جشع واستغلال حمد الطبية للمرضى !!! [الأرشيف] - منتديات شبكة الأسهم القطرية

مشاهدة النسخة كاملة : جشع واستغلال حمد الطبية للمرضى !!!

المرحب

15-04-2013, 08:40 AM

السلام عليكم ورحمة الله وبركاته ،،،

أسعد الله أوقاتكم بكل خير وسعادة

أمس ذهبت للصحة المدرسية لعمل موعد طبي ...

وأول ما وصلت في المواقف قابلني إثنان من موظفي حمد الطبية وقالوا نوقف سيارتك ؟؟؟

قلت لهم مشكورين وما قصرتوا وبصراحة فرحت لهذه الخدمة التي تحسب لحمـد الطبية ...

ولكن المفاجأة وجدت أن المواقف في موقف ركن السيارات مقابل مبلغ مادي بــ 15 ريال !!!

سؤالي لماذا يا مؤسسة حمد هذا الجشع والطمع حتى من المرضى ؟؟؟
والله من وراء القصد ...

ضوى

15-04-2013, 08:42 AM

اشدخل حمد ؟؟ هذي شركة خاصة عشان تريح الناس من اللف من المواقف ، ولو انت سالت قبل كان عرفت انها بفلوس ،

الزعفراني

15-04-2013, 08:52 AM

على معاناة المواقف في مستشفى حمد والعيادات الخارجية الـ 15 ريال ولا شيء ياخي .. اشتر راحتك

لمعة الالماس

15-04-2013, 08:54 AM

مكتوب في الورقة انه ثلاث ساعات بمبلغ 15 ريال

وبصراحه شي حلو خاصة للحالات المستعجلة

وانا افضل يكون في سعر حق ساعة مثلا 5 ريال وساعتين 10 ريال والثلاث ساعات 15 ريال

إينشتاين

15-04-2013, 08:58 AM

بصراحة اشكر مؤسسة حمد على هذي الخدمة الطيبة ..

سابقاً كنت تدخل على الدكتور في موعدك لمدة نص ساعة وتحتاج قبلها ساعتين تدور موقف هذا غير المخالفات.

دااانة قطر

15-04-2013, 08:58 AM

يعني اذا كنت بس ابي اخذ موعد وماياخذ مني الا ربع ساعه ادفع عن 3 ثلااث سااعات؟؟

المهاجر

15-04-2013, 09:12 AM

خدمه ممتازه تحسب لهم ليس عليهم

بدال ما الواحد يقعد يلف ويدور ويضيع وقته في البحث عن موقف فاضي

واللي ما يبي يدفع يتحمل اللف لين يلقى له موقف

ما اشوف فيها استغلال او جشع ابداً

أم نواري1

15-04-2013, 09:13 AM

مكتوب في الورقة انه ثلاث ساعات بمبلغ 15 ريال

وبصراحه شي حلو خاصة للحالات المستعجلة

وانا افضل يكون في سعر حق ساعة مثلا 5 ريال وساعتين 10 ريال والثلاث ساعات 15 ريال

أتفق معاج +1

ام السعف

15-04-2013, 09:27 AM

القبطان سلفر

15-04-2013, 01:11 PM

اشوفها خدمة تحسب لهم مع الزحمة الكبيرة في المواقف ،،
وفوقه اللي بيسلمهم سيارته بينزل عند البوابة وبياخذ سيارته من البوابة

ف 15 ريال تشتري فيها راحة من عناء الانتظار والبحث عن موقف ،،

الا اذا من الأساس مسكرين المواقف وماخذينها لهم علشان يصفون
للمراجعين سياراتهم بفلوس ،،
فهذا ظلم ،،
نحن هنا نتحدث عن مستشفى :(
ومتى ما دخلت الخدمات المدفوعه الاجر في المستشفيات الحكوميه وتم تصنيف الخدمات بمقابل مادي قولي على الحياديه والكفاءه السلام :weeping:

المفروض ان المواقف متوفره اساسا دون مقابل لانها حق من حقوق المراجعين وتوفيرها يقع على عاتق ادارة المستشفى في المقام الاول . وليس استغلال الوضع واستثمار المشكله لفتح مدخول مادي منه . الاساس غلط وغير منطقي . فبدل حل المشكله تأزيمها :eek5:

المرحب

15-04-2013, 01:40 PM

اشدخل حمد ؟؟ هذي شركة خاصة عشان تريح الناس من اللف من المواقف ، ولو انت سالت قبل كان عرفت انها بفلوس ،

مرحبا

أخت ضوى

الموظفين عليهم بدلات حمد الطبية

والمواقف تقريباً 3 مواقف في الزاوية عند مواقف المعاقين وموقف الاسعاف

وأزيدج من الشعر بيت

يستغلون ويستخدمون مواقف المعاقين :anger1:

tareq_qa

15-04-2013, 02:39 PM

خدمة ممتازة بصراحة

fhd4

15-04-2013, 03:50 PM

15 ريال بس ... الله يعطيهم العافية الصراحة ... هذي الخدمات الحلوة ولا بلاش ...

