ارجو ان تفيدوني برايكم بخصوص مشكلة واجهتني !!

[مساهم خطير]

السلام عليكم ورحمة الله وبركاته


اتصلوا فيني من المدرسة وابلغوني بأن ولدي الوحيد في الصف الاول انكسرت يده اليمين اثناء اندفاع الطلاب الى الصفوف
فهل يجوز مقاضاة المدرسة او صاحب الترخيص والمطالبه بتعويض
لان هذا برأيي اهمال من قبل الاداره في التنظيم والمتابعة

افيدوني برايكم اثابكم الله

[بصمة قطرية]

و عليكم السلام والرحمة
ما عليه شر إن شاء الله
و الحمدلله على سلامته ..
أطفااااااال ..!!!
و الإندفاع شي عدي عندهم
تقاضي من ..؟؟!!
الطلاب
و لا المدرسة و لا المديرة ..!!!
أخوي لو تحضر مرة بس صدقني بتلقى ولدك يندفع معاهم
شي طبيعي في هالعمر ..
ما أعتقد المدرسة لها ذنب في اللي صار
مب طالب و لا اثنين عشان تقدر تتحكم فيهم و تسيطر عليهم ..
يا ما تعوروا عيالنا في المدارس
وواحد من عيالي تعور و كان الكسر مضاعف و سوو له عملية
و لا فكرنا نقاضي حد ...!!!
قدر الله و ما شاء فعل

الله يحفظه و يخليه لك ..

[رجل الجزيرة]

أنا من رأيي:

المفروض أن المدرسة تنظم دخول الطلبة للصفوف مثلا:

الصف الأول وبعدين الصف الثاني وهكذا:

دام إن ولدك سالم وبخير فإحتسب الأجر من الله سبحانه وتعالى وبلغ المدير إنك غير راضي عن المدافعة.

[مساهم خطير]

و عليكم السلام والرحمة
ما عليه شر إن شاء الله
و الحمدلله على سلامته ..
أطفااااااال ..!!!
و الإندفاع شي عدي عندهم
تقاضي من ..؟؟!!
الطلاب
و لا المدرسة و لا المديرة ..!!!
أخوي لو تحضر مرة بس صدقني بتلقى ولدك يندفع معاهم
شي طبيعي في هالعمر ..
ما أعتقد المدرسة لها ذنب في اللي صار
مب طالب و لا اثنين عشان تقدر تتحكم فيهم و تسيطر عليهم ..
يا ما تعوروا عيالنا في المدارس
وواحد من عيالي تعور و كان الكسر مضاعف و سوو له عملية
و لا فكرنا نقاضي حد ...!!!
قدر الله و ما شاء فعل

الله يحفظه و يخليه لك ..
الله يسلمك من الشر ويبارك لك في اهلك ومالك
معقوله مالي حق اطالب بتعويض من المدرسة لان طالما ان الولد انكسرت ايده اليمين وفي مرحله حساسه بسبب اهمال من قبل المدرسه فهذا غير مقبول
عن نفسي افكر بمباشرة تقديم التقرير الطبي بأسرع وقت الى المحامي وانشوف الوضع مع المدرسة

[نوار قطر]

الحمدلله على سلامة الولد وخطاه الشر ،، قدر الله وماشاء فعل ،، الولد تعور غصبا عنهم ،،والحمدلله يات على يده ماصار فيه شي ثاني وهم ماكانو متعمدين في هالشي ،،يعني مب المدرسه اضربته لين انكسرت يده ،،،وبعدين يهال وفي هالسن شي طبيعي بيتراكضون ويدزون بعض ،، السالفه مايبي لها لا قضيه ولا غيره بس نبه على المدرسه انهم يكونون نظامين اكثر ،،

[عنيــــد]

الحمدالله على سلامته و ما يشوف شر ..

