فحص مدى تكلفة البيسمنت (القبو) لارض قريبة من البحر؟ !!

[الـخـور]

السلام عليكم ورحمة الله

الاخوة الخبراء .. عندي استفسار جزاكم الله خير

هل هناك شركة تستطيع ان تختبر مدى جدوى عمل البيزمنت في ارض قريبة من البحر
حوالي 200 متر ..ومدى سعر التكلفة والعمل؟

[معماري قطري]

السلام عليكم ورحمة الله

الاخوة الخبراء .. عندي استفسار جزاكم الله خير

هل هناك شركة تستطيع ان تختبر مدى جدوى عمل البيزمنت في ارض قريبة من البحر
حوالي 200 متر ..ومدى سعر التكلفة والعمل؟

عليكم السلام ورحمة الله وبركاته

ما اني بخبير بس باحاول أجاوبك، مبدئياً تبغي تعرف طبيعة وظروف الأرض جيب عمال يحفرون في الأرض بعمق البيسمنت، ولو كنت متشكك أو الأرض كبيرة خلهم يسون حفرتين أو أكثر، ومنها بروحك تعرف طبيعة الأرض وبتقدر تشوف الملوحة والماي.

هذا أرخص الحلول وبعدين عندك لو ما تطمنت أو الأرض ناعمة أو كثيرة الأملاح، والشيء الصعب لو كانت جزء من صبخة.

فيه إحتياطات وطريقة للبناء بس كل ما كان الشغل معقد وصعب والمواصفات والحلول الموضوعة صعبه ومعقده كلما ارتفع السعر، لذلك من الطريقة المبدئية تقدر تعرف وحتى من رؤيتك للأرض من فوق بدون حفر إذا كانت صبخة إنسى موضوع البيسمنت وسو إحتياطات جيدة للأساسات ولحمايتها ولحماية حتى المنهولات، لأن واجهت أحد الإخوان مشكلة بناء هناك بأن فاضت المنهولات بماء البحر.

في حالة إصرارك على البيسمنت انا أرشح فكرة إنك تخلي البيسمنت نص دور تحت ونص فوق وتخلي جزئين لحايط البيت مع سور البيت الخارجي حديقة واطية محفور لها .. يعني تطلع من البيسمنت على الحديقة على طول وتصريف السقف يكون على الحوش المرتفع.

بعدين فيه تفاصيل قوية للعزل للبيسمنت من تحت ومن الأجناب هذي قصتها ثانية وتعتمد على دراسة التربة.

[Bozizoo]

مثل ماقال اخوي معماري قطري
اهم شي تعرف منسوب مستوى البحر وذلك بعمل حفر
لان لو كان مستوى البحر مرتفع يعني على عمق مترين ونص و اقل
من الافضل عدم عمل البزمنت
اما اذا كانت نوعية التربه مالحه لها معالاجات كثيره
منها عمل احلال لتربه و عمل عوازل و حديد ايبوكسي
هذا بختصار و احد الحلول

[naklan]

السلام عليكم ورحمة الله

الاخوة الخبراء .. عندي استفسار جزاكم الله خير

هل هناك شركة تستطيع ان تختبر مدى جدوى عمل البيزمنت في ارض قريبة من البحر
حوالي 200 متر ..ومدى سعر التكلفة والعمل؟


اهلا فيك اخوي الخور

اخوي ما فيه داعي تختبر وتتعب وتخسر فلوسك حتى داخل ماي البحر
الناس تبني اذا تبي تعمل بيسمنت العمل طريقته واحدة للبيسمنت
عمل حفرة بعمق القواعد مع ارتفاع البيسمنت
وعمل عوازل ليست بيتموين فقط وانما مع رولات قار
نفس السطح وتعمل مرتين يعني يلحم رولات ويرجع يلحم
عليها رولات ثانية

يعني تعمل مربع
فارغ للبناء وتعزله ويطلع نفس بركة السباحة وتبنى الفلة فيه هذا في
حالة صلابة الارض بعد الحفر اما اذا كانت رملية فلها طريقة اخرى
بطريقة الحفر العميق وصب بطريقة الحقن نفس ابراج الدفنة


انا عندي مشروع لعمارة فيها 2 بيسمنت تحت الارض يعني حفر 10 امتار
تحت الارض يفرغ الماي منها وتصب صبية عازلة للماي ووتغلف بالعازل
ارضية وجدران ويبنى المبنى فوقها وبطريقة القاعدة المتصلة الكاملة

تحياتي للجمــــــــــــــــــــــــــــــيع :)

[الـخـور]

جزاكم الله خير .. \\

اشكركم على ارائكم .. .. وتسلم اخوي نكلان على النصيحة
الارض شبه رمليه .. ودي اخذ معلومات اكثر عن طريقة الحقن الي تكلمت عنها

راح اتوكل على الله واحط بيزمنت ان شاء الله بدون ما افحص

[بن غيث]

:nice:



جزاكم الله خير .. \\

اشكركم على ارائكم .. .. وتسلم اخوي نكلان على النصيحة
الارض شبه رمليه .. ودي اخذ معلومات اكثر عن طريقة الحقن الي تكلمت عنها

راح اتوكل على الله واحط بيزمنت ان شاء الله بدون ما افحص

أصلاً فحص التربة .. وعمل الجسات الارضية هذا كله علم فاضي ماله معنى ..

دراسة جامعية للفني المختص وعلم التربة والجيولوجيا والمساحات .. كله ماله معنى ..

