استفسار...دكتور

[بنت مريخ]

السلام عليكم
صباح الخير
أطراف أصابعي منمله صار لي فتره
معارف شسبب
ابي أراجع دكتور بس ماعرف اي دكتور اروح
ابي عياده خاصه حمد لا

[dm styal]

ماتشوفين شر اختي
مابي افتي بس الموضوع له علاقة بالدورة الدموية روحي المستشفى الاهلي صارت لي مره وقالو لي الكولسترول عالي تناولي انواع من الطعام مثل العسل مثلا ووو عادي ترا للحين اتنمل اصابعي من فتره وفتره

[وبشرالصابرين]

اختي شيكي على السكر

[بنت مريخ]

مشكورين
جزاكم الله خير

[باراكودا]

مقابل حديقة الحيوان .

[خزامئ]

ماتشوفين شر
شكل الشكله عندش من العصب
وللاسف مافيه عندنا دكاتره عصب
كون في حمد
شوفي دكتور اوسامه العلمي

[لمعة الالماس]

اللي اعرفة انه من السكر او ارتفاع الكلسترول

واذا تعرفون دكتور زين لهذي الحالة لان عندي شخص يشعر بالتنمل بالاصابع صار له مده

[بو دانه 1979]

السلام عليكم
صباح الخير
أطراف أصابعي منمله صار لي فتره
معارف شسبب
ابي أراجع دكتور بس ماعرف اي دكتور اروح
ابي عياده خاصه حمد لا

هلا اختي وما تشوفين شر ان شاء الله صارت وياي بكتفي وجزء من يدي ورجت لدكتور بالرميلة والحمد الله سوالي علاج مكثف لتنشيط الاعصاب وكل شي اوك اسم الدكتور محمود الثلاثيني

[خليفـة]

ماتشوفين شر اختي
لا تحاتين
اذا رافق الاعراض الي ذكرتيها حراره في القدمين
احتمال يكون السكر عندج مرتفع حبتين
تأكدي من السكر .. وسوي كنترول غذائي لنفسج
مع شوية تمارين رياضية وامورج طيبة ان شاء الله

خليفــة

[بنت مريخ]

ان شاءالله اليوم بروح عياده وبسوي فحص شامل
جزاكم الله خير

[حسن]

عندك اقرب مركز صحي يعملك تحليل دم كامل ولا تخسرين نفسك
وهو بيقولك ولا اطلبي تحويل على حمد

والراي لك

[الرويـس]

الحالة هذه نتيجة مجهود
راحة كم يوم والامور ان شاء الله طيبة

مالم عليكم بعيادات الاعصاب

[almaf1a]

هل تواجهين مشاكل والام في الرقبه
بالعاده لما يكون هناك انزلاق غضروفي في الرقبه او العمود الفقري
يسبب ضغط على النخاع الشوكي
بالتالي تحس بتنميل في اطراف الاصابع
انصح بمراجه دكتور العظام

[باراكودا]

سوى أشعة للفقرات الخاصة بالرقبة .