تنبيــه من ( مطاعم تركيـا ) للي بيسافر لتركيـا ( خلي بالك )

[vur]

تاريخ آخر سفـره لي كانت بشهـر 11/2012
الحقيقة البلد جداً ممتعـة وكانت جولتنا بين اسطنبول وبورصـة
المطاعم غاليه واكيد اللي راح هناك يشاركني الراي ..

المهـم المهم هو تنبيه حبيت اقوله لكل الخليجيين اللي يسافرون تركيا
ويجلسون في المطاعم او المقاهي المنتشرة في الشوارع ..
في حركـات نصب يسوونها الأتراك في بعض المطاعم :
تجي تجلس يجبون لك مزه ( زيتون مطحون مثلاً - زيتون مخلل - خبز ) زي المزة او المقبلات المجانية اللي في مطاعم قطر متعودين يجبيونها لنا فري ( بلاش) قبل الاكل ومن غير طلب.

في تركيا اللي صادفني أني تفاجأت انهم يقدمونها لك من غير ما تطلبها بس ( يسجلونها في الفاتورة ) واذا قلت ما راح ادفعها ما طلبتها مثلا ً :nice:عادي يجيك كف من قبضاي تركي على الطريقة السلطـانية يخلي اسنانك تاخذ لفة في الميترو وترجع لك بعد ثلاث ايام :nice::ok: .. هذا موقف < امحق موقف :shy:

الموقف الثاني اللي صادفتـه هو أنتبهو من سماسمرة المطاعم اللي يمسكونكم بـ اول الشارع وتفضل وتفضل ويسحبون فيكم لين مطاعهم ايضا ً هذول عادة تكون عندهم طرق ملتـوية مثل انه يحسب عليك قيمة الصحن فوق الاكل ويقولك توي شاريـة عشانك :eek5: ( مصختها صح :nice:) بس والله تركيا فيها نصب والمشكله الاتراك على بالهم احنا للحين في عهد الدولة العثمانية الواحد ينبرش عليك برشـة يخليك ترجع اسير في عهد السلطان احمد :weeping:

انتبهوا واذا تبون الكلام الصح
اعتمدوا على كنتاكي وطقته اصرف لكم او خلكم حذرين :nice:

[لاجل QT]

هههههههههههههه

حلوة يحسبون الصحون اللى ناكل منها والقلاصات ههههههه

طحت من عينى يامهند انت والفملي حقتك ..اخس على الضيافة

الكل طمعان فينا

[OM_OMAR_QATAR]

كلامك صحيح

والمعروف في تركيا ، واكثر من بلد ... لازم تشيك على الفاتورة تماماً
فهم يزيدون براحتهم او يحاسبوك براحتهم اذا لم تكن دقيق وتتابع طلبك وامورك

اما الي يسحبون ، ياما يحذرون منهم خصوصاً في جزيرة الاميرات ومطعم علي بابا

كله يسحبوك والفاتورة تطلع 4 دبللات


مطاعم تركيا رخيصة بس انت اعرف وين تروح !

حد يروح تركيا وياكل كنتاكي؟؟ وامصيبتاه ......

[.. الكاش ..]

هههههههههههه عجبني طبق زيتون مطحون والحركات بس بالفعل يجب توخي الحذر من جميع الاماكن الي نسافره تركيا وغيره لانه في استغلال كبير من ضعفاء النفوس

[NINA RICCI]

تركيا حلوه بس. الشي الي مايخليني مرتاحه في هالدوله ان مافيها اماان مقارنه بباقي الدول

[ذيب ازغوى]

خاااطري اشوف تركي مب نصااااااااااااب او طمعاااااااااااااان فيك

[آنا غيــر]

البلد إزوينه مافيها زود ماعرف ليش الكل ميت عليها .. رحتها وتميت فيها اسبوعين عشان لحد يقول ماعطيتها حقها

وماتوقع اني بسلامتي اعيد التجربه .. وفوق هاي مشاويهم مافيها زود!! طعمها " خرووف " ! جذي يعني قصدي اللحم زفر مادري شلوون .. وكنت من بد اهلي اقول لهم بتغدا في ماكدونلدز او برجر كنق صراحه توهقت من ناحية الاكل هناك