فعلاً .. توكلوا على الله

[Bozizoo]

:nice:




أصلاً فحص التربة .. وعمل الجسات الارضية هذا كله علم فاضي ماله معنى ..

دراسة جامعية للفني المختص وعلم التربة والجيولوجيا والمساحات .. كله ماله معنى ..

فعلاً .. توكلوا على الله

????!!!!!!

اشلون كلام فاضي يابن غيث

المفروض هذا الكلام مايطلع منك
يطلع من غيرك
انت صاحب خبرة كبيره و صاحب علم في المجال و اخر شي تقول كذا

عشان تعرف شنو الشغل الي بيصير
وتاخذ احتياطاتك و تجهيزاتك و قيمة المشروع
مب تنصدم مثل ماينصدومون اشغال بمشاريعهم
يتفاجئون في ارتفاع منسوب المياه الجوفيه

[(عبدالله)]

كالعادة أخونا معماري يشاركنا بخبرته وآراءه الأكثر من قيمة وعملية جزاه الله خير

أنا بقول لك تجربتي

بنيت بيسمنت في بيتي شمال دحيل.. المقاول لما حفر الأرض طلعت المياه الجوفية بغزارة
ولأن مافي نقطة صرف صحي في المنطقة اضطر يجيب من حسابه تناكر وتم يسحب الماي
مرتين في اليوم كل 12 ساعة كلفته (على كلامه) أكثر من 120 ألف ريال

لكن في النهاية بشطارته وشطارة الاستشاري قدروا يعزلون المنطقة كاملة ويعزلونها بالكامل
عن أي احتمال تسرب أو دخول ماي والحمدلله


الخلاصة

(1)
لابد من عمل فحص تربة وعلى أساسه ممكن تقدير كمية الماي في الأرض

(2)
والخطوة الثانية والأهم، هل يوجد صرف صحي في المنطقة عشان يتم تصريف الماي؟
إذا مافي صرف صحي.. التكاليف بتزيد عليك بسبة استخدام خيار التناكر

والله يوفقك

[معماري قطري]

كالعادة أخونا معماري يشاركنا بخبرته وآراءه الأكثر من قيمة وعملية جزاه الله خير

أنا بقول لك تجربتي

بنيت بيسمنت في بيتي شمال دحيل.. المقاول لما حفر الأرض طلعت المياه الجوفية بغزارة
ولأن مافي نقطة صرف صحي في المنطقة اضطر يجيب من حسابه تناكر وتم يسحب الماي
مرتين في اليوم كل 12 ساعة كلفته (على كلامه) أكثر من 120 ألف ريال

لكن في النهاية بشطارته وشطارة الاستشاري قدروا يعزلون المنطقة كاملة ويعزلونها بالكامل
عن أي احتمال تسرب أو دخول ماي والحمدلله


الخلاصة

(1)
لابد من عمل فحص تربة وعلى أساسه ممكن تقدير كمية الماي في الأرض

(2)
والخطوة الثانية والأهم، هل يوجد صرف صحي في المنطقة عشان يتم تصريف الماي؟
إذا مافي صرف صحي.. التكاليف بتزيد عليك بسبة استخدام خيار التناكر

والله يوفقك

الله يعافيك يا أخ عبدالله

إنت الوحيد اللي معاي الكل ضدي وصحيح آراء وأغلبها ممكنه.

انا يا اخوي من اللي شفته ما أأيد عمل بيسمنت في أرض قطر ولا أأيد عمل شوارع تحت منسوب الأرض .. في البداية تكون شوارع مرتبة وزينه وبعد ما يحول عليها الحول وينزل المطر يتسرب إلى طبقات الرتبة ويرطبها بعد ما تكون جافة وصلبة وتستوي هشة ولينه وتختلف مستويات الشارع.

البيسمنت يبي له إحتياطات، والعزل ضمانه 10 سنين أو 12 سنه بالكثير، وأهم شيء إبعاد الرطوبة عن الخرسانة لأن الخرسانة تكون في تشكيلها الميكروسكوبي إسفنجية وتمتص الرطوبة فكيف الماء، ولإبعاد الرطوبة يفترض البدء بالعزل الجيد ثم حمايته بطبقات حماية، وللأرضية لازم عمل عوازل كما للجوانب .. في النهاية شغل البيسمنت يطلع مكلف كثير لو إنعمل صح، والأوفر منه وايد عمل بنتهاوس أو طابق ثالث إن مشاها التخطيط العمراني.

حاب أضيف نقطة مهمة .. أغلب المقاولين يسوون الخرسانة بقوالب تتثبت في بعض بحديد يتمرر داخل بايبات بلاستك، وبعدها تبقى هذي البايبات مفتوحة ويتركب العازل فوقها ومن ضغط التربة ينفتح وينخرم العازل مكان هذا البايب المجوف ومنه يدخل الماي ويصب صب، والصحيح تركيب حديد بدون البايبات وقص الحديد بعد الإنتهاء من صب الخرسانة وتركه ساد الفتحة، مثل ما نبهني لهالحالة أحد المقاولين المخضرمين.

[معماري قطري]

معليش نسيتك بو زيزو ولا تهون

ألحين إستوينا 3 ضد 3 وإستوينا متعادلين :nice:

[هارودز]

يعطيكم العافية ماعليكم امر تقريبا كم سعر تركيب السراميك و تركيب الحمامات
تحياتي لكم

[Bozizoo]

معليش نسيتك بو زيزو ولا تهون

ألحين إستوينا 3 ضد 3 وإستوينا متعادلين :nice:

:victory:

[بن غيث]

????!!!!!!

