ابحث عن نادي صحي متكامل الخدمات

[مرتبش]

السلام عليكم
ابي اشترك في نادي صحي متكامل فيه جيم ومسبح واجهزة مشي وجري وسونا الخ.. ماعرف الا الشيراتون واللي كانت اسعارهم 9 الاف لاول سنة ( من فترة والحين الله اعلم). هل في اندية مشابهة ولطيفة في اسعارها ومافيها زحمة وتنفع للاطفال..
هل من مقترحات؟

[خزامئ]

تبي نسائي او رجال ؟؟؟؟؟

[مرتبش]

رجالي واذا يناسب الاطفال بعد خلهم يستانسون في هالحر

[غرِيبهـ]

للسباحة والجيم نادي اسباير للرجال وفيه منفصل للنساء
صراحه صرح وايد حلو واسعار معقولة زوره و قولنا رايك

[mE mYself & i]

اسباير ممتاز بس اذا تبي فندق انصحك بالأنتر

[يوسف0]

نادي جامعة قطر فيه

مسبح اولومبي مبرد + مسبح اطفال + مسبح عميق للحركات البهلوانيه + درج للجمهور ينفع للتدريبات الشاقه

4 اجهزة جري أو أكثر + صالة حديد + سونا + جاكوزي + جاكوزي بارد

ملاعب خارجيه لاكن ماجربتهم اظن تنس

يسون صيانات وايد ويصكرونه شهور ويعوضونك

وأغلب الوقت زحمه وخاصتاً في رمضان الا اذا اخترت الاوقات الغلط فيكون مافي زحمه

وفي رمضان مرات يفتحونه ومرات يغلقونه طول الشهر

صندقه للطعام الخفيف والمشروبات

جو رياضي وممتع للأطفال والكبار

السعر مميز جداً 1000 ريال للسنه للشخص

لا أعرف نظام الاسعار للعائله أو الأطفال

اوقات الدوام من 9 صباحا الى الثامنه ليلا ويختلف في رمضان اذا فتحوه للجمهور

واذا تريد شئ راقي عندك الفنادق وافضلهم الرتز برأيي لاكن سعره راقي جداً

[H H]

^


وينه فيه هالنادي ؟ انا اشتغل فالجامعه ولاادري عنه ياليت تعطينا معلومات عنه عشان نستفيد
ويعطيك العافيه

[مرتبش]

صباح الخير جميعا


للسباحة والجيم نادي اسباير للرجال وفيه منفصل للنساء
صراحه صرح وايد حلو واسعار معقولة زوره و قولنا رايك

شكرا على الاقتراح الجميل..سمعت عنه وايد واتمنى انه مو زحمة لاني مرة سألتهم عن النسائي وقالو مافيه تسجيل حاليا وتعالو اول الشهر فحسيت انه زحمة لكن صوب الرجال يبي له تجربة

اسباير ممتاز بس اذا تبي فندق انصحك بالأنتر

شكرا على المداخلة ..الفنادق فكرة جيدة والنادي بيكون ترفيهي وحلو ..شلون الاسعار وهل مناسب للعوايل او فيه ايام نساء فقط ..هل العضوية فقط للجيم .. اذا في معلومات اضافية بيكون شي جميل

نادي جامعة قطر فيه

مسبح اولومبي مبرد + مسبح اطفال + مسبح عميق للحركات البهلوانيه + درج للجمهور ينفع للتدريبات الشاقه

4 اجهزة جري أو أكثر + صالة حديد + سونا + جاكوزي + جاكوزي بارد

ملاعب خارجيه لاكن ماجربتهم اظن تنس

يسون صيانات وايد ويصكرونه شهور ويعوضونك

وأغلب الوقت زحمه وخاصتاً في رمضان الا اذا اخترت الاوقات الغلط فيكون مافي زحمه

وفي رمضان مرات يفتحونه ومرات يغلقونه طول الشهر

صندقه للطعام الخفيف والمشروبات

جو رياضي وممتع للأطفال والكبار

السعر مميز جداً 1000 ريال للسنه للشخص

لا أعرف نظام الاسعار للعائله أو الأطفال

اوقات الدوام من 9 صباحا الى الثامنه ليلا ويختلف في رمضان اذا فتحوه للجمهور

واذا تريد شئ راقي عندك الفنادق وافضلهم الرتز برأيي لاكن سعره راقي جداً

سعر ممتاز وعلى الوصف لاباس فيه بس ليش هالصيانة والتسكيرات اللي مالها داعي..يبي لي استفسر زيادة عنهم..

ابي البرنامج الصيفي يكون حافل ان شالله ويستيفدون الصغار وانا بعد :)
يعطيكم العافية على الاقتراحات الجميلة اللطيفة

[يوسف0]

^


وينه فيه هالنادي ؟ انا اشتغل فالجامعه ولاادري عنه ياليت تعطينا معلومات عنه عشان نستفيد
ويعطيك العافيه

قبل مبنى ادارة الاعمال على اليمين

فيه مواقف قبل مواقف مبنى ادارة الاعمال هذا مكانه

تاخذ ورقة للمركز الطبي وتوقعه وتختمه من دكتورك بأن ماعندك مشاكل عويصه

تدفع وتبتدي تمريناتك

[يوسف0]

سعر ممتاز وعلى الوصف لاباس فيه بس ليش هالصيانة والتسكيرات اللي مالها داعي..يبي لي استفسر زيادة عنهم..

ابي البرنامج الصيفي يكون حافل ان شالله ويستيفدون الصغار وانا بعد
يعطيكم العافية على الاقتراحات الجميلة اللطيفة


الصيانه والتصكيرات لانه قدييم جدا.... جدا جدا ولاكن اعتقد انهم جددوه من المشاكل العويصه الي كانت فيه ان شاء الله وفيه المطلوب
الرياضه +تغيير جو+ سعر لطيف

[غرِيبهـ]

مرتبش بالنسبة لنادي السيدات لاسباير الزحمة تكون في سكور التسجيل
لكن كمبنى وحصص لا مافي زحمة لان فيه جدول انت تختار الحصص حسب
وقتك واختيارك لنوع التمارين او حتى للسباحه لان فيه حصص تمارين
داخل الماء مثل الجري المائي وغيره وفيه حصص صباحا وفيه مساء

انا افضل التسجيل الان لان في الصيف يزيد لسكور ويتسكر
في برنامج لاطفال ماعرف عنه شي بس اشوفهم مع امهاتهم يجننون ماشاء الله
طبعا الغالب اطفال اجانب الله يحفظهم

هاي الرابط تقدر تشيك الجداول
www.aspire.qa/active

[مرتبش]

اشكركم اخواني يوسف وغريبه ..معلومات مهمة وافكار جيدة

يعطيكم الف عافية

[H H]

توني راجع من النادي الصحي الي فجامعة قطر
كويس ومناسب وفيه الاشياء الضرورية بالنسبه للجيم وفيه مدربين
والمسابح جداً ممتازه وكبيره وتفتح النفس
وايضاً عندهم بخار وساونا اتوقع وملاعب كرة قدم وتنس وغيرها
واسعارهم ممتازه جداً , قالولي بثلاثمية ريال فالسنه لاني موظف فالجامعه
لغير الموظف اتوقع يكون قريب الخمسمية يمكن
بالتوفيق للجميع....

[تحداني]

والله يا اخوي مرتبش انا سمعت الشباب عندنا في البيت يشكرون في نادي السد
بس الله اعلم عن مستوى الجوده وهل الاشيا الي بغيتها متوفره ولا لا


:) الله يوفقك يارب