[ضوى]

تركيا حلوه بس. الشي الي مايخليني مرتاحه في هالدوله ان مافيها اماان مقارنه بباقي الدول

تركيا مافيها امان ؟؟؟؟


من اروع واجمل وامن الدول اللي زرتها بحياتي

[ضوى]

البلد إزوينه مافيها زود ماعرف ليش الكل ميت عليها .. رحتها وتميت فيها اسبوعين عشان لحد يقول ماعطيتها حقها

وماتوقع اني بسلامتي اعيد التجربه .. وفوق هاي مشاويهم مافيها زود!! طعمها " خرووف " ! جذي يعني قصدي اللحم زفر مادري شلوون .. وكنت من بد اهلي اقول لهم بتغدا في ماكدونلدز او برجر كنق صراحه توهقت من ناحية الاكل هناك

مشكلتكم تقعدون في مكان واحد وتبنون رايكم عليها ، تركيا بلاد اشكبرها مب بس اسطنبول

[آنا غيــر]

مشكلتكم تقعدون في مكان واحد وتبنون رايكم عليها ، تركيا بلاد اشكبرها مب بس اسطنبول

ادري ان مب بس اسطنبول .. لكن الدوله بشعبها وكل شي ماعجبتني ولا ارتحت فيها

واذا عالطبيعه .. عندي دول ثانيه حبيت طبيعتهم اكثر ..

هي فالنهايه الواحد وذوقه لان عندي رفيجتي اللي لفّت دول العالم تموت على تركيا بالذات

[بو خليفه 123]

النصب اصبح في كل مكان سواءً بالدول الاوروبيه او العربيه او تركيا

عليك توخي الحذر والتدقيق في كل فاتوره تطلبها , و ياما تعرضنا لمواقف نصب و سرقات اصعب مما تتخيل و من رجال شرطه

تركيا حلوه لكن هي النوع من البلدان الي بزورها مره واحده فقط .. فيها متاحف و مساجد تاريخيه و جبال و طبيعه رائعه . و تاريخها الاسلامي غني بالمعلومات .

اما بخصوص اكلهم و حلوياتهم حلوه بصراحه و الي ماخلاني احس بالذنب اني كنت احرق اكلهم بالمشي .. لكن اروح تركيا و اكل برجر كنج :( دلع


شكراً على تنبيهك

[دااانة قطر]

بلااد حلوة حاالها حاال اي بلد
لكن في المطااعم جد نصب وانا معااكم الفااتوره كاانت تطلع كبيره وبصرااحه ماكنت احاججهم

[التميمي 3]

أكثر المستهدفين في دول خارجيه هم الخليجيين

[هبوب الكوس]

اما سالفة متدفع الفتوره يجيك كف يطير اسنانك ههههههههههه

لا بعد قدام المدام وشهر العسل عادي اول ماترجع تطلب الطلاق منك

غير البلدان الاسيويه مافي

[قطريه ماركه]

بالنسبة للأمااااااان فيها أمااااان

و الانسان لازم يتوخى الحذر في كل الدول
مب أهمل و أقول باقوني !!!!!!!!!!!!!!!!!!!

و أسعار المطاعم نفس الدوحة ترى مطاعمنا أسعارها مب هينه بعد !!

[آنا غيــر]

النصب اصبح في كل مكان سواءً بالدول الاوروبيه او العربيه او تركيا

عليك توخي الحذر والتدقيق في كل فاتوره تطلبها , و ياما تعرضنا لمواقف نصب و سرقات اصعب مما تتخيل و من رجال شرطه

تركيا حلوه لكن هي النوع من البلدان الي بزورها مره واحده فقط .. فيها متاحف و مساجد تاريخيه و جبال و طبيعه رائعه . و تاريخها الاسلامي غني بالمعلومات .