اشلون كلام فاضي يابن غيث

المفروض هذا الكلام مايطلع منك
يطلع من غيرك
انت صاحب خبرة كبيره و صاحب علم في المجال و اخر شي تقول كذا

عشان تعرف شنو الشغل الي بيصير
وتاخذ احتياطاتك و تجهيزاتك و قيمة المشروع
مب تنصدم مثل ماينصدومون اشغال بمشاريعهم
يتفاجئون في ارتفاع منسوب المياه الجوفيه

هههههههههه

معقولة ما فهمت معنى كلامي .. !!!
وغريبة بعد .. مرت على معماري ..

[naklan]

متابعة لاراء اخواني الكرام لما قلت اعمل على طول
ليس الغاء معرفة طبيعة الارض وانما تصحيح للمعلومة الابتداء
بالحفر لموقع الفلة والبيسمنت بيعطي نتيجة ومعرفة ما يحتاج اخوي
الخور لعمله والدارج دائماً عندنا في قطر الارض صخرية وصلبة
والخور كذالك وبيطلع ماي لقربه من البحر وهذا بحد ذاته لا يشكل
مشكلة للبيسمنت بيحتاج ل 3.5 امتار مع القاعدة لو حسبنا
1.20 متر من البيسمنت فوق الارض



لذالك اخي الكريم ما فيه داعي تخسر فلوس على خبراء وتجارب
تاجير حفارة بوكلين في يومين او ثلاثة بيعملون لك حفرة 4 ×3 بعمق 3.5
اذا اردت التاكد من صلابة الارض شوف البوكلين في مراحل الحفر الاخيرة
هل الارض صلبة صخرية معناتها الامور في السليم وممكن تاخذ جزء
كبير من ناتج الحفر وتوديه المختبر في فريج بن عمران ويعطونك
النتيجة فورية عن الصلابة وهل يتحمل مبنى او لا



ولعمل البيسمنت تاكد اخوي من متطلباتك قبل الخرايط وايش نيتك
تستعمله لعمل المتطلابات الي تحتاجها للاستعماله واعمل شبابيك جانبية
للانارة توفيراً لعدم استخدام الكهرباء طوال اليوم وربي يوفقك

[معماري قطري]

هههههههههه

معقولة ما فهمت معنى كلامي .. !!!
وغريبة بعد .. مرت على معماري ..

هلا طويل العمر

يا اخوي انت تلمح وتتكلم بالإشاره وانا خلاص إستويت ما افهمها وهي طايره شكل ما يقولون، والله آبي آستفيد .. ما شاء الله معلوماتك انت غزيرة وكثير من الإخوان كذلك أولهم نقلان وشموخ دايم وكثير ما اذكرهم ألحين.

للأخ نقلان انا ذكرت قبل نفس كلامك وآرائنا تتطابق بخصوص الحفره العاديه، وحتى تكون ممكن بورور وعمال عاديين وبعد العمق المطلوب اللي بيكون في حدود 3 متر أو 3 ونص نشوف طبيعة الأرض وبنكون عارفين متى يطلع الماي إن وجد.

مشكلة منسوب المياه الجوفية دوم في تغير وغير ثابت، وخصوصاَ في منطقة قرب البحر، والحل المتبع في مثل هذي الحالات هو عمل قنوات تصريف تحت صبية المبنى المعزولة عزل جيد وحول جدران المبنى اللي تحت الأرض، بحيث يترشح لها الماي ويترسب في منهول وتشتغل مضخة تماتيك ترفع الماي للصرف الخارجي، وهذي العملية والإحتياطات كلها ما تسوى شيء ومكلفة والأفضل منها بناء دور إضافي أو بنتهاوس والله يعين على التخطيط.

[naklan]

بارك الله فيك اخوي معماري قطري
وارائنا تتطابق في الخير ان شاء الله انا اقول له توكل على الله
من باب توقع لاني سئلت باكستاني من زمان كان يحفر لي اساسات
وانكسر الهمر مال الحفارة من شدة الارض فسالته عن اقسى مكان
حفر فيه فقال لي الخور لذالك قلت لخوي الخور توكل على الله
منطقة الخورصخرية وما نستغني عن رأي اخوي شموخ
عن المنطقة واهل مكة ادرى بشعابها :)

[naklan]

جزاكم الله خير .. \\

اشكركم على ارائكم .. .. وتسلم اخوي نكلان على النصيحة
الارض شبه رمليه .. ودي اخذ معلومات اكثر عن طريقة الحقن الي تكلمت عنها

راح اتوكل على الله واحط بيزمنت ان شاء الله بدون ما افحص



بارك الله فيك اخوي الخور والله يسلمك ويحفظك
وعن طريقة حقن الارض وعمل اوتاد ماضن تحتاج لها
بعد متر او اثنين بتلقى الارض صخرية لكن على طلبك
وللثقافة العامة حق كل الاخوان رابط للموضوع
وبالصور والشرح للفائدة العامة


الرابط





http://www.arab-eng.org/vb/t183449.html

[شموخ دائم]

,

,


مرحبا

الخور كلها اشتغلنا فيها من شرقها الى غربها وشمالها الى جنوبها

الخور ارضها تنقسم الى 3 اقسام

من الميره الجمعيه والمسجد الكبير ونت رايح غرب ناحيه نادي الخور
وناحيه الاكاديميه
ارض صلبه وقاسيه جدا جدا صخريه واساس البيت العادي 2 بوكلين ياخذ شهر

