المساعد الشخصي الرقمي

مشاهدة النسخة كاملة : باركيه من عند ال نوح !! العازل


ليل وتعاليل
15-04-2013, 07:10 PM
السلام عليكم ..

انا انوي تركيب باركيه من عند ال نوح..

ولما اقارن العازل اللي شفته عندهم ضعيف جدا .. بالنسبة للي عند مفروشات الخليج مثلا ..

هل فيه وصف معين للعازل ؟؟

حد جربهم وكيف تجربته مع الصوت والرطوبة ؟؟ التركيب ؟؟

هل العازل اوكى ؟؟ والا لا؟

تنصحوني اتعامل معاهم والا؟؟

وجزاكم الله خير. .
بن غيث
15-04-2013, 07:28 PM
أنا بنصحك نصيحة.. وتأخذ بها.. أو لا..

مافي فنيين تركيب باركيه بقطر .. ولتركيب الباركيه طرق فنية مختلفة تماماً عن الي شفته عندنا
ليل وتعاليل
15-04-2013, 07:41 PM
يعني شنو يا بن غيث ...؟؟

اصلا فيه شي في قطر موجود له فنييين ؟؟؟


:(
بن غيث
15-04-2013, 07:46 PM
أخوي .. شوف باركيه فندق جراند حياه .. وللعلم أن تركيبه تم عن طريق أشهر شركات قطر
وشوف باركيه الديوان الاميري او قصر الوجبه ..

ونفس المشكله موجودة في تركيب الرخام ..
ليل وتعاليل
15-04-2013, 08:06 PM
معاااك حق ,, الشكوى لله ..
Chambray
15-04-2013, 11:33 PM
انا الباركيه مادخل مزاجي ابداً .. سبحان الله مادري احسه مش مناسب لاجواءنا ولا لعيالنا
ولد شرق
16-04-2013, 12:46 PM
انا الباركيه مادخل مزاجي ابداً .. سبحان الله مادري احسه مش مناسب لاجواءنا ولا لعيالنا

مش مناسب لأجوءنا مفهمومه
بس ممكن اعرف اشلون مش مناسب لعيالنا قبل ما اركب لأني ناوي
fahad1
17-04-2013, 08:44 AM
تحمل تتعامل معاه شغل تعبان ومافي مصداقيه في المواعيد
almaf1a
17-04-2013, 09:32 AM
الباركيه من رافكو جيد
مشكلته يطلع اصوات مع المشي
ممكن يصلح لغرف الملابس فقط
dream~qa
17-04-2013, 09:42 AM
الخليج عندهم نوعين من العازل

العازل العادي الصيني وهو اللي يجي ببلاش مع الباركية

والعازل الانجليزي المتين وسعره 40 ريال للمتر غير سعر الباركية

أنا ركبت النوعين في الغرف .

الانجليزي ممتاز وما يطلع صوت أبدا

العازل الخفيف الصيني هو اللي يطلع صوت وقت المشي

الاثنين ما تأثروا ولا تغيروا مع التنظيف والوقت .أهم شي لما ينكت عليهم أي سائل لازم يتنشف على طول .

بالنسبة لي مفروشات الخليج من ناحية التركيب والتعامل والسعر ممتازين وأحسن بوايد من ال نوح .
dream~qa
17-04-2013, 09:45 AM
انا الباركيه مادخل مزاجي ابداً .. سبحان الله مادري احسه مش مناسب لاجواءنا ولا لعيالنا

بالعكس أنا جربت السيراميك وجربت الزل وأخيرا ركبت الباركية وتحسفت أنا ما كان خياري الأول
ليل وتعاليل
19-04-2013, 02:27 PM
مشكووورين جميع ..
بناء ع مشورتكم توكلت ع الله ,, وخذت من عند ال نوح الباركيه بلجيكي شركة Quick Step ..
اللون رائع والنعله نفس اللون بالضبط .. ولهالسبب انا ركبت من عندهم لأنه مالقيت اللون اللي ابيه الا فمحلهم ..

العازل اللي عند ال نوح ضعيف وماعجبني فخذت من مفروشات الخليج عازل انجليزي سمك 4 مم ,
المتر ب 40 ريال ,,

كلفني كامل حق غرفه 6*5 تقريبا 4200 والسبب تكلفة العازل الاضافيه ..


النتيجة جيده جدا والصوت شبه معدوم .. التركيب كنظافة %85
ليل وتعاليل
20-04-2013, 12:47 PM
ونسيت أكتب الخلاصه ..


اللي يبي يركب باركيه أو خزائن ,, لا يفكر في غير ( رافكو ) وعن تجرربة ..

دقة نظافه شغل مررتب ومحترف ,,, للأسف ما لقيت اللون اللي ابيه عندهم ..
Mohd_MB
20-04-2013, 04:20 PM
وين مكانهم رافكو واذا عندك رقم للتواصل معاهم, طرشة لي عالخاص ولا تهون
almaf1a
21-04-2013, 08:46 AM
وين مكانهم رافكو واذا عندك رقم للتواصل معاهم, طرشة لي عالخاص ولا تهون

في اللقطه جنب تيك اوي