بـ ام صلال او الخريطيات او اي مكان ثاني يكون قريب من الدوحـة.


لكن ابي الفلـه على مواصفات بنك التنمية وتكون عن طريق مكتب عقاري نتفق معـاه على توقيع عقد عند محامي بحيث لما تصرف الدولة لي ( تعويض الارض ) اسلمه اياه وننهي عقد الاتفاق اللي عند المحامي بالتراضي.

لان حسب علمي الدولة راح تنزل المليون و3 ميه في حساب البايع ، لكن تعويض الارض بينزل في حساب المشتري.

مين يقدر يساعدني من اصحاب المكاتب العقارية ؟
او اصحاب الواسطـة :nice:

المهم يا اخواني وعيال عمي الفزعـة لاختكم :telephone:

[خليفـة]

مرحبا
اول شي اختي المبلغ مليون وميتين مب مليون
وثلاثمئة بارك الله فيج

الشي الثاني .. ما قلتي بخصوص المبلغ المتبقي
من المليونين ! الـ 700 الف بتدفعينها انتي من جيبج !

الشي الأخير .. اعذريني لو قلت ان مستحيل تلقين
حد يبيع عقاره بهالطريقة .. لان الكل يبي فلوسه
اول بأول وكاش بنفس الوقت .. حتى لو كان عن
طريق مكتب محامي .

الله يوفقج وتلقين طلبج ان شاء الله

خليفــة

[vur]

اشكرك اخوي خليفـة على الرد
معليش السموحه خربطت في قيمة القرض ،
لكن بالنسبة للكلام اللي قلته ما قلته من فراغ
شخص في الاراضي قال لي هالكلام لما سألته كيف ممكن اشتري فله جاهزة وكيف بتعوضوني
وفعلاً كلمت واحد كان معلن في الجريدة وكان عنده فله في ام صلال بقيمة مليونين و200
وقال لي في ناس يسوون عملية البيع عند محامي ويستلم البايع المليون وميتين
وباقي التعويض اللي هو 800 ينكتب فيه شرط السداد عند محامي لحفظ الحقوق وكلها اسبوع يتم تسليمة لصاحب التعويض وخلاص
لكن أنا ما عرفت وين اروح بهالكلام
اذا عندكم خبره او حد يقدر يسأل لي
لان مستحيل صراحه اي قطري يقدر يشتري بيت بـ 3 مليون واصلاًالحكومة ما تعطي غير المليون و200 و800 التعويض
طبعاً اتكلم عن القطريين اللي يستحقون ارض وقرض
اتمنى حد يساعدني في هالموضوع او يفيدني عن اي شخص سبق وسوى هالطريقة
الكلام هذا أنا متأكده منه 100% وهو يعتبر قانوني ما دامت الاجراءات تتم عند محامي وبين قطري وقطري
ما اشوف فيه اي مشكلة ابداً.

[خليفـة]

اشكرك اخوي خليفـة على الرد
معليش السموحه خربطت في قيمة القرض ،
لكن بالنسبة للكلام اللي قلته ما قلته من فراغ
شخص في الاراضي قال لي هالكلام لما سألته كيف ممكن اشتري فله جاهزة وكيف بتعوضوني
وفعلاً كلمت واحد كان معلن في الجريدة وكان عنده فله في ام صلال بقيمة مليونين و200
وقال لي في ناس يسوون عملية البيع عند محامي ويستلم البايع المليون وميتين
وباقي التعويض اللي هو 800 ينكتب فيه شرط السداد عند محامي لحفظ الحقوق وكلها اسبوع يتم تسليمة لصاحب التعويض وخلاص
لكن أنا ما عرفت وين اروح بهالكلام
اذا عندكم خبره او حد يقدر يسأل لي
لان مستحيل صراحه اي قطري يقدر يشتري بيت بـ 3 مليون واصلاًالحكومة ما تعطي غير المليون و200 و800 التعويض
طبعاً اتكلم عن القطريين اللي يستحقون ارض وقرض
اتمنى حد يساعدني في هالموضوع او يفيدني عن اي شخص سبق وسوى هالطريقة
الكلام هذا أنا متأكده منه 100% وهو يعتبر قانوني ما دامت الاجراءات تتم عند محامي وبين قطري وقطري
ما اشوف فيه اي مشكلة ابداً.

نعم اختي .. كلامج صحيح وفي محله
وفيه ناس سوو هالطريقة بالفعل
ولكن المشكلة اختي ان قله من اصحاب العقار الي
يوافقون على هالطريقة .. الاغلب يبون فلوسهم
بأسرع وقت وكاملة مكملة .

على كل حال .. ان شاء الله الاخوة الاعضاء يفيدونج
والله يوفقج

خليفــة

[vur]

اشكرك مرة اخرى اخي خليفة
واتمنى آن تكون هناك مراعاة من اصحاب العقارات لظرف القطريين
ونتمنى من لديه خبرة افادتنا في الموضوع
كل الشكر