ومن وسط الخور ورايح شرق ناحيه فندق السلطان
ارض رمليه طفليه عاليه الملوحه وحفارها بيوم واحد والبحر يطلع على عمق 4 متر

وناحيه شارع الامير اتجاه شرق وطريق النوف ( صبخه ) وماي البحر طالع بسطح ينشاف بالعين
نص متر يطلع بحر

ماعرف ارض صاحب الموضوع وين بالضبط

:)

,

,


اخوك


شموخ دائم

[معماري قطري]

بارك الله فيك اخوي معماري قطري
وارائنا تتطابق في الخير ان شاء الله انا اقول له توكل على الله
من باب توقع لاني سئلت باكستاني من زمان كان يحفر لي اساسات
وانكسر الهمر مال الحفارة من شدة الارض فسالته عن اقسى مكان
حفر فيه فقال لي الخور لذالك قلت لخوي الخور توكل على الله
منطقة الخورصخرية وما نستغني عن رأي اخوي شموخ
عن المنطقة واهل مكة ادرى بشعابها :)

الله يسلمك ويبارك فيك يا اخوي

صح كلامك وأضيف إن لكل أرض طبيعتها حتى لو بينها وبين أرض ثانية أمتار قليله .. وفحص التربة عن طريق مكتب مختص مكلف .. انا سويت لبنايه صغيره سنة 1997 بحدود 20000 ريال وبدون بيسمنت بس إحتدينا نسوي أساس قطعة وحده raft foundation وكان التأسيس فوق مستوى المياه الجوفية.

ومثل ما ذكرت قبل أحد الإخوان بنى فلل عادية من دورين في منطقة تبعد حول 300 متر من البحر وبدون بيسمنت بس تورط بدخول المياه للمنهولات، وأذكر حصل إنتفاخ في التربة وتفكك لسيراميك الأرضية بسبب إن الأرض رطبة وتعتبر صبخه.

[معماري قطري]

,

,


مرحبا

الخور كلها اشتغلنا فيها من شرقها الى غربها وشمالها الى جنوبها

الخور ارضها تنقسم الى 3 اقسام

من الميره الجمعيه والمسجد الكبير ونت رايح غرب ناحيه نادي الخور
وناحيه الاكاديميه
ارض صلبه وقاسيه جدا جدا صخريه واساس البيت العادي 2 بوكلين ياخذ شهر

ومن وسط الخور ورايح شرق ناحيه فندق السلطان
ارض رمليه طفليه عاليه الملوحه وحفارها بيوم واحد والبحر يطلع على عمق 4 متر

وناحيه شارع الامير اتجاه شرق وطريق النوف ( صبخه ) وماي البحر طالع بسطح ينشاف بالعين
نص متر يطلع بحر

ماعرف ارض صاحب الموضوع وين بالضبط

:)

,

,


اخوك


شموخ دائم


ما شاء الله عليك حطيت النقط على الحروف

أرض صديقي قبل لتدخل الخور بمسافة بسيطة وكانت بر بنى هناك وإحتد يبيع بخساره بسبب هالمشاكل وقلة العائد .. ألحين أتوقع أغلب الأراضي في هذي المنطقة مبنية.

[الـخـور]

,

,


مرحبا

الخور كلها اشتغلنا فيها من شرقها الى غربها وشمالها الى جنوبها

الخور ارضها تنقسم الى 3 اقسام

من الميره الجمعيه والمسجد الكبير ونت رايح غرب ناحيه نادي الخور
وناحيه الاكاديميه
ارض صلبه وقاسيه جدا جدا صخريه واساس البيت العادي 2 بوكلين ياخذ شهر

ومن وسط الخور ورايح شرق ناحيه فندق السلطان
ارض رمليه طفليه عاليه الملوحه وحفارها بيوم واحد والبحر يطلع على عمق 4 متر

وناحيه شارع الامير اتجاه شرق وطريق النوف ( صبخه ) وماي البحر طالع بسطح ينشاف بالعين
نص متر يطلع بحر

ماعرف ارض صاحب الموضوع وين بالضبط

:)

,

,


اخوك


شموخ دائم

مرحبا اخوي شموخ دائم

الارض قريبة من فندق السلطان جهة الساحل الشرقي
تسلم

[الـخـور]

الاخوة naklan و معماري قطر .. والجميع

جزاكم الله خير

[معماري قطري]

الاخوة naklan و معماري قطر .. والجميع

جزاكم الله خير

جزاك الله كل خير

وإن شاء الله تتوفق في بنيانك

مر فندق السلطان واسئلهم عن طبيعة الأرض هناك وإحتمال هم مسوين بيسمنت

[naklan]

مرحبا اخوي شموخ دائم

الارض قريبة من فندق السلطان جهة الساحل الشرقي
تسلم


الاخوة naklan و معماري قطر .. والجميع

جزاكم الله خير


وجزاك ربي الجنة اخوي الخور
الحين اتضحت لك ولنا الصورة وعلى قول اخوي شموخ دائم
يقول من وسط الخور ورايح شرق ناحيه فندق السلطان ارض رمليه طفليه
عاليه الملوحه وحفارها بيوم واحد والبحر يطلع على عمق 4 متر

