تسجيل الدخول

مشاهدة النسخة كاملة : خدمة 4g متوفر حاليا في مراكز أوريدو


رجل الجزيرة
15-04-2013, 04:17 PM
إخواني الكرام

السلام عليكم ورحمة الله وبركاته


وصلت رسالة من أوريدو عن طريق التويتر، فرجت لمركزهم في المخازن الكبرى وعبيت بيانات لطلب خدمة الفور جي بعد ما طبلوا مني البطاقة الشخصية فسألوني إذا كان عندي البروباند ل 3 جي فقلت لهم نعم: فسووا لي ترقية من 3 جي لفور جي فطبعا السرعة بطيئة بسبب بعد المسافة.

فبكرة أو بعد بكرة بنزلون البروباند والماي فاي الخاص بالفور جي.

وهذا الرابط ل قوة الإرسال: جيد وممتاز


http://www.ooredoo.qa/ar/DP_4G_ZONES?CSRT=9962576468012975419


وبالتوفيق.

================



المناطق المغطاة بشبكة 4G من Ooredoo

إن من أكثر المناطق الرائعة والمغطاة بانترنت جوال فائق السرعة هي تلك المغطاة بشبكة الجيل الرابع 4G من Ooredoo، وتشمل هذه المناطق اللؤلؤة وكتارا والخليج الغربي والكورنيش وسوق واقف وملاعب أسباير، بالإضافة إلى مناطق أخرى كثيرة.

بالإضافة إلى ما تقدم فقد قمنا بإضافة منطقتين جديدتين مغطاة بشبكة الجيل الرابع 4G وهما في منتجع السيلين والمنطقة المحيطة به والتي تبلغ مساحتها 20 كيلومترا، وتوفر لك هذه التغطية سرعات عالية من الانترنت الجوال بينما أنت تستمتع بالقيادة على الكثبان الرملية.

إذا كنت ترغب بالاستمتاع بخدمة الجيل الرابع 4G عليك بالتواجد أو الذهاب إلى إحدى هذه المناطق، وبمجرد تواجدك هناك سيمكنك الاستمتاع بالسرعات التي يوفرها، غير أنه وعند مغادرتك للمنطقة المغطاة بشبكة الجيل الرابع 4G فإن جهازك الجوال سيتحول تلقائيا إلى شبكة الجيل الثالث 3G. وإذا ما قمت بدخول المنطقة المغطاة بشبكة الجيل الرابع مرة أخرى سيتحتم عليك إعادة الاتصال بالانترنت حتى يتمكن جوالك من الوصول إلى شبكة الجيل الرابع 4G مرة أخرى.

يرجى الإطلاع على خارطة التغطية المفصلة لشبكة الجيل الرابع 4G لتتمكن من التعرف على المناطق ذات التغطية الأفضل بالشبكة. ونقوم حاليا بزيادة المناطق المغطاة بالشبكة تدريجيا ليس في الدوحة فحسب بل في جميع مدن قطر. وبحلول خريف 2013 سيتم توسيع الشبكة بحيث يصبح بإمكانك الاستمتاع بالتغطية حيثما تواجدت، ولن تضطر لمغادرة مناطق الجيل الرابع بعد ذلك.




الجيل الثالث

الجيل الرابع (ممتاز)

الجيل الرابع (جيد)







اخر تحديث للتغطية 31.03.2013

الخريطة توضح صورة تقريبية للتغطية.

توضح هذه الخريطة صورة تقريبية بمستوى عالٍ من الدقة لتغطية الشبكة اللاسلكية. وقد تختلف التغطية الفعلية عن الرسومات الموجودة بالخارطة طبقا للموقع وتغيرات الجو وكثافة الأشجار والمباني والمنشآت الأخرى وقوة الإشارة وأوقات ذروة الاستخدام وأجهزة العميل وغيرها من العوامل. و لا تضمن Ooredoo هذه التغطية، كما أن هذه الخريطة لا يقصد بها توضيح الأداء الفعلي ضمن الشبكة، ولا بيان الاحتياجات المستقبلية للشبكة أو تحديد المتطلبات اللازمة داخل وخارج المناطق المغطاة بشبكة Ooredoo حالياً.
النــادر
15-04-2013, 05:42 PM
وعليكم السلام ورحمه الله وبركاته

بارك الله فيك اخوي الغالي ولكن انا من متابيعن نتائج الخدمه ..