لو ولدي كنت راح ابين لهم غضبي و اطالبهم بالاهتمام .. لكن ما راح اشتكي

[ولد البدر]

الحمد لله على سلامة الولد
الطلاب من يسمعون الجرس راحوا يتراكضون سواء بالخروج من الصف أو الدخول والمدرسة فيها صفوف كثيرة وطلاب بالمئات وصغار صعب التحكم الشديد فيهم فتصير مشكل والله المستعان
والحمد لله على السلامة وما يعرف هالمشاكل الا اللي عاصرها فوق ال ظ¢ظ§ سنة

[بوخالد911]

الحمدالله على سلامته و ما يشوف شر

[ms-qtr]

مع رأي الاخوان
ماله داعي انك تقاضي
بينلهم غضبك وانك ما تبي هالحادثة تتكرر
طبيعي لما يكون عدد الاطفال كبير وفي سن صغيرة لازم بيركضون ويندفعون

[مساهم خطير]

اقسم بالله العظيم يا اخوان ان شخص عربي مقيم في بريطانيا اعرفه عز المعرفه
قالي ان ولده انزلق في احدى المدارس عندهم وانجرح جرح بسيط فوق حاجبه مب كسر
وفي نفس اليوم جاه الدكتور والاخصائي الاجتماعي ومعاهم محامي ويسألونه هل لك مطالبات قانونيه واحنا مستعدين نباشر فيها وعلى حسابنا الخاص
يقولي عييت وقلتلهم مافي داعي لانه مجرد جرح بسيط
وانا ولدي يده اليمين مكسوره ويقولون لي ماراح نعفيه من الاختبارات ولاحتى حصلت منهم كلام طيب او خذوا بخاطري ولا حتى حسسوني بانهم مهتمين في الموضوع
معقوله وصل حالنا كأولياء امور مع هذي المدارس يعني المفروض نتطور للافضل مب نتراجع حتى مايتكرر هذا الخطأ

[آخر الفرسان]

اخوي الحبيب

أول شئ المطلوب تتأكد من ولدك ومن غير ولدك
بأن ( السبب ) تدافع طلاب
وأن كان كذلك .. فلاحول والقوة الا بالله
وأن كان السبب غير ذلك .. فلكل حادث حديث

سلامتة البطل .. مايشوف شر ان شاء الله

[وذنـان]

طبيعي هذا التصرف في بريطانيا .. لأن المادة كل شئ وهي ديدن حياتهم ..
بس احنا عندنا التسامح والمغفرة واحتساب الأجر اللي ما يتعوض بفلوس الدنيا
الحمدلله على سلامة ولدك وسلامته بالدنيا ..

[khaldoon]

اخوي اعتقد والله اعلم انه المقاضاة على كل شيء مع تعويض كبير جدا جدا و بأرقام فلكية....هالكلام تلاقيه في دول اوروبا و امريكا بس مب في دولنا العربية

[نوار قطر]

اقسم بالله العظيم يا اخوان ان شخص عربي مقيم في بريطانيا اعرفه عز المعرفه
قالي ان ولده انزلق في احدى المدارس عندهم وانجرح جرح بسيط فوق حاجبه مب كسر
وفي نفس اليوم جاه الدكتور والاخصائي الاجتماعي ومعاهم محامي ويسألونه هل لك مطالبات قانونيه واحنا مستعدين نباشر فيها وعلى حسابنا الخاص
يقولي عييت وقلتلهم مافي داعي لانه مجرد جرح بسيط
وانا ولدي يده اليمين مكسوره ويقولون لي ماراح نعفيه من الاختبارات ولاحتى حصلت منهم كلام طيب او خذوا بخاطري ولا حتى حسسوني بانهم مهتمين في الموضوع
معقوله وصل حالنا كأولياء امور مع هذي المدارس يعني المفروض نتطور للافضل مب نتراجع حتى مايتكرر هذا الخطأ

الشيخ انت قلتها في بريطانيا مب عندنا وبعدين مايرزى تدخل نفسك في قضايا ومحاكم ممكن اتم بالسنين على مايطلع لك حقك هذي طبعا اذا انصفوك ،،، ياخوي الحمدلله ان ولدك مافيه الا العافيه ،،،

[زقرتي ومزاجي]

احتسب الاجر من الله

[نورهان88]