اخوي الخور الحين انت خذت فحص مجاني والحمد لله من اخوي شموخ وما يحتاج
تعمل فحص تقول للاستشاري الي بيعمل مخططاتك عن ضروف تربة المنطقة وهو بيعمل
لك حلول واضن انك تحتاج لطريقة الاوتاد الي وضحتها لك سابقاً الارض رملية
وحتى تضمن انه ما تحصل عندك شروخ لازم تبني على ارض صلبة
العملية بتكلفك تكلفة عاليه في الاساسات والباقي عادي

وربي يوفقك اخوي الخور :)

[naklan]

اضيف هالفيديواخوي الخور للتوضيح عن الخوازيق
وبعد ذالك يتم تاسيس القواعد عليها وهذي مباشرة وارخص
من الحفروالتغليف ببيبات وبعد ذالك يتم الصب داخلها


الرابط للفيديو

http://ysv.me/734777

[معماري قطري]

مشكور أخ نقلان على المقطع التوضيحي

بس يا اخوي باوضح لك وللجميع حاجة مهمة .. تكلفة هذي الأساسات وايد أغلى من لو سوى صبية الدور اللي تحت الأرض كلها قطعة وحدة أساس .. وهذي تستخدم للعمارات العالية والأبراج، ولازم الإسمنت يكون مقاوم للأملاح والحديد مغلف والخرسانة شوي مايعة علشان الأرض بتتشرب كثير من ماي الخرسانة وبتنشف بسرعة ويمكن تتشقق.

طريقة ثانية لهذي الأساسات تكون ببايب كبير وعرض الحديد فيه يكون مدروس بحيث الصدأ لو أثر فيه يتآكل على مدى طويل يوصل 150 سنه، وإحتياط ضد الصدأ يمررون في البايبات تيار كهربي يعكس عملية الصدأ، وهذا البايب يحفر له في البداية ثم يطرق بمطرقة ضخمة مثل المسمار ليصل عمق بعده لا يتحرك بقوة الطرق، والعملية تحتاج دراسات جيولوجية خاصة وتعقيد وكانت شركات اوروبية مختصة هي اللي تسوي الأساسات في الدفنة في منطقة الأبراج.

في المرحلة الأخيرة تصب خرسانة داخل هذا البايب، وتثبت أعمدة الحديد على رأس البايب اللذي يكون أساس لأرضية البيسمنت فوقه ولكل ما يأتي بعد ذلك من أدوار.

هناك مناطق في العالم تستعمل طريقة مشابهة إنما بعمق بسيط جداً وللبيوت وبحيث تعمل الأساسات وتنتهي في فترة لا تزيد عن 24 ساعة، وبدون حفر نهائياً مثل ما يصير عندنا وهذه الطريقة مستخدمة عند الصهاينة فيما يسمى حالياً إسرائيل.

دورت في اليوتيوب فلم عن الطريقة اللي شفتها قبل، وما حصلت وهي تتلخص في حفر حفره عادية بمكينة خاصة وما تكون منتضمة .. بس ينحط الحديد فيها وينصب فوقة الكونكريت وتبقى أجزاء طالعة من الحديد لشبك حديد العمود، والعملية ما تاخذ ساعات.

حصلت طريقة جديدة للأساسات المنزلية وسريعة بس مكان النجوم حطو يوتيوب دوت كوم
http://www.************/watch?v=Q4svWNaE9EA

[naklan]

مشكور أخ نقلان على المقطع التوضيحي

بس يا اخوي باوضح لك وللجميع حاجة مهمة .. تكلفة هذي الأساسات وايد أغلى من لو سوى صبية الدور اللي تحت الأرض كلها قطعة وحدة أساس .. وهذي تستخدم للعمارات العالية والأبراج، ولازم الإسمنت يكون مقاوم للأملاح والحديد مغلف والخرسانة شوي مايعة علشان الأرض بتتشرب كثير من ماي الخرسانة وبتنشف بسرعة ويمكن تتشقق.




حياك الله اخوي معماري اخوي هالطريقة تستخدم ليس للابراج فقط ولكن
لكل بناء ليس تحته ارض صلبة اذ كانت الارض تحته رخوة رمل او صبخ او غير ذالك
يجب ان يعمل اوتاد لتحميل المبنى على ارض صلبة والاسمنت المقاوم يعمل في
اساسات كل المباني والحديد المغلف ابوكسي ما استعمل غيره
الفيديو الي انا وضعته مبين انه مبنى في منطقة صناعية
ومبني دورين او ثلاثه ممكن يكون في السعودية
او احد المناطق في الامارات ومع ذالك
عملو طريقة الاوتاد





طريقة ثانية لهذي الأساسات تكون ببايب كبير وعرض الحديد فيه يكون مدروس بحيث الصدأ لو أثر فيه يتآكل على مدى طويل يوصل 150 سنه، وإحتياط ضد الصدأ يمررون في البايبات تيار كهربي يعكس عملية الصدأ، وهذا البايب يحفر له في البداية ثم يطرق بمطرقة ضخمة مثل المسمار ليصل عمق بعده لا يتحرك بقوة الطرق، والعملية تحتاج دراسات جيولوجية خاصة وتعقيد وكانت شركات اوروبية مختصة هي اللي تسوي الأساسات في الدفنة في منطقة الأبراج.


اي مكان على البحر وارضه غير صخرية لازم يعمل بهذه الطريقة والا بعد كم سنه بتلقى الدور
الارضي اختفى تحت الارض الطريقة هذي نادره عندنا لن الارض صخرية ولكن بجانب البحر
وفي ارض هشة هي شر لابد منه :)


في المرحلة الأخيرة تصب خرسانة داخل هذا البايب، وتثبت أعمدة الحديد على رأس البايب اللذي يكون أساس لأرضية البيسمنت فوقه ولكل ما يأتي بعد ذلك من أدوار.