النتائج الواقعيه .. كلمت قسم المختص بخدمه 4جي واخبروني بانهم راح يوفرون الخدمه بتاريخ اليوم 15-4-2013 وانا كنت في آنتظار

وفي تاريخ 15-4-2013
راجعت قسم الستي وقالوا لقد تم تاجيل توفير الخدمه !!!! قلت شلون ومتى قالت الاخت ما عندنا اي خبر !!

رجعت واتصلت لهم قلت العلم صحيح اللي ذكر لي قالوا نعم صحيح !! السبب انهم ينتظرون الاجهزه تتوفر وهم قدموا طلب وإلى الان لم يتم الرد على الايميل !!! هل هذا معقووول

والله إن الموضوع لعبه و كلام جرايد فقط وتلاعب بين الشركات لكسب العملاء !!

للآسف كيوتل وآنا اكلمها اعرف انها غير كفو ولا تستحق الدعم

وبخصوص الخرطيه والتغطه !! كم مساحه قطر الهذا الدرجه صعبه على كيوتل التغطيه بشكل كامل للدوله

اقول كيوتل غطي مناطق بلادك بعدين اطلعي لنا عالميا
رجل الجزيرة
15-04-2013, 06:04 PM
أخي الحبيب

أنا كملت أريدو وقالوا لي عندك الستار لنك

وكلمت الساتر لنك وقالوا الليلة في الساعة 6 مساء بتتوفر أجهزة الفور جي إلي هم البروناباند والماي فاي على جميع فروعنا.

على فكرة

البوناند ب 599 ريال
والماي فاي ب 999 ريال
بس الزين إلي فيه إنه يوزع 10 أجهزة في نفس اللحظة

وسعر الخدمة ب 600 ريال.

وبارك الله فيك.
M.K.H
15-04-2013, 06:52 PM
كاتبين في توتر ان كل شهر بيضيفون برج جديد لتغطيه مناطق اكثر ..
وحاليا يقولون عندهم 100 ابرج لتغطيه المناطق الحيويه ..
ولو اني مش مهتم بهاالخدمه لكن اكيد في ناس ينطرونها
النــادر
15-04-2013, 08:32 PM
أخي الحبيب

أنا كملت أريدو وقالوا لي عندك الستار لنك

وكلمت الساتر لنك وقالوا الليلة في الساعة 6 مساء بتتوفر أجهزة الفور جي إلي هم البروناباند والماي فاي على جميع فروعنا.

على فكرة

البوناند ب 599 ريال
والماي فاي ب 999 ريال
بس الزين إلي فيه إنه يوزع 10 أجهزة في نفس اللحظة

وسعر الخدمة ب 600 ريال.

وبارك الله فيك.


بارك الله فيك اخوي رجل الجزيرة وفعلا متوفر عند شركة ستار لينك

لكن غريبه مثل شركة موفره الخدمه لم تسبق شركة ستار لينك !!

بجرب الخدمه بكره الصبح واشوف النتائج معهم .. وموقعي في صوره التغطيه لكيوتل ممتاز
النــادر
15-04-2013, 08:36 PM
كاتبين في توتر ان كل شهر بيضيفون برج جديد لتغطيه مناطق اكثر ..
وحاليا يقولون عندهم 100 ابرج لتغطيه المناطق الحيويه ..
ولو اني مش مهتم بهاالخدمه لكن اكيد في ناس ينطرونها


انت تبارك الله عندك خدمه الالياف اذا ماني بغلطان يعني ما تحتاج في الوقت الحالي ...