ما يشوف شر البطل أجر وعافية ،،
وأكيد قدر الله وما شاء ،،،
تلاقيه يدخل بين الطلاب ولا يمشي منضبط
وبعض الطلاب الكل يبغي يسبق الثاني
وما يسمعون الكلام والضرب ممنوع حرك تبتلش
هذا الحاصل بين الأولاد ،،
وما فيه داعي لشكوى تصدق عنه بمبلغ والله يشفيه
ويعافيه ،،،


دمتم بوووووود

[زقرتي ومزاجي]

اضافه الغالي

لو نفرض عيال اخوك او عيال اختك مجتمعين عندك في البيت واحد منهم طاح وانكسرت يده
هل معناه انك السبب او المدام او الخدم


الغالي المدرسة
(( جزاهم الله خير يعلمون عيالنا ويفهمونهم بعد نشتكي عليهم ونوقفهم في المحاكم والله فشيله ))


الخطا يصير في كل مكان

[$بنت شيوخ$]

اول امس ولد اختي دزه ولد في المدرسه سواه له عاهه مستديمه اختي ماشتكت ولا شي اذا بتحسبين حوادث الاطفال في المدرسه كل يوم يصير من بسيط الا خطير ولا تنسين انهم اطفال معرضيين للحوادث بلمدرسه الا اذا كان الحادث عمد يعني حافرين حفره وولدج طاح فيها او اجراءات السلامه مش متوفره في المدرسه اما التدافع شي يحصل كل يوم ولا تنسين الله امرنا بلعفو

[مساهم خطير]

الله يجزاكم جميعا كل خير ويحفظكم ويحفظ اولادكم وبناتكم من الشر
اشكركم على ارائكم الطيبه وبانتظار مزيد من الاراء

[الخزرجي قطر]

الحمد لله على سلامة الولد مايشوف شر ان شاءالله

[المهاجر]

اخوي العزيز

ليس هناك ما يمنع من رفع الدعوى المدنيه للمطالبه بالتعويض

وعليك تقديم مايثبت اهمال المدرسه وان ما حدث لإبنك من اصابه كان نتيجة ذلك الإهمال

المدرسه وادارتها مسؤله مسؤليه كامله عن سلامة الطلاب والمحافظه عليهم

فكون الطلاب يندفعون عند انتها الحصه فهذا من مسؤلية ادارة المدرسه والتي يجب عليها ان تراعي ذلك وان تحافظ على نظام خروج الطلبه بشكل لايعرضهم للخطر

لذلك فإن اي خطر يتعرض له الطالب اثناء تواجده بالمدرسه هو مسؤلية المدرسه

انت صاحب القرار في رفع الدعوى من عدمه وفي النهاية فالقاضي سيحكم

حسب الادله والاثباتات التي ستقدمها لهم

عليك باستشارة محامي وهو من سيفيدك اكثر بارك الله فيك

والله يحفظ ولدك من كل مكروه وما عليه شر

[alrheeb2020]

اجوف الموضوع عادي جدا ,, والحمدلله على سلامتك ولدك ,,

ياما تزحفنه وشمينه ريحة القار والامور طيبه ,, انا اخاف اهتمامنه الزايد بالجيل الجاي ياثر بالسلب عليهم ^_^

واكيد ماطرحت الموضوع الا من حرصك على ولدك وعلى اعيال البلد ,, جزاك الله خير

[khalid525]

اذا لك بارض اشتك بالعكس احنا دايما نسكت عن حقنا وهل الشكاوي هي اللي راح تحسن من اداء الجهات العامة والخاصة، بس اهم شي خل الولد يعيش حياته طبيعي ولا تحسسه انه المدرسة اهملت في حقه عشان ما يجيك كل شوي يشتكي من شي ، وما يشوف شر انشالله

[مافي مثلي]

طبيعي هذا التصرف في بريطانيا .. لأن المادة كل شئ وهي ديدن حياتهم ..
بس احنا عندنا التسامح والمغفرة واحتساب الأجر اللي ما يتعوض بفلوس الدنيا
الحمدلله على سلامة ولدك وسلامته بالدنيا ..

