أبحث عن عنوان شركه

[ام راشد 1]

أبحث عن العنوان الصحيح لشركة اسمها: شركة البناء و التشييد العقارية (شركة مساهمة كويتية مقفلة) سواء في قطر او الكويت، و الذي يجيبه لي ادعيله في جوف الليل.

[vur]

اختي وش الموقف اللي صار لك مع هالشـركة

[Qtrun]

تفضلي اختي هالرابط فيه عنوان الشركة ورقم تلفوونهم بعد وانشاءالله هالمره يطلع صحيح

http://qa.jeeran.com/ar/p/building-and-real-estate-construction-co-doha/

هذا اللي لقيته بقوقل

[ام راشد 1]

اختي وش الموقف اللي صار لك مع هالشـركة

بأختصار شديد، شريت شقه في اللؤلؤة من عندهم، اخذوا مني فلوس على دفعات لين ما تجهز، و شردو من غير ما يسلموني الشقه، و الحين الشقه خذتها الـ udc و عطتها جون فيليب .....

[Qtrun]

تاسيس شركة البناء والتشييد العقارية براس مال قدره ستة ملايين دينار كويتي
18/04/2005 | 12:42 م | أخبار الكويت
تصغير الخطتكبير الخط
لار0043 4 0233 /كونازثت50 اقتصاد/كويت/شركة/تاسيس تاسيس شركة البناء والتشييد العقارية براس مال قدره ستة ملايين دينار كويتي الكويت - 18 - 4 (كونا) -- اعلن اليوم عن الموافقة على تاسيس شركة كويتية مساهمة مقفلة هي شركة البناء والتشييد العقارية براس مال قدره ستة ملايين دينار كويتي وباسهم عددها 60 مليون سهم. وذكرت جريدة (الكويت اليوم) الرسمية فى عددها الاخير الذي وزع اليوم ان الاغراض التي تاسست من اجلها الشركة تتمثل في امتلاك وبيع العقارات والاراضي وتطويرها لحساب الشركة داخل دولة الكويت وخارجها وادارة املاك الغير. وقالت ان من اغراض الشركة امتلاك وبيع وشراء اسهم وسندات الشركات العقارية لحسابها في الكويت والخارج واعداد الدراسات وتقديم الاستشارات في المجالات العقارية بكافة انواعها على ان تتوافر الشروط المطلوبة في من يزاول تقديم هذه الخدمة. ومن اغراض الشركة ايضا القيام باعمال الصيانة المتعلقة بالمباني والعقارات المملوكة للشركة وللغير بما في ذلك اعمال الصيانة وتنفيذ الاعمال المدنية والميكانيكية والكهربائية والمصاعد واعمال تكييف الهواء بما يكفل المحافظة على المباني وسلامتها. كما ستعمل الشركة على تنظيم المعارض العقارية المتعلقة بمشاريعها واقامة المزادات العقارية بحسب الانظمة المعمول بها وتملك الاسواق التجارية والمجمعات السكنية وادارتها. ومن اهداف الشركة كذلك المساهمة المباشرة في وضع البنية الاساسية للمناطق والمشاريع السكنية والتجارية والصناعية بنظام "البناء والتشغيل والتحويل" ال (بي او تي) ويكون للشركة مباشرة هذه الاعمال في دولة الكويت وفي الخارج بصفة اصلية او بالوكالة. (النهاية) ا ص ف / ن ت كونا181242 جمت ابر 05

[ام راشد 1]

تفضلي اختي هالرابط فيه عنوان الشركة ورقم تلفوونهم بعد وانشاءالله هالمره يطلع صحيح

http://qa.jeeran.com/ar/p/building-and-real-estate-construction-co-doha/

هذا اللي لقيته بقوقل

جزاك الله خير، بس العنوان غير صحيح، لانهم طلعو من المطار و راحو معيذر و بعدين ما ادري وينهم.

[Qtrun]

اتصلي على 180 وعطيهم اسم الشركه وقولي لهم بغيت رقم التلفون والعنوان

[vur]

يا الله
الله يعوض عليك يا رب
وحسبي الله عليهم ونعم الوكيـل
يا الغالية بـ اسرع وقت الجأي للقضاء بكل وبأي معلومة عندك ضدهم.

[ام راشد 1]

يا الله
الله يعوض عليك يا رب
وحسبي الله عليهم ونعم الوكيـل
يا الغالية بـ اسرع وقت الجأي للقضاء بكل وبأي معلومة عندك ضدهم.

انا الحين رافعه قضيه عليهم، بس المحكمه تقول "لابد من تقديم العنوان الصحيح للمدعي عليها"

[Qtrun]

شوووفي مافيه غير حل واحد روحي لوزارة الاعمال والتجارة وقولي لهم لو سمحتوا ابي عنوان هالشركه او شوفي لج احد يشتغل هناك يطلع لج بيانات هالشركه وشوفي هل هي موجوده ولا اختفت من الوجود

[غير البشر]

مرحباا اختي ام راشد

ان شاء الله موضوعج خالص بدون محاكم

راجعي الخاص :victory:



بس هالله هالله بالدعوه الطيبه
وان شاء الله موضوعج يخلص ويكون ربي بعونج

[tariq ali]

اختي ام راشد الشركة ما جددت السجل التجاري وكل المدراء غادروا قطر وعليهم احكام قضائيه بالسجن وانا واحد من الناس إلي رفعوا قضايا عليهم وعندي حكم نهائي ضدهم وتمت المخاطبات بأمر من المحكمه مع وزارة الداخليه والبنوك والسجل العقاري وجهات اخرى وتبين انه ما عندهم شي (املاك) في قطر وقاعد ادور محامي في الكويت ينفذ عليهم هناك

[ام راشد 1]

اختي ام راشد الشركة ما جددت السجل التجاري وكل المدراء غادروا قطر وعليهم احكام قضائيه بالسجن وانا واحد من الناس إلي رفعوا قضايا عليهم وعندي حكم نهائي ضدهم وتمت المخاطبات بأمر من المحكمه مع وزارة الداخليه والبنوك والسجل العقاري وجهات اخرى وتبين انه ما عندهم شي (املاك) في قطر وقاعد ادور محامي في الكويت ينفذ عليهم هناك


اخوي طارق، انا سمعت ان ال udc شرت البرجين (كاليفورنيا و الثاني ما اعرف اسمة) من الكويتين (شركة البناء و التشييد العقاريه) اذا نقدر نحصل صورة من عقد البيع اللي بينهم من السجل العقاري مثلا، نقدر نجبر ال udc ترجع فلوسنا. أكيد في بند يتعلق بالاشخاص الذين اشترو الشقق.