لكن كاشخاص ينتظرن خدمه الالياف لازم نسخن شوي بهذه الخدمه ونشوف نتائجها

والسرعه العاليه تنفع في تحميل الملفات والتبادل مع الاصدقاء كان فيديو او برامج او غيره

بشوف اقوى خدمه متوفره واشوفها ان شاء الله تكون فعاله بشكل ممتاز
رجل الجزيرة
15-04-2013, 09:40 PM
انت تبارك الله عندك خدمه الالياف اذا ماني بغلطان يعني ما تحتاج في الوقت الحالي ...

لكن كاشخاص ينتظرن خدمه الالياف لازم نسخن شوي بهذه الخدمه ونشوف نتائجها

والسرعه العاليه تنفع في تحميل الملفات والتبادل مع الاصدقاء كان فيديو او برامج او غيره

بشوف اقوى خدمه متوفره واشوفها ان شاء الله تكون فعاله بشكل ممتاز

أي والله أنا ماعندي خدمة الألياف الضوئية
بس العجيب - على حسب كلام موظف الستار لنك - قال لي إنه سرعته وصل ل: 140 ميجا.
ولكن عندي في البيت مازالت السرعة بطيئة. أقل من 5 ميجا.
airbus
15-04-2013, 11:15 PM
مشكور على الخبر

ولكن كيوتل مافلحت في الفايبر اوبتك بتفلح بي 4g !!!!!
للصبر اخر
16-04-2013, 08:40 AM
مشكور على الخبر

ولكن كيوتل مافلحت في الفايبر اوبتك بتفلح بي 4g !!!!!

:victory: :nice: :victory:
أسد الجزيرة
16-04-2013, 09:26 AM
هل هو 4G او 3G plus
وبشرالصابرين
16-04-2013, 09:33 AM
انا الحين كيف استفيد من خدمه 4جي ؟
النــادر
16-04-2013, 10:17 AM
بعد تجربتي لاول مره لخدمه فور جي

http://www.speedtest.net/result/2648736996.png

ملاحظة مهمه للاخوه اللي خذوا الجهاز

اولا لا يحتاج لتغيير الكرت الاولي

ثانيا عند تركيبك الوصله السوداء القديمه حق 3 جي ارسل رساله إلى 114 واكتب في الرساله 4g

ومباشره راح تجد رساله توضح انه تفعلت الخدمه والان ركب الكرت في الجهاز الجدد الخاص بالفور جي شرط ان منطقتك متوفر فيها الخدمه بشكل جيد


ملاحظة هامه بعد تجربتي لها مره اخرى نشاهد النتيجه :)

http://www.speedtest.net/result/2648742964.png

لانه خرج خارج تغطيه 4 جي مع اني نفس الوقت والجهاز ماحركته لكن ربك كريم وانا اقول ليه كيوتل ما خذت مني الا 60 ريال لتوفير الخدمه هههه يعني تسخين كم من سنه لتوفير الخدمه بشكل كامل مع العلم ان الخدمه بالخريطه متوفره بالمنطقه بشكل ممتاز يعني لا تاخذ على خريطه كيوتل المزيفه

بعد مالقت الشبكه اتوماتيكاً نلاحظ السرعه

http://www.speedtest.net/result/2648747249.png
النــادر
16-04-2013, 10:31 AM
صوره لتحملي ملف تورنت من سيرفر خاص لكن نشوف سرعه التنزيل من خدمه الفور جي

http://www.ansanbseet.com/om/uploads/13660973331.gif

دام التنزيل فوق 1 ميقا فهذا مناسب جدا ينزل ملف 2 جيجا في حدود 25 دقيقه تقريبا
النــادر
17-04-2013, 09:22 AM
اليوم الثاني مع الفور جي !!! الموافق تاريخ 17-4-2013

http://www.speedtest.net/result/2650992109.png
سعود00
17-04-2013, 10:05 AM
ماهي غريبه على كيوتل انهم ينزلون خدمه وهميه