اطيب رد
صح لسانك

[+abc]

السلام عليكم اخوي مدرسه خاصه ولا حكوميه

[+abc]

اخوي ماتشوفون شر وألف سلامه على ولدك

من رأيي طال عمرك اذا مدرسه مستقله فالموضوع عادي لانه مثل ماتعرف مدرسه كبيره وطلاب واجد

أما اذا مدرسه خاصه عليك بهم لانه من المفروض انا ادخل عيالي مدارس خاصه بغية تعليم افضل ومعامله افضل وإذا كانت المدرسه همها الوحيد الفلوس وماتهتم بالطلاب مثل ماذكرت اخوي وبدل الاعتذار ومراعاة ظرف الولد أبدوا عدم الاهتمام لاوالله إلا عليك بهم ولا تقصر فيهم وخل لهجتك شديده وشوف كيف بيفرق التعامل

ومن كلامك عن التقصير عرفت انك قطري لانه القطري فقط هو الي يتعاملون معاه كذا لانه طيب وما يشتكي

هذا الكلام من تجربه ومن الي شفته من طريقة تعامل المدارس الخاصه مع عيالنا

[مساهم خطير]

السلام عليكم اخوي مدرسه خاصه ولا حكوميه

وعليكم السلام
المدرسه حكوميه

[مساهم خطير]

اخوي العزيز

ليس هناك ما يمنع من رفع الدعوى المدنيه للمطالبه بالتعويض

وعليك تقديم مايثبت اهمال المدرسه وان ما حدث لإبنك من اصابه كان نتيجة ذلك الإهمال

المدرسه وادارتها مسؤله مسؤليه كامله عن سلامة الطلاب والمحافظه عليهم

فكون الطلاب يندفعون عند انتها الحصه فهذا من مسؤلية ادارة المدرسه والتي يجب عليها ان تراعي ذلك وان تحافظ على نظام خروج الطلبه بشكل لايعرضهم للخطر

لذلك فإن اي خطر يتعرض له الطالب اثناء تواجده بالمدرسه هو مسؤلية المدرسه

انت صاحب القرار في رفع الدعوى من عدمه وفي النهاية فالقاضي سيحكم

حسب الادله والاثباتات التي ستقدمها لهم

عليك باستشارة محامي وهو من سيفيدك اكثر بارك الله فيك

والله يحفظ ولدك من كل مكروه وما عليه شر
الله يجزاك خير اخوي المهاجر والشر مايجيك ولاتواجهه

[معماري قطري]

اقسم بالله العظيم يا اخوان ان شخص عربي مقيم في بريطانيا اعرفه عز المعرفه
قالي ان ولده انزلق في احدى المدارس عندهم وانجرح جرح بسيط فوق حاجبه مب كسر
وفي نفس اليوم جاه الدكتور والاخصائي الاجتماعي ومعاهم محامي ويسألونه هل لك مطالبات قانونيه واحنا مستعدين نباشر فيها وعلى حسابنا الخاص
يقولي عييت وقلتلهم مافي داعي لانه مجرد جرح بسيط
وانا ولدي يده اليمين مكسوره ويقولون لي ماراح نعفيه من الاختبارات ولاحتى حصلت منهم كلام طيب او خذوا بخاطري ولا حتى حسسوني بانهم مهتمين في الموضوع
معقوله وصل حالنا كأولياء امور مع هذي المدارس يعني المفروض نتطور للافضل مب نتراجع حتى مايتكرر هذا الخطأ

المحاميين وايد وفاضيين

والقضاه يحليلهم شغلهم نفس شغل أشغال "حصيه على حصيه نبني البيت يا بنيه" لو حد يذكر هذي الأُغنية.

رايي ما داموا تنقصهم المهنية والتعامل الطيب إرفع قضية بس شوف محامي يتقاسم معاك التعويض لو حصل وبدون أتعاب، وعارف إن التعويض بيكون معنوي أكثر منه مادي لكن بيخلي الباقيين ينتبهون ويفهمون.