الخزرجي قطر

15-04-2013, 03:55 PM

خدمه ممتازه تحسب لمؤسسة حمد الطبيه
مع اعادة النظر في الرسوم الساعه اوجزء من الساعه 5 ريال بيكون مناسب

بصمة قطرية

15-04-2013, 04:07 PM

يعني اذا كنت بس ابي اخذ موعد وماياخذ مني الا ربع ساعه ادفع عن 3 ثلااث سااعات؟؟

و لا تقعدين تلفين ساعة
عشان تحصلين موقف
و انتي بس تبين تاخذين موعد
يعني يادوب ربع ساعة
الواحد يشتري راحته :victory:
بصراحة خدمة ممتازة
ريحت العالم من اللف و الدوارة بالساعات
عشان يحصلون موقف ..

تغلبية

15-04-2013, 08:54 PM

السحابة

15-04-2013, 09:12 PM

علي الأقل أحسن ماأخالف ويجيني غرامه 500او اكثر اشتري راحتي بس الحمدلله مااحتاجها عندي سايق

مرتبش

15-04-2013, 09:41 PM

تخلف..
رحت من فترة بسيطة على الساعة 7 الصبح وغصب حصلت موقف .. تبون تقنعوني كلهم مراجعين وكلهم مواعيدهم في نفس الوقت..

تخلف في المواقف والمواعيد وتخلف في البليب اللي يعطونك اياه للدخول على الدكتور. ههه مايشتغل

معماري قطري

15-04-2013, 11:06 PM

وليش ما تنحل أزمة المواقف للأبد؟

ليش ما تنعمل مواقف متعددة الأدوار بممرات حتى مكيفة للمستشفى ومن عدة جهات؟

المواقف الموجودة قليلة جداً وما ادري ليش عندنا بخل غريب من هالناحية التخطيطية.

وناس وايد يحبون يوقفون سياراتهم بروحهم ويخافون عليها فكيف يأمنون في ناس ما يعرفونهم ولا يعرفون خبرتهم في القيادة بتوقيف سياراتهم؟

بوحارب

16-04-2013, 02:57 AM

ll vip ll

16-04-2013, 05:44 AM

مرحبا

أخت ضوى

الموظفين عليهم بدلات حمد الطبية

والمواقف تقريباً 3 مواقف في الزاوية عند مواقف المعاقين وموقف الاسعاف

وأزيدج من الشعر بيت

يستغلون ويستخدمون مواقف المعاقين :anger1:

وذوي الاحتياجات الخاصة المساكين وين يوقفون او عليهم دفع الرسوم ،،، :anger1:
حتى في هذا استغلاليين وهمهم الفلوس ،،،، ولاتنسى سوق واقف والستي وووووو جايهم الدور

وليش ما تنحل أزمة المواقف للأبد؟

ليش ما تنعمل مواقف متعددة الأدوار بممرات حتى مكيفة للمستشفى ومن عدة جهات؟

المواقف الموجودة قليلة جداً وما ادري ليش عندنا بخل غريب من هالناحية التخطيطية.

وناس وايد يحبون يوقفون سياراتهم بروحهم ويخافون عليها فكيف يأمنون في ناس ما يعرفونهم ولا يعرفون خبرتهم في القيادة بتوقيف سياراتهم؟

صدقت اخوي معماري ،، مب بس المستشفى الابراج والمجمعات ووووو
تعبنا واحنا نتكلم ،،،،

بس ،،،،
http://farm3.static.flickr.com/2432/3620025994_1863403669.jpg

القبطان سلفر

16-04-2013, 07:59 AM

سلفر .. مشكلة المواقف تشكي منها اكبر الناطحات واسمنها والمنظر في منطقة الابراج مضحك مبكي

معاك المفروض تكون المواقف متوفرة لكن شالسواة لي صار هناك سوء تخطيط ؟!