لا توجد أجهزة متوفرة تغطي نصف الطلب ولا نص السرعة المعلن عنها في المناطق التي تغطيها خدمة 4G

يقولون سرعة التشغيل 100 ميغا يعني سرعة التنزيل اللي من المفروض استفيد منها 10 mb في الثانية

واقصى سرعة وصلت معاك امس اخوي النادر 33.33 mb يعني سرعة التنزيل 3 mb و300 كيلو بايت فالثانية

انا بستمر على الماي فاي 3G متوسط سرعة التنزيل 1 mb

للأسف كيوتل التحصيل المالي 200% والخدمه اللي توفرها للعميل على حسب منتجاتها ما تتعدى 10 % من اعلان عرض الخدمه الجديدة

بإنتظار إحترام كيوتل للعميل في مصداقيتها بتنزيل العروض الوهميه والإلتزام بما تعرضه لنا من خدمات وتوفيرها بشكل كامل على الأقل نصف سرعة التشغيل المعروضه 50 mb اي ما يعادل سرعة تنزيل 5 mb في الثانية
أسد الجزيرة
17-04-2013, 12:42 PM
المفروض سرعة التنزيل 12.5 mb/s
bo3adel
17-04-2013, 04:42 PM
السلام عليكم ورحمة الله وبركاته

امس فعلت خدمة الفور جي وماجربت سرعته الا اليوم في البيت

طبعا سالت الموظفه عن السرعه قالت ممكن توصل 140 ميقا في الثانيه على حسب الظروف

وبينت لي ان الظروف شبه مستحيل انها تتوفر في وقت واحد كلها مجتمعه ( الجو يكون صافي + محد ينزل غيرك في المنطقه + الارسال يكون فل + منطقه التغطيه ) ويمكن ذكرت اشياء ونسيتها

المهم هاي احسن نتايج طلعت لي من موقع سبيد تست . كوم

http://up.arab-x.com/May12/BpJ06011.png (http://up.arab-x.com/)

جربت اكثر من مره ودوم النتايج كانت في ال 20 لين ال 35 بالنسبه للتنزيل .. اما الرفع فالنتيجه مثل ماهي
bo3adel
17-04-2013, 04:49 PM
أخي الحبيب

أنا كملت أريدو وقالوا لي عندك الستار لنك

وكلمت الساتر لنك وقالوا الليلة في الساعة 6 مساء بتتوفر أجهزة الفور جي إلي هم البروناباند والماي فاي على جميع فروعنا.

على فكرة

البوناند ب 599 ريال
والماي فاي ب 999 ريال
بس الزين إلي فيه إنه يوزع 10 أجهزة في نفس اللحظة

وسعر الخدمة ب 600 ريال.

وبارك الله فيك.

والله ياخوي جوف الجهاز اللي في جرير نفس الماركه اتوقع ( هواوي ) صينيه مع ظمان سنه
خذت جهاز الفورجي قبل شهر بـ 700 او 600 ماتذكر بس مب اكثر
رجل الجزيرة
17-04-2013, 07:48 PM
والله ياخوي جوف الجهاز اللي في جرير نفس الماركه اتوقع ( هواوي ) صينيه مع ظمان سنه
خذت جهاز الفورجي قبل شهر بـ 700 او 600 ماتذكر بس مب اكثر

جزاك الله خير وبارك الله فيك

بس سؤال للجميع

البروندباند يحتر عندكم واجد وإلا ما يحتر أو يكون دافئ.

إلي عندي يحتر واجد لدرجة إني خايف ليذوب التشب حق أوريدو

وسؤألي لك أخوي أبوعادل

الهواوي إلي أنت شريته من جرير حرارته ساخنة وإلا دافية.


السرعة عندي ما بين 7 إلب 23 مبجا والكثير الأحيان أقل من 16 ميجا.


وتقبلوا تحياتي.
bo3adel
17-04-2013, 10:28 PM
جزاك الله خير وبارك الله فيك

بس سؤال للجميع

البروندباند يحتر عندكم واجد وإلا ما يحتر أو يكون دافئ.