هناك مناطق في العالم تستعمل طريقة مشابهة إنما بعمق بسيط جداً وللبيوت وبحيث تعمل الأساسات وتنتهي في فترة لا تزيد عن 24 ساعة، وبدون حفر نهائياً مثل ما يصير عندنا وهذه الطريقة مستخدمة عند الصهاينة فيما يسمى حالياً إسرائيل.



اخوي معماري الطريقة هذي ما تقدر تحدد النزول حفر بسيط اوعميق الحفر
يكون الى ان تصل لارض صلبة


دورت في اليوتيوب فلم عن الطريقة اللي شفتها قبل، وما حصلت وهي تتلخص في حفر حفره عادية بمكينة خاصة وما تكون منتضمة .. بس ينحط الحديد فيها وينصب فوقة الكونكريت وتبقى أجزاء طالعة من الحديد لشبك حديد العمود، والعملية ما تاخذ ساعات.



حصلت طريقة جديدة للأساسات المنزلية وسريعة بس مكان النجوم حطو يوتيوب دوت كوم
http://www.************/watch?v=q4svwnae9ea



اخوي معماري دائما النقاش يطور الذات و الذاكرة اي فكرة
تمر عليك اطرحها وتاكد انها بتفيد اما طريقة القاعدة الواحدة تعمل على الاراضي
الصلبة وانا بعد شهرين او ثلاثه بعمل 2 بيسمنت تحت الارض بقاعدة متصله وبعوازل
وشغلها عندنا بقطر امره ابسط من دول اخرى معقدة يعملون فيها طرق لتدعيم التربة
من الانهيار متعبه اكثر ومخسرة اكثراو يكون بجانبك مباني اساساتها عميقة
شوف هالصورتين وطريقتهم لتدعيم المباني وربي يوفقك يالغالي :)



http://www6.0zz0.com/2013/04/28/17/575160219.jpg (http://www.0zz0.com)





http://www6.0zz0.com/2013/04/28/17/857594067.jpg (http://www.0zz0.com)

[معماري قطري]

هذي الله يسلمك مدعمه بصب خرسانات على حواف الأرض وبعدين يحفرون ويركبون هذي البايبات ببراغي كبيرة تتثبت في الخرسانة علشان ما تنهار بقوة دفع التربة حولها، وحافرين غزير وايد وهم ألحين مأسسين وإحتمال قبل التأسيس مسوين طريقة المسامير أو الخوازيق أو البايلز وفوقها جاي التأسيس، ويبين العمق كبير حق كم دور تحت الأرض.

بس إنت بتسوي دورين تحت الأرض بطريقة الرافت فاونديشن .. اللي تجي صبية كاملة ولازم بتسوي إحتياطات العزل الكامل، وهذي عمارة ولازم سويت فحص تربة .. صح؟ ومعروف وزن العمارة يختلف عن وزن البيت وللبيت العادي خصوصاً اللي ببيسمنت في قطر طريقة الأساسات ذي تكون غير مجدية .. يعني بتطلع على الأقل مكلفة ضعف الأساس الي قطعه وحده، وأصلاً هذي الصبية اللي هي أساس بتكون في نفس الوقت أرضية البيسمنت.

حق عماره 4 أدوار مسوي مره صبية قطعة وحدة والحمد لله للحين بتكمل 15 سنه وهي حالها جيد ولا فيها مشاكل أساسات مع العلم إن المياه مرتفعة والأرض ضعيفة.

[naklan]

هذي الله يسلمك مدعمه بصب خرسانات على حواف الأرض وبعدين يحفرون ويركبون هذي البايبات ببراغي كبيرة تتثبت في الخرسانة علشان ما تنهار بقوة دفع التربة حولها، وحافرين غزير وايد وهم ألحين مأسسين وإحتمال قبل التأسيس مسوين طريقة المسامير أو الخوازيق أو البايلز وفوقها جاي التأسيس، ويبين العمق كبير حق كم دور تحت الأرض.



هلا باخوي الغالي معماري شفت شلون شغل مكلف بسبب ان الارض ضعيفه في
بعض البلدان اما عندنا ههههههه الارض اصلب من الخرسانه الحفار يوقف جنب الحفره
بثقة لذالك احنا افضل من غيرنا في التكلفة ما ينحسب علينا مصاريف تدعيم التربة


بس إنت بتسوي دورين تحت الأرض بطريقة الرافت فاونديشن .. اللي تجي صبية كاملة ولازم بتسوي إحتياطات العزل الكامل، وهذي عمارة ولازم سويت فحص تربة .. صح؟ ومعروف وزن العمارة يختلف عن وزن البيت وللبيت العادي خصوصاً اللي ببيسمنت في قطر طريقة الأساسات ذي تكون غير مجدية .. يعني بتطلع على الأقل مكلفة ضعف الأساس الي قطعه وحده، وأصلاً هذي الصبية اللي هي أساس بتكون في نفس الوقت أرضية البيسمنت.