مالي الا اشتري راحتي

نعم معاك توفير المواقف مشكله خصوصا في الدول ذات الكثافه السكانيه العاليه .
لكن بالنسبه لسؤ التخطيط فهي مشكله يتحملها المسؤولين في المقام الاول ولا يتحملها المواطنون خصوصا لدينا هنا . تحويل بعض الخدمات الى عمل مدفوع الاجر امر متعارف عليه دوليا ولاشئ في ذلك . اما ان تحيد المسأله عن شكلها الطبيعي وتضمين خدمات اخرى فأعتبرها تجاوزعلى حقوق المواطن وتحميله فوق طاقته .

المرحب

16-04-2013, 08:51 AM

يا جماعة

أعرف إنها خدمة جداً ممتازة

لكن المبدأ ليش يستغلون المواقف ويفرضون رسوم على المراجعين

حتى مواقف المعاقين إستغلوها

أفهموا معنى الموضوع جزاكم الله خير

:anger1:

R 7 A L

16-04-2013, 08:55 AM

لو يخلون المواقف بفلوس يكون افضل
على شان بعض النوعيات الي تخلص مواعيدهم ويقعدون بالساعات يحسون ويطلعون ويريحون الناس من زحمتهم الي مالها داعي

ام السعف

18-04-2013, 07:25 AM

نحن هنا نتحدث عن مستشفى :(
ومتى ما دخلت الخدمات المدفوعه الاجر في المستشفيات الحكوميه وتم تصنيف الخدمات بمقابل مادي قولي على الحياديه والكفاءه السلام :weeping:

المفروض ان المواقف متوفره اساسا دون مقابل لانها حق من حقوق المراجعين وتوفيرها يقع على عاتق ادارة المستشفى في المقام الاول . وليس استغلال الوضع واستثمار المشكله لفتح مدخول مادي منه . الاساس غلط وغير منطقي . فبدل حل المشكله تأزيمها :eek5:

شوف يا اخوي سلفر ،، عني كمرتادة مستمرة على عيادات حمد اقول لك
ان الأمر جدا مريح ومطلوب واشكرهم عليه ،،اليوم سوء التخطيط واقع لامحالة ونعاني من سوء تخطيط ندفع ثمنه من وقتنا وانتظارنا بالساعات لخروج سيارة من المواقف ودخولنا للموقف ،،

من عام 2005 كنت ارافق امي لمواعيد مستشفة حمد وما كانت عندي مشاكل مع المواقف ابدا لأن الدريول يصف عند بوابة العيادة ويروح يدبر عمره ،،

لكن من عام 2007 بعد ما تعب الوالد والغدة الدرقية افقدته ذاكرته لفترة من الزمن ،، كان يحتاج لوجود مرافق وياه حق مواعيده يعرف شنهي الأدوية اللي تنصرف له وشنهي الأمور المتعلقة بصحته ،،

تخيل يا اخوي سلفر ان كنا نعاني لو حبينا نروح قبل الموعد بنص ساعة فكنا نوقف ننتظر موقف فاضي تقريبا مرات بالساعة الكاملة ،،ولأن الوالد هو المريض وهو اللي يسوق ما يصير ينزلني ويروح يدور له الموقف مثل ما نسوي لو الوالدة يكون عندها موعد ونضطر
اندبر من يوصل العيال علشان الدريول يتفرغ لنا ،،

فشنهو الحل كان ؟

كنا نروح الصبح مع طلعة العيال ينزلوني بيت ابوي وادخل عليه واقعده من النوم واقول له عندنا موعد اليوم ،، وانتم نرتب له ملابسه ونلمع له جوتيه تكرم وهو معترض وما يرضى الا لو قلت له :يبه ترى بعدين البنات بيقولون عنك مب كشخة ،،

ونطلع ونوصل مع الأوائل ونلقى موقف وموعدنا باقي عليه ساعتين بس لأن قبل ما كانوا يهتمون بوقت الحضور فمن سبق لبق كنا ندخل على الطبيب على فكرة ترانا مرات كنا نوصل قبل وصول الكاتبات ،،

بس آخر مرة بالفعل حسيت بقيمة هالمواقف ومن تجربة خاصة قلت شكرا لهم

لأن امي كان عندها موعد واخوي الكبير طلب منها انه يوديها لظروف خاصة فيني
لكني دعست نفسي في السالفة لأني ما حبيت الخدامة تكون مرافقة لها و
قلت لهم بايي معاكم فكان اخوي هو السايق

فطلبت منه ينزلنا عند البوابة ويروح وكلمت الدريول اييني عقب ما ينزل اليهال ،،

من وصلنا عند بوابة حمد انتبه على اللي يصفون السيارات ظنهم مال الأمن قلت له هذي خدمة صف السيارات ،،فرح قال لي زين عيل بنزل معاكم وعندي وقت اروح الاجتماع عقب ،،