في اليابان الطالب يتعلم من هو في الروضه النظام وينفرض عليه فرض بواسطة مربيين واحنا عندنا الفراشين يتولون هالمهمة.

[إينشتاين]

للأسف معظم الردود ( من وجهة نظري ) سلبية وحسستني إن الإنسان عندنا رخيص جداً جداً ولا له أهمية .. أيعقل إن الإنسان الغربي أثمن وأغلى ، وله قيمة ليست لنا !!!!

خلال فترة وجود ابنك في المدرسة تكون المدرسة مسؤولة عن سلامته وسلامة جميع الطلاب ومن واجبهم تعليم الطلاب على النظام وطريقة الدخول والخروج بترتيب وبشكل سلس وليس التدافع والمصارعة على الأبواب ، وهذي من الأبجديات التي يجب تعليمها من اليوم الأول...

عن نفسي ولو انا مكانك وبما أن قيمة ولدي عندي غالية جداً وليست ارخص من قيمة الطفل البريطاني عند ابواه ... كنت بارفع قضية على الفور...

وبعض الردود توحي انك بتراكض في المحاكم كل يوم ولمدة سنين .. حبيت اطمنك انك اذا وكلت محامي ماراح تشوف المحكمة بعينك.

[00soma00]

الله يشفيه يارب
انا اشوف انك ماتترك حق ابنك وارفع عليهم قضية لان اللى حصل لابنك نتيجة اهمال منهم و هم المسئولين عنه لانهم ما علموا الاطفال النظام

وقبل اى شى صلى استخارة

[رفيق الصحراء]

صحيح المفروض المدسين ينظمون الدخول والخروج ويكون معلمينهم النظام بس الظاهر هذي من مدارس الحكومه لانه لو مدرسه اجنبيه مالقيت فيها هالخرابيط بس شنقول الله المستعان ويشفي ولدك

[قطريه22]

اولا الحمدلله على سلامة الولد

وثانيا بخصوص الي صار تقدر تكلم إدارة المدرسه عن عدم التنظيم في دخول الطلاب وخروجهم

اما بالنسبه للتعويض اشبيفيد التعويض المادي؟؟

مب كل شي يتعوض بالفلوس

وشكراً

[ضوى]

اقسم بالله العظيم يا اخوان ان شخص عربي مقيم في بريطانيا اعرفه عز المعرفه
قالي ان ولده انزلق في احدى المدارس عندهم وانجرح جرح بسيط فوق حاجبه مب كسر
وفي نفس اليوم جاه الدكتور والاخصائي الاجتماعي ومعاهم محامي ويسألونه هل لك مطالبات قانونيه واحنا مستعدين نباشر فيها وعلى حسابنا الخاص
يقولي عييت وقلتلهم مافي داعي لانه مجرد جرح بسيط
وانا ولدي يده اليمين مكسوره ويقولون لي ماراح نعفيه من الاختبارات ولاحتى حصلت منهم كلام طيب او خذوا بخاطري ولا حتى حسسوني بانهم مهتمين في الموضوع
معقوله وصل حالنا كأولياء امور مع هذي المدارس يعني المفروض نتطور للافضل مب نتراجع حتى مايتكرر هذا الخطأ

نعم ماراح يعفونه بس بيكون في لجنة خاصة وهو يقول الاجابات والمدسرة تكتبها يعني مافي حجة ياخوي

وهالحوادث تصير باحسن المدارس وقدر الله وماشاء الله فعل ولا توصل لدرجة التقاضي ، وبالنهاية حوادث اطفال مايصير نحمل المسؤولية لادارة المدرسة بكل شي يعنيولدي يركض ويدف هاي وهاي اروح اقاضي ادارة المدرسة مايصير مب منطقي يعني عليهم يوجهون الطفل ويحذرونه وينبهونه

[حمد 2002]

هالشيء ايصير حتى فالبيت مابين الأطفال الصغار فما بالك بالمدرسه

اجوف هالشيء عادي وماله داعي تكبير المشكله

تحياتي لك ،،،

[qatarman8008]

اخوي ممكن تجلس مع ولدك وتفهم منه بالضبط ليش انكسرت يده ..
التدافع الى الصفوف يكسر يد..؟؟

[أم نواري1]

نبههم وبين إمتعاضك ومطالبتك بالتنظيم أكثر والتشديد ع حركة الطلاب
وين المدرسات عنهم مايشرفون عليهم بحزم.!