إلي عندي يحتر واجد لدرجة إني خايف ليذوب التشب حق أوريدو

وسؤألي لك أخوي أبوعادل

الهواوي إلي أنت شريته من جرير حرارته ساخنة وإلا دافية.


السرعة عندي ما بين 7 إلب 23 مبجا والكثير الأحيان أقل من 16 ميجا.


وتقبلوا تحياتي.

والله ياخوي مب حار حار .. تقدر تقول دافي .. بس تحس بحرارته اذا كان ف الثوب

وهو لازم يحر بيني وبينك لانه يستقبل كم هائل من البيانات والجهاز صغير نسبيا .. يعني مافي امكانية للتهويه او شي من هذا القبيل ..

الجهاز اللي عندي على حسب ماذكر انه يشبك 10 اشخاص وسرعته توصل 140 في ظل الظروف الموائمه للوصول لهذي السرعه + ظمان سنه + موظف اوريدو قالي قبل شهرين ان المفترض يكون نفس الجهاز ذي اللي راح يجيبونه ^_^

اي حد عنده استفسار انا حاضر له
رجل الجزيرة
18-04-2013, 10:04 AM
والله ياخوي مب حار حار .. تقدر تقول دافي .. بس تحس بحرارته اذا كان ف الثوب

وهو لازم يحر بيني وبينك لانه يستقبل كم هائل من البيانات والجهاز صغير نسبيا .. يعني مافي امكانية للتهويه او شي من هذا القبيل ..

الجهاز اللي عندي على حسب ماذكر انه يشبك 10 اشخاص وسرعته توصل 140 في ظل الظروف الموائمه للوصول لهذي السرعه + ظمان سنه + موظف اوريدو قالي قبل شهرين ان المفترض يكون نفس الجهاز ذي اللي راح يجيبونه ^_^

اي حد عنده استفسار انا حاضر له

طيب عندك خبرة كيف أركب الماي فاي في الكمبيوتر السطحي مع العلم إن الوندوز عندي هو وندوز 8

لأني حاولت وكله يطلع:

Device not detected

فويش الحل بارك الله فيك؟
jaf111
18-04-2013, 10:51 AM
طيب عندك خبرة كيف أركب الماي فاي في الكمبيوتر السطحي مع العلم إن الوندوز عندي هو وندوز 8

لأني حاولت وكله يطلع:

Device not detected

فويش الحل بارك الله فيك؟

مرحبا اخوي رجل الجزيره

من الكمبيوتر الظاهر لانه تصادفني نفس المشكلة مع أجهزه واجد

ياالكمبيوتر يا الوندوز
رجل الجزيرة
18-04-2013, 01:22 PM
مرحبا اخوي رجل الجزيره

من الكمبيوتر الظاهر لانه تصادفني نفس المشكلة مع أجهزه واجد

ياالكمبيوتر يا الوندوز

طال عمرك

الماي فاي القديم (ال ثري جي) شغال عليه كمبيوتري مع وندوز 8

بس الجديد لا؟

وجزاك الله خير.

نسيت شيء:

جربت مع اللاب توب مع الوندوز 7 فإشتغل عال العال.

بس الجديد حق ال فور جي لا.
بونووف
20-04-2013, 09:51 AM
عندي سؤال شاغلني يوم قريت الشروط والاحكام

سياسة الاستخدام العادل: تم توفير باقة الخدمة غير المحدودة لغايات الاستخدام المعقول فقط. إن الاستخدام المفرط والمستمر للخدمة وبما يزيد عما تعتبره Ooredoo استخداماً معقولاً للمشترك العادي والذي يمكن أن ينتج عنه تأثيراً سلبياً على نوعية.