نعم اخوي معماري
بطريقة الرافت فاونديشن والفلات سلاب للسقوف وباعمل اكيد عوازل
دبل اما فحص التربة ما عملت لين الحين بعد الحفر يبين كل شي بس جيراني يمين ويسار
الارض صخرية وقاسية الحفار يولع الهمر وساعات ينكسر من قسوة الصخور باعاين
الحفر وباقرر لو شفت ان الوضع يتطلب ذالك مع اني متاكد ان الارض عندي اقسى
من الخرسانة المسلحة بعد المترين انسى الحفار يسوي له مترين في اليوم

اما بالنسبة لوزن العمارة فهو اعلى اكيد اعلى من الفلل ضعف الوزن تقريباً . الي
مسموح به في مكاني 3 ادوار و2 بيسمنت للمواقف للسيارات وهذا ارتفاع بسيط
هذي قاعدة عمارة بالنسبة للدول الاخرى مثل الامارات بين الشارقه ودبي
المنطقة عندهم غير محددة الارتفاع يعني قد ما تقدر تبني مسموح اما
عندنا اذا تبي ارتفاع دور يمكن تموت وما تحصله :secret:


حق عماره 4 أدوار مسوي مره صبية قطعة وحدة والحمد لله للحين بتكمل 15 سنه وهي حالها جيد ولا فيها مشاكل أساسات مع العلم إن المياه مرتفعة والأرض ضعيفة.


والله ياخوي معماري شي عجيب المصريين اراضيهم زراعية طين تقول صبخه
ويحفرون شوي ويدفنون برمل ويوازون ويدكون الارض ويبنون على ارض مدفونه
4 و5 ادوار وتعيش 500 سنه لعيال عيالهم لو تشوف بنيانهم ما يجي نص العناية
الي عندنا ويعمر سبحان الله :)

[بن غيث]

مقتبس من رد .. naklan

هلا باخوي الغالي معماري شفت شلون شغل مكلف بسبب ان الارض ضعيفه في
بعض البلدان اما عندنا ههههههه الارض اصلب من الخرسانه الحفار يوقف جنب الحفره
بثقة لذالك احنا افضل من غيرنا في التكلفة ما ينحسب علينا مصاريف تدعيم التربة

بالعكس تماماً .. الارض الصلبة جداً او الصخرية .. أخطر بكثير
وتحتاج حسابات ودراسة ونوعيات جيده من الاضافات للخرسانة
لآن لاقدر الله .. في حاله حدوث كسر في القواعد نتيجة ضعف او غيره من العوامل الاخرى
النتائج تكون أخطر بكثير ..

[معماري قطري]

مقتبس من رد .. Naklan

هلا باخوي الغالي معماري شفت شلون شغل مكلف بسبب ان الارض ضعيفه في
بعض البلدان اما عندنا ههههههه الارض اصلب من الخرسانه الحفار يوقف جنب الحفره
بثقة لذالك احنا افضل من غيرنا في التكلفة ما ينحسب علينا مصاريف تدعيم التربة

بالعكس تماماً .. الارض الصلبة جداً او الصخرية .. أخطر بكثير
وتحتاج حسابات ودراسة ونوعيات جيده من الاضافات للخرسانة
لآن لاقدر الله .. في حاله حدوث كسر في القواعد نتيجة ضعف او غيره من العوامل الاخرى
النتائج تكون أخطر بكثير ..


بعدين عندنا مشكلة المياه الجوفية , لو اليوم على عمق 3 أمتار بكره تصير على عمق متر، ولهالسبب أرض قطر ضعيفة وايد والإحتياطات للبيسمنت لازم تكون قوية ومكلفه، وأفضل بكثير البناء فوق ونسيان البيسمنت بالكامل.

أتعجب كثير لمشاريع أشغال اللي كلها تحت الأرض وأنفاق حتى الشوارع العادية تكون لو 20 سم تحت مستوى التربة .. المهم تحت ويستغربون شلون الماي خرب التربة المدكوكة اللي كنها بسكوت يابس يلين ويتنفخ من أقل قطرة ماي .. وإذا القار تحلل وتقشع بسهولة بسبب المطر والمطر ينزل في بلاد العالم اللي يبنون صح ويسوون تصريف صح وحماية للتربة المدكوكة صح وشغل يدوم.

[naklan]

مقتبس من رد .. Naklan

بالعكس تماماً .. الارض الصلبة جداً او الصخرية .. أخطر بكثير
وتحتاج حسابات ودراسة ونوعيات جيده من الاضافات للخرسانة
لآن لاقدر الله .. في حاله حدوث كسر في القواعد نتيجة ضعف او غيره من العوامل الاخرى
النتائج تكون أخطر بكثير ..


حياك الله اخوي بن غيث
ممكن توضيح لما ذكرت كيف يحدث كسر في القواعد
وهل تعتقد انه ممكن يصير كسر في قواعد عملت بطريقة
الرافت فاونديشن قاعدة واحده مسلحة وبسماكة متر و20 صانتي
كيف يصير فيها ضعف ويا ليت اذا عندك مرجع لما ذكرت
تطرشه لي لو على الخاص لزيادة المعلومات
ابغي اتثقف واطلع باكون شاكر لك

ولك كل الاحترام والتقدير

[بن غيث]

اذا كنت تجيد اللغة الانجليزية .. أنصحك بكتاب Concrete foundations
وهو جزئين .. أتمنى أن تستفيد منه وتتعلم أصول مهنة البناء والتشيد الحقيقية
لك تحياتي ..

[الـخـور]

بعدين عندنا مشكلة المياه الجوفية , لو اليوم على عمق 3 أمتار بكره تصير على عمق متر، ولهالسبب أرض قطر ضعيفة وايد والإحتياطات للبيسمنت لازم تكون قوية ومكلفه، وأفضل بكثير البناء فوق ونسيان البيسمنت بالكامل.