شفت منهم احترام كان بها ماشفت وهذا اللي قريته فأحد ردودك
استشر محامي إن كان تقدر تسوي شي والقضية مضمونة بتكون لسعة لهم وقرصة أذن مثل مايقولون

وماعليه شر الله يشفيه

[مساهم خطير]

للأسف معظم الردود ( من وجهة نظري ) سلبية وحسستني إن الإنسان عندنا رخيص جداً جداً ولا له أهمية .. أيعقل إن الإنسان الغربي أثمن وأغلى ، وله قيمة ليست لنا !!!!

خلال فترة وجود ابنك في المدرسة تكون المدرسة مسؤولة عن سلامته وسلامة جميع الطلاب ومن واجبهم تعليم الطلاب على النظام وطريقة الدخول والخروج بترتيب وبشكل سلس وليس التدافع والمصارعة على الأبواب ، وهذي من الأبجديات التي يجب تعليمها من اليوم الأول...

عن نفسي ولو انا مكانك وبما أن قيمة ولدي عندي غالية جداً وليست ارخص من قيمة الطفل البريطاني عند ابواه ... كنت بارفع قضية على الفور...

وبعض الردود توحي انك بتراكض في المحاكم كل يوم ولمدة سنين .. حبيت اطمنك انك اذا وكلت محامي ماراح تشوف المحكمة بعينك.
اشكرك اخوي على مداخلتك الكريمه ولايهونون الاخوان شرواك
صدقني اخوي ولله الحمد اني في خير ونعمه ولكن مايمنع انه انطالب بحقوقنا والمهمل لابد من اخذ جزاه
الحين اشذنب ولدي يظل مكسور ومتجبس لمدة ست اشهور واشلون تتوقع ردة فعله ونفسيته لما ايشوف ربعه مستانسين يلعبون وهو متضرر مايقدر يمارس حياته الطبيعيه الا بشكل محدود وهذا كله نتيجة اهمال خارج عن ارادته
التعويض المعنوي اهم من المادي حتى يتلاشى هذا الخطأ من مدارسنا ونحد منه قدر الامكان

[bos3eed]

طيب ليش يتدافعون؟ وليش ما صمموا ممرات المدرسه على انها تكون واسعه لتجنب مثل هذي الحوادث. كم يد لازم تنكسر علشان يحطون استراتيجيه لتفادي ها الحوادث.

[مساهم خطير]

طيب ليش يتدافعون؟ وليش ما صمموا ممرات المدرسه على انها تكون واسعه لتجنب مثل هذي الحوادث. كم يد لازم تنكسر علشان يحطون استراتيجيه لتفادي ها الحوادث.

المفروض اخوي يحطون على الاقل مشرفات ومراقبات على الطلاب وبالذات الي في المراحل الاولى
تم الاتصال بأحد مكاتب المحاماه واشاروا علي بأن نسبة نجاح القضيه مضمون والتعويض سيكون مرضي وصراحه عن نفسي متردد

[مشاهد بصمت]

وأنا كذلك أتفق مع الأخ المهاجر فمن حقك رفع دعوى على إدارة المدرسة فهي ملزمة بتوفير إجراءات الأمن والسلامة للطلاب وهذا التدافع دليل على وجود قصور في تنظيم دخول الطلاب إلى الصفوف، ومع احترامي لجميع الردود ومع أن مبادئنا الإسلامية تحثنا على التسامح إلا أنه من حقك مقاضاة إدارة المدرسة فالذي يريد أن يدير مدرسة ويأخذ راتباً لن يحصل عليه في أي مكان آخر أو ربما لن يجد عملاً عليه أن يتحمل هذه المسؤولية