يعني كم اللمت .. لاني ناوي اخذ البرودباند واحطه فالملحق .. لانه ماقدر اوصل نت البيت لين عندي وحاولت امد واير لين عندي لكن النت وايد بطيء لانه المسافه وايد طويله من الراوتر لين الملحق

وحد جرب خدمة الفور جي فالبيت لانه يقولك الارسال يقل فالبيت .. ومنطقة جنوب الخييسه محطة كهرماء الجديده شلون الارسال هناك
النــادر
20-04-2013, 10:18 AM
اخوي qdvc حقيقه كيوتل خبيثه جدا انا عندي الثري جي مفتوح المتيد ومرات يفصل لما اشوف المشكله الحظ كلمه محدود تظهر وتختفي يعني شركة خبيثه من الدرجه الاولى

لكن حاليا ما انصحك بالفور جي يعني اذا تبقي تعتمد عليه بشكل رئيسي لانه ممكن يفصل من فور جي وينزل لثري جي وهذا ممكن يسبب فصل بالانترنت بعض المرات الا اذا تبي تستخدمه في تحميل ملفات كبيره عبر التورنت او مشبه راح يكون مناسب .

لكن للأستخدام العادي غير التحميل افضل الثري جي القديم

وفقك ربي لكل خير
بونووف
20-04-2013, 10:55 AM
والله ياخي احترت مع النت وتعلوزت بغيت افتح لي خط جديد ماقدرت لانه مافي مخرج رءيسي لكيوتل الا لخط واحد فالبيت ..

انزين بالنسبه للخدمه عندك .. قط مره تعديت اللمت .. ولا يفصل على طول .. لانه في ناس يقولون ماخذين الليمن غير لمت ووصلت لهم الفاتوره من اول شهر قريب 2000 ريال .. اخاف اخذها واتوهق
النــادر
20-04-2013, 03:04 PM
والله ياخي احترت مع النت وتعلوزت بغيت افتح لي خط جديد ماقدرت لانه مافي مخرج رءيسي لكيوتل الا لخط واحد فالبيت ..

انزين بالنسبه للخدمه عندك .. قط مره تعديت اللمت .. ولا يفصل على طول .. لانه في ناس يقولون ماخذين الليمن غير لمت ووصلت لهم الفاتوره من اول شهر قريب 2000 ريال .. اخاف اخذها واتوهق

اخوي الغالي انا عندي المفتوح المت تقريبا 400 ريال بالشهر ثابت افضل لك من المحدود لان المحدود لعبه كيوتل ناس والله ياخوك ما يخافون الله

انا عندي المفتوح وماذكر اني دفعت اكثر من 600 ريال لكن اهم شي احفظ الفواتير لما تدفع سو لك ملف لكيوتل علشان لو صار لعبه انك مادفعت ومن السوالف هذه تكون فواتير الدفع موجوده .

والله يخصوص انه يفصل نسبه بسيطه يعني ما توقع انه يكون عائق لكن يشتغل في العاده


وثانيا اخوي كيف استخدامك !!! هل هو تحميل افلام او مشابه او تصفح او الاستخدام له دور

وفقك الله لكل خير
airbus
20-04-2013, 03:08 PM
ترا كيوتل لما تقولك لا محدود ترا كلام فاضي لانه عندهم لي تقريبا 14 قيقا وبعدها يحسب عليك !!!
Qatar1987
20-04-2013, 08:32 PM
ترا كيوتل لما تقولك لا محدود ترا كلام فاضي لانه عندهم لي تقريبا 14 قيقا وبعدها يحسب عليك !!!





من قالك ذا الكلام
jaf111
20-04-2013, 09:19 PM
أنا عندي 3g واحد الأياح حملت مايقارب ال35 جيجا واستمريت لين ماحملت 240 جيجابايت في اسبوع

ماانقطع ولاشي
بونووف
21-04-2013, 07:40 AM
^
^
ماراح ينقطع لكن راح يحسبون عليك

.. لكن لحد الحين ماندري كم الحد المعقول بالنسبه لهم ..؟
بونووف
21-04-2013, 07:43 AM
ترا كيوتل لما تقولك لا محدود ترا كلام فاضي لانه عندهم لي تقريبا 14 قيقا وبعدها يحسب عليك !!!