نزلنا وطلب من امي انه اييب لها كرسي متحرك رفضت قالت ما فيني شي واقدر امشي ،،
وصلنا الطابق الثاني ما قعد مكانه تحرك يمين ويسار لين خلص اجراءات
دخول الوالدة على الدكتورة وخلص فحص الدم ،، من دخلنا اشوي وامي تتعب
وما قدرت تمشي ،، في لمح البصر راح ياب لها كرسي من تحت ودزها ووداها معاه ورحت اخلص لها الموعد الياي وخذ الأوراق عني وراح الصيدلية ،، وحزتها كان الدريول والخدامة عند الباب قلت له بودي امي السيارة ،، قال لي وديها وردي الكرسي وخلي بطاقتي الشخصية
عندهم علشان ما اتييني فوق ،، وبشوف ادوية امي شنهي مشكلتها بنفسي
لأن امي تشتكي انها ما يصرفون لها الأدوية كاملة والطبيبة طلبت مراجعة
الصيدلية ،، وصلت امي السيارة ورديت الكرسي والعامل سلمني بطاقة اخوي
فرديتها له قلت له خلها عندك بييك اخوي وبياخذها ،،

تخيل يومها لو اخوي نزل امي مع الخدامة وهو لأنه يعرف مافي مواقف
راح شغله ورد لهم او طرش لهم دريوله ؟

امي المسكينة اشبيكون وضعها لما تتعب ؟

تخيل تعب امي لو كنت بروحي معاها وانتظر يتصلون في البوي ولين يوصل ولين يروح اييب لي الكرسي ،، طيب والأدوية والصيدلية ومشكلة امي مع نقص الادوية ،،
هذي بتحتاج زيارة ثانية مني للمستشفى ،،

مثل هالمواقف احنا بحاجة لها ،، حتى لو توافرت مواقف كثيرة خالية
لأن مرات المريض او صاحب الموعد هو اللي يسوق او يكون مرافق لمريض
فنحتاج للخدمة هذي وان توافرت مواقف بالجملة ،،

وصباحكم صحة وعافية

Mbarkaji

18-04-2013, 08:07 AM

الي يبي الخدمه موجودة والي مايبي يدفع يروح مبكر وخلاص الموضوع مايبيلا نقاش ش ش ش ش

القبطان سلفر

18-04-2013, 09:10 AM

شوف يا اخوي سلفر ،، عني كمرتادة مستمرة على عيادات حمد اقول لك
ان الأمر جدا مريح ومطلوب واشكرهم عليه ،،اليوم سوء التخطيط واقع لامحالة ونعاني من سوء تخطيط ندفع ثمنه من وقتنا وانتظارنا بالساعات لخروج سيارة من المواقف ودخولنا للموقف ،،

من عام 2005 كنت ارافق امي لمواعيد مستشفة حمد وما كانت عندي مشاكل مع المواقف ابدا لأن الدريول يصف عند بوابة العيادة ويروح يدبر عمره ،،

لكن من عام 2007 بعد ما تعب الوالد والغدة الدرقية افقدته ذاكرته لفترة من الزمن ،، كان يحتاج لوجود مرافق وياه حق مواعيده يعرف شنهي الأدوية اللي تنصرف له وشنهي الأمور المتعلقة بصحته ،،

تخيل يا اخوي سلفر ان كنا نعاني لو حبينا نروح قبل الموعد بنص ساعة فكنا نوقف ننتظر موقف فاضي تقريبا مرات بالساعة الكاملة ،،ولأن الوالد هو المريض وهو اللي يسوق ما يصير ينزلني ويروح يدور له الموقف مثل ما نسوي لو الوالدة يكون عندها موعد ونضطر
اندبر من يوصل العيال علشان الدريول يتفرغ لنا ،،

فشنهو الحل كان ؟

كنا نروح الصبح مع طلعة العيال ينزلوني بيت ابوي وادخل عليه واقعده من النوم واقول له عندنا موعد اليوم ،، وانتم نرتب له ملابسه ونلمع له جوتيه تكرم وهو معترض وما يرضى الا لو قلت له :يبه ترى بعدين البنات بيقولون عنك مب كشخة ،،

ونطلع ونوصل مع الأوائل ونلقى موقف وموعدنا باقي عليه ساعتين بس لأن قبل ما كانوا يهتمون بوقت الحضور فمن سبق لبق كنا ندخل على الطبيب على فكرة ترانا مرات كنا نوصل قبل وصول الكاتبات ،،