أتعجب كثير لمشاريع أشغال اللي كلها تحت الأرض وأنفاق حتى الشوارع العادية تكون لو 20 سم تحت مستوى التربة .. المهم تحت ويستغربون شلون الماي خرب التربة المدكوكة اللي كنها بسكوت يابس يلين ويتنفخ من أقل قطرة ماي .. وإذا القار تحلل وتقشع بسهولة بسبب المطر والمطر ينزل في بلاد العالم اللي يبنون صح ويسوون تصريف صح وحماية للتربة المدكوكة صح وشغل يدوم.


اخ معماري صراحة خليتني شوي متخوف من شغله البيزمنت وانا كنت متحمس لها جدا
انا بخاطري البزيمنت لكن مشكلة لو الاساس ضعيف ..خصوصا لارض قريبة من البحر
وفنفس الوقت مشكلة لو التكلفة كانت اكثر من المتوقع

هل من طرق لتاكد من سلامة وقوة الاساسات

[بن غيث]

عزيزي .. الخور

أنا ومعماري نتكلم عن أهمية إجراء فحص التربة قبل وضع تصميم للمبنى ..
وأنا شخصياً من مؤيدي البنيان الرأسي وبناء القبو مع المباني .. لعدة أسباب فنية وأقتصادية وأمنية ..

لك تحياتي ..

[الـخـور]

هل في طريقة يكون في البزيمنت مثل تصريف للماء على الاطراف بحيث حتى لو صار تسريب
يكون هناك مثل الانابيب الصرف تودي الماي الى المجاري


وكان عندي سؤال بخصوص الحديد .. ودي اعرف هل ممكن ان يكون اساسات المنيوم لانها ماتصدا بدل الحديد
والا تعتبر غير مجدية؟ او مكلفة جد؟؟

[بن غيث]

الموضوع أبسط مما تتوقع .. أختار أستشاري جيد .. وبيشرح لك كل التفاصيل

[معماري قطري]

هل في طريقة يكون في البزيمنت مثل تصريف للماء على الاطراف بحيث حتى لو صار تسريب
يكون هناك مثل الانابيب الصرف تودي الماي الى المجاري


وكان عندي سؤال بخصوص الحديد .. ودي اعرف هل ممكن ان يكون اساسات المنيوم لانها ماتصدا بدل الحديد
والا تعتبر غير مجدية؟ او مكلفة جد؟؟

هذي الله يسلمك يسونها في الدول اللي فيها قوانين صح وناس فاهمه صح .. يسوون شبكة بايبات حول وتحت صبية المبنى بحيث تمتص أي رطوبة من الأرض قبل تدخل أو تلتصق في حايط البيسمنت، وهذي الطريقة بالإضافة إلى العزل القوي وإلى وضع طبقات تسمح للماء بالنزول تحت والوصول للبايبات ولا تسمح بدخول الرمل وسد هذي البايبات.

وبعدين يكون فيه منهول كبير ينملي بالماي وتشتغل مضخة تماتيك بعوامة وتطلع الماي للمجاري العامة .. عندنا الوضع يختلف وممنوع تشبك مع المجاري العامة.

انا واحد من قريب وعزيز علي حب يبني بنيان تجاري وفي معيذر ويبي يستفيد من الأرض اللي هي صخرية وقوية وبعيدة كل البعد عن المياه الجوفية ولا فيه تاريخ لحدوث هالمشكله حوله، فنصحته بالبنيان وبنيان بيسمنت حتى يستفيد .. بس نصيحتي طلعت مب في محلها وسرب البيسمنت ماي بكثره، وإضطر يسوي شغل كبير من حفر وعزل قوي للحوائط.

إذا المادة متوفره ولا تهمك خذ إحتياطاتك لعزل قوي وتوكل على الله، أو سو طابق 3 لو سمحوا لك التخطيط أو بنتهاوس أكبر ماتقدر.

ولا تنسى شيء مهم هذي كلها آراء وملاحظات نشوفها ونسمع بها، ويمكن ما اقوله انا وما اقتنع به انا يخالفني فيه انسان مجرب ومستفيد من البيسمنت استفادة كبيرة ولا صادفته مشاكل وهو صح في رأيه وانا أشوف نفسي صح في رأيي حسب ملاحظاتي.

درست في ميامي وأرض فلوريدا بالذات نازلة وقريبة في الظروف من أرض قطر بس تختلف إنها أمطارها كثيرة وفيها غابات ومستنقعات، لكن بالنسبة للإنبساط وعدم وجود جبال وإحتمال إرتفاع منسوب المياه الجوفية، وعندهم مشكلة الرياح القوية والأعاصير اللي تحمل معاها أمطار غزيرة، ولاحظت عدم وجود أنفاق بمعنى الأنفاق في المدينة والشوارع أغلبها في مستوى مرتفع عن الأرض، وحتى البنايات اللي فيها بيسمنت قرب البحر خطرة للغاية ويطلبون إخلاءها وقت الإعصار، وغرقت سيارات ناس أعرفهم في بيسمنت مواقف في عمارة بسبب المطر القوي، وبالنسبة للبيوت العادية ما صادفت منزل ببيسمنت نهائياً، وأتوقع السبب المياه وصعوبة وتعقيدات البيسمنت هناك، ووضعنا مشابه بالنسبة لإنبساط الأرض لكن المياه ترتفع من تحت لفوق، وما تنزل كأمطار قوية.