متاكد 14 قيقا..؟ هم ذاكرين في الشروط
سياسة الاستخدام العادل: تم توفير باقة الخدمة غير المحدودة لغايات الاستخدام المعقول فقط. إن الاستخدام المفرط والمستمر للخدمة وبما يزيد عما تعتبره Ooredoo استخداماً معقولاً للمشترك العادي والذي يمكن أن ينتج عنه تأثيراً سلبياً على نوعية

بس ماعرف كم المعقول بالنسبه لهم

من امس وانا اتصل فيهم ابي حد يرد علي لكن لا حياة لمن تنادي
بونووف
21-04-2013, 07:45 AM
اخوي الغالي انا عندي المفتوح المت تقريبا 400 ريال بالشهر ثابت افضل لك من المحدود لان المحدود لعبه كيوتل ناس والله ياخوك ما يخافون الله

انا عندي المفتوح وماذكر اني دفعت اكثر من 600 ريال لكن اهم شي احفظ الفواتير لما تدفع سو لك ملف لكيوتل علشان لو صار لعبه انك مادفعت ومن السوالف هذه تكون فواتير الدفع موجوده .

والله يخصوص انه يفصل نسبه بسيطه يعني ما توقع انه يكون عائق لكن يشتغل في العاده


وثانيا اخوي كيف استخدامك !!! هل هو تحميل افلام او مشابه او تصفح او الاستخدام له دور

وفقك الله لكل خير
اي اذا فكرت اخذ البرودباند باخذ اللمت مفتوح .. بس لما قريت البند ترددت
قلت لك اخو النادر بخليه الجهاز الرئيسي فالملحق يعني بستعمله في كل شي .. لكن دايما استعمالي للنت هو تصفح .. يوتيوب .. واذا كان النت سرعته اوكي لعبت اون لاين ..اما افلام مانزل
airbus
21-04-2013, 10:14 AM
انا حذرث والي مب مصدق كيفه
ALJokar
22-04-2013, 02:21 PM
لا حد يشتري القطعه ابد نصبابين كيوتل من البارحه الى الان مايزيد الدوان لود عندي اكثر من ٤ ميغا بايت للاسف مع اني منطقتي فيها ٤ جي والجهاز ارساله ٤ جي فل وفي كذا منطقه مجربها لكن مافيه فايده كلمت كيوتل قالوا روح لستارلينك يشوف الجهاز ماعندهم جواب كافي كيوتل يردون عليك

نصيحه لاحد يشتري الجهاز ويتوهق نفسي انا رايح ستارلينك وبخبركم ويش بيصير معي

مع اني ادري وش راح يسوي بيوي ريست للجهاز وبيرجعه نفس مايسوي في القطعه ٣ جي القديمه يحطها عنده يوم او ساعات ويقول مر علينا بعد كم ساعه وكلها الا ضغطه زر يسويها ما تاخذ ٥ دقايق ولا تنحل المشكله بعد


انتظروني
jaf111
22-04-2013, 11:05 PM
لا حد يشتري القطعه ابد نصبابين كيوتل من البارحه الى الان مايزيد الدوان لود عندي اكثر من 4 ميغا بايت للاسف مع اني منطقتي فيها 4 جي والجهاز ارساله 4 جي فل وفي كذا منطقه مجربها لكن مافيه فايده كلمت كيوتل قالوا روح لستارلينك يشوف الجهاز ماعندهم جواب كافي كيوتل يردون عليك

نصيحه لاحد يشتري الجهاز ويتوهق نفسي انا رايح ستارلينك وبخبركم ويش بيصير معي

مع اني ادري وش راح يسوي بيوي ريست للجهاز وبيرجعه نفس مايسوي في القطعه 3 جي القديمه يحطها عنده يوم او ساعات ويقول مر علينا بعد كم ساعه وكلها الا ضغطه زر يسويها ما تاخذ 5 دقايق ولا تنحل المشكله بعد