بس آخر مرة بالفعل حسيت بقيمة هالمواقف ومن تجربة خاصة قلت شكرا لهم

لأن امي كان عندها موعد واخوي الكبير طلب منها انه يوديها لظروف خاصة فيني
لكني دعست نفسي في السالفة لأني ما حبيت الخدامة تكون مرافقة لها و
قلت لهم بايي معاكم فكان اخوي هو السايق

فطلبت منه ينزلنا عند البوابة ويروح وكلمت الدريول اييني عقب ما ينزل اليهال ،،

من وصلنا عند بوابة حمد انتبه على اللي يصفون السيارات ظنهم مال الأمن قلت له هذي خدمة صف السيارات ،،فرح قال لي زين عيل بنزل معاكم وعندي وقت اروح الاجتماع عقب ،،

نزلنا وطلب من امي انه اييب لها كرسي متحرك رفضت قالت ما فيني شي واقدر امشي ،،
وصلنا الطابق الثاني ما قعد مكانه تحرك يمين ويسار لين خلص اجراءات
دخول الوالدة على الدكتورة وخلص فحص الدم ،، من دخلنا اشوي وامي تتعب
وما قدرت تمشي ،، في لمح البصر راح ياب لها كرسي من تحت ودزها ووداها معاه ورحت اخلص لها الموعد الياي وخذ الأوراق عني وراح الصيدلية ،، وحزتها كان الدريول والخدامة عند الباب قلت له بودي امي السيارة ،، قال لي وديها وردي الكرسي وخلي بطاقتي الشخصية
عندهم علشان ما اتييني فوق ،، وبشوف ادوية امي شنهي مشكلتها بنفسي
لأن امي تشتكي انها ما يصرفون لها الأدوية كاملة والطبيبة طلبت مراجعة
الصيدلية ،، وصلت امي السيارة ورديت الكرسي والعامل سلمني بطاقة اخوي
فرديتها له قلت له خلها عندك بييك اخوي وبياخذها ،،

تخيل يومها لو اخوي نزل امي مع الخدامة وهو لأنه يعرف مافي مواقف
راح شغله ورد لهم او طرش لهم دريوله ؟

امي المسكينة اشبيكون وضعها لما تتعب ؟

تخيل تعب امي لو كنت بروحي معاها وانتظر يتصلون في البوي ولين يوصل ولين يروح اييب لي الكرسي ،، طيب والأدوية والصيدلية ومشكلة امي مع نقص الادوية ،،
هذي بتحتاج زيارة ثانية مني للمستشفى ،،

مثل هالمواقف احنا بحاجة لها ،، حتى لو توافرت مواقف كثيرة خالية
لأن مرات المريض او صاحب الموعد هو اللي يسوق او يكون مرافق لمريض
فنحتاج للخدمة هذي وان توافرت مواقف بالجملة ،،

وصباحكم صحة وعافية

اعتراضي فقط على مسألة تحويل خدمه انسانيه الى مورد مادي .

لكن في نهاية الامر اذا سوف يسهل ويقلل من معاناة المرضي والمراجعين فأعتقد ترجيح رأيك من باب المفاضله .

الله يخليلك والدينك ويجزاك خير في برهم :)

ام السعف

18-04-2013, 09:17 AM

اعتراضي فقط على مسألة تحويل خدمه انسانيه الى مورد مادي .

لكن في نهاية الامر اذا سوف يسهل ويقلل من معاناة المرضي والمراجعين فأعتقد ترجيح رأيك من باب المفاضله .

الله يخليلك والدينك ويجزاك خير في برهم :)

شفت اشلون مرات امور ممكن نعترض عليها احنا لكن توفر الراحة لللآخرين
فلو ما تعرضت للمواقف المذكورة ما كنت بحس بقيمة الخدمة هذي ،،

ولو ما ذكرت هالمواقف اهنيه ما تكون لديك بعد آخر تقيس عليه الموضوع
رغم اتفاقنا على نقطة سوء التخطيط وعدم استغلال المواقف كلها للتأجير ،،

ويخلي لك من يعز عليك ويرزقنا بر الوالدين ورضاهم عنا يارب ،،
وجزاك الله كل خير على الدعوة الطيبة ،،

كازانوفا

18-04-2013, 09:21 AM

بالعكس يا المرحب خدمتهم رحمة من رب العالمين على عباده حلو انك تعطيهم الفتاح وتروح تلحق على موعدك