اما بخصوص اكلهم و حلوياتهم حلوه بصراحه و الي ماخلاني احس بالذنب اني كنت احرق اكلهم بالمشي .. لكن اروح تركيا و اكل برجر كنج :( دلع


شكراً على تنبيهك


هههههههه

اتدلع على حِـلَه :$

[لاجل QT]

أكثر المستهدفين في دول خارجيه هم الخليجيين

حتى هنا مستهدفين من التجار كل يوم الاسعار في ارتفاع لاحسيب ولارقيب:(

[الخزرجي قطر]

تركيا مافيها امان ؟؟؟؟


من اروع واجمل وامن الدول اللي زرتها بحياتي

ازور تركيا باستمرار مع الاهل فعلا من اجمل المدن واروعها وامان في كل مكان حتى
في المدن الاخرى من شمال تركيا الى جنوبها ومن شرقها الى غربها ومعدل كل سنه
اسافر اليها مرتين اوثلاث مرات وماصادفني اي استغلال في المطاعم المنتشره في كل مكان

[خالد_قطر]

أنا سمعت كثيربتهويل الأمن والنصب فس تركيا وأنا توني جاس من تركيا وما شفت إلا الآمان وما شفت حد نصب علينا لا في مطعم ولا بالشارع على العكس شفت تعاون بعض الأتراك عند سؤالهم عن بعض الأماكن وخاصة بالمترو.

[جرح الزمان]

البلد إزوينه مافيها زود ماعرف ليش الكل ميت عليها .. رحتها وتميت فيها اسبوعين عشان لحد يقول ماعطيتها حقها

وماتوقع اني بسلامتي اعيد التجربه .. وفوق هاي مشاويهم مافيها زود!! طعمها " خرووف " ! جذي يعني قصدي اللحم زفر مادري شلوون .. وكنت من بد اهلي اقول لهم بتغدا في ماكدونلدز او برجر كنق صراحه توهقت من ناحية الاكل هناك

صحيح

ما حبيت اللحمه هناك

:(

[بصمة قطرية]

تركيا و كنتاكي :rolleyes2:
ذكرتني بناس راحوا لندن و كل يوم يطبخون
في الشقة ما جربوا ولا مطعم في لندن :secret:

[بوخالد911]

صحيح

النصب هناك بدمهم

ودددددددددددددددددددوم اشيك ع الفواتير

أفضل اروووح دول اوروبية ولا اروووح تركيا

ومرررات بمطاعم تركية اقوووله وووين المنيو
يقوول ما في
تعال اختار
وبعدين الحساب

ومرررة رحنا جبل أولداغ

كنا 5 اشخاااص !!!!!!!!!!!!!!!!!!
الغدى طلع 930 ريال ( زقوووووووووووووووووووم بجبدهم ) :(
الله يخس النصابيييييييييين هناك

[ماجد البدر]

شكلك تتكلم عن شارع الاستغلال قصدي الاستقلال و تقسيم شارع النصب ولاحتيال لازم تشيك على الاسعار و افاتورة

روح شمال تركيا يقدم لك كل شي وفوقهم شاي بلاش ويقولك اكرام عرب ستان
و البعض يصر انك ماتدفع شي بالمره تصدق ولا ما تصدق لو ماتصدق جرب وشوف الضيافة صج ولا مجرد كلام مثل اي عزيمة وفي الاخر يدفعك
هذا اذا ما عزمك في بيتهم خاصة لو معاك عايله و المعم فيه عحوز ماتخليك تطلع اصلا غير ماتشرب شاي او يعزمونك على شي

[ماجد البدر]

كلامك في شارع الاستقلال مافيه مبالغه كلمني احد الاصدقاء انهم وقعوا مع عصابه دخلوهم مطعم ودفعوا غصب المبلغ الي هم يبغونه وكانوا بينضربون نفس ماقلت

[غاردينيا]

تصدق رحتها وماذكر اذا سووا هالحركه او لا

اللي اذكره ان ما قصرنا اكل فيها خخخ
نمشي وناكل ما خلينا شي ماجربناه

بس البلد حلووه تستاهل العنوه

[fhd123]

لازم الواحد قبل لايطلب يسال عن السعر