انتظروني

سرعة 3g عندي بين 12-20 MB

غريبه يكون الجيل الرابع اسوء !
ALJokar
23-04-2013, 01:59 PM
ما هي غريبه على كيوتل

كيوتل تريدوووووو
ALJokar
23-04-2013, 10:31 PM
ستارلينك اخذو الجهاز وقالوا تعال بكره اخذه
ALJokar
24-04-2013, 09:27 PM
اخذت الجهاز من استارلينك وكان نفس ماتوقعت واسوأ
وكانت النتيجه تضيعه وقتي وخسارته فلوسي حتى ماتعب روحه وسوا ريست للجهاز رجعلي نفس ماكان بالضبط الاسم الويرلس ورقمه السري لو سوا اي شي مثل ريست راح يرجع للاعدادته الاصليه مثل الاسم ورقم السري تغير لكن شيك عليه ورد علي يقول ان السرعه ممتازه توصل الى ٧ وهي وانا عنده وقدامه ماتوصل حتى ٣ او ٤ ميغا لكن انا غلطان الي عاده الى الان انجرف وراء دعايات اريدوووو النصابين

طبعا كلمت اريدووو قالوا روح لاي فرع منا ورجع الجهاز ويمكن خلال ٤٨ ساعه يردون عليك الفلوس وان شاء الله بكره اروح لهم واكنسل الخدمه واخذ افلوسي
ام السعف
30-04-2013, 11:49 AM
اشلون اسعار الفور جي ،،

ممكن فكرة عنه لو سمحتوا
بونووف
30-04-2013, 01:55 PM
ام السعف قصدج سعر الخدمه ...الاشتراك ب 460 ريال وراح تحتاجين مع الخدمه قطعة البرودباند ياتكون يو اس بي ب 599 او الراوتر الصغير ( ماي فاي ) ب 999

عليج الحسبه
ام السعف
30-04-2013, 01:59 PM
ام السعف قصدج سعر الخدمه ...الاشتراك ب 460 ريال وراح تحتاجين مع الخدمه قطعة البرودباند ياتكون يو اس بي ب 599 او الراوتر الصغير ( ماي فاي ) ب 999

عليج الحسبه

واللي جواله متوفر فيه الخدمة هذي ومتوافقة مع ترددات كيوتل ؟

اشلون الاسعار تكون ؟

وكم تفرق من الثري جي
بونووف
30-04-2013, 02:18 PM
واللي جواله متوفر فيه الخدمة هذي ومتوافقة مع ترددات كيوتل ؟

اشلون الاسعار تكون ؟

وكم تفرق من الثري جي

ليحن مانزلو الخدمه للجوال بس متوفره للبرودباند الانترنت الجوال

قالوا بينزلونها اخر السنه وطبعا عطيهم بعد نص سنه زياده
ام السعف
30-04-2013, 02:20 PM
ليحن مانزلو الخدمه للجوال بس متوفره للبرودباند الانترنت الجوال

قالوا بينزلونها اخر السنه وطبعا عطيهم بعد نص سنه زياده

اهااا ،، زين طمنتني اجل اخذ الجوال اللي ابيه وما يهم اذا فيه فور جي اولا

شكرا لك :nice:
بونووف
30-04-2013, 02:57 PM
اهااا ،، زين طمنتني اجل اخذ الجوال اللي ابيه وما يهم اذا فيه فور جي اولا

شكرا لك :nice:

اي اذا انتي من النوع اللي تغيرين جوالج بين فتره وفتره خذي اللي في خاطرج لين ينزلون الخدمه لانه اكثر من تلفون بينزل وبمواصفات افضل

اما اذا من النوع اللي يحب يطول الجوال معاه خذي لج فور جي ورددي ياليل ماطولك مع اوريدو لين ينزلون الخدمه :tease:
بوخالد911
17-05-2013, 09:59 PM
انا دووم شابك ع 3 جي

ولا افكر ادفع رسووم زيادة

يمدحوون العقل